ကောင်းကင်ဘုံအား ဆန့်ကျင်၍ (စာစဉ်-၈မှ ၁၀)

အပိုင်း(၁၀၇)အရဲကိုး၍ စွန့်စားခြင်း

အပိုင်း(၁၀၇)အရဲကိုး၍ စွန့်စားခြင်း

"ဝှစ်!"

ဒူးလေးမှ မြားသည် ထွက်ပေါ်လာခဲ့ပြီး လုပ်ကြံသူ၏ တင်ပါးတွင် စိုက်သွားခဲ့လေသည်။

"လောင်စန်း?"

အခြားလုပ်ကြံသူသည်လည်း ကျောက်တုံးအပိုင်းအစများကို ရှောင်တိမ်းရန် ကြိုးစားနေခဲ့သည်။ သူသည် လေတိုးသံတစ်ခုကို ကြားလိုက်ရပြီး အတွင်းအားအချို့ကိုပါ ခံစားမိ၍ အံ့အားသင့်သွားခဲ့သည်။ သူသည် ဘေးရှိ လုပ်ကြံသူကို ကြည့်လိုက်သောအခါ မျက်လုံးများပြူးကျယ်နေ၍ ပါးစပ်မှ သွေးများစီးကျနေသည်ကို တွေ့လိုက်ရသည်။ ကိုယ်သည်လည်း ပျော့ခွေကာ လဲကျသွားခဲ့သည်။

"ဘန်း!"

မြေပြင်သည် တုန်ခါသွားခဲ့ပြီး ရွှံ့များပေနေသော အစိမ်းရောင်ဓားသည် လုပ်ကြံသူ၏ အလောင်းကို ပိုင်းဖြတ်သွားခဲ့ပေသည်။ သွေးများသည် ပန်းထွက်လာခဲ့လေသည်။

ကျန်းရီ၏ မျက်နှာသည် သွေးများဖြင့် ရွှဲနေ၍ မျက်လုံးတွင် ကြောက်စရာ အရိပ်အယောင်များ ပြည့်နှက်နေခဲ့သည်။ သူသည် ငရဲပြည်မှ တက်လာခဲ့သော နတ်ဆိုးတစ်ကောင်အလားပင်။ လုပ်ကြံသူသည် ကျန်းရီကို မြင်သောအခါ တုန်လှုပ်သွားခဲ့သည်။

ကျန်းရီသည် နေရာမှ ထွက်လာခဲ့ပြီ ဖြစ်သည်။ လုပ်ကြံသူသည် ရုတ်တရက် ဖြစ်ရပ်များကြောင့် မှင်သက်နေခဲ့သည်။ သို့သော် သတိထားမိသည်နှင့် အမြန်တုံ့ပြန်လိုက်သည်။ သူ့လက်တွင် အတွင်းအားများ ထွက်ပေါ်လာပြီး ကျန်းရီ၏ ဦးခေါင်းပေါ်သို့ ရိုက်ချလာခဲ့သည်။

"နတ်ဘုရား သတ်ဖြတ်ခြင်း ဒူးလေး!"

ကျန်းရီသည် အော်ဟစ်လိုက်ပြီး ဘယ်ဘက်လက်ကို မြှောက်လိုက်သည်။ နတ်ဘုရားသတ်ဖြတ်ခြင်း လေးမှ အနက်ရောင်အလင်း တောက်ပလာသောအချိန်တွင် လုပ်ကြံသူသည် လက်ကို အမြန်ရုပ်ကာ နောက်ဆုတ်လိုက်သည်။

"မင်းက လှည့်စားရဲတယ်!"

ကျန်းရီသည် ရယ်မောလိုက်သည်။ ကံတရား၏ ဓားစိမ်းသည် မိုးရွာသည့်နှယ် လုပ်ကြံသူထံ ကျဆင်းသွားခဲ့သည်။ ဓားသည် ဓားပျံတစ်ခုနှယ် လုပ်ကြံသူထံ ပျံသန်းသွားခဲ့သည်။ ၎င်းသည် မိုးစက်ဓားသိုင်း၏ တတိယမြောက်သိုင်းကွက် ဆောင်းဦးမိုးစက်ဓား ဖြစ်လေသည်။