مستشفى المجانين 🏨💔

الحلقه الاولى ❤

#مستشفى المجانين 🏨🤯
.
.
.
.
الحلقه الاولى 1️⃣
.
#Lames monje
زمان في شارعنا في القرجي كان عندنا واحد مجنون ديما يسهوكو عليه ويجرو وراءه الصغار ويبهدلو فيه بس اني نحس فيه كانه بوي ايه ايه لان راجل كبير ومش شكل واحد مجنون يلبس في جو زبون صح مش نظيف بس ...ما نتحمل حد ينتعامل هكي وخاص لو كان مسالم 💔 ولو مانعرفاش وديما ندفع عليه ونضرب في صغار شارعنا وحتي خوي لما يحاربه لين بدو يسمو فيا ف الحوش وف شارع جنى المجنونه وبس ولا عمري هزني السبب عند الله🤷🏻‍♀️ رغم اني حتى حد يكش عليا ولا يقولي كلمه مش حلوة نقعد نبكي "أسباب"😊🤷🏻‍♀️
ولما كبرت ووصلت لثانوي سبحان الله وبحمده ماتغير طبعي وقاعدة كل لما يخطم نوقف عليه ومرات نطلعله خصيصا نعطيه حاجه ياكلها ولا فلوس عزت النفس ياعزت النفس 😔 ولا مرة قبل مني ولا حتي من غيري اي شيء😣 بس ديما يطبطب ع راسي ويقولي بالفصحه فل يحفظك رب السماء رب هذه العيون الماسيه اللماعه ويمشي😔..وبيني وبين نفسي نقول شن معنها🤔 وقته مانفهم فيها ...وكان سبب في خياري مجالي لين دخلت الجامعه وهوا نفس الوضع مع كبر عمره الا انه لازم الصبح يجي يوقف بعيد شوي ع حوشنا باش يقولي يادات العينين العسليات صباح الخير ...لين في يوم
قالي ياذات العينين العسليات صباحك الرحمان باليوسفي عبدالرحيم في بداية ستغربت من (اليوسفي).. زعما نوع برتقال خاطره فيه بس من عبد الرحيم 🤔 لين دفني #صهيب هيا وانتي قريب بتهبلي معاه 😂 شبحتله بنظرة 🤷🏻‍♀️😒 ...ومن يومها الاسم ما تنحى من راسي مش عرفه علاش بس لما يدكرو العم المجنون ندكر الاسم ..تعرفو ولا مرة حتي تفكرنا نسالوه انت من وين ولا حتي شن اسمك بس مجنون 🤦🏻‍♀️ ..
• صهيب: تي بطلي دواة وحكلهم من انتي وانتي وليت كيف ها المجنون وتخصصك يا مريضه ههه
• جنى : خزيه تافه ايه صح والله نسيت نسجمت مع العم المجنون خاطري نشوفه ثاني ..المهم..
هاي قايز ..انا إسمي جنى علي ....
• صهيب : المجنونه 😂
• جنى : تنوض ولا نجبلك الصاعق ⚡
• صهيب : مش مخوفني بس اهو نضت 😒
المهم ...
انا جنى علي ...الاصل من زليتن❤ ..امي طربلسيه ومكان الإقامه طربلس اصلا مولوده في طربلس موليد 93 ..ماعنديش هلبا متخرجه وتوا دكتورة في مستشفى أمراض نفسية والعقليه ❤😊
مواصفاتي سمراء شوي سمينه لكن مش هلبا محجبه ونحب لابس زاي الفشينستا المحجبات .. فمي صغير عيوني وسط شعري زاي مكرونه اندومي طالعه لبابا ..جوي حلو بصارة وضحك بس عندي لقطه اني مزاجية في لحظه تلقاني بين الضحك والبكاء والغضب المهم زاي الي نعالج فيهم ع قولت عيلتي الكريمه 🙂 متاثرة جدا بخوتي الشباب طبيعتي مانخاف من شيء الا الله ثم الفيرأن احتمال تلقوني ميتة 😂😂
بابا علي.. مدير مصرف سابقه ❤ طويل وشوي سمين
يحب الثقافه جدا بس يكره في الانفتاح في امور الحياتيه زي جو نحي حجاب ولا العلاقات ولا عدم احترام الي اكبر منك ماهما تكون صفتهم ..
ماما ابتسام.. خريجه علم نفس ❤ ممكن هذا واحد من الاسباب الي خلانا من العائلات المتفاهمه وسعيدة نوعا ما ... بابا وماما ديما كلامهم واحد ومستحيل يقررو قرار كل حد بروحه متفاهمين جدا وهما في الاساس واخدين بعض عن حب ❤
ربي يوعد كل من راد الحلال❤..
.....
عندي ثلاث خوت صدام م 89 مهندس و مدير شركه مقاولات ومواد بناء عاقل وواعر نار🔥 بس من كثر ماهو محترم يخليك تحترميه غصبن عنك بس لو وصلتيها صفار سلميلي لان كان معاه ما مشيتي سيدا بتمشي بل😂🙂👊🏼
صهيب الاهبل 91 حقيقي لو نقولكم بتنصدمو عنده تؤام🙂 قصدي اهبل تاني واسمه صقر عندهم ورشة ومعرض سيارات .. المهم نوصفلكم شويه عليهم .. طبعا حانقولكم شي هما صح توام بس مختلفة شخصياتهم بطريقه عكسية
بس جوهم يهبل مع بعض
المهم
صهيب شخصيته مرحه جدا ويحب يخفف دمه حلو ورياضي بس مش مغرور شوي بناوتي لالا قصدي بناوتي وزمان لما صغار يقولي انا بنتزوج 4 ههههههه كل عام نطلقهم ونتزوج غيرهم ههههههههه حقير من صغره المهم متخرج من المحاسبه لان حب حياته وحلم عمره يكون مليونير
....
صقر طبعا مختلف ع صهيب بس مايتفرقوش نهائي حتي صحابهم نفسهم صقر من الناس الي الي تسكت تسكت وترميك قنبله هذا هوا شخصيته غامضه يتكلم من تحت سنونه مهتم بداته هلبا مغرور بجماله وبدكاءه رياضي حتي هوا جو عضلات وكلمته ماتتكرر وحتي هوا واعر لدرجه ان صدام مايناقش فيه شخصيته مرعبه بس ممكن لان واثق من نفسه .... عنده بوي وامي خط احمر .. متخرج من هندسه مكانيكه 👨🏼‍🔧
البنات اكره شيء في حياته عدا انا..
• صهيب :ههههههههههههههه عبد الواثق اعدروها 😂
• أنا : بنسكت راه انا ..😫
• لميس: صهييييب ⚡😊
صهيب🏃‍♂️🏃‍♂️
المهم باقي تفاصيل شخصياتهم تعرفوهم في الرواية ❤
موصفاتهم توا نزل صورهم ..