#مستشفى_المجانين🏨 . . . . . . الحلقه الخامسة5️⃣ . . #ماريوس من لما خش عليا صبح أشرف الكلب معاتش قدرت نبطل تفكير هل نهلوس ولا حق الي شفته دكتورة معاه ولا انا نتخيل 💔 معقولة فصلتها بطريقه هادي شفايفه خدودها الي كيف التفاح ❤ عيونه وكانه الماس يلمع 😍 لالا كا شكل مستحيل تكون ملاك • جنى: 🙄😠 • ماريوس : نبصر انا والله ماقلت الكلام هذا لميس السبب جبرتني .. • جنى : كمل كمل توا نتفاهمو .. المهم ممكن تكون ملاك بس جسمها المنحوت لا طريقة شبحاتها ليا اووووف راسي🤦🏻♂️🤕صداع ..نضت طايرتلي مانعرفش علاش حسيت احساس حلو تجاهها تي وقته هذا اصلا مستحيل ترجع ولو رجعت حا تعاملني كا مريض واهبل ومجنون حسب مايفهموها 😑😠 يارب شن هانم 🤨شن هذا شبحت شي يلمع جنب التكيف قربت 🎥 اووو زوامل (اسفه ع الفظ ) حطين كاميرة بس توا نوريلهم قربت وعطيتلها كم ضربه وجبدتها فترشتها توا نوريكم يا حيونات يا😠🤬🔞🔞 وبديت ن تمرن زاي كل يوم والبنت ولا دكتورة مافارقت عيوني وكل ماندكرها نزيد نسخن ونرد غلي ف التمارين 🤦🏻♂️لين نهد حيلي وحسيت تعبت دخلت الحمام دوشت شفت ساعه لقيتها 7 اووو حتي الاذان والوقت ماركزت فيهم اوووف من اولها صليت وحطيت راسي ع سرير وباااي 😪 . . .. .. .. اول ما سكرت من صقر قصدي سكر عليا 😅 ابعثت مسج لدودي نشوفها كان راقدة مش حاتكلمني ولو راقدة غدو صبح نكرها عندنا ونتفاهم معاها لازم تساعدني مافيها كيف لازم نلقا اجوبة للي في راسي ولا بننجلط وبين ما كنت ف مد وجزر من الافكار غمضت عيني بدون ما نفطن ..لين حسيت فيه شي يمشي او يتحرك عند رجلي حاولت نقاوم باش نفيق بس ..لين حسيته نقز وهني علنت الطواري وبديت نعيط 🤦🏻♀️ ووووووووه الحقوني ياررررربي يارب تموت يافرفور الكلب ووووه وانا واقفه فوق المكتب وشاحي طاح وانا نندب ونعيط الحقوني لين فجاءة نفتح الباب كانو مشاءالله الي ف مستشفى كلها ف فم الباب 🤣🤣😅🤦🏻♀️ د.أشرف يضحك ع منظري ونفس الجو الكادر ونرمين مزاللها ترقد ع الارض بس وتسيخ من ضحك 🤣🤣🤣 • د.أشرف ياخد ف نفس باش يتكلم : هههههه شني ههه شني فيه شني شفتي خير منضرك هكي هههه.. خلي نقوللكم منظري كيف كان الوشح لما طاح بان الشعر الي كيف مريم فارس كله ملوي هههه عيوني تحمرو وشفايفي نفس الجو من البكاء 😅😍 • أنا : فاااار فار كان يجري هني ونقز عليا يارررربي يموت ..وفجاة جاء بيمشي جهت الباب وبدو الممرضات يتعايطو وانا زيهم ودكتور اشرف نحا كندرته هوا ورمزي وبدو يلحقو فيه وانا من العياط لضحك بهسترية ع منظرهم 😅🤣🤣🤣🤣🤣 • نرمين تاخد ف نفس : البسي وشاحك يادعوة هههههههههههه • أنا 😳🙆🏻♀️ حطيت ايديا ع راسي : حييييه وين وين لقيتها طايح ع الكرسي 😂😂😂..لالا توكا الي جاية لازم نجيب معاي دواء فيران مش حل هذا 🤨 ونرمين ماقالت نبطل ضحك وحتي تسكت شوي تبكها ضحكه لين تخلعني المهم سالتها • أنا : ساعه كم...شكلي رقدة من غير ما نحس حتي من رقبتي يابسة 💔 • نرمين : شكلك هكي توا ساعه 6:30 • أنا : حيه الفجر فات 💔 نوض نتوضا ونصلي حيع المية المتلجه توا .. • نرمين : اصبري اهو نسخنلك مية من المطبخ متع الكفتيريا ونجيبلك سريع سريع .. • أنا : ربي يعطيك صحيحتك يارب سلمك .. • نرمين : ناس لبعضها ..ومشت غابت شوي ومسكينه جابتلي كاتل مية وخديتهم معاي للحمام توضيت .. • نرمين : اصبري نجي نصلي معاك .. شجعتني حتي انا بنصلي اصبري ... وجت جنبي وبدينا نصلو ..وكملنا • انا : تقبل الله ❤ • نرمين : منا ومنك صالح الاعمال ..شكرا • أنا : ع شني🤨 • نرمين : لانك شجعتيني ع صلى والحمدالله يارب مرات يحط ف طريقك حد انت تتخيلها صدفه بس عند ربي كل شيء للاسباب ...وهي كانت تحكي وانا سبحان الله بالي مشى للحالة20علاش تفكرتها وكانه تقولي ممكن ربك حطك ليه سبب باش الفرج يكون من بين ايديك ..قطع افكاري ايد نرمين وهي تهز فيا.. • انا : معاك بس كلامك موثر لدرجة خليتني نفكر ف ترتيب القدر باش نجي لهني ..تصدقي كنت بنحط وراقية ف (......) لان هني ماقبلوني بس نصيب • نرمين : بالله عليك ماتسيبني وديما اساليني ع صلاة ودكريني ❤ • أنا : حاضر من عيوني بإذن الله من اليوم كل وقت نكلمك وانتي حاولي امتى ننسى دكري روحك ع فكرة اهو عندي برنامج اسمه( الف سنة ) و (مؤذن ليبيا ) مش عادي ويدكرك حتي قراءة ايات ربي باش متكونيش من الي هاجرين كلام ربي ❤ • نرمين : حقا قصدك باهي يعني بالله اصبري نجيب تلفوني نسجل اسمه لان تلفوني ايفون ❤😍شكرااااااا يا احلا دكتورة وربي يوقفلك ولاد الحلال ❤ • أنا : ههههههههههه فرحتيني وربي ههه نوضي نفطرو مزال ساعة ونروحو ❤ وانا وراي ملف اخر حالتين 💔 • نرمين : تمام .. نضنا مشينا فطرنا ورجعت ل داري وياريت ما رجعت💔 جبدت الحال 12..قريته وبما كان عندي عليه فكرة ..جبدت ملف الحاله 20💔🔥 اول مافتحت كان الملف اقل من دقيقة ويتشرك شكلها كان لونه ابيض ومن عوامل الزمن ولا اصفر فتحت وكانت هنا الصدمه 💔مافيش الا ورقا وحدة دخول وتقرير السنوية متع المستشفى للحالته وطبعا حتي التقرير كلهم ما تغيرو جو واضح فيه حاجه غلط معقولة طول العشر سنين لا شهادة ميلاد لا حتي صورة من كتيب العائلة باهي ياسيدي الاسم كيف يكتبو ماريوس الليبي 🤦🏻♀️كيف هذا لا والحاله ما تبعها حد كان الحقير فرحات الي ع اساس رجل كبير ومحترم والوسخ ع قولت نوران أشرف 🤬 لازم ندير حل وما ليا كان مودة درلي حل ف ها الكاميرات واكيد تساعدني نرمين ..بس لو كشفوني 🤦🏻♀️ ..اوففف زعما نقول لواحد من خوتي بس نخاف يحرموني من جي قبل ما ندير اي شي لازم ندير راي قبل اي شي لازم نتاكد انه مش مريض .. باهي كيف يا جنى كيف لازم نشوف البنات ... . . . . . . . . #صدام زاي كل يوم شركه وخدمه ووتوقعات وورق بس اليوم غريب نحس فيه حاجه بس احساس وخلاص نضت الصبح بدلت نضمت اموري وطلعت وصلت للشركه قبل ما نخش وقفتني سكرتيرة (رانيا) • رانيا: استاذ صدام صباح الخير .. • أنا : صباح النور ..فيه حاجه • رانيا : نعم استاذ اليوم عندك موعدة مع ابنة سيد محي الدين مدير شركة الحديد والاسمنت ..اسمهان .. • أنا : وانا شن علاقتي ببنته . • رانيا : استاذ البنت صارت هي شريكة بوها هذا علاش طلبت انها تجتمع معاك 😅 • أنا شفت ل ساعتي : امتى موعدها • رانيا : مع ساعة 10 .. • انا يبي يتهرب : لو 10بضبط ما جت الغي الموعد مش فاضي انا لسهوكت نساوين ..خشيت وسكرت الباب وبدون هتمام جبدت الاوراق وبديت نراجع ف الملفات ونوقع وووو ...لين مرة الوقت سمعت الباب يخبط بدون ما نقيم راسي ..تفضل .. • رانيا : استاذ ال... وهي خشت طول بكل ثقه حتى قبل ماتكمل كلامها السكرتيرة ..اجت .. • قمت راسي 🤦🏻♂️ قلبي اول مرة نحس بحاجه ف صدري تخبط عيوني تجمدو 😳شن هذا ..خلي نوصفلكم الشكل كانت لابسى زي شي طويل ع سروال وجكيت سودا راسم جسمها 🔞❤ شفايفها كبار💋 لابسة نظرات يعتبرو شفافات 😍 من هادي بس فطنت لروحي لما تكلمت بجدية .. • اسمهان تلوح بيدها : هيييه ..لما قمت راسي .. • انا : اسف ..تفضلي رانيا .. • أسمهان : مدت يدها تسلم ...أسمهان محي الدين اليوسفي • أنا : اهلا بيك تفضل وما مديت يدي ..درت بايدي تفضلي .. • اسمهان نحرجت وحاولت تتماسك : أنابنت محي الدين مدير شركه الحديد والاسمنت وبديت شريكه معاه وانا خريجه قانون و محامية الشركة...... • دوت هلبا وانا نحاول مانشبحلهاش لان كل مانشبحلها معاتش نركز شن الي يصير معاك ياصدام 🤦🏻♂️ لين حسيت عم الصمت وسكتت : باه والمطلوب من كل هذا.. • اسمهان : ان نتشاركو ف المشروع هذا منك العمالة ومواد ومن راس المال وباقي الحاجات .. • انا بصوت رجولي : سبب ختياركم لي شركتي شني .. • اسمهان : بكل صراحه ووضوح لانك معندك شريك وشركتك معروفه فا مش حايصير اي تلخبيط او جدال ..فا كنت الخيار الاول • أنا : امممم اوكي .. • اسمهان : و هادو اوراق العقد والميزنية ودراسات ...وخشت رانيا ب فنجان القهوة ...اطلع عليهم ورد عليا هذا رقمي .. • انا : خوديه منها رانيا وان شاءالله حا نردو عليك .. شرفتينا بزيارتك ولفيت بالكرسي لل القزاز الي طل ع شارع.. رانيا كانت واقفه مصدومه😳 صح صدام جدي بس مش لدرجه هادي طلعت لان حسيت حاتصير حاجه ... اسمهان انحرجت بس عصبت وقفت وجت قدامه وحطت ايدها ع الكرسي ولفاته بيه ولصقت ف وجهة وبصبعي نأشر👆🏼.. • اسمهان : انت من تحساب روحك تنفخ ف روحك وتقول شيء ما سلمت وما دورتك واسلوبك ال جاف وكان الي قدامك حيط ومشيتها بس لحد هني وفيق انت راجل اعمال وصاحب شركه ايه بس مش معنها تحتقر غيرك وعيوني تعبو دموع لان ما عمري تعاملت هكي وجيت بنمشي قبل ما يفضحوني عيوني ... • صدام : لما كانت تتكلم حاولت نقاوم نفسي اني ماتفضحنيش عيوني وخاصه ان البنت الوضح جدية ومانبي نبين حقيقة شعوري حاولت مانركزش هلبا ف كلامه المهم فيسع يتم الاجتماع ولما حكت ع الاوراق مانعرفش علاش تصرفت هكي بطريقه هادي مع اني ف العادة ما نحب نكون صليت او قليل دوق ..بعد ما كملت لفيت الكرسي وكنت نتمنى تطلع بدون اي شيء حتي لو ماصار من صفقة طز بس ماتهزني بنت من اول مرة ..وريقي نشف وانا من داخل نغلي يارب ..شوي حسيت ان لفتني ووجهي ف ووجها وبدت تتكلم وعيونها وشفايفها يزيدو يحمرو والواضح انها بتبكي ولما عيونها دارو لمعة عرفتها انها حا تبكي عضت شفايفها وشبحتلي شبحه قتلتني وجت بتمشي بس ماقدرت نخليها شديتها ولفت لعندي وع طول صار 🤦🏻♂️🤦🏻♀️ بوستها بوسة طوووويله لين دفتني وضربتني كف وقامت شنطتها وطلعت .. . .. ... .... ..... #صقر كنت كيف واصل لورشة كنت وراي سيارة وموضوع خش صهيب للمعرض وقفت عليا لقاني كيف بنلبس القامجو لان بنخش تحت السيارة وهوا وراه جتماع مع مستوردين سيارات الاستعمال الاوروبي .. المهم شوي هكي كلمتني جنى قالت روح بيا انت ولا خوك لان صدام كلمته ما رد عليا وصهيب تلفونه مقفل ..فا مافيش غيري لان حتي بوي قاعد ف زليتن عند جدي قالو مريض مشى هوا وامي 😑 طلعت وحلفت مانيش منحيه نحيتي الي من فوق وخديت المفتاح وركبت ..ووقفت قدام المستشفى رنيت ما ردت اوف يا جنى ع الحركه نزلت ووقفت ف الفم وين ها كلاب جماعة البوابه شبحت روحي اوووف تستاهل ماعندي ماندرلها ما حد قالها خلي تلفونك صامت ولا تراوين .. خشيت ال داخل ما لقيت حد قعدت ندور خطمت ممرضه سالتها .. الممرضة : هوني الدكتورة واقفه بحدا الشجرة هديكا تتكلم ف تلفون 🤨.. بيني وبين نفسي كيف تتكلم ف تلفون وانا الي كنت نرن عليها ما ترد توا نوريها ..قربت ..وبديت نسمع .. ......: احترم روحك يا بندام انت ماعندكش كرامه ما نحبكش ومانبيكش هوا الارتباط بسيف ..شني تي صور شني الي تقول عليهم ...حاجه الله كبيرة فبرك ولا زمر بس كانك راجل نزل وحدة وربي كان ماندخلك لمستشفى الي انا فيها مانكون بنت امي تمام هي سكر صبح ياحيوان ..ونحتلها التلفون تلفتت🤦🏻♀️🤦🏻♂️😠😳 • نوران : صصصقر .. • صقر : ايه صقر ..😠 ناديلي جنى وتلفونك بيقعد عندي هاكي هذا 📲 وغدوا تكون عندك شفرة تانية وجهازك تو نجبهولك ...انا ف سيارة قوليلها صقر برا .. كانت نااااار 🔥 والعة فيا من الي يهدد فيها هذا الردان ع الارقام الغربية شن يدير وبديت نخبط ع الستيرسو والله الا نقتله ها الكلب الزامل ال🔞🔞🔞 دمي محروووق والله كان وقتها نحصل عليه عادي نقتله اووووف ستغفر الله جت جنى ... • نوران : لما خدا تلفون كنت نحسابه اشرف بنعيط وبنمسح بأمه اللووطا لكن لما لقيته صقر لا عرفت بنبكي ولا نعيط ولا بنبرر شن سمع ولي زاد وغبر انه قرنت حواجبه ومنظره كان يوحي لو بنزيد معاه كلمه حا يركني بوكس 😑😠 فطريت نسكت حا لما قالي بناخد تلفونك ما قدرت نقوله لا ولما عطاني تلفون نفس الشي 😳😝وين لسانك يانور فوق الرعشة رعشة صقر حسيت بيغمى عليا ولما قالي قولي ل جنى تلحقني😑😠🤦🏻♀️ وين انا من جنى ياربي معاتش فهمت قريب بندوخ خشيت جري ندور ف جنى قريب بنطيح ..ونعيط جننننى جنى لقيتها ف مكتبها تلم ف حاجاتها لان الواضح كانت بتطلع كدا كدا ..فتح الباب عليها فجاة وانا قريب بنعيط • جنى : خيرك اللطف ناس تخبط دير اي للقطه رعشتيني ..وخيرك صفرة فيك حاجه ..قربت منها خيرك اللطف ترعشي ..جبتلها مية هاك هاك.. • نوران : شربه المية ..اطلع اطلع .. • جنى : وين بنطلع خيرك ترعشي ...صارلك حاجه فيه حاجه • نوران : اطلع لشلال خوك ولما نروح توا نجيك ولا لالاللا انتي تعالي عندنا .. • جنى : من جاء .. • نوران : صقر يا جنى وسمعني وسمعني...بري فيسع توا نحكيلك بعدين ... . . .. ... .... .... يتبع الليلة فيه حلقة اضافية ان شاءالله ❤🔥 نبي تشجعكم وع فكرة البارت الجاي فيه حاجه🔞❤ علاش تفاعل شوي الي يقرو اكثر من الي يصوتو ع الاقل صوتو 😥🙄
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
