مستشفى المجانين 🏨💔

الحلقه الثانية 2️⃣😊

#مستشفى المجانين
.
.
.
.
Lames monje 😊
الحلقه الثانية
ووصلنا ل مستشفى وطلعت نوران تستقبال فيا ف البوابه فتحت ونزلت ومشيت ع طول ضميتها نوران كانت حلاتها لابسه قونة ليكرا أخضر زرعي وبلوزة قصير لونها ابيض وفوقها دجكيت صوفية طويله ل ركاب حتي هي لونها ابيض وفيها خطين خضر ووشاح أخضر ليكرا 💚 فجاءة نضرب كلاكس تلفتنا لقيت صقر منزل نضرته شوي وعاقد حواجبه ويلوح بايده بمعنى خشو الاداخل 😂🤨 وانا من نظرته قعدت ن
ندف في نور هي خشي خشي ولما بدينا نمشو سطرب لين شمينا ريحت حرقة العجل 😂😅 لين خفت
وفجاة جتني رساله😦📨 صقر
( أخر مرة 😠)
• نوران : وربي خوك مريض راهو ستنا شوية درناله دخول بيرتاح ويريح وربي 🤨😂
• أنا : ههههههههههه توا نقوله قالتلك نور
• نوران : لاااااا فكيني منه انا وربي نخاف منه غر نحاول نتماسك 😂😂 صبرها الي بتاخده كل يوم ديرها ع روحها 😂😂
• أنا : زعما هههههه هي مش ناوية توريلي المكان ومكتب المدير ...
نوران : خوك مخولنا هي هي..
وخشينا كانت مستشفى عادية زي أي مستشفى ماحسيتش كيف في تلفزيون جو ناس تتجرا ولا ينقزو هدووو وخلاص ممرضات ممبتسمات زوز في الاستقبال كانت نور تعرفهم عليا ولصراحه رحبو بيا هلبا وبديت نرتاح للمكان ويتنحى الخوف الي ف داخلي وياريت ما رتحت....💔
• نوران: وهذا عمبر 67 معروف عندنا متع الي حالتهم شوي متقدمه ..
• أنا : كيف متقدمه يعني ...
• نوران: يعني مرات يعيطو مرات لين يرعشوك ومرات حتي يشركو ف دبشهم ويريشو ف شعرهم بس هذا بعد قداش وديما العنبر هذا تحت إشراف دكتور اشرف ..وشوشت في ودني ..اوسخ دكتور
• أنا 😨: كيف اوسخ دكتور ..
• نوران : توا نحكيلك بعدين توا الحياطان ليها ودان واشرتلي بحوجبها وعيونها للكاميرات ..
• انا هزيت براسي بمعنى باه: قولتلها خليني نخش نشوفهم
• نوران : تم ...وبدت تشرح ..تتكلم بشوية
بما ان حني كل دار نسمو فيها خلي نبدو باول شيء ع الايمين فيه ف دار حني نسمو فيها ( سيهام العانس ) تلفتت بنظرة خيه ل نوران😒 ..اصبري اهو نقولك علاش هاتي ايدك ونحي الخاتم الي ف صوبعك ..
• انا : علاش هذا كله بتاكل صوابعنا مثلا وضحكت بستهزا 😅
• نوران بجدية : ايه 🙂
• أنا خفت : تبصري ولا ..
• نوران : وربي هي وقت بصارة نحيتي ولا هي نخشو .. خلي نوصفلكم منضرها ..كانت مقعمزة ع حافت السرير مقابل شباك وتبحت فيه كانها سرحانه وشعرها ضفيرة وهي رقيقه بقفطان حوش وواضح عمرها ف نهاية الاربعين وما حست بينا الا لما طلقنا السلام ...تلفتت وردت ورجعت تبحت ف شباك وف جنينه 💔 وشوي فجاة وقفت وجتني ع طول وقف قدامي وعيونها ف عيوني وقعدت دقايق ونا كنت قريب بنطربق صوابع نوران من الخوف ديرلي حاجه ونزلت مرة وحدة جبدت ادية تشوف فيهم حاجه شبحت لها ورجعت تلفتت لنوران غمضت عيونها بمعنا هدي شوية مش حا ديرلك شيء ...رجعت وقفت وبدت تسلم عليا بالبوس
• سهام بطريقه سريعه وبسلام قوي : اهلا كيف حالك ان شاءالله بخير من هادي نورية ماعرفتيناش
• تلفتت بقرنت حواجب وشدى ضحكتي : نورية🤭
• نوران : هادي ربيعه دكتورة جديدة.. وابتسمت نوران ورقصت حوجبها
جيت بنتكلم بنكدبها بس قطعت عليا سهام ..
• سهام : اهلا وسهلا بيك ان شاءالله ترتاحي معانا وقربت عليا .. ردي بالك عاد تلبسي خواتم لانك بتقعدي بلا صوبع باهي عسولة وبطريقه سريعة رجعت لمكانها ..انا من رعشة ريقي نشف وطلعت خط واحد
وقفنا ف الممر وانا قريب بنطيح ف مكاني 💔
• نوران سكرت الباب وجتني ويديها ف البالطو : شن جو
• انا : اهو قريب بنرقص من الفرح ..كيف شن جو شن الي شفته ال داخل 💔
• نوران : حبيبتي قداش بتشوفي هذا طموحك تحملي نتيجة اختيارك ..
• أنا كانها ضربتني كف ورجعت تماسكت : ايه صح وانا متحملاته غر ممكن لان اول مرة نشوف مجانين
• نوران ضحكت ع جنب : وكيف وانتي بنت المجنون ..تقصد ع العم المجنون 💔🤨
• أنا : احترمي روحك وانتلفي من قدامي خلي نشوفو باقي الحالات ولا هيا نمشو للمدير ..
• نوران : لالا اهو نوريك حاله تانية وبعدها نمشو للأستاذ فرحات ع الاقل نلقوه الضيوف الي عنده طلعو .. وبدينا نتمشو في الممر ممكن فيه 10 ولا 12 دار ...
• انا : هي خيرك تفوتي ف الغرف دخلبنا لأي حاله
• نوران :سكري فمك اهو وصلنا حنعطيك فكرة بسيطه عليه وانتي شخصيه يادكتورة مش حانقولك شن عنده بس انتي شوفي بعينك هل هوا مرض عقلي ولا نفسي ولا فيه امل ولالا ..
• انا : حمستيني تمام باه احكيلي عليه ..
• نوران : اوكي ....هذا ياستي دار رقم 7 نسمو فيها الآمر 90 .. طبعا كان ضابط في الجيش بس الي صار انه قرر ينشق ولما سمعه واحد من جماعته حرش فيه وعدبوه ف شيء يقتل اي راجل وهوا حي ولوحوه قدام حوشه ..ومع الايام مرته طلبت الطلاق معاتش قدرت تتحمل خوفه ونقصه 💔وهوا خش ف وضعيت المجنون ومن وقته خوته جابوه ومعاتش رجعله حد ..
• انا : ياروحي خيه ع النساوين الي هكي بس معقولة معنداش ولاد معنداش حد ..
• نوران : لا عنده بس معندهمش علم انه بوه حي اساسه ..او الأصح مايبوش يعرفو والله اعلم ..
• أنا : ربي يلطف فينا الفجى فيهم المهم هي دخليني خلي نشوفه ..
وخشينا والغريب لقيناه يصلي 🥺💔 ستنيناه يكمل ولما سلم حني طلقنا السلام ..
ف بداية خاف او الصح رتعب وضربلي التمام العسكري وهوا يرعش لين نزل 💔🤦🏻‍♂️ تلفتت ل نوران بصدمه
نوران تقدمت ل العم حسين ..
نوران : ماتخافش ياعمي هادي دكتورة معاي جت بتق فيك بتشوفك لا اكثر ..
العم حسين بكلام شبه مش مفهوم من ربكه : ببركه اهو شوي نظف المكان اسف اسف وبداء يبكي وقعمز ع ركابه 💔🤦🏻‍♀️ وقتها فعلا حسيت روحي ياريتني ما خشيتله ياريت ما كنت في ليبيا بكل معقولة راجل نديد بوي يرعش مني ويصير فيه هدا كله وفوقها يبكي 💔🤷🏻‍♀️
بدت نوران تهدي فيه وكان في جيب البالطو جهاز زي لاسلكي كلمت واحد من الممرضين يجو للعم وينظفو المكان ...وجاء سوال ف بالي وحني طالعين خاطري نسأله ل العم حسين رغم ان الوقت مش مناسب بس حانموت كان ما نعرف اجابته ..
• أنا : عمي حسين ممكن نسالك ..
• العم حسين : والله كنت نبي ننشق مانبي منهم شي نبي نطلع كيف ماخشيت مش حانقول شي وربي يسيبوني بس ..
• أنا : هدي شوي ياعم بس اني نقولك ع شي ونتمنى تعطيني جوابه ..
• العم : احكي يا....انتي من
• أنا : اسمي دكتورة جنى ..
• العم : اسمك حلو كيف اسم بنتي 💔🙂 اسليني بنرقد
• أنا : الله صدفه ..عمي بنقولك تبي يجوك صغارك ..
• العم ح : لا ولا نبيلهم يعرفو طريقي ..وماتقوليلي علاش لانك بروحك ماترضي بوك تشوفيه هكي ..اطلعي وسكري الباب راسي يوجع وناديلي ضابط فكري ...طلعت
• انا : من ضابط فكري ..
• نوران : ههههههه هذا ممرض عندنا يكشف ع رجاله ويهتم بيهم ..هي توا نمشو ل استاذ فرحات ..
واحني جينا بنمشو بس نتبهت ان فيه دار ف اخر الممر بابها كبيير مختلفه ع ابوب الثانية واصلا حتي القفل متعها غريب وفوق منها رقمها 20برغم عدد الغرف 12 بس ومكتوبات بترتيب علاش هادي بس 20 .. وقررت نسال وياريت ما سالت ولا نتبهت ليها اصلا بس نصيب 💔🤦🏻‍♀️
• انا : نوران شن الدار هادي وعلاش بابها مختلف عن غيرها ..
• نوران : ماتساليش لان قالو هذا حالته خطيرة واصلا دكتور واحد بس المشرف عليه ومايخش معاه الا ممرض سامي ودكتور اشرف ..
• أنا : دكتور الوسخ ..
• نوران تحكي بدون اهتمام : بضبط وعندك علم الي يقرب ولا حتي يسال عليها ما يقعد بعدها بيومين واقصاها سبوع ويحولوه ولا يستغنو عن خدماته 😊 نوران كان تحكي وانا عقلي ومخيخي وعيوني ف دار والف سوال وسوال جوني ف لحظتها واحني قاعدين نهدرزو شبحت كان ضل يتحرك ف دار🤨
• أنا : نوران فيه حد يتحرك بالله عليك هي نخشولها خاطري نعرف من ...
• نوران بدت دف : امشي قدامي بلا هبال تبي يطردوك قبل ما تشتغلي ..
• انا : لالا بس.....قطعت علينا ممرض..
• الممرضه فاتن : دكتورة نوران ودكتورة جنى الاستاء فرحات يستنا فيكم .. ومشينا وراها وخشيت وفاهمني طريقة الشغل ورالي الصيدلية متعت المصحه وعطاني البالطو ولما شاف درجاتي قالي
• فرحات : بما انك متفوقا واسالت عليك هلبا دكاترة ورشحوك فا مش حا نحطك مساعدة حا ندخلك ف الجدول مع دكتور اشرف ودكتورة حميدة للقسم 67 وانتي حا تختاري مساعدك هل ممرض ولا ممرضه ..
• نوران : نتمنى يكون زوز ممرض وممرضه حتي لو قدر الله صار اي شيء يكون معنا راجل ينقد الموقف مثل يتبث المريض ولا اي لقطه ..
• فرحات : اوكي اوكي توا نعطيك ملفات الحالات عندنا ودكتور اشرف يرتبهملك من الاخطر للأبسط حاله ...
• نوران : بس العنبر 67معروف الحالات الي فيهم كلهم من الدرجه الاولى والثانية
• فرحات ببتسامه خبيثه : عندي علم وانا ادرى لمن نسالم حالاتي ...اهاه ع فكرة عندنا دوام ليلي وعندنا ايام دوام كامل فا لازم تكوني موجودة 🙂
• أنا : تمام امتى نقدر نداوم ان شاءالله ...
• فرحات مدلي الورقه وفيها الجدول : غدوا الثلاثاء منوابتك ويوم الخميس انتي ودكتور اشرف .. وكمل كلامه وستلمت البالطو متاعي وطلعنا ..كنت مبسوطه وف نفس الوقت بننجلط لان كنت نبي نكون انا ونوران بس الحظ الزفت .. اليوم الوحيد الي فيه انا وهي الاحد بنكون الزوز بس في المنوبة من الصبح ونباتو تم وغدو نسلمو لفاطمه واشرف والي بعده نفصلو ونرجعو نفس النظام وهكدا ...
• نوران : هي نعزمك ع كافي ونوريك باقي المستشفى
كملنا دورتنا وانتهت ع الكفتيرية مع فاتن ونهدرزو ع الموقف الي حاتصير والاجواء وعندنا من منهم مش مريض بس هوس وجو هذا يعني مش كل الاجسم نفس درجة المرض 🤷🏻‍♀️ ما علينا وحني قاعدين نضحكو رن عليا بوي 🌸
• أنا : الو بابا
• بابا : هلا جنى كيفك كملت ولا مزال كنت نكلم ف الاستاذ فرحات وقالي انك استلمتي بس مش حاتباشري اليوم غدوا ان شاءالله
• أنا : ايه توا كنت بنكلم واحد من خوتي بنقوله تعلالي لان كنت نشوف ونتفحص ف المستشفى ❤كان بتجيني نستنا فيك 😊
• بابا : انا قريب من جهتكم اطلعلي هي ..
ستأذن من البنات ونوران نادولها لداخل وانا طلعت وانا قاعدة بنرد التلفون بووووف 😵 انضربت في حيط مش بنادم وشانطي كلها تبزعت ونزلت قعدت نلم ف دنيتي 😑...نزل يلم معاي
• د.أشرف : اسف اسف بس انتي لشكلك مستعجله 😅😉
• انا شبحتله : 🙄 ايه لان بنروح ..بعد ما كملت من رفع حاجاتي وبمساعدته طبعا ..شكرا ع مساعدة.
• د.أشرف مد يده : دكتور اشرف اخصائي جراحه اعصاب وامراض عقلية ..
• انا سلمت: دكتورة جنى أخصائي امراض عقلية ونفسيه..
• د.أشرف : اهلا وسهل فيك برغم مايبانش عليك قاعدة صغيرة ..
• أنا ابتسمت : ايه مش كل شيء ف العمر وخاص لما يعطيك ربي عقل كبير ودكاءه اكبر من سنك ..وسمعت تلفوني رن ..نستاذنك بابا برا تشرفت بمعرفتك ومرة تانية شكرا للمساعدة..وطلعت
• د.أشراف بنظرة خبيث وهوا يتفحص ف جسمها😍: ولا يمهك ناس لبعضها...وفي خاطري شكلها المستشفى هاتحلو 🤤
.......
#داخل المستشفى
كا كل يوم نوض صبح جسمي مكسر ايدية يرعشو من كثر الكهرباء الي خشت جسمي ومن كثر الادوية الي ناكل فيها 💔 تعبت حاولت الهروب مرة وتنين بس شيء شيء الباب من داخل كهربائي مجرد ما نحاول يضربني لدرجة ان مرة صممت لين ايديا نحرقو 💔 وليت معاتش فيا حيل لشيء فشلت حركتي عضلاتي حاولت ما نستسلم طول ال 15💔 عمري مافهمت خيرني وعلاش انا هنا نخطفت وماندكر كان في امي غارقه ف دمها وشوي دوشه بس 💔 ف بداية كاني بين عصابة كبرت بين ناس تضرب وتشتم نرقد بين البقر وفضلات الحيونات حاولت نهرب وقتها بس كانو يقتلو فيا من الضرب وياريت ضرب عادي بصوت 💔 وكل مانسالهم شن تبو مني وين بوي وين امي يقولولي ماتو لين وصلت ال 20 ولقيت روحي في #مستشفى_المجانين بس أنا متاكد أنا فيه شي غلط وزاد تاكيدي لما حطوني هنا وعاملوني بطريقه هادي بس مش حا تنتهي حياتي بين كمشت مهابيل ومجرمين بين مخدرات وكهرباء وصوعاق تغيرنا وتغير كل شي وحا نهرب ولو كلف هذا حياتي لازم نعرف من وراء قتل أمي وبوي وربي حاننتقم وانا متاكد من وراها....
نفتح الباب ورجعت لمكاني ع اساس كيف نضت ..

ملاحظه (الاسم مش ليه لكن اللقب المشهور بيه هو ماريوس نسبة ل أقوى رجل ف العالم وهذا لان كان جسمه رياضي جداً 😍..وفي رواية خا يطلعله لقب تاني استنونا 🤤 )
• د.أشرف: ماتحاولش يا ماريوس نرقبو فيك من مبكري نوض خود دواك وبدون اي تمرد لان مش حاتقدير ادير شي 😉😁
• أنا بقيمت حاجب : هات وضم فمك وخلي نصايحك لروحك 🤨...وخديتها وكليتها ..
• د.أشرف: افتح فمك ..
• أنا عقدت حواجبي : شني 😒 من جدك ولا وليت كيف حالتك ..
• د.أشرف: قولت افتح فمك نتاكد ..ولا حا نتعامل معاك بالعنف ...وقربو الي معاه ..بس وقفهم ماريوس بعيونه ..وفتح فمه
قدم أشرف ع اساس بيدخل ايده وبمجرد ما دخل ايده عضيتها لين طرتش دم من صبعه قريب قطعت وهوا يعيط وهما يجبدو 😁
• أشرف : ياحميييييييير افتحو فمه مش تجبدو فيا بيتقطعو صواااااابعي يامصايب...
.
.
.
.
.
يتبع حلقه غدو توا يبانو ملامح الرواية وشخصيات 😉❤
دعمكم يهمني ❤ صوووووتو