That Nerd is a Gangster?

Chapter 10

Someone's POV

"Mga wala talaga kayong kuwenta! Isang babae lang ang kalaban niyo tapos hindi niyo mapatay-patay?!"Sigaw ko sa aking mga tauhan, mga inutil babae lang hindi nila kaya? 

"At mukhang proud na proud pa kayo dahil nakabalik kayo dito?!"Kinuha ko ang springfield xd sa aking gun holster at agad tinutok sa dalawang tauhan ko. Agad nanlaki ang mga mata nila at nagmamakaawa ang mga mata.

"Boss huwag may pamilya kami, huwag mo kaming patayin."Ngumisi lang ako, kung hindi nalang sana kayo bumalik dito edi sana mabubuhay pa kayo ng ilang taon.

"Sana kasi nagpapatay nalang kayo sa babae keysa sa akin!"Walang pag-aalinlangan kong kinalabit ang trigger at agad bumulakta ang katawan ng isa kong tauhan.

"Boss."Lumuhod ito at nagmaka-awa.

"Stupido!"Kinalabit ko ulit ang trigger, ang bala ay tumama sa kanyang ulo dahilan para tumulo ang dugo nito. 

"15!"Pagsigaw ko at agad pumasok sa kuwarto ang isang lalaki, ang lalaking pinagkakatiwalaan ko at kahit kailan ay hindi pa pumaltak sa bawat misyon na binibigay ko.

"Bakit 10?"Magalang nitong tanong, ngumiti ako at niyaya siyang umupo sa sofa tumango naman ito at umupo sa sofa ganun din ang aking ginawa.

"Ang mga walang kwenta kong tauhan ay nauubos dahil lang sa isang babae. Ikaw lang ang pinagkakatiwalaan ko dito kaya ikaw na ang bahala para dumami ang mga tauhan natin."Tumango ito at ngumiti, ininom ko naman ang alak na nasa shot glass ko.

"Kakaiba talaga kayo mga Reyes!"

Akirra POV

Hindi ako pumasok ngayong araw dahil na rin sa nangyari kahapon, iilan nalang kasi ang natira naming member at hindi maganda kung iiwan ko sila dito lalo na't hindi ko alam kung kailan ulit susugod ang mga iyon dito sa hide-out. 

"Anong gagawin natin Aki?"Lumingon ako kay Bryan, bumuntong hininga lang ako, hindi ko alam kung anong gagawin ko. Basta ang alam ko kailangan lagi lang akong nasa tabi ng mga kaibigan ko.

"Wala na sa bente ang mga tauhan natin at hindi na din tayo maaaring kumuha ng mga tauhan."Tumango-tango lang ako, kung wala na sa bente edi wala! Kaya naman natin kung lima lang tayo, sadyang nasanay lang tayong may mga kasama.

"Edi balik tayo sa dati, tayong lima ulit ang magkagrupo."Ngumiti si Lylanie bilang pagsang-ayon ganun din naman si Clint. Mas gusto kong kami ang magkakagrupo keysa may iba silang kamember.

"Yang mga tauhan nating natira ay paalisin mo na dito Clint, ikaw na bahalang magpaliwanag. Bigyan mo ng pera kung ayaw umalis."Sumaludo pa ito sa akin kaya napailing nalang ako, tumayo na ito at lumabas ng kuwarto. Siraulo talaga siya.

"Nabalitaan ko kay Kyle yung nangyari kahapon sa university. Ayos ka lang?"Tumango ako at napairap sa kawalan ng maalala ko ang pagmumukha ni Laira. I want to kill her!

"Gusto mo resbakan na namin?"Natatawang tanong ni Bryan, ngumisi lang ako saka umiling. Masyadong madali para sa kanila ang mga estudyanteng iyon. Kung sa pagkain appetizer lang ang mga baliw na iyon.

"Don't worry kilala niyo naman ako hangga't nakakapag-timpi ako."Tumawa lang ang mga ito. Nagbukas ulit ng topic si Kyllie pero nakinig nalang ako at hindi sumabat sa usapan nilang tatlo, ngumingiti at tumatawa lang ako pero hindi sumasabat.