مستشفى المجانين 🏨💔

الحلقه السابع عشر 1️⃣7️⃣

#مستشفى_المجانين 🏨
.
.
.
.
..
.
..
الحلقه السابعه عشر ❤
.
.
.
.
.
نعرفها شوي قصيرة بس مزال فيه وحدة تانية صوتو باش نزلها 💋😭
#محي الدين
• اسمهان : بوي فيه..
• انا عيطت : اسمهان قولتلك ...وقمت راسي 😳
• أنا : عبدالرحيم 😳
• عبدالرحيم : ايه عبد الرحيم ..
• أنا : كيف مش ...
• عبدالرحيم : كٌنت ...
انا كنت قريب بنهبل مش هذا كان اهبل كيف ولا هكي كان لابس سورية زرقا زي عيونه وسروال اسود كيف عبدالرحيم ف ايامه 🤔
• انا : باه شن تبي انا مش فاضي ..
عبدالرحيم خش وقعمز ع الكرسي وحطيت رجل ع رجل وشبحتله🤨😏
• عبد الرحيم : قصدك لتوا ما تعرف شن نبي امام نبي شركتي الي ليك 15ان عام تعوم ف خيرها..
• انا 😏: خيرها قصدك ف ديونها ...
• عبدالرحيم : انت الي خليتها غارقة ف ديون ..
• انا : تمام ..معندكش شي عندي ..حاجه ثانية
• عبد الرحيم : تمام ..خليها ف بالك جيتك نخفف عليك ونجيك بطيب .. بس مدام انت ناوي تقعد حرايمي وماتخاف ربي.. تحمل الي نوريهولك يا محي وحق من غرس ع هاشيب ف راسي 15ان سنه ناخدهم من عيونك ع الي شفته ..
• انا : الي ف خيلك اركبه كان القيت 😏..هي برا
• عبدالرحيم : بتندم وربي بتندم وانا وانت ياولد امي ..وطلع ..
.
.
.
#عبد الرحيم

كنت رغم كل شيء ماقدرت نكره محي ديما ف داخلي نبررله رغم قسى الي دارهولي بس ليش ياولد امي وبوي ...لازم يتعاقب بسحانعطيه فرصه لروحي نريح ضميري ونمشي نحدره لعلى يخفف عليه من ناحية الرزق 🤦🏻‍♂️..بس صدمني رغم الوقت الي مر الا هو قاعد اوسخ من الاول وطريقت كلامه وكان هو الكبير وانا الي جاي نطلب من رزقه ..طلعت منه وانا ضميري مرتاح لل حايصير معاه ..لقيت قدامي اسمهان..
• اسمهان : خيرك شن جابك يابوي بيضرك هذا ..
• انا : لمي دبشك وكل شيء ليك وتعالي لحوش جدك معاتش بيطول الكلب الي ف داخل ومانبيك يصيرلك شي منه ..
• اسمهان : بس ..
• انا : مافيش بس كلمهةوقولتها ..وطلعت وخليتها واقفه
..
.
..
..
..
..
#ثاني يوم ..
#عند_جنى
نضت الصبح نسمع ف دوشت ناس عندنا والواضح خوالي وخالاتي ..نضت دوشت وبدلت وصليت وكمت حاجاتي اليوم يا صابت ياخابت الملف جاهز وتم تقديمه المحكمه زعما شن بيصير معانا يارب استرنا بسترك ...
طلعت سلمت لقيت جٌينه غاطسة ف الكوجينه ومعاها مودة ❤ هادي الصحبة الي تهنيك حتي لو انت غايب قايم بالواجب وزود ❤🙈
خديت مودة ع جنب ووشوتلها ..اليوم حنجيبلك الهرد متاع الكاميرة ..شبحتلي وهزت راسها ..وانا جيت بنطلع شدتني وقالت ..ردي بالك ع روحك .. قولتلها ان شاءااله وبستها💋 وطلعت..وانا ف خاطري ياربي نويت الخير يارب ساعدني واحفظني 🤦🏻‍♀️وكان قلبي بيطلع من مكانه ...وكلت امري لله وكملت طريقي ..
.
.
.
.
.
.
.
.
.
#اليوسفي
لما روح بوي وقالي انه كان العم عرفت ان بدينا نلعبو ع المكشوف وخلاص بدا وقت الجد ..كلمت المحامي وقالي القضية ماشية صح والجلسة تحددت وسعيد متورط متورط ومش حايطلع بس مزال عمك وهذا موضوعه كبير وفيه حاجه لو صارت عمك ع الحبس طول ..سكرت وانا كنت بنموت من القهرة لان عمي هو سبب كل شيء ...بس ف نفس الوقت فرحة ان المحكمه قربت ...
جاء ثاني يوم رن عليا اسمهان ..
• انا : ايو صباح الخير ..
• اسمهان : صباح النور كيفك يوسفي وكيف بوي وعمتي
• انا : تمام ..
• اسمهان : بنقولك عمي شكله يوتي روحه للهربة بس امتى وكيف مش عارفه وبوي قالي لازم تلم دبشك وتحولي عندنا ..
• انا : هو لي توا ماعندش العلم ان بوك عبدالرحيم عنده علم انك بنته ولا
• اسمهان : اكيد من بيقوله
• انا : تمام خليك معاه ..وانا توا نهدرز ع بوي ..
• اسمهان : يستر الله ..
.
.
.
.
.
.
.
.
.
#عند جنى
وصلت للمستشفى حقيقي لقيتهم طواري وكل الي ف مستشفى بيديرو تحليلي حتي الدكاترة ..خشيت لقيت كلهم موجودين ماعدا دكتور اشرف ..سالت قالو خدا اجازة اسبوع ..المهم
خدو مني عينة ومن د.فرحات الي كان وجهة اصفر عيونه حمر وارق واضح ع خليقته تقول ربي سخطه استغفر الله قعدت نشوفله سبحان الله كان ديما قايم خشمه ويدير ف روحه وها المرة عكس تمام كان مطاطي راسه ..كملو مني ومشيت نظم اموري وبنمر ع الحالات ..خشيتلهم كلهم وعمدا خليت سهام اخر وحدة لان نرمين تراقب ف همام ..وجاء دوره ف تحليل دارتلي رنه ..خشيت على طول درت كمامه لقيتها مسكينة راقدة..جبدت كرسي وبديت كل مرة نحي طرفي ههههه ونرجعه لين لقيت زي كرت تقول ميموري لكن كبير شوي حسيته هوا لما قريت عليه كان مكتوب
(The version that cannot be erased)
وهذا المطلوبة حطيتها ف صدري وطلعت ..
لقيت نرمين واقفه تاشرلي بعيونها مافهمت ..😥
شوي وعاودت كانها تقولي اشبحي ..😧 شبحت شرطه واقفة ومعاهم سيارة اسعاف وهلبا حاجات ..كانهم دفاع مدني ..نكدب كان قولت فهمت حاجه ولا اصلا ماخفتش وربي كان ايديا يرعشو وحسيت تجمدت 💔😥
شوي حسيت تلفوني يهز لقيتها فاطمه 🤷🏻‍♀️
• فاطمه :ايو جنجون
• انا : هلا فطومه صباح الخير شن الجو
• فاطمه : تمام ..حبيبتي بنقولك خالو دارلي تلفون قالي الدعوى انقبلة وبدات اجراءات التحقيق ف صحة الاخبارية ..يعني وتي روحكم بيجوكم دورية
• انا : وصلو وحصلت رعشا هههه
• فاطمه : بعيد السو عليك من رعايش ..اا وقوتلك راه بيديرو تحاليل لكل الكادر وموظفين ..
• انا : كدا كدا درنا احني توا بس
• فاطمه : مش حايشفوهم لان هادو بعثتهم المحكمة وتحت اشراف النيابة يعني الي حا تجي ع راسه الله يصبره ..
• انا : الله يبشرك بالخير ..تمام وانا حصلت هذاك ..
• فاطمه : الله يحفظك حبيبتي ❤يلا توا نخليك ..والامانه خودهالى طول لان هههههه ياناري عليهم ..وسكرنا وجاني شرطي ...
• شرطي مد ايده: ضابط تحقيق علي ..
• انا مديت ايدي ابتسمت : اهلا بيك دكتورة جنى ..نقدر نساعدكم ..
• علي: جتنا اخبارية ان المستشفى بها مخالفات غير شرعية و..
• انا : و شني ..
• علي: وفيه حالات تعرضو للأغتصاب ..
• أنا : اهاه ان شاءالله ..
• علي : حسيتك مش متفاجئ..
• أنا : والله شن نقولك للحقيقة ايه نتوقع اي شيء من ها المستشفى ..
• علي مستغرب : كيف...
• أنا : كيف هادي وضيفتك ..عندي شغل نستاذن منك 😊..ومشيت وانا ف داخلي حسيت ان نتصرت ...جتني نرمين تجري
• نرمين : شن هذا ياحليلنا مرات يدكونا😱معاهم ..
• انا : ماتخافيش طالعين منها
• نرمين : وكيف وهم جو وحني ف المستشفى
• انا : وشني يعني ههههه لما نكون انا الي بلغت شن نبلغ ع روحي خيرك ..
• نرمين : قصدك انتي ..
• انا : تعالي نقولك .. وحكيتلها
.
.
.
.
.
.
.
#نوران
كنت مقعمزة ف داري لين خشت عليا امي ❤
• امي : شن ديري
• انا : نهدرز ع ودة ع الفيس ..فيه حاجه تبي نساعدك ف الغداء
• امي : لالا بس بنقولك بوك مبكري كلمه راجل عمتك وطلبك منه ..
• انا : 🤦🏻‍♀️ماتقوليش ع سند ثاني ..
• امي : ايه
• انا : يما مش قولنا مرة ومرتين لا ..
• امي : بس بوك قال تحشمت وقولتلهم تفضلو
• انا : شنوو 😱😳 شني تقولو نبي نعرف هي الوخدة بسيف ..يما راهو بيخليتي نبطل كل شيء ويبني نتخمر وهادو مش بسيف وانا اصلا مانبيشي
• امي : باهي وطي حسك بوك برا تحشم ..
• انا : أمي نبيه يسمع انا نحب بوي ونحترمه ومانحب نكسرله كلمه بس ف هادي أسفه ..
فجاة نفتح الباب وكان بوي ..اول ما شفته نزلت راسي لان للحقيقة بوي غالي عليا ومانقدر نعلي صوتي وهوا واقف اصلا ..لان من نوعية الهادية والي مايتحمل انه يعيط عليا...
• بوي: نادية اطلعي شوية ..
• امي خافت : علاش راهو بنتك مش..
• بوي : اطلعي ..وطلعت ..
جاء قعمز بحداي كنت نحسابه بيضربني ولا بيدير لقطه جاء بيحط ايده ع راسي بس رعشت وغطيت راي بإيدي🙆🏼‍♀️..
• بوي : لدرجة هادي ..مش ضاربك تي انتي بنتي وحيتي فرحتي صح كبير ومش متعلم زيك بس حتي انا نعرف ربي ورسوله لما قال
" لا تكرهوا البنات فإنهن المؤنسات، الغاليات"
مانرضى نظلمك بس راجل حشمت منه وانا يا بنتي كبير ومش دايملك وانتي محتاجة سند يحميك لو متت..رعشت ونزلو دموع وطول ضميته
• انا : لا اللطف عليك يابوي بعد عمر طويل ..
• بوي : وافقي يابنتي وشوفيه وبعدين ارفضيه لو ماتبي..وسكت وانا زدت نبكي ..
• انا : بس يابوي ولد أختك وتعرفه لا اخلاق لا دين لا وفوقها يدير ف جو نبيها تلبس خمار ووو
• بوي : هوا بعثلك مع حد قبلك..
• انا : ايه ...وقعد فترا يضايق فيا 😭
• بوي : كيف وخيرك ماقولتليش 😠
• انا : لان الموضوع دخل فيه خو صاحبتي وحله ..
• بوي : تمام ومعاتش تنزلي دموعك وانا حي ماحد يغصبك ع حاجه ارتاحي واعتبريني ما تكلمت..وباسني ع راسي
• انا : الله لا يغيبك ولا يحرمني منك ومن طلتك يا حن اب ❤
• بوي : وه ع بنت لما تتغلا ضحك وطلع ..
(يا بخت من كانت ليها اب يكون ليها صديق واخ ❤)
ربي يخلليلكم ابهاتكم ويحفظهم ..ويرحم الاموات منهم
لما طلع طول كلمة صقر ..
• صقر : ايو نوري ..
• نوران : نوري مني انا نور
• صقر : ايه ايه عرفتك ..اهو قاعد مع شباب نطلع ندورك سلام ...وسكر ف وجهي ..كنت بنزعل بس ماخلاش فرصة طول بعثلي رسالة
((معاي ولاد شوي ونكلمك حبيبي سلام ))
يالطيف حتى رسايله مافيهم رومانسية ولا خطم عليه كلمه اسف خزيه بس ياكبدي قداش نحبه❤
.
.
.
.
.
.
.
طبعا عند مودة ..كانت كل يوم صبح قبل ما تمشي لشركة صدام تخطم ع الحب ❤
.
.
.
.
.
.
.
#ثاني يوم
لما روحت من المستشفى كنت ميتة طبية كان يوم طواري متعب بجد ...وصار ان طلع تقرير توقيف ضد ..فاتن ..د.فرحات...د.أشرف ..رمزي...وتم تحويل الحالة سهام لقسم النساء والولادة وطبيب الشرعي لان بياخدو عينه مخبرية ل.......ليعرفو كم سائل منوي فيه وهل حتى رمزي مشترك ولا جاء عن طريق حد تاني ...
نضت الصبح ولان المستشفى مافيش متابع غير انا و سامية ونوران مطرا نمشي ..كلمت اليوسفي
• اليوسفي : الو حبيبي..
• انا : صباحو ..
• اليوسفي : صباحك عسل وين من مبكري يرن ولا غاطسة ف نوم
• انا : ايه ..لان سهرت هلبا وامس دارو تحليل وتحقيق والقو القبض ع د.فرحات ود.اشرف .وفاتن .ورمزي ومزال الحبل ع جرار
• اليوسفي : الله اكبر ولله الحمد يستاهلو مزال وراهم قضية تانية ..الاوراق متع الحجر الي خلونيطول العشر سنين ..
• انا : ايه ..واني عندي تسجلات ..الي تتبث انك كنت محبوس وكانو يبو يقتلوك ..واكيد حا يطلبوني شاهدة.. تمام توا بنسكر لان نرمين ترن من مبكري ف الانتظار ..
• اليوسفي : تمام..ان شاءالله ردي بالك ع روحك وسكرت وفتحت الخط مع نرمين بس سكرت عاودت ما ردتش عاودت تاني ..صوتها كانه داهشه وتقول ردي بالك ...المستشفى وتعيط ..انا حسيت فيه حاجه بدلت فيسع لان بعدها معاتش ردت ..
.
.
..
..
...
...
...
يتبع 😭
فيه حلقة تانية اضافية بتنزل 💋