الهام : او نتي شنو قصتك مع رعد.
نور : كتحلمي مكين حتى حاجة ، يلاه نمشيو .
الهام : دابا نشوف .
خرجو لبنات من الغرفة هبطو للتحت خلصات نور او خرجو كل وحدا لسكوتر ديالها شدو طريق او لوجها ديلهوم دار وليدهوم قبل ميوصلو وقفو فوحد الكافي باش انفدو الخطة او الانتقام دخلو للكافي او جلسو كيستناو حتى كيبان ليهوم واحد دري عيطات ليه الهام .
الهام : الاخ ممكن واحد الدقيقة .
الدري : نعام اختي .
الهام : ممكن تجلس واحد شوية .
الدري : واخا .
الهام : حنى بغيناك تعونا بغينا ننتقمو من خوتنا على وحد المقلب دروه لينا .
الدري : واخا شنو ممكن ندير .
الهام : اوكي سمع .......... بقات كتشرح ليه الخطة .
اما نور منين كانت كتهضر الهام مع دري كانت كتهضر فتيلي مع وحدا من الموظفات لي عندها فشركة او فنفس الوقت حبيبة ايوب خترتها هي حيت هي كيتيق فيها او اصلا نور وصلتها شي هضرة كتقول بلي مخصمين هي او ايوب او عرفتها اتبغي تنتقم او اتقبل بسهولة .
نور : اشنو قلتي أتسنيم متفقااا معايا .
تسنيم : كوني هانيا اصلا جات فوقتها باش ننتقم ههه واش نعيط عليه دابا .
نور : اه دابا او غير تسالي عيطي علميني باش ندوز للخطة تانيا .
تسنيم : صافي واخا كوني هانيا ، هيا موجدين ليهوم شي حاجة خرى .
نور : ويااه دكشي زين ، حتى نطلقاو او نعاودو ليك .
تسنيم : صافي ، اصلا توحشتكوم او نجلس معاكوم يلاه بسلاما نمشي نخلع حبيبي شويا .
نور : حتى حنا يلاه تلاحي .
قطعات عليها او لتحقات على الهام لي مزال جلسا مع داك الدري .
الهام : شنو درتي .
نور : صافي كولشي واجد .
الهام : بعدا شكون لي غادي تنفد الخطة .
نور : شكون فنظرك لي مناسبة معها هاد المهيمة .
الهام : متقوليهاش تسنيم احسن حاجة درتي هي لكتعرف ليه .
نور : اييه ، ههه انخلعوهوم شوية باش ايعرفو معمن كيلعبو او احسن حاجة هي انهم دابا راهوم مجموعين ديرين قلك الالاة خرجاااا لغابة بوجبار بثلاتة .
الهام : يستاهلو اححح سهلو علينا الطريق .
نمشيو عند الخنازير لقب لي شدين نور او الهام على تلاتي ديالنا ايوب او يوسف او ادم ...... ايوب اخ نور 21 سنة يوسف اخ الهام 16 سنة ادم اخ نور اصغر لي شهر لي فات ولا عندو 12 لسنة واخا هاد الفرق لي بناتهوم ديال الاعوام مكيتفرقوش متفهمين لأقصى درجة ديرين بحال توأم.
نرجعو فين كنا غادين تشطين فطريق ايوب كيصوك او حداه يوسف او ادم لور حتى بدا تيلي ديال ايوب كيصوني .
أنت تقرأ
(حب طفولة) الشرطيتانvsالمفيوزيان
Actionبعد 7 سنوات من الفراق يلتقون ولكن بشخصيات جديدة البطلتان نور(جهاد) و إلهام(عهد) أشهر شرطيتان في العالم الملقبتان ب سواد الليل و رعد (آسر)وصخر (سيف)أشهر مفيوزيان في العالم الملقبان بالشيطان مفقلبهومش الرحمة ولكن واش الحب غادي يلعب الدور ديالو و بالاخ...
