قانون جدي

بارت ١٩

#قانون-جدي
......................
مرت يومين لحضر ما فتحه منه خايفه منه ومن سالفته يعني معقوله حبني صدك
يربي بس لا يطلع حجي روان صحيح وابتلي بي
لعصر طلعنه اني وران للمكتبه تشتري غراض
بلطريق صادفتنه سياره بيكب
-هاي لسياره اعرفها
-من وين تعرفيها
-هاي سياره فهد
-جذابه
-والله امشي بساع نرجع ....سرعنه بمشيتنه بس لخوف تملكني طبكت لسياره قريب علينه واحنه نمشي صاح اصبري نداريت واشوف فارس بلعت ريكي ونداريت لرزان عيونها صوفرت من لخوف
تقدم علينه وسلم
-شلونكم
-زينين
-ليش مسويه لحضر
-ها
-امشي للبيت بساع
-شرايد فارس منه
-رجعي للبيت واني احاجيج بساع ترفعين لحضرفاهمه
-شبيك فارس تخبلت
-نجبي وكدامي للبيت وله اكلج امشي اني اوصلكم
-لا بله وشنو تاهتلك بكيفي شوكت ميعجبني ارجع
-رزان لتعلين صوتج وترب جدتي هس اشحطج
-امشي نرجع رزان حبابه
-شبيج خايفه منه ها منرجع وامشي نجيب لغراض
-تعانديني مو اصبري لعد
-دروح ....رجعنه للمكتبه اخذت لغراض ورجعنه للبيت وما شفناه بعد
-هسه ارتاحيتي فدوه فتحي لحضر وحاجي
-دولي انتي وياه
-ولج رزان هاذا خبل اضرب من فهد يلعب جوله والله بيج
-وشدعواج هيج خايفه منه نسيتي انتي مطلقه وخلصانه منهم بعد شكو
-ما اخاف على روحي بكد ما اخاف عليج
-شيسوي قابل ها انتي مو كلتي جدهم اله كلمه عليهم يعني ميكدر يسوي شي
-مادري مادري بس انتي اسمعي كلامه ولاتتقارشين بي
-ولج انتي خبله شترديني اصير محبس بيده طبه مرض وعساه يتخبل ما مجبوره احب هيج شخص
-يووه بعد انتي شيعاندج
ثاني يوم بطريقي للمدرسه جان واكف براس لشارع اشرلي اصعد وصلني للمدرسه لطريق يحجي ويايه
-فرحه هاذا لكلام اريدج تنقلي بصمه لذيج لحيوانه ماشي
-هزيت ارسي اي
-كليلها لتضل هيج بهاذا عنادها لان راح تندم تره اني لي هسه ساكت عنها بس ورحه لحبوبه لو طكت عندي لا اكتلهم كلهم واشحطها ماشي خلي تجر عدل وتجاوب من احاجيها ولسانها لتعلي بوجهي ماشي وداعت هل شيبات لبراسي لا اخذها واندمها والله
-بس رزان متقبل تحاجيك والله شكد توسلت بيها ماقبلت
-شوفي قبلت ولما قبلت هيه دخلت ابالي لو اطك وتموت مراح اعوفها ماشي
-وجدي شلون اذا عرف
-جدي كلي اختار واني اجيبها الك
-ستغربت منه ...شعجب جدي هيج كال
-معليج انتي وعليج توصلين لحجي لذيج وبس
-وفاطمه خطيه
-شبيها فاطمه
-لا هيج يله اني اروح
-لحجي يوصلها فاهمه فرحه
-اي ...نزلت منه وصادفت دخلتي للمدرسه ويه لمدرسات شافني ودخلن ضجت ماحبيت يشوفني نازله من سياره احد وهمه ميعرفون عندي ولد عم ...رجعت لضهر وكلتلها هيه ضحكت وما قبلت توسلت بيها على لاقل كتلها بس شوفي ليش جدي قبل يختار بنيه غريبه
-راح افتح لحضر عنه وافتهم منه افتحلج سماعه وانتي اسمعي مابيه حيلكم ماشي
-اول ما اتصلت بساع جاوب
اول شي تنفس براحه وبعدين رزلها
-شتريد فارس
-اريدج
-بطران انته اني لبعمري وطلكته نوب اخذ واحد مشيب
-لتحجين شي تندمين عليه
-ليش اندم اريد واحد من عمري واحبه ويحبني واعيش براحه والبس ليعجبني
-تردين واحد ملطلط
-لا ليش بس ماريدك انته موو ابالي
-ميهم لمهم اني اريدج وخلاص
-ما اطيقك يبشر افهم
-هاي وحده نحسبت عليج
-وحده ثنين اسمع هاذا حجي ماريدك ونتهت
-شوفي لنفس متنهان الج وروحه لحبوبه اخذج
-وين تاخذني
-ازوجج
-وجدك
-يقبل
-حلمان انته
-لا بس رجعنه مشيختنه ونطانه هدايه واني ختاريتج وقبل
-شلون رجعتوها
-صارت النه لديره كلها مووبس لسلف
-هاي شلون فهمني
-سالفه طويله
-احجيها لخاطري
-امرج يابه..بعد سالفه فرحه نخطت لشيخه من جدي وصرنه حالنه حال لوادم بيوم اجتي بنيه وكالت راح اعترف بكلشي اخذناها ورحه للشيخ وسمع منها تالي اخذو نار وراحو لبيت لحطاب واطالبو باخذ لشيخه منه بس رفض وحلف يسويها دم احنه تحزمنه وكعدنه ننتضرهم بيوم وليله ضلمه دخلو لسلف ورمونه واحنه واجهناهم ولحمدالله مات قصي وكم واحد ملطلط مثله وجدهم ذاك بلمستشفى يريد يموت بس ماعنده وكت وتالي صفو لا ايد ولا رجل
رجعت لمشيخه النه ورجع كلشي مثل قبل واحسن وهسه احنه نرفع راسنه ولحمدالله وهاي كل لسالفه عجبتج لو لا
-اممم يعني هسه انته رجعت لشغلك
-تؤ لا اني صرت ابن شيخ و ولي لعهد لقادم انشاء الله
-انته ولي لعهد
-اي نعم بعد ابوي صار لشيخ وانه ولي لعهد
-اشرتلها تسئله على فهد
-زين وذاك اخوك لمجرم شنو سوه
-هههه قصدج فهد مو
-اي
-فهد اخ يا فهد موجود
-منو هاي لبنيه لبلغت عليهم
-غاليه
-شهكت وحطيت ايدي على حلكي ...يعني رجعلها ...اشرتلي رزان اسكت حتى تفهم
-وفهد شنو اخذ هديه
-مو هديه هاي اسمها اكراميه لان رجعنه حكنه
-اي وشخذ
-ما اخذ شي
-يعني مراح يتروج غاليه
-لا مستحيل ياخذها
-ليش
-مياخذ فضاله غيره
-يعني لجان يحبها وصارت كدامه هسه كام يسميها فضاله
-حتى لو يحبها مازال اخذها واحد غيره ميكدر بعد يرجعلها
-اممم خوش كلام قنعتني ....
-دقيقه احد يصيحني بره ...سديت لتلفون كمت افتح لباب صار فهد كدامي
-وينك ساعه اصيح
-موجود
-شبيك
-مابيه شي شكد صارلك واكف هنا
-شنو هل سؤال هسه اجيت وصحتك ادك عليك تلفونك مشغول شسالفه
-ها اي جنت اتصل شرايد انته
-مروان يريدك بليل تروحلهم
-لا ما اروح ليوم عندي شغل انه ولحجي
-شغليش
-راح اخطب
-صدك
-اي شبيك
-وفاطمه
-شبيه فاطمه
-مقصره هيه
-لا مابيها اي قصره وبنت عمي وام بنتي بس بعد هاذا يريد واشرله على كلبي
-فكر زين ولتضلمها مثلي
-اعدل بينهن اكيد
-بنت منو هي
-بعدين تعرفها
-من ديرتنه
-لا مو منا
-ها خير نشاء الله
-وانته شوكت نفرح بيك
-عوفوني اني وعرسو لشاهين
-ثنينكم بيوم واحد شرايك
-اني ما اعرس بعد وسدو لسالفه لا كل شويه واحد حاجيها كدامي ماصغير انه
-اي يابه حقك انته مشيب وينك وين لزواج عمي ليشوفك يكول هاذا اكبر واحد بيكم شمسوي بروحك متكلي
-شبيه بس لو اعرف شلون تشوفوني جان رتاحيت
-روح شوف نفسك بلمرايه شهل لحيه ولشوارب صارلك دهر ما شايف موس مو وشوكت تخلص لعده مالتك وتذب لسود
-هاذا شكلي عاجبني ولسود ما انزعه عوفوني هيج مرتاح
-براحتك عمي ضل هيج بس بعد لترجع متاخر تره جدي عرف بيك تشرب
-يله عساس هوه مجان يدري
-لا بس واضح عليك لسالفه قبل جنت كل سبوع مره هسه صرت يوميه جاي سكران لا وفوكاها ميبين بيك لبطل
-طبعاً ميبين غير هاذا ناره ما تطفه
-تنحل يخوي تنحل
-طلعت منه ورجعت للشغل لعصر خلصت وطلعت للبيت لكيت فارس ولولد يسولفون ويه الحجي كعدت وياهم ساكت كل عاده
-فهد
-هله جدي
-شنو رايك نخطب الكم
-انه ماريد
-براحتك وليدي زين احنه لكينه مره لشاهين بس بقى فارس نريد نحاجيك بسالفته
-اي كلي يريد يخطب بلخير عليكم انه اترخص انام
-اصبر فهد عرفت مني لحرمه ليريدها اخوك
-لا ماعرف
-لبنيه تصير نسيبتك
-نسيبتي منو
-خالت فرحه
-غمضت عيوني بنفاذ صبر بس انتو مو تخليتو عن بنتكم وذبيتوها بيد لغربه وهسه تردون تاخذون خالتها على الاقل اخذوها بحضنكم وعوضوها عن لصار مو انته جدي طلبت مني اكتلها خلاص مو كدامك سحبت لسلاح براسها مو انته فارس وشاهين وعكاب ضربتوها ها وهيه بنت عمكم وجانت مرت اخوكم نسيتو شلون جانت شايلتكم بعيونها وتركض الكم ها هسه كلشي رحع الكم والله انطاكم كلشي على لاقل رجعو الها كرامتها لنهانت بهاذا لبيت وانته فارس الك عين تخطب خالتها بعد ما انت شمرتها بيت جدها ها
ولكم اني لحد هاي لحضه ما شفت لنوم من بعد لسويته بيها
وتكلولي اتزوج
شلون ها شلون وانه ضلمتها بيدي وضربتها
شكد حاولت اكفر عن خطئي بس احس لعنه وصبتها عليه
هاذا لسود حلفت ما اذبه اله وانه مرجع كرامتها الها

روحو شوفو اذا قبلت تسامحكم لو تغفر الكم

كام فارس وحجه
-انه شفتها اكثر من مره وحجيت وياها
-صنميت من سمعته محاجيه
-ماعدهم اي مشكله وقابلين ينطونه مره
-مستحيل يقبلون اكيد انتو سويلولهم شي
-لا ترتكب عليه بلاوي فهد
-بلاوي ...ليش مو احنه لكتلنه ولد لحطاب كلهم مو انته بيدك ضربت قصي وخليته سابح بدمه ولو مو بعيده عنكم هاي لسوالف اذا هيه لدوله ما كدرت الكم وما كلفت نفسه تخلينه بتوقيف يوم واحد تردون هذوله لكراد يوكفون بوجهكم
سوو لتردونه انه طالع منكم ومن هل بيت كله
-وين رايح فهد
-قدمت على لحشد
-بكيفك انته
-اي بكيفي صار عمري ٣٢سنه وانتو تتحكمون بيه عوفوني براحتي شويه
-وهسه شنسوي حجي
-باجر نروح نخطبها

بليل اتصل فارس وكال باجر نجي عليكم وبس تخبلت اني كل لبالي يجون يسوون عركه لو ياخذوني يربي الطف بحالي
صار لصبح رحت للدوام ومن رجعت جانت سيارات بابنه متت خوف دخلت وكلهم كاعدين بلهول دخلت للمطبخ وكلبي يدك سريع جانت رزان واكفه تسوي جاي وعيونها تجري
وكفت يمها ...شبيج شصاير
-ابويه وافق
-ولج على شنو وافق احجي
-قبل بفارس يتزوجني
-شنوووو......يتبع

🍂🍂🍂🍂🍂🍂🍂

شنو رئيكم بلمفاجئه هاذا لبارت
راح تبدي معانات زران مع فارس

توقعاتكم تهمنى
تعليق تصويت ترفع لقصه

🥰🥰🥰🥰🥰