ကောင်းကင်ဘုံအား ဆန့်ကျင်၍ (စာစဉ်-၈မှ ၁၀)

အပိုင်း(၁၃၀)ငါလက်စားချေမလို့

အပိုင်း(၁၃၀)ငါလက်စားချေမလို့

"ဝှစ်!"

အုပ်ချုပ်သူတံဆိပ်တုံးသည် နိမ့်ဆင်းလာနေသည်။ တံဆိပ်တုံးသည် နီးကပ်လာသောအခါ ကျန်းရီ၏ ကိုယ်သည်လည်း ဖိအားကို တောင့်မခံထားနိုင်တော့ဘဲ မြေပြင်ပေါ် လဲကျသွားခဲ့သည်။

ထိုအချိန်တွင် ကျန်းရီ၏ လက်တစ်ဖက်မှ အနီရောင်အလင်းများ တောက်ပလာခဲ့သည်။ သိပ်သည်းလှသော အပူစွမ်းအားသည် ပတ်ဝန်းကျင်သို့ ပျံ့နှံ့လာသည်။ အုပ်ချုပ်သူတံဆိပ်တုံး၏ ဖိအားကြောင့် လူများ မသေနိုင်ခင်မှာပင် ကြောက်စရာအပူချိန်ကြောင့် လူအချို့ လောင်ကျွမ်းကုန်ကြပြီ ဖြစ်လေသည်။

"မီးဝိဥာဉ်ကျောက်တုံးလေး...အဲ့ဒီအုပ်ချုပ်သူတံဆိပ်တုံးကို ဖျက်စီးလိုက်!"

ကျန်းရီ၏ ကိုယ်မှ အနက်ရောင်အတွင်းအားမျညး ထွက်ပေါ်လာခဲ့သည်။ သူသည် မီးဝိဥာဉ်ကျောက်တုံး ထွက်ပေါ်လာသည်နှင့် ဆုပ်ကိုင်ကာ အားကုန်ပစ်မြှောက်လိုက်သည်။ မီးဝိဥာဉ်ကျောက်တုံးသည် အုပ်ချုပ်သူတံဆိပ်တုံး၏ ဖိအားကို ဆန့်ကျင်၍ အပေါ်သို့ တက်သွားခဲ့သည်။

မီးဝိဥာဉ်ကျောက်တုံးသည် ကောင်းကင်ဧကရာဇ်၏ အုတ်ဂူရှိ တားမြစ်အစီအရင်များကို အလွယ်တကူ လောင်ကျွမ်းနိုင်သည်...ကောင်းကင်အဆင့် သို့မဟုတ် နတ်ဘုရားအဆင့် ဖြစ်မည်ဖြစ်သော ကျောက်စိမ်းလှေလေးတောင် မကျန်ပေ။ ထို့ကြောင့် ဤအုပ်ချုပ်သူတံဆိပ်တုံးအား အသာလေး ဖျက်စီးလိုက်နိုင်မည်ဟု ကျန်းရီခန့်မှန်းထားခဲ့သည်။

ကျန်းရီ မှန်သွားခဲ့သည်။ မီးဝိဥာဉ်ကျောက်တုံးသည် တံဆိပ်တုံးအား ထိသွားသည်နှင့် အစိမ်းရောင်မီးတောက်များ ထွက်ပေါ်လာခဲ့သည်။ ပစ္စည်းနှစ်ခု တွေ့ဆုံသွားသောအခါ အုပ်ချုပ်သူတံဆိပ်တုံးမှ ရွှေရောင်အလင်းများ မှိန်ဖျော့သွားခဲ့ပြီး အမြန်နှုန်းနှင့် ဖိအားများပါ လျော့ကျသွားခဲ့သည်။ တံဆိပ်တုံး၏ အရွယ်အစားသည် မူလလက်သီးဆုပ်အရွယ်သို့ ပြန်ရောက်သွားပြီး အလင်းရောင်များ လုံးဝပျောက်ကွယ်သွားခဲ့သည်။ တံဆိပ်တုံး၏ အောက်ခြေတွင် အပေါက်တစ်ခုက ထင်ရှားစွာ နေရာယူထားခဲ့ပေသည်။