(حب طفولة) الشرطيتانvsالمفيوزيان

جزء 35

خرجوا بجوج مرة وحدة أو شافوا فبعضياتهم أو قالو.
نور و إلهام  : لبستي بحالي.
إلهام : باش اعرفوا بلي حنايا خوت .
نور : نعم يا أختاه.
خرجو من الدار أو دخلوا للgراج أو خداوا سيارة إلهام أو مشاوا إلهام كاتسوق أو كيهضرو فعدة موضيع كولهوم حول قضايا الغتصاب أو قتل أو ركزو على قضية الشيطان وصلوا للمطعم لي دايرين فيه مع صخر و رعد خطو لوطو فالباركينك أو دخلو للمطعم أو جلسوا كا يتسناو فصخر أو رعد .

أما بنسبة لصخر أو رعد فاقو أو كول واحد اشنو دار نمشيو نزورو قصر صخر العالمي لي فاش فاق دخل لحمام غسل سنانو أو وجهو أو خرج لبس حوايجو أو خرج كيدير السبور فطريق الغابة دازة ساعة او رجع لدار دوش اأو خرج لبس حوايج أو صايب شعرو أو شاف شحال الساعة لقاها 12،10 هز سوارة لوطو أو خرج أو لوجهة ديالو مطعم .

اما رعد فاق مشا فضا حاجتو أو خرج لبس حوايجو أو خرج كانت الوجهة  ديالو مستشفي كنت ساعة 11،00 وصل لمستشفي أو دخل غير شافوه الأطباء بدأو كيجرو دخل أو بدل لفاصمة ليده غير سالا شاف الساعة لقاها 12،00 خرج مشا لوطو ديالو أو شد طريق للمطعم وصلو هو أو صخر مرة وحدة أو خرجو سلمو على بعضياتهوم سلام رجولي أو دخلو منين دخلو سمعو نور أو إلهام كيهضرو على صخر .

نمشيوا عند البطلات ديالنا نور أو إلهام لي مشافوش داك جوج أشخاص لي واقفين موراهوم .

إلهام :(بالطالية) عرفتي صخر شحال زوين عندو حفرات زين خاصهوم شي نهار إعرطونا عندهوم لقصر ديالهوم .
نور : (بالاسبانية)اجي نقول ليك اش بان ليك منين نمشيو عندهوم لدار هزي معاك جوج بكيات ديال السكار أو ربطة ديال النعناع أو سيري خطبيه لالالالا لا عرفتي شنو يجيك نتي حسن سيري غتاصبية أو هدديه بشرافو .
                   
غير كملات نور هضرتها تفرgعو صخر أو رعد بضحك مقدروش إشدو ضحكتهم.

نور أو إلهام سمعو ضحك أو نقلبو شافو صخر أو رعد أو هوما إوسعو عنيهوم من الصدمة حيت كانوا عطينهوم بضهرهوم مشافوهمش   أو لقرود بداو كيلعبو فوق راسهوم حيت عدوهوم لي يتصنت عليهوم منين يكونو كيهضرو .

صخر :..........

يتبع

سمحوليا بزاف على التأخير كنت مسافرا أو نسيت الدفتر لي كاتبا فية فالحسيمة هاد شي علاش عاد جيت لبارح بليل سمحولي