(حب طفولة) الشرطيتانvsالمفيوزيان

جزء 39

سلام لبنات سمحولي على تعطال والله معندي الوقت تجمع عليا كلشي ها لحفاضا او لمتحنات متحان مور متحان او عاد كنعود دفتار ديال تيكنولوجيا تقطع ليا ولد لكلبة حتي الاخر السنة عاد هو تقطع  والله معندي الوقت فين نحك راسي لا انا لا الهام والله غير سمحولينا على الروطار المهيم بلا منطول عليكوم انا فوق ما لقيت شي وقت غادي نحط ليكوم شي بارت او جوج او رمضان مبارك كريم وكل عام وانتم بألف خير باي باي .

**********************************************************************

شدها منها او هي دخلات اما هو بقا كيشوف فلفلوس او كيهضر بوحدو .

شيفور : 5000اورو هههههه و همزا هادي كون بقيت نهار كولو او انا خدام منجمعهاش ولكن بنت الكلبة هبطتها مني خلعا .

(عندك الزهر اولدي كيهرس لحجر كون سمعاتك كون وراتك بنت الكلبة اش كاتسوا المهيم نرجعو فين كنا )

دخلات نور او لي شافها كيدير التحية وصلات لمكتب الرءيس حلات الباب بلا مقدمات او دخلات اما سيدنا الرءيس غير تحل الباب عرف بلي مغادي تكون غير نور اولا الهام  حيت هما الوحيدين فالمركز كولو لي مكيدقوش الباب مهزش راسو بقا خدام على لوراق لي قدامو حتى هضرات نور .

نور : (بالدارجة) (كتضحك معاه) حشوما عليك انا داربا هاد الطريق كاملا او منين دخلت مهزيتيش فيا حتى راسك خليني نشوف دوك العنين لي كيحمقوني غير نشبع منهوم اولا منستهلش .
الرءيس : (مشا معاها فلخط) لا حشا تستهلي كتر او انا هاد العنين الا بغيتي نعطيهوم لك مرحبا .
نور : المشكيل الى خديتهوم غادي تولي عور مكتشوفش او غادي يجريو عليك من الخدمة ولكن متخافش انا غادي ناخد بلاصتك .
الرءيس : هههه حمقة اجي بعدا اش جابك فهاد الوقت .
نور : (بجدية) جيت على ود ديك القضية لي وصيتك عليها .
الرءيس : نسولك .
نور : سول .
الرءيس : شحال عندك من شخصية كل مرة كيف كاتكوني نتي والله الى حال او احوال عاد كنتي كضحكي او غير سولتك علاش جيتي او نتي تسيفتي .
نور : (كضحك) انا والله معرفت حتى نحسبهوم او نقول ليك .
الرءيس : مسطية .
نور : (بجدية) سولتك او مجوبتينيش (ها هي تسيفات تاني) .
الرءيس : للأسف صخر او رعد العالمي ملقينا عليهوم والو اما الاب ديالهوم رافاييل العالمي لقينا بلي عندو اعمال مشبوها .
نور : بحالاش هاد الاعمال المشبوهة .
الرءيس : بحال الاسلحة غير القانونية او مخدرات او ما جورهما الى هناك .
نور : مزيان  او شكرا بزاف يلاه انا مشيت راه خليت مراتي لعزيزة بوحدها فدار .
الرءيس : سيري سيري .
نور : اه قبل ما نسا راه انا او الهام غادي نهبطو نهار الحد للمغرب باش اثنين نكونو تما .
الرءيس : حكمة المحكمة .
نور : اه حكمة المحكمة يلاه تهلا حتى نتقاشعو بسلامة .
الرءيس : بسلامة .

خرجات نور من المركز او .........

يتبع..............

سمحولي مرة اخرى او بصحة فطوركوم .