مستشفى المجانين 🏨💔

الحلقه الرابعة 😍❤

#مستشفى_المجانين🏨
.
.
...
...
...
الحلقه الرابعة🤦🏻‍♂️
• نوران بصوت ناعس: ايوووا..
• أنا : اهلا نور معاك صقر ..
• نوران صحصحت : هلا بيك ..فيه حاجه جنى صارلها حاجه ..
• أنا : لالا مافي شيء بس درتلها تلفون ما ردتش وهي ف مستشفى مشغول بلي وسامحيني وعيتك من نوم ..
• نوران : لالا ولا يهمك ..سكر اهو نكلم دكتور اشرف نقوله يقوللها ترد ...وماتخافش راهو مستشفى متعنا محترمه والي فيها ناس كويسه..
• انا بغيرة : اشرف من هذا ورقم شن يدير عندك لحظ روحه ..قصدي ابعثهولي اهو نكلمه انا ..
• نوران ضحكت ف سرها لان تخاف من صقر : احم اه اهو نبعثهولك ..
• انا : تمام وسامحيني تاني ع الازعاج ومعاتش تردي ع ارقام الغريبه .
• نوران : شنوو ..
• انا : لالا شيء هي المهم ابعثهولي ...وسكر
نوران ..اع موقحه ماقال حتي تصبحي ع خير باش نرد عليه وانت من اهلي ..خزيه ع الجفاف بس والله عاجبني الكلب ❤😂
صقر ..خيرني مع البنت انا وشن علاقتي فيها ترد ولا جعلها لا ترد وخيرني سخنت لما قالت نكلم دكتور 🤦🏻‍♂️ اوووف ..اهو وصل الرقم ..خلي نبعثلها تصبح ع خير عيب نوطها من نومها ..
📨
《تصبحي ع خير》
ايه برر ياصقر برر..
بعد ما كلمت نوران عاودت للمرة الاخيرة ل جنى بس نفس الشي فا طريت نكلم دكتور 🤦🏻‍♂️ كتبت رقم وتصلت ..رن وع اخر رنه فتح..
• د.أشرف: الوو.
• صقر : ايو دكتور أشرف ..
• د.أشرف : إيه تفضل من معاي سامحني لان ماعرفتك ..
• صقر : لا ولا يهمك اصلا ما تعرفني بس أختي معاك ف نفس القسم ورنيت عليها وماردت لو ممكن تقولها ترد ..
• د.أشرف : من اختك ؟؟
• صقر بصوت حاد وعالي : كيف من اختي ..
• د.أشرف : تتت قصدي دكتورة ولا ممرضه ولا مريضه
• صقر هداء شوي : لالا دكتورة واسمها جنى ...
• د.أشرف : الدكتورة الجديدة 🤦🏻‍♂️ حاضر شوي ونقوللها ..وسكر من الخوف
صقر حيه ع امه سكر ف وجهي التيس 😡 لما نوريه عاودت ورد طول
• د.أشرف : ءءء الو
• صقر يلعلع : خير بلاك سكرت ف خليقتي ..
• د.أشرف: والله ما قصدي أعصابك ياخوي وربي بالغلط ..وهو قاعد يكلم ف صقر لين شاف نوران خشت للمستشفى وهي تضحك مع ممرضه ..نووووران
• نوران بستغراب خيره يرعش وبصوت عالي : نعم
• د.أشرف: خوكك من بكري يرن وماترديش قالك كلميني ..
• صقر سكر ف وجه اشرف بعد ما سمع نوران ..
.....
#نوران
كنت مقعمزة ف جردينه ع كرسي وبيني وبين نفسي علاش خايف أشرف من ها الحال برغم ما يبان عليه اصلا مريض ..لالا كان بنشوفو من فيهم مريض اكيد بنبدلو بين أشرف و🤔 زعما شن اسمه وها دكتور الختشه ماقالي حتي اسمه واصلا حتي نوع حالته ....وفجاء
• نرمين : بخخخخ..
• انا رعشت وعيطت : وووووه عليا يام ..وجيت بنهرب
• نرمين وهي ميت بضحك : ههههه سملله عليك نبصر نبصر وين بتمشي هههههه...نعرفك بروحي نرمين لطفي ..ومدت ايدها😊😂
• أنا حطيت ايدي ع قلبي الي قريب بيطلع : اوووف ولله رعشت مع بعضي ..اهلا أنا دكتورة جنى 🤷🏻‍♀️
• نرمين : اهلا بيك معنتا انتي الدكتورة الي يحكو عليها المستشفى
• انا : أنا وعلاش 😂😂
• نرمين : لان ما في دكتورة قدرت تشد مكانها ف العنبر 67 ..
• أنا : علاش شن فيه ..انا حسيته اموره طيبه حتي الحالات مش كيف ما يحكو
• نرمين : معنتا ما ركزتيش مع دكتور اشرف اليوم 😂 أمس وحدة من الحالات هجمت عليه وتقريبا الحاله 20قريب نحاله صوابعه 😂😂😂لولا لطف ربي وكانو معاه الممرضين 😂😂 اه ياجنبي حلوة فيه
• أنا خلاص ميته بضحك : وانا نقول خيره يرعش اليوم وربي يستاهل 😂😂
• نرمين : عندك علم قداش ليها الحاله هديك ممكن اقدم وحدة ..
• أنا : قداش 🤦🏻‍♀️ شكله صغير ..
• نرمين : هذا علاش خلوه بروحه وما يطلعوه من داره حتي لو طربقت الدنيا وسبب مش معروف عندك علم قالو عنده ما يقارب توا ليه ما يقارب 10سنين والمسكين يرعشو بيه عندك علم انا توا بنسكر 6سنين وانا هني لتوا ما شبحت🥺
• أنا : غريبه انا من البداية خشيتله كان مرة تانية صار خشيتله توا ندخلك
• نرمين : اممم ...بس لالا فكيني يطردوني نقعد بلا خدمه لالا
• انا : علاش يعطلوك ماهو انتي ممرضة ومن حقك تخشي لأي حاله تتفقديها ..
• نرمين : ماهو هذا مش اي حاله تبي الحق ومدامني تريحتلك خلي نقولك بس احلفي ماتقولي لحد ..
• أنا : وربي ماني قايله ..احكي
• نرمين : فيه واحدة قبلك ممكن من 3سنين كان تشتغل مع أشرف قعدت 6شهور وبدت تتعارك مع دكتور اشرف وفرحات ع خاطر الحاله هادي وحسب ما قالو اكتشفت انه مش مريض وفيه من قال انهم يعطوله ف ادوية غلط بس باش يتخلصو منه وفيه من قال انه خاطفينه ودافعين فيه ..وهلبا مواضيع ..بس الغريب ان دكتورة من بعدها جت المسكينه ايد مكسرة ورجل وعيونها قالو وحدة خسرت وهذا كله قالو من ضربها ..
• انا : ضربوها😱😳
• نرمين: ايه ضربوها وقالو ان فيه ناس تعرضولها وهي مروحه من المستشفى فيه من قال يوم المناقشة وحطوها ف راس أشرف بس الي زاد واستغربنه انها لا اشتكت لا شيء مجرد جت قدمت استقالتها .وكملت 💔🤔
• أنا : استقالتها 😱 شن ها الإجرام ..ونضنا بنخشو وقاعدين نهدرزو ..قصدك اشرف هدا يدير حاجه ههههه تي تاعب حتي هوا ...وقعدنا نضحكو لين خشينا المستشفى ..وبصوت عالي يضبح أشرف ردي ع تلفونك خوك من بكري يرن عليك ..
خوي ويرن هذا من قاله ومن وين جاب رقم دكتور اشرف😳😱🤦🏻‍♀️ايواه اكيد الكلبه هديكة (نوران)
.
.
.
.
خط واحد بنمشي لمكتبي لان تلفوني قاعد غادي ..وانا ماشية سمعت رمزي يقول ...
• رمزي : الكاميرة الي ف دار الحاله 20تعطلت ..
• أشرف : كيف جايبينها زفت اكيد جاته الحاله ..
• رمزي : خشله رقده وخلي نشوفها لو مكسورة مطرين نكلمو الناس يجبولنا وحدة مخفية ..
• أشرف : كيف مخفية شن اكثر من هادي
• رمزي: ايه فيه واحدات اخرى يجيب فيهم صاحبي صغيرة بكل 360يعني الدار كلها تنشبح
• أشرف : مالا خيرك ما قولت عليها من قبل ولا ..
• رمزي لحظ ان فيه حد واقف دارله لقطة بعيونه ع اساس فيه حد 🤫 ..
لما حسيتهم سكتو ع طول خشيت للمكتب الي قدامي والي كان غرفت تبديل الملابس الرجالية 🤦🏻‍♀️😱 ياربي مايخش حد ...نفتح الباب وكاني ندعي العكس قعد الباب مفتوح والواضح الي خش قاعد يدور😨 ..وانا ف عز خوفي يارب استرني يارب 🥶 كان بيكشفوني بيصيرلي زاي ...يارب شوي وسكرت فمي بايدي لان نفسي من الخوف بداً واضح نسمع ف خطوات من الباب تقرب وجعلنا من بين ايديهم سدا ومن خلفهم سدا فأغشينهم فاهم لا يبصرون 😭يارب قريب بنبكي انا شن وقفني وفجاة الباب رجع تسكر 😪 اه الحمدالله قريب فقدت الوعي وقعدت ندير في حركات ههههه وفجاة رجع نفتح سكرت فمي بإيدي قريب عيطت 🤭 اوف شن بيتمها وانا قاعدة نحاول نهدي روحي ..
• نرمين : بخخخخخ .
• انا عيطت لكن بشوية ههه: ءءءء خوفتيني ياشلال لا انتي بتجلطيني 😨😭
• نرمين : اطلعي اطلعي فيسع خير مايشوفنا وزوز اليوم انموتو 😨😒
انا خط واحد طلعت جري لمكتبي ووراي نرمين 😂😂
• نرمين : لقد نجونا 😂😂 وييي الجو محلاه نعاودها ثاني باهي جنجون ..جنجون ..شبحتلي لقتني ساجدة 😂😂...ياخوافه ماكانش هاديناصور الي بياكلك 😂😂
• أنا : ايه غير يطيرولي عيوني ويكسروني بس 😒😂وربي لو مبكري دبحوني والله مايلقو فيا قطرت دم ..حولي حولي خلي نستوعب الي صار والي سمعته..
• نرمين : شن سمعتي 😨😒
• أنا : الي قولتيهولي مبكري وزيدي عليه انا مديرين كاميرة ف دار تخيلي وشكله عرف مكانها وكسرها ..
• نرمين 😱 وشن حا ديري انتي ..
• أنا : انا قلبي مش مرتاح وحاسة انا االشخص هذا وراه قصة طووويله 💔
• نرمين : ياوخيتي انا خفت شن تفكري ديري 🥺
• أنا : مانفكر ف شيء بس لازم نخشله ..
• نرمين : كان طلع حق مريض ويحاول يقتلك 💔😱
• أنا : حاندخل معاي الصاعق وانتي ف فم الباب اوقفي ولا ف دار التنظيف المهم نديرو راي ...
• نرمين : ياربي استر انا مانبيش نخاطر بس اكيد مش حانخليك بروحك 💔 ورب واحد وعمر واحد انا عارفه نهاية حا تكون هني ههههه
• أنا : ماتخفيش ربي معنا 🤷🏻‍♀️
• نرمين : لالا مش خايفه بس حس بطني توجع هههههه
• أنا : لا واضح ماخفتيش ههههه
• نرمين : ووووه بطني نمشي الحمام ونجيك 🤭😨
• انا : بري بري ههههههههه..ومشت
وقعدت بيني وبين نفسي كيف حاندير للكاميرات لازم نديرلهم راي من من يقدر يساعدني ...اااااااي خيرني انا🤦🏻‍♀️ عندي البوس متاع البرماجه وين مخي دودي 🤭 شفت الساعه لاااا نسيت صقر ..جبدت تلفون لقيته يرن مستحيل ..
• انا : الوو
• صقر : سنه باش تردي وين كنتي وخيرك ماتردي ..
• أنا : كنت نلف ع حالاتي وفيه منهم عنده ادوية تبي تخفيف المهم ..فكك مني شن جو
• صقر : صار فكك مني ..تمام شن موضوع الخدمه شن قولنا ع البتان برا الحوش ..
• أنا : صقوري حبيبي عاد انت تعرف ان هدا طموحي وبعدين انت معندكش ثقه فيا 😅
• صقر : مش هكي بس ع الاقل خودي راي تكلمي قولي اي شي
• أنا : والله مانحسابك بتزعل اسفه والله اسفه لو تبي نروح توا ونسيب الخدمه حاضر نطلع توا بس الا زعلك والله تعرفني ما نسخا فيكم😔 ..
• صقر : لالا خلاص عافى الله عم سالف غر ف جديد ركزي ف تصرفاتك ..
• أنا : حاظر يا احلا صقر ف دنيا 💃💃🏼وبعدين تعالى جاي من وين ليك رقم دكتور ..
• صقر : ع فكرة أنا صقر الي نحطه ف راسي نجيبه نجيبه ..
• أنا : غر خف علينا بس ..
• صقر جاء بيتكلم قطع عليه انتظار تغير نبرت صوته وتوثر 😅😳: ايه باهي تمام
• أنا : شن هوا الي تمام وايه صقر شن فيه خيرك فجاة نقلبت ههههه شني حبيبت القلب خشت انتظار 😂😂
• صقر حنحن : شني تنبحي فيقي انا صقر مش صهيب سكري خلي نرد ع شرينقه ..
• أنا : شرينقه ولا ابرا ههههههههه برا مربوحه ياطيب
• صقر : اقلبي تشاو 😅..وسكرت عليها ..
#صقر
شن تبي هادي تي خيرني توثرت وكاني بنت بتخش مقابله شرعية 😨 بس والله الموضوع ليه رهبه خلي ترن كان ما عاودتش نفوتها كان عاودت ما عليا كان نرد ...حيه عاودت..خديت نفس .وبصوت رجولي
• أنا: الووو
• نوران : شن صار حصلتها ولا لا خليتني مشغولة ..
• انا : ايه صحلتها وكنت نحكي معاها ..فجاة عم صمت بينتنا ..
• نوران : صقر ..
• أنا : نعم ...
• نوران : تصبح ع خير ..
• أنا : وانتي من اهلي ..وسكرت 😳انا شن قولت🤭تي خيرني زفت توا تقول خفيف وتعاود لي جنى ويحطوني ع طولة هي وصهيب اووووف حصله ..بس والله لالالا خلاص اعود بالله من شيطان خلي روح ونرقد اكيد هذا الي يصير من قلة النوم حياتي مانبيش فيها حواء من غير امي واخواتي سادني 🤦🏻‍♂️🌸 وولعت في عوض نمشي لحوشنا لقيت روحي قدام البحر ونخمم ف ها الحصله 💔 ..
مرات ف عز الصحراء وقلة المطر تنبت زاهرة باش تبثلك ان الارض هادي قاعدة حي بس شوي اهتمام وتزهر 🌸
#عند نوران
من لما خدا رقم خدا عقلي ونوم وكل شيء قعدت ف سريري ندعي يارب نرقد خلاص ساد تفكير توا قريب 20عام قدام خليقته ماعبرني توا لما كبرنا ودار رزق بيدورني ارقدي نور قلبت ايمين قلبت ايسار بس عبث لين دقت الساعه 1:20ص قررت نتصل نتحجج باي شيء المهم نسمع صوته تاني ياريت نلقاه CD كنت كل يوم نولعه حتي لو مايكلم فيا نتخيله بس ..واتصلت في بداية لقيته انتظار 😨🔥 وين تلقوني نار شعلت اكيد يكلم ف الحب وانا نقول خيره يتجكتر اكيد من ناس حبيبتي مقبايلي عيني وجو هذا زفت ع حظي الغبر بس والله ماني مخلياته ف حاله نزيد نرن عاودت تاني وع طول رد ..كلمته عادي وحتي طريقة كلامه عادي بس لما قولتله تصبح ع خير ..قالي ...وانتي من اهلي وسكرت طول 😳الي سمعته صح ولا نحلم بديت نقرص ف روحي 💃💃 بديت نقز فوق السرير ويي اخيرا قالها وكانه قالي انحبك ياربي شن ها صقر الي ماقدر حد يطيحني حلو ع مالح ع حار ههههههه مافي حد قدر ياخد نظرة هذا بكلمه خلاني قريب نبكي وبكامه خلاني نطير من الفرحه ❤💃🏼 ياربي محلاه الشعور وانا وراك وراك ياصقر لين نخليك تجيني كان ماقولتلي نحبك حا تجي تقولي نتزوجك ❤🔥 ولحست صبعي واشرته ع حيط كانه عناد..وانا وها المكان يشهد هههههه بإذن الله ...
.
.
.
.
.
.
#صهيب
كان رابخ مع نسواينه واحدة ترد واحدة تسكر ف وجهة واحدة تبكي لان بيسيبها لانه بيهاجر وافلام هههههه..ماعلينا منه توا يطيح طيحت سياده ويدوق 🔥❤
.
.
.
.
.
.
#صدام
في سابع حلمه ..دورك جاي اشبع نوم اشبع ❤🤭
.
.
...
...
#ماريوس
من لما خش عليا صبح أشرف الكلب معاتش قدرت نبطل تفكير هل نهلوس ولا حق الي شفته دكتورة معاه ولا انا نتخيل 💔 معقولة فصلتها بطريقه هادي شفايفه خدودها الي كيف التفاح ❤ عيونه وكانه الماس يلمع 😍 لالا كا شكل مستحيل تكون ملاك
• جنى: 🙄😠
• ماريوس : نبصر انا والله ماقلت الكلام هذا لميس السبب جبرتني ..
• جنى : كمل كمل توا نتفاهمو ..
المهم
ممكن تكون ملاك بس جسمها المنحوت لا طريقة شبحاتها ليا اووووف راسي🤦🏻‍♂️🤕صداع ..نضت طايرتلي مانعرفش علاش حسيت احساس حلو تجاهها تي وقته هذا اصلا مستحيل ترجع ولو رجعت حا تعاملني كا مريض واهبل ومجنون حسب مايفهموها 😑😠 يارب شن هانم 🤨شن هذا شبحت شي يلمع جنب التكيف قربت 🎥 اووو زوامل (اسفه ع الفظ ) حطين كاميرة بس توا نوريلهم قربت وعطيتلها كم ضربه وجبدتها فترشتها توا نوريكم يا حيونات يا😠🤬🔞🔞
وبديت ن تمرن زاي كل يوم والبنت ولا دكتورة مافارقت عيوني وكل ماندكرها نزيد نسخن ونرد غلي ف التمارين 🤦🏻‍♂️لين نهد حيلي وحسيت تعبت دخلت الحمام دوشت شفت ساعه لقيتها 7 اووو حتي الاذان والوقت ماركزت فيهم اوووف من اولها صليت وحطيت راسي ع سرير وباااي 😪
.
.
..
...
...
...
....
انشطو عاد بدت الرواية تسخن 😍❤
صووووتو شوطو تاقات وشاركو عاد شجعوني😍❤

وهذا المجنون ديالنا 🤦🏻‍♂️🔥😅👇🏼

وهذا الغالي ع قلوبنا هههه أشرف 🤣👇🏼