#مستشفى_المجانين 🏨 . . . . . . الحلقة الحادي عشر 1️⃣1️⃣ . . . #عند جنى خشيت كلمت ماريوس وياريت ماكلمته ف بداية حرقلي اعصابي بعدين قالي كلمه خلاني زي سكرانه 😍❤ قالي حبيتك اه ياربي من صدمه سكرت ف وجهة ..بس كان صوته ف شارع لان فيه صوت ريح وسيارات زعما وين ماشي 😥 ان شاءالله ما يودر روحه رجعت للبنات شوي هكي شهقت نوران 😳 • انا: خيرك بسم الله رعشتيني ..قريب صبيت القهوة ف حجري ... • نوران : الحالة 20هربت ااا هادي من قسمك .. • أنا : باه عندي علم ..ان شاءالله ما يلقوه.. • نوران : ما تقوليلي ...... • أنا : أيه ..ورب يا نوران لو تقولي لحد نفجرلك راسك با طاسة .. • نوران تلفتت لمودة : ومدامك سكتي معنها يا تعرفي يا... • مودة : بضبط😁 ...مشتركة • نوران : حيه عليكم ..وخيرني اخر من يعلم وعلاش بتودرو روحكم.. • مودة : هذا علاش ماقولنالك لانك خوافه .. • نوران : علاش ساعتوه كان مريض هلبا ويقولو.. • انا : يقولو شني تي هما بداتهم مرضه و.....بديت نحكيلها ف قصته ....شن رايك هي .. • مودة : لحظة لحظة فيه حاجه اول مرة نفهمها قصدك الراجل متع ازمان المجنون بوه لاااا ياربي ع الصدف .. • أنا : قصدك القدر .. • نوران : حييييييه ياروحي الله ياخدك يا اشرف الوسخ .. يعني الفترة الي كنت فيها كلها غادي قريب سنه ومعاها ما فهمت ولا حتي ركزت ..وانتي ما سكرتي حتي ثلاث اسابيع زبطيه..خسارة القراية الي قريتها.. • أنا : لو بتجي للوراق حانكون زيك بس المنطق لا مالاول شميتها لان الراجل شكله مش شكل واحد مجنون ... • نوران : بس والله صحا ليكم مقوة قلبك انتي ومودة.. • انا : ونرمين 😁....ناضت تضرب فيا • نوران : خزيه خزيه عليكم انا بس فاتت عليا .. • انا : مزال مزال فيه حالة تانية موضوعها اوسخ .. • مودة : لا انتي هلبا هكي شني بنهربو المهابيل كلهم ياخوفي ف نهاية هما يطلعو واحني نخشو 😂😂 وفلقنها ضحكه 😂😂 بس كان بالي مشغول وخايفة من حاجة او شخص لو عرف با ماريوس شن حاتكون ردت فعله بس لازم نحكيله ع الاقل الفترة الجاية • مودة : وين يا أبله ..ولا عند الغالي • نوران : اوووو قصدكم فيه حتي غالي لا شكلي كنت ف المريخ مانندري ع شيء .. • مودة : لالا كنت ف عقل صقر البعيدة.. • نوران : حسد قل اعود برب الفلق ف عينك وضحكنا 🤣🤣 وشوي رن تلفوني ختفت الضحكه ورديت بخوف مانعرفش علاش حسيت فيه مصيبه .. . . . . . . . #صدام كنت خايف واول مرة نخاف ع حد بطريقه هادي كانت البنت منهارة خايفه ماعد عرفت شن ندير ولا كيف حا نتصرف بس ...وانا بين كنت نتكلم بروحي بيني وبين نفسي هي فاقت وع طول شبحتلي وتبكي ... • اسمهان : ياريتك خليتني نموت ..علاش سعفتني ياريت متت نا تاعبة احساسهم بإني السبب ف الي صار لصفا بيقتلني ..عمري ما حسيت بحنهم عمري مافهمت ليش ديما نقول لان الكبيرة ولان هما الصغار لازم يدلعو كنت نحاول نكون الاقرب ل بوي بس معقولة لدرجة هادي يكرهوني 💔 الي يربي قطوسة يحن يخاف عليها وانا بنتهم هكي ..هذا جزاي • صدام كانت تحكي وانا دموعي نزلو بدون اي مقدمات ومافهمت نطبطب عليها ولا كيف نهديها كان فكري كله لازم نحتويه لازم .. اسمهان .. ادكري ربي ربي الخلقك وحطك ف الموقف هذا يختبر ف صبرك وقوة عزمك ومرات باش تعرفي الحقيقة .. • اسمهان حطت ايدها ع وجهة : بس انا ماعندي غيرهم حتي لا نمشوهم لا يجونا اكثر عمتي جميلة وخلاتي ما يحبوني • صدام : باهي بري لعمتك هادي ارحملك عمك ولا من .. • اسمهان سكتت • صدام خيرك سكتي لو تعرفي عمتك حا تستقبلك ناخدك عندها ع الاقل موقت لين يهدو ورجعي .. • إسمهان: راجلها مانحباش يضايق فيا ويكره فيا لان بوي عطاني نشد الشركه وهوا لا لان طول عمره ايده الايمن ..وعمتي مرضت بعد ما عيلة عمي قتلوهم💔 • صدام بقلة استوعاب وقرنت حواجب : لحظة وحدة وحدة راني معاتش نفهم ولا خير دعوتي ...من الي يضايق فيك زوج عمتك • إسمهان بقلة حيلة : ايه بس ف كل مرة نكون اقوة منه ونمسح بيه ..لين بعد عليا بس قاعد يكره فيا .. صدام نار الغيرة بتحرقه وعيونه بيطلعو شرار وماسك اعصابه بسيف .. • صدام بغل : شن اسمه الكلب .. • إسمهان شدت ايده بترجي : بالله عليك ما دخل روحك ف دوامت عيلتي والله يودروك .. • صدام من تحت سنونه : شن اسمه اسمهان ما تزيدنيش .. • اسمهان بدت تعيط : انا مقهورة ومضغوط وانت حاير من الي ضايقني ..اصلا انت شن علاقتك اطلع برا اطلع وبدت تشد ف راسها وتعيط وتردس ف رجليها وكانها بتهبل ..نضت ضميتها وقعدت دف فيا ..اسفه اسفه والله ماقصدي شيء بس نموت مايقربلك شيء ..وهي تحاول دفني وتعيط وانا نحاول نهديها ...خلاص وربي ماعاد جبدلك سيرة ع شيء ارتاحي ..فجاء رتخت وزادت ضمتني وبصوت متعب قامت راسها وعيونها الي كانو فيهم لمعى غريبة وحطت ايدها ع لحيتي..بالله عليك ماتسيبني بروحي راني خايفه... وشوي شوي لين رقدت وهي في حظني ..اه ياربي شن هالحمل الي نحط عليا يارب وانا نزل فيها ع المخدة وهي شعرها نازل ع وجهة ..اه ياقلبي كيف حا نتحمل شن نديرلك يا سمهان ياريت نقدر نغير الواقع 💔🤷🏻♂️ طق طق نفتح الباب .. السلام عليكم • صدام: وقفت عليك السلام من !! • سعيد: انا سعيد زوج عمة اسمهان انت الي مني ..لحظة لحظة انت صدام ولا ..ومد يده ب سلم 😁 صدام شبح لأيده وقرب منه لين خاف بنظر حادة تقتل • صدام : اولى إسمي أستاذ صدام ..وتاني شيء شن جابك هني ..😠 • سعيد : شن تخرط انت سوال هذا أسأله ل روحك من وين ليك توقف هنا..ومزال ماكمل كلامه شده من رقبته ولصقه ف الحيط وخنقه بايد وحدة .. • صدام من تحت سنونه ويتكلم غل : تعرف أنك تلعب باعداد عمرك ولا ..تعرف لو مش قاعدين ف مستشفى وضرف زفت هذا راه وربي نقتلك .. • سعيد وهوا يرعش : سسستهدى بالله انت شن درتلك انا .. • صدام زاد خنقه لين بدا ينخنق ويكح بصوت رايح يحاول يتكلم ولوح بايديه يحاول يحول ايدين صدام من رقبته فجاء سيبه صدام... • سعيد : كح كح كح انت ..ءء شبحله لقاه عيونه نار .. • صدام من تحت سنون : شن تبي .. • سعيد وهو شاد رقبته لان توجع فيه : مانبي شيء بس بعثني محي الدين نطمن ع اسمهان .. • صدام ضحك : هاهاه لا كثر الله خيره ..قولها ف نعمة راقدة ومرتاحه شبحتها ولا..وشده من جكته وطلعه برا الدار..وما عاتش ترجع ..وسكرت وكان خاطري نعطيه طريحه معتبرة بس ع خاطر اسمهان سكتت .. مر الوقت وكان صدام ع اعصابه شن الحل الي يريحها ومايضرهاش ما ف نهاية بنت وين حاياخدها اوف ياصدام 🤦🏻♂️ ..مافيش الا حوشنا الجديد ما حد يفكر اصلا يمشيله نوتيلاها دار ونسوياه ونحطلها كل لوزمها ع الاقل لين ترتاح نفسيتها بس كان تمشي لفندق احسن لالا يبدو يرادعو ف دوة عليها وطالع ونازل يشوفها ..اوووف مافيش الا حوشنا منها ترتاح ومنها قريب ع شركه بوها .. وفجاء نفتح الباب وقفت نحسابه سعيد رجع نضت بس لقيته دكتور بيشوفها زادلها مهدي ف التغدية باش كاتفيقش لغدو لان ضغطها كان راقي شوي لازمها راحه ..فا قررت نفد الي ف راسي .. كلمت صاحبي من صبراته عنده معرض اتات وفرشات قولتله لو عندك حد ف طربلس تعرفه نبي ونبي قالي كون هاني وتوا نكلمهم ونتفهم اني وياهم ونعطيهم رقمك وتو يخدموك وتمت ..هادي تمام بس الحوش اكيد مسخ خلي نمشيله نشوفه كان مسخ هلبا ناخد حد يسيقه ولا يديرله راي ..وطلعت من المستشفى ولعت سيارتي ومشيت لشركه نظافه نعرفها تجيب ف ناس تنظف قولتلهم فيه حد يمشي لحوشي وترشني قالي حاليا فيه بس لازم تكون معاها مراة مولات الحوش ما تتعامل مع رجاله .. • أنا : اوووف صح ..باهي ماعندكمش رجالة .. • موضفة : لالا عندنا انت امتى تبيه .. • صدام : اليوم ياريت .. • موضفه : اليوم صعب بس لحظة نتصل ...اهاها تمام شكرا ...فيه حظك حلو شوي ..اه اهو جاء اسمه عصمان ..و اجرته ... • صدام قطع عليها : مدوريش الفلوس المهم يتم الحوسة خت فت ... • الموضفه : لا من ناحية هادي ماتخافش .. وطلعت بيه وبدا يكت وانا ندو ف الحوش لين جيت لدار جنى لقيتها مسكرة بالمفتاح حاولت نفتحها بس مابتش جبدت تلفون .. • جنى بصوت شبه يرعش: الوو • صدام : ايو شن جو جنى .. • جنى رتاحت لما لقاته صوته عادي : تمام ياغالي شن الاخبار وين مغيب حبيبي .. • صدام : شويت خدمه بيبتي ..بنقولك .. • جنى : أمر ..شني • صدام : جيتي للحوش بوي الجديد .. • جنى أنا تجمدت وكان حد صب عليا سطل مية مسقعه : ءءءء ايه علاش • صدام : لان لقيت دارك مسكرة بالمفتاح تاكدت ان فيه حد جاء .. • جنى : ايه الفترة الي فاتت خديت باتاتي غادي معاتش عندي وين نحط هني فا سكرته خفت ينسرقو ولا حاجه ..علاش انت • صدام ارتبك🤦🏻♂️: ءء لا شيء بس كنت جبت راجل بسيق الحوش .. • جنى : صدام جدي صارله حاجه قولي علاش تسيق فيه .. • صدام : بلا تنقز وافهمي كان فيه حاجه راه قولتلك وبعدين شن هالغبة حتي لو صار شن حانديرو ف طربلس غبية .. • جنى ضككت : صح ههههه المهم • صدام : هي سكري .. • جنى ارتاحت : باه ...بس دكرت لو توا يرجع ماريوس حيييه 🤦🏻♀️ ع طول نظت جري لداري بنكلمه رنيت رنيت ما ردش يارب استرني ...يارب خوتي حايقتلوني كان يعرفو ان داسا راجل وووه عليك يا جنى شن هالعملة 🤷🏻♀️🤦🏻♀️ . . . . . . . . . . #ماريوس بعد ما داخت عمتي لا عرفت نضحك لا نبكي بوي كان عقله مشى ولما شافني بقدرت ربي رجعله بس نفسيته مدمرة وصحته مش عاجبتني وحالتهم تكسر الظهر حاولت نفيقها بالمية بكفوف بس بلا فايدة .. • بوي : جيب بصل ..نحسبه يخرط .. • انا : بصل شني يابوي بالله ِ • بوي : تي نوض واسمع الكلام .. جيب بصل وفشخه شوي لين تطلع ميته وخليها تشمه ..وفعلا درتها فاقت .. • انا : والله الا صحه ليك ... • بوي : ولا تحسابني خرفت ونزل راسه 💔😔 ساويت عمتي وعطيتلها مية وصحصحت ونضت قعمز بحدا بوي .. • انا : والله ماني قاصد نبصر عليك لان اول مرة نسمع بيها قصة البصل .. • عمتي : خلي نوض نجيبلكم ما تاكلو راهو ل توا بوك لا ماكله لا شراب من امس .. • شبحتله : علاش يابوي .. • بوي : كسرت نفس والعقل وصحه ع بني ادم توجع تكرهك ف نفسك وف كل شيء ..نموت احسن رغم اني ماندكر علاش مانكلش بس اكيد للسبب هذا .. • أنا : ربي ختارك يابوي وختارنا بنرضو ولا بنكفرو .. • بوي : اعود بالله من الشيطان .. • عمتى : معنتا نوض نجيبلكم عشاء ..نوضو كان بتصلو المغرب ادن شكله لان دنيا ظلمت .. • أنا :حطي ناكل معاكم ونروح لان وين مانسكن بعيد .. • عمتي : وعلاش تسكن بعيد انت تعالى اسكن معنا ولا.. • أنا : ولا شني ياعميمه .. • عمتي : بتسيبنا زاي هدوكه وبدت تمسح ف دموعها .. • انا شبحت لبوي : من سيبكم .. • بوي : عمامك وعماتك الله يسامحهم من يوم الي توفيتو قصدي وختفيت ماعاتش شفناهم ..لحظه بس انت حقا وين كنت طول ها سنين معقولة لا سالت علينا لا دورتنا 💔 وين كنت • أنا : كٌنت ف #مستشفى_المجانين 💔🤦🏻♂️ • عمتي شهقت وضربت ع صدرها : الطف ياربي .. • بوي : اسكتي خلي نسمع ..كيف ومن حطك ..رغم اني متاكد من دارها .. • أنا : كاتاكيد حتي اني متاكد بس المهم ف بداية قعدت خمس سنية او الاصح لين سكرت 20سنه ف مكان الله اعلم اول مرة نشوفه مافيه كان انا زوز رجالة سود وكانهم من نَيجر ولا تشاد المهم ف مزرعه كبيرة سورها تقول سور حبس 💔😔حاولت نهرب بس بلا فايدة كل مانهرب يعدبوني يضربوني يحرقو فيا ..المهم لين جاء اليوم وقررو يعدموني وانا حية وهذا لما حاولوني ل مستشفى المجانين بين ناس ربي يشفيهم الي ينقز الي يعيط والي والي المهم اشكل وانوع الله يعلم بيهم ..طول ما انا تم ما في نوع عداب ما ستعملوه معاي ع خاطر يهبلوني او يقتلوني 💔 بس كان ربي اقوة منهم ف كل مرة نقاوم وجسمي تحمل • عمتي : معقولة وحاسبين روحهم دكاترة معقولة ماعرفوكش انك مش مريض .. • أنا : لا يعرفو بس الي يعرف يا يموت يا معاتش نشوف والرجح يطردوه ..بس لما ربك أدن بعثلي من عنده انقاد وبعد مرو السنين ع نفس الوضع لين جاء اليوم وجتني دكتورة ف البداية كانت مع دكتورة بس بعدين لحظة انها بدت معاتش تعطيلي ف الادوية وبدت تبدلي ف الادوية وع اساس حبة وهي مستكة 😂 • بوي : هههههههه صح ليها دكية ..ماتقوليش.. • انا : ايه ..جايك بدواة ..وبدت وحدة وحدة تفهم فيا لين ف يوم قالتلي احكيلي قصتك ومن انت وقتها كانت توكتها ..ف بداية شكيت انها تبي تعالجني بس بعدين كتشفت انها تبي تساعدني ...وهكي لين دارت خطة وفهمتني ان مافيش حل الا هذا وفعلا ..جاء اليوم و.....وهذا الي صار • بوي : الله ينصر دينها ويحفظها بس ان شاءالله ما تنظر .. • عمتي : الي طلع راجل من سجن مش مستشفى وبدماغ هذا ☝️ بإذن الله ما تنكشف ولا يصيرلها شيء ربي ساترها وحافظها ..بجاه من عندا جاه .. • أنا : بس الغريب يابوي قالتلي حاجه وطلعت صح و مش لقيلها تفسير .. • بوي بستغرب : شن هيا .. • انا : قولتها امي ميتة وبوي ..قالتلي ومن قالك مرات حي وانت ما تعرفش .. • بوي : ممكن تعطيك ف امل بس .. • انا : لالا يابوي ردت فعلها ماتقول هكي تعرف امتى قولتلها اسمك نصدمت وكانها تعرفك .. • بوي : قولتلي شن اسمها.. • أنا : جنى .. • بوي : غريبه ولا عمري سمعت بإسمها 💔 بس ربي مرات كاشفلها الحق وانت ما تعرف ..جيبها نتعرفو عليها .. • أنا : هههه بوي نقولك دكتورة مش مرتي هه • عمتى : ومن زيها كان تاخد اليوسفي كله ❤ • أنا : ايه الاهبل .. • بوي ضربني وضحك : ولد الاهبل 😂😂 وضحكنا كلنا ..وتعشينا وجيت بنروح بس عمتي وبوي قالولي مافيش مرواح 🤦🏻♂️ فا طريت نقعد..ونسيت التلفون ونسيت اصلا انه عندي وقعدنا نهدرزو انا وبوي وعمتي لين رقدنا ... . . . . . . . #ثاني يوم🌲 . . . #عند صدام صبح ساعه 9نضت دوشت ع سريع وصليت .. وبديت نجهز ف روحي و نلبس لان اليوم بتطلع اسمهان من المستشفى والغريب ان كان جوي مش عادي لدرجة لبست تشيرت صوف بيضا وسروال جينز اكحل ونضارت كا العادة ❤ متع الموضة مش طبيات هههه وتعطرت وخطمت ع محل ورد 🤦🏻♂️ جاء الوقت وتنزل بجلالت قدرك ياصدام لمحل الورد ع خاطر بنت 😂🤦🏻♂️ بس مش اي بنت هادي ال❤💐 خديت وخديت شكلاطه وخطمت ع محل الفضة خديت سلسلة بسيطه ❤ وتوكلت ..خشيت المستشفى مع ال 10 ..وخبطت مرة سمعت احلا تفضل ف حياتي ❤ خشيت ابتسمت بتسامه ساحرة خدت عقلي وقلبي قربت منها وبستها ع راسها وبستها ع راسها وصبحت .. • انا : اليوم بنطلعو من هني ..اختفت الابتسامه.. • اسمهان : نزلت راسها ...وين بنمشي انا نفسيتي مدمرة • انا حطيت ايدي ع خدها : انا عندي مكان تقعدي ع راحتك وف حمايتي ان شاءالله .. • اسمهان قرنت حواجبها : صدام شن تقول .. • انا : فهمتين غلط مش حانقعد معاك خليني نشرحلك احني عندنا حوش ف سياحية جديد بس ماسكناشي لضروف ما..المهم جهزته امس مؤقت تقعدي فيه لين ربك يفرجها من عنده وترتاحي وبوك يرضى عليك وترجعي 🤷🏻♂️ • اسمهان سكتت بعدين : اووووف ماعندي غير ها الحل بس عندي شرط .. • انا : عارف شن حاتقولي مش حانجيك ولو جيتك حانجيبلك حاجه نحطها ف الفم ونمشي ماتخافيش .. • اسمهان ضحكت : كيف عرفت 😂😂 • انا : الي يحب حا يفهم لغة العيون وحايس من غير مايتكلم الحب ❤💋 • اسمهان ضحكت وتحشمت • انا : وفجاة انقلب صدام ل نزار القباني 😂🤦🏻♂️ المهم جانا الدكتور مع ال 11:30كتبالنا خروج وبدت تجهز ف روحها وبنطلعو .. . . . . . . #عند جني فتحت عيوني بسيف طول الليل ماغمضتلي عين ولا قدرت حتي نمسي للخدمه كله وراء ماريوس وتفكير في صدام لو يعرف شن حا يكون ردت فعله 🤦🏻♀️ حاولت نوض بس فشلت قررت نوض ندوش شفت ساعة لقيتها 11 شفت التلفون لقيت رسالة ..من ماريوس (( صباح الخير ..كيف روحت الحوش وانتبهت لتلفون اسف .. وشكرا ع تنظيف الحوش )) انا نضت ماعد فهمت نعيط ولا نندب بحركه سريعه بنرد (ليس لديك رصيد 🤦🏻♀️) هذا ماناقصني اصلا ...خشيت للحمام درت دوش باش نفيق طلعت صليت وبدلت ممكن اول مرة واسرع مرة ندير هدا كله ف اقل من نص ساعة ومشيت جري لحوش مودة نخبط قريب نحيته الباب ..طلعت متخزرت ..حكتلها لبست عباية وركبنا سيارة وخط واحد لحوشنا 🤦🏻♀️ نزلت وخليت مودة ف سيارة فتحت الباب ناديت ..طلع ماريوس من المطبخ كان ف سروال بس وفي ايده مق صنتها قهوة 💔😳قاعدة بنتكلم نسمع ف فتحت الباب بالمفتاح و.... . . . . . . . . . #مودة .. جتني من صبح ربي جنى قريب جلطتني قالتلي ان صدام مشى للحوش وصار وصار وهي خوديني فيسع خلي نبه ماريوس ..وطلعتا حتي هاتفي ما خديته ومشينا طول ونزلت هي قولتلها انا مش حاننزل .. نزلت جنى وما هي الا دقايق ...😳😰 جاءك الدبور يا نحيله وليلة حاتكون اخر ليلة 😱. . . . . . #صدام كملنا وراقي المستشفى وطلعنا ع اساس بنفطرو ف مطعم بس مابتش اسمهان قالت تبي ترتاح ..كملنا للحوش ونزلنا انا واسمهان • اسمهان : شارعكم مريح وهادي .. • صدام : ايه ..وبوي وامي يبو الجو هذا ..هذا علاش بنينا هني .. • اسمهان : ان شاءالله عتبت خير عليكم وتسكنوه ع خير.. • صدام : ان شاءالله ..تفضلي ..وفتحت الباب وشفت منظر ولا مرة تخيلت نشوفه ف حياتي 😳😠 • صدام : جنى 😠 . . . . . . يتبع اعتدر بجد ع تاخير بس اليوم كله ماعندناش ضيء 💔 وممكن نزل وحدة اضافية بس ف ليل بكل فا ان شاءالله تلقوها الصبح ❤ اسفه
صدام وهوا ماشي للحب ❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحب ياناس ❤ حد يقولي مش حلو بلوك 😂💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
احا وهوا ف دوش 💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
