قانون جدي

بارت٧

#قانون-جدي
دواوين البخت شو فارغات اليوم

ودواوين الجذب وادمهه كثرانه
.......................................
صعد فارس وعكاب وشاهين وابوي
وكفو بلباب مابيدهم حيله يقدموها اليه
اخذت ايدي وسندتها على لميز وكمت تمشيت وفتت منهم نزلت جوه
جدي باب لدرج واكف
عفته ومشيت صاحني طنشته ومشيت اخذت سويج سياره
مسحت عيوني بردن لدشداشه
صارت بوجهي فرحه وسماح عيونهن عليه عفتهن ومشيت
طلع ورايه شاهين يصيحني ما هميت الهم
لبيه كافيني
كسروني وحطموني وخذوًغزيزه كلبي
شني حياتي بدونها
شغلت وطلعت امشي ومادري وين ماخذ روحي
وكفت وصفنت وين جاي وشلون وصلت بيتها
نزلت فتحت لباب دخلت لبيت تراب
هدووء
تمشيت فتحت باب لكليدور ليودي لغرفته
اجه بيدي بساع نفتح اخذت نفس ودخلت
لبيت على حطيته كلشي بمكانه
دمعت عيوني وانه اشوفن مكياجها وملابسها وفراشنه
كلشي موجود ما اخذت شي وياها
تمددت على لجربايه وكرفسص مثل وضع لجنين حاضن مخدتها ودموعي تجري
وينج يروحي فراكج اذاني حيل
ليش هيج مشيتي وعفتيني والله ميت بدونج

مر لوقت وانه بين لحاجي مخدتها وبين غفوه ولثانيه واتخايلها يمي
تلفوني دك فزيت عليه عكاب يتصل
تعدلت وجاوبت
-وينك يخوي بالنه يمك
-شتردون مني عكاب
-بس طمنه عليك وين ومحد يحاجيك بعد
-انه بيت غاليه لحد يخابرني بعد انسوني فاهمين
-مسافه لطريق وانه يمك
-لتجي ماريد احد يعرف بيه هنا
-ما اكولن لحد بس انه اجي بروحي
-سديت وكمت غسلت وكعدت بمكاني
لنعاس بعيوني سبلت وانه كاعد
ماقاومت نمت وغفيت ورحت بسابع نومه
فزيت على عكاب يتحرك بلغرفه
رفعت راسي
شافني واجه كعد يمي
-ها فهد. شلونك
-هلا
-حلوه لغرفه مين اخذتها
-من صاحب لمصري
-اها خوش اخشاب مرتبه اريد اخذ وحده اليه
-اي اي....شعندك اجيت
-ضجت وحدي بلبيت كلت اجي يمك شويه
-لمحل منو بي
-شاهين كاعد بي
-احسن
-ما ناوي ارجع لشغلك وتمشي حياتك
-لا اني هاذا حدي وياهم مالي مكان بيت اهلك
-شنو هل حجي فهد شسالفه يمعود
-چا تريدني ارجع واضحك وانسه كلشي
عبالكم لصار ويايه عادي وبسيط
انه نخذت مني عائلتي تعرف شني عائله تروح منك
مرتي وابني اخذتهم جدك مني وانه وكفت مثل لاجدب ماسويت شي ولا كدرت امنعه وهسه تريدني ارجع اشتغل واتعب واركض واسوي كلش يئمر بي جدك وادوس على كلبي وحياتي لخاطر راحت باله
وتالي اني شنو محد يحس بيه
انه ما صغير وبكيفه يخوط بيه
عمري ٣٠سنه وهوه يمشي بيه
شنو عبالكم اخضع واسكت واتحمل بعد عبالكم انه حديد مو بشر