ကောင်းကင်ဘုံအား ဆန့်ကျင်၍ (စာစဉ်-၈မှ ၁၀)

အပိုင်း(၁၀၆)ငတုံး

အပိုင်း(၁၀၆)ငတုံး

ပေငါးဆယ်...ပေလေးဆယ်...ပေသုံးဆယ်...

ကျန်းရီ၏ ကိုယ်သည် တစ်လက်မလေးတောင် မလှုပ်ရှားခဲ့ပေ။ သူ့မျက်လုံးများသည် ရှေ့ရှိ တိုက်ပွဲဆီသို့သာ စူးစိုက်နေခဲ့သည်။ သူသည် နတ်ဆိုးသားရဲကြီးကို ဆရာများသည် အစောင့်များ၏ အကူအညီနှင့် တိုက်ခိုက်နေကြသည်ကို ကြည့်နေခဲ့သည်။ တောင်ဖြိုခွင်းကြွက်ကြီးသည် ဖိနှိပ်ခံထားရပြီး ခြေထောက်တစ်ဖက် ပြတ်သွားခဲ့ပြီ ဖြစ်သည်။ ၎င်းသည် မသေခင်တွင် အော်ဟစ်နေခဲ့သည်။

လုပ်ကြံသူသည် အနောက်ဘက်မှ ချည်းကပ်လာခဲ့သည်။ ကျန်းရီသည် အန္တရာယ်ကို မေ့လျော့နေသည်ကို သူတွေ့လိုက်ရသည်။ သူ့မျက်မှာထက်ရှိ အပြုံးသည် ပိုပီပြင်လာခဲ့သည်။ လမ်းတစ်လျှောက်တွင် သူသည် သဏ္ဍာန်သုံးဆင့် အသွင်ပြောင်းခြင်း ဆဋ္ဌမအဆင့်ရှိ ကျောင်းသားသုံးယောက်ကို တစ်ချက်တည်းနှင့်  သတ်ခဲ့ပြီးဖြစ်သည်။ ဒီကျောင်းသားသည်လည်း ကျန်းရီ ဟုတ်ဟုတ်မဟုတ်ဟုတ် ကိစ္စမရှိပေ။ သူသည် သေလူဖြစ်သွားပြီ ဖြစ်သည်။

နယ်မြေ၏ အကောင်းဆုံး လုပ်ကြံသူအဖွဲ့အစည်း ဆယ်ခုထဲမှ 'သေမင်းနတ်ဘုရား'၏ လုပ်ကြံသူတစ်ဦး ဖြစ်သည်နှင့်အညီ သူ့လှုပ်ရှားမှုများသည် ထူးချွန်ကောင်းမွန်သည့်အဆင့်အတန်းတွင် ရှိသည်။ သူလှုပ်ရှားချိန်တွင် အသံတစ်စတောင် မထွက်ပေ။ ထို့ပြင် သူသည် လူသတ်တော့မည်ဖြစ်သော်လည်း သတ်ဖြတ်ခြင်း အရှိန်အဝါ စိုးစဉ်းသော်မျှ ထွက်မလာပါချေ။ သူသည် သာမန်သိုင်းသမားတစ်ယောက်ကို လုပ်ကြံသတ်ဖြတ်ပါလျှင် ထိုလူသည် အော်ပင်မအော်နိုင်ဘဲ အဆုံးသတ်သွားလိမ့်မည်ဖြစ်သည်။

ကံမကောင်းစွာနှင့်....သူသည် ကျန်းရီနှင့် တွေ့ဆုံခဲ့ရပေသည်။

အခြားလူများသည် ထိုလုပ်ကြံသူ၏ ခြေသံကို ကြားလိမ့်မည် မဟုတ်သော်လည်း ကျန်းရီကမူ ရှင်းရှင်းလင်းလင်း ကြားနေရသည်။ သူ၏ မျက်လုံးများသည် အေးစက်နေခဲ့သည်။ သူသည် အသက်အောင့်ထား၍ သတ်ဖြတ်ခြင်းအရှိန်အဝါကို ထိန်းထားလိုက်ရသည်။ သူ၏ ဝတ်ရုံလက်အတွင်းတွင်တော့ အနက်ရောင်အလင်းတစ်စသည် တစ်လက်လက် တောက်ပနေခဲ့သည်။