(حب طفولة) الشرطيتانvsالمفيوزيان

جزء 19

ركبات نور و إلهام فطوموبيل وحدة نور عفطات عفطة وحدة للمطعم لي دايرين فيه مع صخر و رعد  مطعم فاخر بكل المقاييس فايت إلهام و نور جاو ليه شحال من مرة لدرجة ولاو حافظين اش غاتطلب إلهام وصلو لبنات دخلو مع الوقت ديريكت بانو ليهم صخر و رعد gالسين فطبلة أو كلا واحد شاد تيلي ديالو خاشي فيه وجهو ، اتاجهوا بطلاتنا لعندهم صخر دار حيت ميز ريحة إلهام لي ولا حافظها طفا تيلي أو ضحك حتى بانو حفرات الزين إلهام شوية أو تسخف ناري ميمتي غايساليها معايا ناض صخر سلم على إلهام و نور نفس الشيء دار رعد جلسات إلهام حدا صخر أو نور حدا رعد جا السرباي أو سول صخر أو رعد أو نور على طلبهم أما إلهام ماسولهاش حيت عارف اش كيعجبها شاف فإلهام لي بتسمات ليه أو  مشا  أما صخر  مافهم والو تا كيبان ليه  داكشي لي طلبو جا .أو السرباي جار قداموا واحد الكروسة عامرة. نور شافت داكشي ضربات رأسها أو قالت :لا حول ولا قوة الا بالله العلي العظيم.
حط ليهم طلباتهم أما إلهام كذوق أو تبنن من كل حاجة صخر ما كلا والو بقا حاضي طريقتها فلماكلة أو عدم مبالاتها بالناس كدير داكشي لي كيعجبها زاد تعلق بيها كثر او كثر إلهام هزات رأسها فصخر   شافت طبسيلو لقاتو عامر .
إلهام :(كتهضر أو الماكلة ففمها)كول داكشي باينا فيه زوين
صخر :صافي

سالات نور الماكلة أو جبدات تيليفون كتشوف فيه  أو مرة مرة ضحك رعد جاه شك بغا يعرف واش كتهضر معا شي واحد ،بدا كيطل على تيليفون ما قشع والو ،نور حسات بيه أو شافت فيه طلعات حاجب أو نزلات لآخر.
نور : (بالفرنسية)مالك ياكما هربات ليك شي حاجة .
رعد : لا والو. 
نور :مزيان .

نور كتكره لي يطل عليها أوهي كدير شي حاجة كتعجبها الخصوصية ديالها.
نور طلعات رأسها اوهو يبان ليها واحد الراجل غمزها نزلات رأسها  مابغات  شوهة ولا فضيحة طلعات رأسها شافت فإلهام لي كانت قبالتها إلهام دارت ليها حركة جهة العين زعما ساح ليك المسكارة نور حيدات الكسكيطة حطاتها فوق الطابلة .
نور : (بالفرنسية) انا غنمشي للحمام.
إلهام :ok.
مشات نور باش تقاد ديك شوهة لي دارتها ليها إلهام بغات تسد الباب بانت ليها شي رجل حبسات الباب باش ايتسد دخل داك الولد لي غمزها.
الولد :(بالفرنسية) مالك هازة خنافرك للسما راه عجبتيني أو مكرهتش نديرو شي حاجة .
نور :(كتبرد راسها) سير تقود بعد مني حسن ليك .
الولد : كتعياي تهري رجليك لرجال أو دابا دايرة فيها العفيفة.
يالاه بغا يحط ايديه على صدرها تا كضربو بواحد الروسية تا تزدح مع الحيط ، نور مقدراتش تصبر ليه إلا شرفها ما يمسهاش فيه صبرات عليه بزاف اوهي بطبعها صبرها قليل.
ناض داك الولد بغا يقتل نور كيفاش تجرأت بنت ضربو جا بغا يجمع معاها بكروشية شدات ايديه أو لواتها ليه تا تهرسات الراجل غوت غوت لي تسمعات فلمطعم كاين لي ناض بغا يشوف اش واقع أو كاين لي خاف على حياتو أو هرب مشات إلهام أو رعد أو صخر لجيهت مصدر الصوت تا كتبان ليهم نور كتعطي لواحد الولد لكروشيات لوجهو لي كولو خسر ولا دمايات شافو ايدو لقاو صبعانو معوجين أو ايديه مقلوبة نور ولا وجهها حمر بالاعصاب تدخل رعد أو حبس نور .
إلهام : نور اش واقع .
نور :(استنشقات لهوا أو خرجاتو من فمها) والو .
رعد : كيفاش والو .
نور : غير هاد الرويجل بغا يلعب دور الراجل أو انا وقفتو عند حدو.
رعد : واش قاسك .
نور : علاش .
رعد :(بلغوات) واش قاسك.
نور : بغا يقيسني ولكن مخليتوش .

رعد ماحس براسو تا لقا راسو قول داك الراجل كيكمل داك الشي لي بداتو نور الراجل ندم علاش جا ولا علاش خرج من الدار ندم على أنه راجل تمنى لو كان مرأة حسن ليه ما كان غيوقع ليه والو ولا داير كي الجثة ، مافكو غا صخر لي جر خوه .
صخر : خلي عليك الزمر.
رعد رجع شعرو اللور بعصبية .
إلهام و نور  غير كيضور فعينيهم تانطف صخر .
صخر : يالاه نمشيو من هنا.
إلهام و نور : ok
خرجو أبطالنا من المطعم بعدما خلص صخر خلاو من وراهم رجل شبه ميت ما بقا كيحس بلحمو من كثرة العصا .....
يتبع