Love is Art [COMPLETED]

LIA • 5

" sehun အဆင်ပြေရဲ့လား… သက်သာသွားပြီလား "

အခန်းထဲ ပြေးဝင်လာတဲ့ Chanyeol နဲ့အတန်းဖော်အချို့ကို Sehun ကျေးဇူးတင်သွားသည်။ နို့မို့ဆို အစ်ကိုနဲ့သူနဲ့ တစ်ယောက်ကိုတစ်ယောက် မျက်နှာပူနေတာနဲ့တင်။

" အင်း ပတ်တီးစည်းပေးသွားတယ် ဆရာဝန်က "

ဘယ်တည်းက ရှောင်ချင်နေမှန်းမသိသော အစ်ကိုက Chanyeol တို့ရောက်လာသည်နှင့် အခန်းထဲက ထွက်သွားတော့သည်။

" ဒါနဲ့ အဲ့ဒီမှန်ကွဲတွေက ဘယ်လိုဖြစ်တာလဲ "

" lab ခန်းမှာ ပေါက်ကွဲမှုအသေးစားလေး ဖြစ်လို့… အဲ့တာနံရံက မှန်တွေကို မီးသွားဟပ်လို့… အဲ့တာ "

" အာ… အင်း အင်း "

Sehun ကျောင်းကိုလည်း အပြစ်မတင်မိ… ။ ဘာကြောင့်မှန်းမသိပေမယ့် ဘယ်သူ့ကိုမှ စိတ်လည်းမဆိုးပါ… ။ ခြေထောက် ဒဏ်ရာကို ကြည့်ရင်း တစ်ခုကို သတိထားမိသွားသည်။

" ဟင်… ဘောင်းဘီ… ငါ့ဘောင်းဘီကို ကတ်ကြေးနဲ့ခွဲသွားတာလား… "

အောက်ခြေမှ ပေါင်လယ်လောက်ထိကို ကတ်ကြေးနဲ့ ဖြဲထားသည့် style pant ကိုကြည့်ရင်း Sehun ငိုချင်သွားသည်။

Chanyeol က ခြေထောက်ကို ကြည့်ရင်း…

" အင်း ဟုတ်တယ်လေ… အဲ့တာမှ ဒဏ်ရာကို ဆေးထည့်လို့ ရမှာပေါ့ "

Sehun ဘောင်းဘီလေးကို နှမြောနေတုန်း အစ်ကိုအဖြူလေးက အခန်းထဲ ဝင်လာသည်။

အစ်ကိုကရော… နှုတ်တောင်မဆက်ဘဲ ပြန်သွားပြီလား… ။

" ပြန်လို့ရပြီတဲ့ Sehun… Chanyeol သူငယ်ချင်းကို ကူတွဲလိုက်နော် "

အစ်ကိုအဖြူလေးက ပြောပြီးသည်နှင့် အခန်းထဲက ထွက်သွားသည်။ Chanyeol နဲ့ Sehun ပဲ အခန်းထဲမှာ ကျန်ခဲ့သည်။

Sehun ကုတင်ပေါ်က ဆင်းလိုက်ပြီး ခြေထောက်တစ်ဖက်တည်းနဲ့ ထောက်ကာ Chanyeol ပုခုံးကို ကိုင်ရင်း ခုန်ဆွခုန်ဆွ ဖြစ်နေသည်။

" ငါက ဒီဘောင်းဘီအပြဲကြီးနဲ့ ပြန်ရမှာလား "

" အေးပေါ့ "

Sehun Chanyeol စကားကြောင့် နှာခေါင်းရှုံ့လိုက်မိသည်။ ဒီပုံစံကြီးနဲ့ အိမ်ပြန်ရမှာလား… ။