مستشفى المجانين 🏨💔

الحلقه الثامن عشر ⚠️1️⃣8️⃣

#مستشفى_المجانين 🏨
.
.
.
.
.
.
.

.

.
..
الحلقه الثامنه عشر 1️⃣8️⃣
والاخيرة ⚠️

..

ارجو تصويت قبل القراءة ❤🌿🤷🏻‍♀️
.
..
..
...
وسكرت وفتحت الخط مع نرمين بس سكرت عاودت ما ردتش عاودت تاني ..صوتها كانه داهشه وتقول ردي بالك ...المستشفى وتعيط ..انا حسيت فيه حاجه بدلت فيسع لان بعدها معاتش ردت ..
خديت حاجاتي كلمة مودة قولتلها
• أنا: ردي بالك ع امي وخوتي ولو صار وعطلت فيه امانه ف درج ف داري الميموري متع الكاميرة CD وصليهم لرقم الي حانبعثولك ..
• استغربت مودة : باهي بس خيرك بتسافري ولا شني ...
• انا ضحكت : لا...بس طواري ومرات ننشغل ومجرد ما نغيب او لقدر الله صارلي حاجه ياحيوانه المهم ماتخليش امي بروحها وجهينه مهناش وناس خاشة طالعه وصهيب بيطلع اليوم ..هذا نقولك ..وانا ف داخلي كل هذا نا بروحي مش مصدقاته لان حاسة بروحي بيصيرلي حاجه ..يلا سلام توا وقت ع المستشفى
• مودة : ردي بالك ع روحك جنجون ..وهلك ف عيوني ..
بعثلها الرقم وطلعت قبل حتي نقول لخواتي المرة هادي نعرفهم صدام لاهي مع محامي اليوسفي بحكم اليوسفي مايقدرش يمشي لين يستدعوه .. اليوم بحددو الجلسة واحتمال بيطلعو قرار يعني مبدائية ... وصقر وبوي بيطلع صهيب فا اكيد مش حايجوني فا خليتها ع ربي وطلعت ..ركبت ف تاكسي وطول الطريق قلبي بيطلع ..ونا نرن ع نرمين وما تردش رن عليا صدام خيره هذا والله مش وقتك سامحني مش حانرد سكرت عليه وعاودت ل نرمين ..جتني رساله منها
📨(( اوصلي ونهدرزو ...)) خيرها هادي ورجع رن صدام جيت بنرد ..لفت سيارة وبديت نعيط ع سواق
• سواق : سيارة ورانا بتخش فينا ومن بكري تلحق وضايق فينا سامحيني ياختي ..
• انا : تمام ولا..مزال ماكملت كلمتي .. ..رجع تاني بس ها المرة شد فرينو لين تنطر تلفوني مني وطاح القدام ونشبح سيارة عارضتنا زي جو مفخرة لونها اسود نزلو منها 4 رجاله وانا ع طول عيطت وسواق قعد يقولي افتحي واهربي اهربي جبدو السواق عطوه طريحة وجبدوني وانا نعيط ونحاول نفك روحي لين واحد منهم عطاني كف لين شبحت دم نزل من فمي ..وثاني عطاني ضربه فقدت بيها وعي 🤦🏻‍♀️😱
.
.
..
..
...
..
..
#اليوسفي
نضت الصبح لقيت مكالمه من صدام والمحامي رنيت على صدام مرديش عاودلي المحاني قالي ان المحامي اتصل بيه وقاله
• المحامي : المحكمة طلعت مٌدكرة بضبط واحضار عمك ومجموعه من المستشفى الي تعتبر مشتركه ف خطفك بس
• اليوسفي : بس شني...
• المحامي: للاسف هرب هذا طلعت دورية دور فيه ..
• اليوسفي : وسعيد ..
• المحامي : وهادي المفاجاة الي بعدها ..
• اليوسفي : ماتقولي حتي هوا هربوه
• المحامي : لا ...بس سعيد ضربوه امس بموس صارت عركه ف الحبس ودوشة وشكله كان مستهدف واحد منهم جبد موس وعطهالة
• اليوسفي : ما تقوليش مات ...
• المحامي : لالا نقدوه وتوا قاعد ف الانعاش ... لان كان بيعترف وهذا الي زاد تاكيد جماعة التحقيق
• انا ستكيت وزاد صدمتي لما
المحامي : ولما كلمت الاستاذ صدام ..وحكيتله ماعرفتش علاش ولع سيارته ومشى يجري...
انا : اكيد انصدم حتي اني كلمني ..
• المحامي : لالا ف البداية عادي بس لما قولتله ان مشكلة ان الي بلغت بنت وكشفت المستشفى بنت وجابت ادله وفيه دليل تاني فيه اعتراف ان حتي عمك متورط ممكن غدو بتسلمها هذا طبعا كلامها الي ف المحضر..تقريبة اسمها جنى جينان حاجه زي هكي المهم دكتورة ف المستشفى وتقريبا هي الي هرباتك لان قالت ف المحظر انها هي وممرضة هربوك و...انا حسيت روحي نطرشت هذا شن يقول شن يخرف امتى صار هذا كله ...
((نوضحلكم ..تعرفو شن حكت جنى لنرمين ...حكتلها ان مشت للمحامي وقالها لازم ديري محظر ويكون عندك دليب وشهود وطبعا كانت الشاهدة الاولى نرمين بحكم كم سنه ليها هني وزادت اكدتلهم با سدي واحد من سنوات انه فعلا كان محبوس وشهدت ضد عمها انها جو تاني يوم الهروب هوا و سعيد ..وهذا الي زاد تبث ان هي صح كاميرات المستشفى لما مشو بيحققو فعلا طلع كلام جنى ونرمين وزاد شهادة جميله عمة اليوسفي ))
وما جاء ف بالي الا كلمت ممكن تكون ف خطر ..وقبل شوي كلمتها وقالت ماشيا للمستشفى ضربت ع جبهتي 🤦🏻‍♂️ ..سكرت ف وجه المحامي ومانعرف كيف كتبت الرقم واتصلت عاودت مرة وتنين بس بلا فايدة عاودت اكثر من عشرة مرات اخر مرة رد عليا واحد ..
• انا نعيط بصوت عالي : الووووو جنى وينك جنى
• الولد : ياخوي تلفون هذا القينه ف تاكسي والسواق مضروب و ..
• انا : تي تاكسي شني وسواق شني هذا تلفون بنت ..
• الولد : سكت شوي ..شن بنقولك توا بلغنا شرطه لان فيه من قال انه عارضتهم سيارة وخدو البنت بعد ما ضربوها ...
انا ما عرفت ف من بنتصل هذا شن يقول سكرت عليه جتني رساله 📨😱
(( لما تلعب اللعب مع اندادك ... يا يوسفي ..الحب الي هرباتك وصديقتها عندي ..خسارة الفاتحه بتقراها ع قبرها مش ..سلملي ع عبد رحيم وقوله الهيبة وبح وجاء دور ولدك ياخد مكانك ف شارع 😏 سلام ياولد خوي ))
انا الدم وقف وراسي دخان عاودت ع رقم بس مقفل 💔عقلي وقف شن الحل ..طول درت تلفون ل صدام
.
.
.
.
.
.
.
.
#اسمهان
كان يوم من بدايته واضح نضت وانا قلبي بيطلع نسمع ف تخبيط وجري ف الحوش طلعت مالقيت حد درت تلفون بس لبوي تلفون مسكر كلمت سواقه الشخصي انصدمت انه قالي عطوني مستحقاتي واستغنو ع خدماتي ..شن يخرط هذا والمحكمه ..شوي ورنيت ع عمتي جميلة ردت عليا وهي تبكي ..
• انا : خيرك يا عمتي شن فيه ف ها الصبح
• عمتي : سعيد نضرب بالموس امس كله من خوي الله لا تربحه ..ردي بالك ع روحك راني بنسكر..وسكرت وهي واضح ف حاله توجع
حيه نسيت ورنا محكمه اليوم مع ال10 كلمت صدام قالي نخطم عليك ..بس انا رفضت وقولتله نجي بروحي ..قالي لا وهكدا قريب نص ساعة ف الاخير جاني وطلعنا طول للمحكمه بس طلعت جلسة مناقشة بيطلعو فيها الاجراءت الاولية يعني الحضور للمحامين بس ..واحد من القرارات ان يتم القبض ع كل الي ف المستشفى مجموعة معينة ..و عمي من ضمنهم 😏وطبعا كان هارب فا طلعت مدكرة باش يشدوه
المهم شوي وطلع المحامي قال ان علن ع الاسماء الشهود والي بلغو والي هربو وكشفو وطلع مصدوم ان المافية هادي كشفتها زوز بنات وحدة منهم دكتورة ..واسمها جنى علي....شبحت ل صدام وجه ولى احمر ع ازرق ع اسود وطلعنا خط واحد وطول طريق..