قانون جدي

بارت ١٢

#قانون-جدي
...................

طلعت للمحل وعفتهن يسولفن

صادفتي عكاب بلطريق صعد ويايه ومشينه للمحل مريت على محل فارس حجينه شويه ويا وطلعت لمحلي

لتهيت بلشغل لحد ما اذن لضهر كلت للولد ماشي مشوار للبيت شوي وارجع

طلعت اخذت فارس ورجعنه للبيت
طبكت لسياره ونزلت
صبو لغده بين ما صليت وكعدنه
كلها موجوده ولتمينه على لسفره
كمت اول واحد لان مواعد رجال يمزلي حموله وانتضره يجي صبيت جاي وكعدت اشرب
شويه وندك لباب عاينت على لولد ناس عيونها مطشره
صاح ابوي
-احد منضركم
-لا يابه ما عدنه شي ليوم
-كمت بيدي لستكان فتحت لباب
خالت فرحه وجدها وحبوبتها وخالها سلمت عليهم وجوهم ثكيله بشكل ميكصها لسيف
من دخلتهم كلبي لعب حسيت جايبين وياهم مصيبه
دخلتهم للستقبال ودخلت لهلي
...اجوي اجداد فرحه يابه
-هله بيهم كم تحضرو بساع
-ياستار ياربي شصاير ويجون
-انشالله خير
-اعاين عليهم وبلكوه احاول اهدي نفسي والله لو يعرفون بيه انه خابرتهم وخبرتهم يجوني شلنه لسفره بساع اجانه شاهين على الجاي نطيناه وراح
اجتي امي للمطبخ جنت واكفه كدام لشباك اريد اسمع شي
-فرحه
-ها يوم
-شعدهم بيت جدج هنا
-مادري
-تعالي جدج يريدج بلغرفه
-جدي شيريد مني
-روحي شوفي انتي
-مشيت اطكطك باصابيعي وخايفه منه دخلت ...ها جدي
-شيردون لجماعه
-مادري
-يعني انتي مالج علم بيهم مو
-اي
-يصير خير يله روحي
-طلعت من لغرفه امشي للمطبخ طلع فهد من لستقبال وراح لغرفه جدي كعدت بلمطبخ متوتره ياهوه ليدخل يكلي شبيج ما خلصت من لاسئله كمت اغسل لماعين اخلص من  اسئلتهم
اجتي فاطمه تاوني كتلها عوفيني وسوي جاي
شويه ودخل فهد صاح بفاطمه تطلع بلعت ريكي طلعت واجه وكف ورايه جر ايدي حيل
-اسمعي لج تمشيت هسه كدامي تصعدين تبدلين وتعدلين وجهج وتلبسين ذهبج وتنزلين واي احد يسئلج علينه كولي لحمدالله وبس واذا سئلوج على وجهج كليلهم واكعه فاهمه
-نتر ايدي ومشه للستقبال غسلت ايدي اخذت حجاب حبوبه مشكور على باب لمطبخ مالت لبيت لبسته ودخلتلهم عناد بي لا صعدت ولا رتبت سلمت عليهم حضنتنني بيبي وهاي ثاني مره اشوفها بحياتي كلها بس خالتي اتخابر وتشوفني واجتي بعرسي بس بيبي وجدي ما اشوفهم ابد
كعدوني بصفهم ويحجون ويايه
شاورتني بيبي
-شبيها عيونج
-رفعت راسي وصادفتني عيون فهد وبحلكه عوده صغيره ومصغر عيونه ويباوع كانو يعرف شسئلت بيبي درت وجهي وشاورتها كتلها فهد ضاربني
شهكت بصوت وخلت ايدها على حلكها رجعت شاورتني
-ليش
-هوه عصبي حيل وضربني على شي تافه
-زين صدك لسمعته بعده ما ماقربلج
-لا تقربلي بس ما صار مثل ما يصير مثل لباقين ولدكتوره اكدت هاذا لشي
-بنيتي احنه اجينه ناخذج تمشين ويانه لو تضلين
-بيبي انه خابرتكم اريدكم تخلصوني من هل عذاب فدوه اخذوني وطلكوني من فهد
-اوك يصير خير انتي ضلي يمي وانه شويه وادزج تلمين ملابسج
-درت راسي مامه وفهد يسولفون اشرتلي اكوم كمت رحت وراها للمطبخ
-شحجت وياج حبوبتج
-تسئلني شلونج وهيج
-وشبيها خرعت
-لان كتلها انتو متحبوني وبس
-ها دكعدي هنا وبعد لدخلين
-اصلا اريد اصعد ارتاح
-روحي ولتجين ماشي بنيتي
-اي ...مشيت للدرج وهيه راحت للستقبال اول مدخلت صار صياح عالي نزلت بساع وكفت باب لستقبال اسمع جدي يكول لفهد طلكها
وفهد يرد عليه ما اطلكها مصارلنه شهر ليش اطلك تردون تشوفوها اهلا وسهلاً تردون تخابروها عدها تلفون واتصلو شوكت متردون بس طلاك ما اطلك