مستشفى المجانين 🏨💔

الحلقه الثامنه8️⃣💔

#مستشفى_المجانين🏨
.
.
.
.
.
.
.
الحلقه الثامنه8️⃣
.
• ماريوس : انا اسمي اليوسفي عبدالرحيم اليوسفي
• أنا : ش ش شني 😳😱...وع طولدكرت عرفتوه من ايه ايه
• ماريوس استغرب : خيرك ..تعرفيني ..
• أنا لما قالي اليوسفي عبدالرحيم وكان ف حد ضرب بارود جنب ودني كاني انتطرشت وقعدت ندقق ونشبح ف ملامحه معقولة 😳😨 نفس العيون نفس تفصيل الوجه لا لا اكيد نتخيل بس هو...قطع افكاري وهوا يلوح با ايده قدام وجهي ..
• أنا : اسفه بس سرحت شني قولتلي اسمك ..
• ماريوس : إسمي اليوسفي عبدالرحيم...موليد 82 يعني توا مايقرب عمري 30 او اكثر بشوي ..كانت عيلتنا صغيرة جدا ...ولد واحد وبوي وامي ..بوي كان كبير خوته وكان الاعدل بيناتهم والاقرب لجدي وكان هوا وعمي الولاد ..محي الدين صغير العيلة (الي تركيزهم ممتاز توا يربطو ) والباقي 3بنات جميلة ..حميدة..وسامية .. وكان جدي عنده رزق وبوي رافض ان يعتمد ع رزق جدي ف تكوين حياته وهذا الي خلاء جدي يأمن أكثر ع ورث خوته لبنات بوي انسان متعلم يخاف ربي جدا خلوق اكثر ما تتصوري 💔😔 لين...سكت ونزل راسه ...حطيت ايد ع ركبته وطبطبت عليه كمل ..لعل الحل قريب ..ماريوس هز براسه بمعنى تمام ..كان بوي يخدم ليل نهار ع راسه ويحاول باي طريقة يدير اكبر شركة حديد واسمنت لانه كان طموحه الهندسة المعمارية و المدنية وبعد فترة زهرت معاه بدت شركة بوي ف نمو اقتصادية بس صار الي ما كان ف الحسبان جدي مرض مرضة قوية بحكم السن ووو توفى ..وصدمه ما كانت شوية ع بوي قعد فترة متاثر والي زاد الهم ان ف العزا اكتشفو عماتي ان جدي خلى وصية عند محامي صاحبه أن رزقه كله باعه ل عبد الرحيم 🤦🏻‍♂️ وكانت مكتوبة باليد وموثقه ف المحكمه يعني مليون ع مية صحيحة ..وزاد المحامي قرالهم الوصيو وكانت ..
#نرجعو 20 سنة ⏭
( السلام عليكم بما ان الوصية قد فتحت فأنا الان عند رب العالمين ..إذا...
أنا الموصي اليوسفي ال..... قمت ببيع املاكي كلها ل ابني البكر عبد الرحيم اليوسفي .. بحضور صديقي المحامي فتحي .... وهذا لا يعني أنه ملكية دائما إنما عليها شروط ان يتكلف بصرف ع اخواته البنات واخيه الشاب بكل ما يحتاجه ويراه عبد الرحيم مناسبة وان يقسم عليهم الارباح بما شرع الله ولا يظلم حتي المتزوجه منهن وان يسلم ربع الشركه لأخيه بعد زواجيه وإذ الله أعطاه العمر ...واوصي بان تقدم العمارة التي ف ... ل الإجار وان يقدم اجارها للدار الاوقاف ما حيتم .. والسلام عليكم ورحمة الله ..)
كانو كلهم ف حالة صدمة بس كانو البنات فرحانات وتكلمت سامية كانت وقتها متزوجه
• سامية : خير ما دار بوي ربي يرحمه ويوسع عليه ترابه حاير علينا حتي وهو عند ربي وخير ما ختار عبد الرحيم مناسبة وطول عمره يخاف ربي..
• محي الدين : وانا من كليت حقه ولا أنا مش ولدكم وخوكم زي ما هو ..وعلاش ما يعطينيش حق زيه لازم نتزوج ولا نقعد طول عمري يصرف عليا خوك ..
• عبد الرحيم : من قالك نصرف عليك هذا رزق بوك ..وضرب على صدره ..مستحيل نردك وانا حي و ..قطع عليه محي وهوا يلعلع..
• محي : انت شن تحساب روحك ديما تبي روحك البطل اطلع منه الجو هذا ياراجل حقي ونبيه بطيب بالغصب نبيه وكيف تعطوني ربع شركه لا ولازم بعد زوجه وعلاش مش بسيف هوا..
• حميدة : وطي حسك وبلا تلعليع خوك كبير وصوته مايعلاش وانت صوتك لشارع ..بووف عطاها كف محي الدين ..😱
• عبد الرحيم شده وعطاه كف لين طيحه : تعطي كف لأختك ع خاطر وسخ دنيا ومدامك هكي وربي كنت حانعطيك من حقي ونخالف كلام بوي بس مدام وصلت بيك تمد يدك ع اختك كان دقتهم اكثر من حقك ماتاخد وانا وانت ...
#نرجعو للواقع...
• أنا: حيه عليه خيه ع الخوت الي هكي ..فطنت ل روحي ...اسفه والله ما قصدي ع بوك بس عمك ستفزني..
• ماريوس لا شعوري مد يده وحطها ع خدها بنظرة دوخ ..: هههههه عادي مادوريش ..أنا لما حط ايده ع خدي تجمدت وطريقة ضحكته وعيونه اول مرة نعرف ان فيه عيون لونها بين الاخضر والازرق ماهذا 😳🤦🏻‍♀️ ..فقت مع روحي بطريقة سريع جبدت روحي ووجهي احمر ورتبكت ..
• ماريوس حسها تحشمت : أسف والله طلعت مني لا شعوري 🤦🏻‍♂️ ..نزلت راسي وبعدين تماسكت وبلعت ريقي..
• أنا ابتسمت : تمام .. كمل نسمع فيك ..
• ماريوس بلع ريقه وف داخله يارب صبرني : خلاص من وقتها معاتش يكلمو ف بعض عماتي يجونا ونمشولهم بس عمي لا بس بعد عامين من الي صار قرر عمي يتزوج لانه كيف ما حلف بوي مايعطيه الا الي كان يستحقه بس كا عقاب ليه والباقي يحط فيه بوي ف حساب خاص بإسم عمي وما كان حد يعرف بيه الا صاحبي جدي العم فتحي ..و عمتي حميدة لانها حقانية وكانت لا تحب الغلط ولا تسكت عليه عرفتيها هادي نفسها الي كلت الكف ههه
• أنا : 🤣🤣 ايه عرفتها
• ماريوس : المهم قرر عمي يتزوج داروله عرس مش طبيعي لليوم ندكر فيه بس شرط ع بوي قبل الفاتحه يتنازله ع ربع الشركه وحوش جدي الكبير ..ولان عمي عارف بوي ف الموقف الي يكون فيها ناس وبرانية مش حايتكلم قرر فعلى يتنازل ع الحوش وربع الشركه ..وتم الزواج ورجعنا زي قبل ..وياريت ما رجعنا💔🤦🏻‍♂️
• أنا : علاش😨
• ماريوس : اهو جايتك ف دوة ...بعد سنه من زواج وطبعا ما جابش صغار تقريبا وقتها كٌنا ف 93 او 94
• أنا : السنه الي ولدة فيها 😊
• ماريوس : هههه ... المهم وقتها عمي كان يحاول ياخد من بوي اكبر عدد من الاسهم وبدا يواصل ف عماتي وقدر يضحك ع عمتي جميلة باش تكلم بوي يتنازل ع حقها ل محي ..بوي رفض وقال مش حانخالف وصية بوي وصارت عركه بين جميلة وبوي بكلام جارح ..ونجح عمي بأن يطيح بين عمتي وبوي وطبعا فيسع انتقلت العدى لعمتي سامية ..ونفس الشيء وبدو يحاربو ف بوي دارو كل شيء محاكم وقضاية وناس تهدد بس شيء بوي قال مانتنازل لين تقريبا 2000 كانو عماتي ما يكلمو فينا بس حميدة ما قطعتنا ابد رغم بعد المسافه هي كانت تسكن ف الخمس واحني ف طربلس بس ما قطعتنا وكل فترة تنزل وشا القدر ان أمي تحمل تاني كانت فرحة بوي ما توصف ..المهم ف يوم كان بوي عنده سفرة ل تونس بيقعد يومين وبيروح قبل ما يمشي جاه تلفون ايماتها كان مافيش الي عطهولي ..كان متع السلك ..
• انا : ايه ..
• ماريوس : رد بوي بس فجاة تغيرت نبرة صوته وبدا يتكلم بطريقة تخوف والي سمعته كان...ما تقدرش وربي لو تمس حد من عيلة ما قاتلك الا انا ....نقتلك ..نعرفك توا نعرفك تحساب واعرة عليا نزبطك من بس جرب..وسكر ونادى ع امي اسمها هَيبةً ..
• أنا : محلااااه اسمها ❤
• ماريوس : تمنيت نسمي بنتي عليها ونفرحها طول عمري حا يقعد ها الاسم ف مخيلتي
• أنا : ربي يعطيك وتسمي ❤
• ماريوس : يارب ..المهم نمشو
#نرجعو ليومها..
• بوي: هَيييبة هيبببة
• هيبة: نعم عبدو خيرك تعيك خلعتني ..
• بوي: لمي دبشك و دبش ولدك بتسافرو معاي..
• هَيبة : وعلاش اللطف خيرك ..
• بوي بصوت عالي : ماتناقشنيش يا هيبة ..
• هَيبة حطت ايدها ع بطنها : بس دكتورة مانعتني من السفر لان خشيت شهري ومرات نولد ف اي وقت نولد ونلحقك ..
• بوي بنبرة قوية: بيقتلٌك يامرآة انتي ولدك والي ف بطنك ..ونزل راسه وبدا بصوت مخنوق ..بيقتلوكم باش يأخدو مني كل شيء علاش يا بوي علاش حطيتهم ف رقبتي ..قربت منه امي..
• هيبه : ادكر الله انتً راجل متعلم وتخاف ربي وتعرف ان الي دير فيه صح وف مصلحتهم علاش خايف..
• بوي شبح ف عيونها الي كانو زي البحر : بس يا هيبة مانعرف الناس وقلوبهم حتي لو كانو خوتي 🤦🏻‍♂️💔
جنى : قصدك الي هدد بوك عمك 💔😨🤦🏻‍♀️
ماريوس : بضبط ..
• هيبة: صلي ع النبي وادكر ربي يا دو العيون العسلية ❤
• بوي ابتسم 😅: بديتي تحكي زيني هههه
• هيبة : انت الخير والبركة..حبيبي انت معانا مش حايصرلنا شي انا ولدك ..وحطت ايدها ع بطنها وبنتك بإذن الله وحامي ربي 😊❤
• بوي مش مرتاح وضمها : بس مش حانقدر نخسركم اوحتي نحط احتمال زي هكي مش حانخليكم وتي روحك انتي ولدك وشوي وحا نجيك والي قدره ربي بيوصل 🤦🏻‍♂️💔 ...وياريت ما طلع
• ماريوس : لان الواضح كانو يستنو فيه يبعد وانا كنت كيف مروح من المدرس والي حكيت هولك كله سمعته وانا واقف جنب الفراندا (ف حوشنا كنت نخش من زي بلكونا ارضية طل ع جنان من تالي ) وقتها كان عمري تقريبا 14 ان سنه يعني صغير 💔🤦🏻‍♂️ بعد الي سمعته وتاكدت ان بوي طلع خشيت طلقت السلام وضميتها وكان ندس ف خوفي ف دخلها وكانت تبوس ف راسي ....
• هيبة : ولدي البطل ..اركب بدل لان بنسافرو 💔
• ماريوس : وعلاش غدو عندي تطبيق راه ..نتحجج
• هيبة : اوامر بوك واصلا المدير صاحبه توا يكلمه يعاودولك اصلا يومين ونروحو ...
• ماريوس حط راسه لوطا : باه وكنت نكر ف رجليا بسيف .... كيف ركبت لداري بنغير حسيت بحكة وكانه جري احصانه ف اسطبل لين خفت نزلت نجري 😳😱 ي ي ياما طايحة ع الوطا ووسط الحوش كله دم تلفتت الجهة تانية لقيت ملتم قالهم جيبوه😳😱 جيت بنهرب بس ضربني ع راسي لين فقدت وعي 💔🤦🏻‍♀️....قطع علينا ...انفتح الباب ...نرمين..
• نرمين : دكتورة... سهام المريضة رقم 1 لقيناها تنزف فيسع تعالي ...ومشت وسكرت
• انا : جية جية وجيت بنوض ..اسمعني جاي ف ليل بنكلمك خلي عينك ع الهاتف ورد بالك فيه كاميرة وراك و وزدولك بحدا الساعة ما تشبحلهش لان بيزبطو ان نحكي عليهم ...هز راسه ب تمام..
وجيت بنطلع ولان غبية شديت الباب بدون ماندخل البطاقه 💳 وضربني الضي لين قريب طحت ع الارض بس شدني ماريوس ..قريب دخت وهوا يشبحلي باهدوك العيون💙 وهوا ايده شدني بيها واليد تاني ع وجهي يخبط ع خدي ..
ماريوس : دكتورة فيقي ..فيك حاجه شن تحسي وبدا يلوح با ايده للكاميرة المعروف مكانها تعالولها ..بس لان حظي اسود لالالاة علاش اسود والله ياريتا ديما هكي ولا ليل نهار ندخل صوابع ف الكهرباء 🤣🤣 بس الواضح شكلهم كلهم مشو للمريضة سهام..
قامني ف حضنه وحطني ع سريره وع طول جابلي شوي من طولة الخشب كسرها وحط شوي من ريقه ع شفايفي حطهالي ف فمي وقالي عضيها... وانا عيوني شبه مسكرات ومافيا جهد ..حاولي يادكتورة الكهرباء ماتمشي كان للحيط ولا للخشب ...حوالت لين عضيتها وجابلي مية 💙 هاكي اشربي مية وخديتهم بس لان ماعندي جهد بزعتها ع روحي قعد يمسحلي ف حوايجي وف فمي وشوي شوي بدا يقرب لين 🤦🏻‍♀️💋 وشوي ودفيته ونضت ...
(طبعا كلكم حا تقولو كيف ماستغل اللحظة وسرق البطاقة وماهربش ووو ..اهو نقولك علاش لان دارها قبل بس ماقدر وجنى من البدية حدراته الغدر لا وانها حا تسعده ..)
• ماريوس : سامحيني بس..
• انا ما تكلمتش نضت بصعوبه حاول يساعدني بس رفضت نضت وتوجهت للباب وحطيت البطاقة وطلعت ...
.
.
.
.
.
.
.
#صدام
• السكرتيرة : استاذ صدام ...صباحك طيب ان شاءالله اسفه ع التاخير ..
• صدام بصوت جدي : أخر مرة يارانيا أخر مرة ..
• السكرتيرة : والله ضرفي صعب وانا ...
• صدام قام راسه بنتباه : شن فيه شن هما الضورف الي يخلي سكرتيرة المدير تجي ساعة 11..
• رانيا بصوت مخنوق : أمي جتها جلطة الفترة الي فاتت كلها حاولت نجي بكري ونوفق بين هني والحوش بس 💔
• صدام : علاش ما طلبتيش اجازة ..
• رانيا : لان الاجازة حا تكون بلا راتب وانا محتاجتهم أمي ادويتها غالية وانا ما نقدر نسلم فيها.😔💔
صدام مصدم بجد ولا مرة لاحظ انها تاخرت بالعكس كل شيء ديره منظم وفي وقته ..
• صدام : تمام رانيا اليوم قدمي طلب اجازة وقولي ل سامي رئس القسم المحاسبة يكلمني ..
• رانيا : لالالا مانبيش ناخد اجازة ..
• صدام : ماتخافيش مش حاياخد مكانك حد بس حانجيب مكان وحدة موقتا لين ربي يفرج عليك ..
• رانيا بفرح : الله يعطيك لين يغنيك 😊 حاضر استاذ ..
• صدام بفرح : هي ارجعي لخدمه وديري الي قوتلك ..
• رانيا : ان شاءالله ..وجت بتطلع بس دكرت ..أستاذ صدام غدوا اخر يوم لتوقيع العقود مع شركه الاستاذ محي الدين ..
• صدام 🤦🏻‍♂️ضرب ع جبهته : دكرك ف جنه طيب ما دكرتي تمام راسليهم وقوليلهم ...وسرح ف الموقف ودكر البوسة 💋😍..ابتسم ..قوليلهم موافقين وابعتولنا الاوراق ..طلعت رانيا وهي مبسوطه بس اكيد مش زي صدام 🤣❤ طلعت رانيا وهوا حط ايده ع قلبه الي كان قريب بيطلع يرقص الريقي ع طاولة 🤣🤣🤦🏻‍♂️
.
.
.
..
..
..
.
#صهيب
بعد ليلة امس نضت حسيت دنيا كلها تغني وترقص خشيت دوشت لقيت صقر فايتني وشكله نوضني بس ماحسيت اصلا بيه ولبست وطلعت ..
اوووف ياريت عندي رقم مودة راه بعثلها صباحك حب ياحب وجو 🤦🏻‍♂️😅 يلا تتعوض بس نخليها رسمي قبل باش ماتكونش زاي الي قبلها ..وصلت للورشة ولقيت من كيف حالتي قريب نقزت ف مكتبه صقر ..لقيته مولع اغاني هادية ويدندن معاها ..
• صهيب : اووو عشيري شكلنا زوز مبسوطين اليوم والله الا شكله التوام مش ع الابيض 🤣🤦🏻‍♂️
• صقر رادع تقعمزت وعقد حواجبه : اي ابدا امبح فيها لين تضربنا عين اصلا نعرفك.. اممم
• صهيب : غر قول قول شن الي باسطك 😉
• صقر : برا شخ ورقد تراه خطاني ..
• صهيب : العيب مش فيك العيب الي فيا راه ..وجاء بيطلع
صقر ف بداية سكتت لكن لما ما وقفش زبطت انه زعل لان مش من عادتنا ندسو شيء على بعض..
• صقر : صهيب ..تلفت..
• صهيب : شني ..
• صقر : تعالى نقولك ..رجع يجري ههههه
• صهيب : ازهر وبان عليك الامان ..
• صقر : امان عينك سلم تستلم ..انت قول بعدين نقول .
• صهيب : ايه وكان رجعت فيها نقعد انا تحت امرك ولا ..
• صقر : ياحيوان انا امتى نرجع ف كلمتي ..
• صهيب : تي روح اللعب غيرها لا ..باهي شن رايك نديرو زي زمان ..ورقه حجرة مقص
• صقر: لا ع ام المعيلة
• صهيب : شني نديرو ولا نوض..
• صقر : لالا هي ..🎲🤣🤣 انا قبل اوووف .. ااا
• صهيب: نسمع فيك ..
• صقر : انا نحب نوران وناوي نتزوجها..
• صهيب عيط اووووو وفلقها ضحكه لين طاح ع ارض لين الي واقفين ف المعرض قعدو يشبحوله ..لا ءءء حتي ف هادي ..
• صقر حدفته با البيرو : ياكلب فضحتنا ياحيوان نوض ..
• صهيب : لالالاااااا حتي ف هادي ووووووه 🤣🤣
• صقر ما فهم شي: تي نوض شن تخرط ..
• صهيب ناض : ماهو الخرط مزال ماسمعتاش بنوالو نسبات ياحبيبي 🤣🤣
• صقر استغرب شن ينبح هذا ..لان متاكد نوران معندهاش لا خوات لا خوت : شن تقول ترجم
• صهيب : ماهو ياخي العزيز وتوامي الجنتل مان امس كلمت سماعيل وخطبت مودة صاحبة جنى ونوران 🤣🤣🤣...
• صقر ناض وخبطها ضحكه لين ناس ستغربو ف زوز الهبل الي لداخل 🤣🤣🤣🤣وطاحو مسخرة وتسهويك ...قصدك حتي ف هادي لاصق فيا 🤣🤣🤣 لالا مزال جنى كان تسمع
• صهيب : مش حانتحمل الموقف وربي 🤣🤣نحس فيها بتنجلط ..
• صقر : حيه لالا لازم نقولولها قبل البنات لان وربي بتزعل وانت تعرف زعلها شين .. ورجعو يضحكو
.
.
.
.
.
.
.
.
#تسريع ف الاحداث
بعد مرور سبوع بضبط ..وخلال الاسبوع هذا ..
جنى اعترفولها صهيب و صقر وقريب حقيقي نجلطت بس فرحت اقرب زوز صدقاتها بيولو نسوين خوتها ❤
.
.
صدام وقع العقود بس غير ما كان حاسبها بدون ما تجي (اسمهان) ..💔😔
.
.
صقر كل ليلة للفجر هوا ونوران يهدرزو ..❤😉 ونص هدرزتهم عراكي 🤣🤣
صهيب كل ليلة يمص ف ليم لان حلف ان مش حايكلمها لين يجو بوه وامه ويطلبوها رسمي ..🤣يستاهل
.
.
جنى كانت تكلم ف ماريوس كل ليلة بس ما تكثرش معاه وقررت ان خلاص يوم الخميس حا تهربه بما ان اهلها احتمال بيروحو فا بعدها صعب تطلع امتى ما تبي بس كيف حا دير ولا وين حا تاخده لما طلعه 💡 دكرت حوشهم الجديد الي ف سياحية المكان الوحيدة الي مستحيل يدكره حد ..تفقت انا ومودة لان هي الوحيدة عندها سيارة وتقدر تساعدني مشينا للحوشنا نضفت داري الي كانت ف دور تاني طبعا الحوش كان فاضي جديد بس مافيه شي وخليته كيف ما هو بس نضفت دار وحدة ع خاطر حتي لو جاه حد مش حا يلحظ ان فيه حد بعد مانضفت داري حطيت فيه مناظير وشريت تلفزيون وجبت شوي حاجات ومنهم مني ثلاجه وكان فيه مكيف من الاول لان ع اساس فترة الجاي بنحولو فيه بس تاجل لان جدي مريض ..المهم
.
.
.
.
.
#ليلة الخميس
#عند_جنى_ماريوس😨
نضت صبح دوشت لقيت رسالة من مودة ..
(سيارة خداها سماعيل كيف حا نديرو ) بلعت ريقي
يافتاح ياعليم كلمت نرمين ..قالتلي ناخد سيارة ولد عمي مدرسها ف جراج عندنا وهوا مسافر اول ما نكمل منها نردها ..نجيبها ف ليل وندرسها بعيد شوي ع فم المستشفى ويصير خير.. وتفقنا وتمام ..ومشيت للمستشفى وانا ف داخلي قلبي بيوقف ..وصلت درت دورة عادية وخشيت ل سهام لان زادت حالتها نفسيه تازمت لدرجة انها تبكشت ماعاتش تكلمت من هداك اليوم ..طبعا يومها مالحقت عليهم لقيتها سعفوها وراقده..
المهم .. جتني نرمين ..وانا كنت واقفه مع فرحات ..
• نرمين : ممكن شوي من وقتك دكتورة ..
• انا هزيت راسي بمعنى تمام ..لحقتها لمكتبي ..
• انا : خيرك..
• نرمين : فكرة ف حاجه بيني وبين نفسي باش لا تنضري ولا ننضر ..
• انا : خوفتيني شن هيا ..
• نرمين : لازم ناخدو ملف ماريوس ومانخلو اي اثر انه كان هني ع خاطر لما يشكو ع انه ضاع ولا اي شيء ما يلقوش كيف ..
• انا : والله الا صح كيف ما فكرت فيها ..باهي هادي ساهلة ملفه قاعد عندي ..
• نرمين : مش غر الملف اشرطة متع الكاميرة💽
• انا : ايه🤦🏻‍♀️😨صح ..مش عندهم ارشيف
• نرمين : ايه ..
• انا : نمشي ناخدهم حتي هما ..
• نرمين : ايه ماهو ساهل الموضوع تي راهو الراجل عنده عندنا قريب10سنين يعني تلقي اقل شي 100 CD لان كل شهر عنده CD بروحه ..وبعدين كيف دريلهم وهذاك الدراه تم ..
• انا : توا نتصرف بس انتي غطي عليا وخلينا ع خطتنا شانطي وين ..اهيا
• نرمين : توا بدريها😳
.
.
.
.
.
يتبع 😨😳🤦🏻‍♀️
شن حا دير وهل بتنفضح 💔 انا نكتب وربي نرعش يستر الله سامحوني تاخرت بس والله ماحصلت نت 😔
نحاول نزيدلكم حلقة تانية بس التفاعل  ميت صوتولي ❤💋