الفصل السابع:
وصل الجميع إلي مدينة الغردقة في المساء و اتجهوا إلي شاليه عائلة العمري و أنزلوا الحقائب من السيارات و أدخلوها إلي الشاليه...
إياد: جميلة تعالي نخرج يلا..
جميلة باستغراب: دلوقتي يا إياد!!
إياد: أيوة يا قلبي..ايه المشكلة يعني؟؟
مازن:اخلجي(اخرجي)يا مامي يلا..
جميلة:انتوا الاتنين شكلكوا متفقين علي حاجة...
إياد /مازن بابتسامة متسعة:إحنا...خالص...
جاسر:ما تخلصينا و تخرجي بئة محسساني هيخطفك يعني...
جميلة:طيب طيب خارجة...في إيه!!...يلا يا حبيبي...و لفت يدها حول ذراع زوجها و خرجا و هما يضحكان...
انتظر جاسر حتي خرجا ثم قال:يلا نجهز الحاجة بئة..مين هيروح يجيب التورتة يا جماعة؟؟
بهجت: أنا يا جاسر..
جاسر:تمام...و أنا هروح أشوف محل زينة قريب من هنا و اشتري الحاجة...
نادية:تمام...و إحنا هنظبط المكان هنا..بس ابعت لجاسر رسالة قوله يطول برا عشان ناخد راحتنا و نلحق نخلص قبل ما ييجوا...
جاسر:حاضر يا ماما.....
و بدأ الجميع في العمل بسرعة و وصل كريم و والدته و زوجته و تشاركوا جميعا في الإعداد لحفل عيد ميلاد جميلة......
...................................
علي شاطئ البحر،،
جلس إياد علي الرمال و بجانبه زوجته التي و أسندت هي رأسها علي كتفه فوضع يده علي كتفها...
جميلة: الجو حلو هنا...مش ساقعة زي اسكندرية..
إياد:اه أدفي من هناك...في شوية هوا بس...ثم أعاد خصلة شعرها الذي عبث به الهواء خلف أذنها و همس في أذنها قائلا:بحبك...
جميلة بهمس:و أنا كمان....
إياد و هو يقف:بقولك إيه تعالي نجيب أيس كريم و نتمشي شوية...
جميلة و هي تقف أمامه:هو إحنا هنروح امتي يا إياد؟؟
إياد:هو إحنا ورانا حاجة...؟؟
جميلة:لا...بس المفروض نقعد شوية مع الناس اللي معانا دول..
إياد بمزاح:مش عايزة تقعدي معايا يعني!!
أنت تقرأ
أحببت ظابط شرطة 2
Aksi"كثيرًا ما نتمني لو ظلت حياتنا هادئة بلا مشاكل تعكر صفوها...و لكن ليس كل ما نتمناه يحدث..فعلينا في بعض الأحيان أن نواجه المشكلات التي قد تعصف بحياتنا و تقلبها رأسًا علي عقب...فهل ستكون تلك المشكلات مصدر قوة لنا أم ستدمر حياتنا بلا رحمة ؟؟؟"
