قانون جدي

بارت ١٤

#قانون-جدي
.................

طلعت اني ولولد وره العشه نفتر بلسيارات بلكهاوي
صارت لساعه ١٢ترخصت منهم ارجع طلعت ادندن بلغنيه لعلىكت براسي
شغلت ومشيت من طلعت لمدنيه اكو سيطره فاصله بين لمدينه ولسلف زدحام وسيارات هواي وكفت حالي حال لوادم
صفت بصفي سياره
انه طبعي ما اعاين على لسيارات لان اكثر لاحيان بيها حريم
مدري شلون وبحركه لا اراديه درت راسي لمحت طيف جن شايفه كبل
نعصر كلبي ورجعت ذاكرتي لذاك ليوم لشفتها بي
اي هيه وربي بكبره هيه
جانر عيونها بعيوني بس دارت راسها
تعمددت امد راسي اكثر اريدن اعرف وي منهو صاعده
ولني اشوف عدووي واخذي حكي
قصي بن الحطاب
وهيه بصدر سيارته
شلووون شلووون يربي
سراهم مشه دكيت هورن طرشت لشرطه مشه سرايه بساع
شخطت وراهم
لا يربي جذبتي انه اريد حساسي يجذبني لا يدخل فرع الحطاب لا يدخل
وتلوف سيارتهم وتدخل سلف لحطاب
نزلت كدام لشارع وعيوني وراها لحد ما طبكت كدام القصر ونزلت وهو وياها وكفت من بعيد وتعاين عليه
ليش يا كلب هيج عزازك يرحون
والله كلبي حاسسني هي موجوده وعايشه
اشم هواها بريتي
رجعت صعدت وانه حس ما يطلع مني بلعومي لحركه ولمراره بي تذبح
امشي ولدموع مره ثانيه تنزل جي لجمه عزيز قويه
امسح بيها وتنزل
لسايد رايح وراجع ماشفت سياره ستاركس كدامي ودخلت بيها
ما احس اله وابوي ولولد فوك راسي
تقرب فارس مني ضرب على خدي خفيف
-يول اكعد اصحه تسمعني
-راسي يبوي رسي وش جابني هنا
—سلامات عدت سلامات لحمدالله بلمال ولا بيك
-غاليه وينها غاليه
-سد حلكك لنعل يومك ويومها وشجابها على بالك
-شفتها يبن ابوي شفتها هي وقصي
-ولد لحطاب ما غيره
-اي يفارس اي دخلت وياه لسلفهم
-لا يخوي ما هي يلمدينه ولا بلسلف تتوهم
-لا انه حافضها وزين هي وروح عمي هي نفسها وشكلها وعيونها اخ يا عيونها دولبني وحق هوه علي
-اششش اكرمني بسكوتك فضحتنه
-غمضت عيوني كام فارس مني وكف قريب ابوي جان كاعد وراسه براسي يهمسلي
كل ما اغمض تصير صورتها كدامي
هي كدامي وما اعرف بيها ليا درجه انه ناسيها لا والله ما نسيتها ولا راح انساها بس حياتي وي فرحه خلتني اعيش واقع واترك وهمها
هسه هي موجوده هل مره ما اعوفها لو اخسر لدنيه كلها واطلع بيها
خسرتها مره وما مستعد اخسرها مره ثانيه
اجه لطبيب وكتب لخروج
كمت وياهم مجرد ضربه براس كم خياط ورضوض بلصدر
دوخه عندي اخذنه لعلاج وطلعت وياهم
ندارت على ابوي
-وشصار ويه لسياره ولناس لبيها
-مابيهم شي لولد قبل شوي وصله عكاب ومناك يرجع للبيت يطمر مريتك بالها يمك وامك
واحنه تكفلنه بصليح سيارته ...بس انت شلون هيج تضربه ما منتبه كم مره كتلك لتسوق وانته نعسان من تعرف بروحك ما تكدر تبطي ليل ليش طلعت وسهرت
-رفعت عيني على لمرايه اشرلي فارس اسكت هزيت راسي ومشينه
وصلنه لبيت نزلت اجه ابوي يسندني اشرتله اكدر امشي
نزل لستره مالتي ولدوه ومشه ورايه فارس صف لسياره ورجع ورانه
مشيت جانت امي وفرحه بلمطبخ امي حاطه ايدها على خدها وفرحه كاعده بلكاع وتبجي
من دخلت طفرن عليه
-يمه وليدي شجاك يمه عسها لظربه براس توجعك يبعد امك
-سلامه راسج امي مابيه شي لحمدالله ما كدامج امشي ضربه خفيفه
-ولك اوووف والله من بطيت كلبي حاسسني بيك شي
-لحمدالله قدر ولطف ...دخل ابويه وراي حاجاها
-كولي يا الله ام فارس ضربه خفيفه ولحمدالله ابنج فهد البراري ما توجعه هيج ضربه
-بتسمت الهم ومشيت اصعد عقلي مو براسي سارح بعيونها عيون لريم
دخلت لغرفه كعدت على طرف لجربايه دخلت ورايه رفعت راسي جانت بيدها لستره ولغراض
علكت لستره وخلت لدوه على لميز
حسيت بيها تبجي نفسها مو منتضم
ستغفرت ربي وكمت الها
وكفت صحت فرحه
-درت بساع ..ها فهد
-شبيج
-مابيه شي احضرلك لحمام لو تنام
-تقربت عليها ..عيونج حمر شبيها
-مابيها شي قله نوم
-ليش ما نمتي
-جنت انتضرك
-بتسمت تعالي فتحت ايدي الها اجتي حضنتني اوووف يا فرحه دنكت بست راسها حضريلي لحمام
-صار اخذت لخاولي وملابس دخلت علكتهن حضرت لمي لحار ولبارده واجت اطلع وكف كدامي
-مابيه حيل اغسل
-ماشي باجر اسبح
-سبحيني انتي
-اني ....ماشي ..دخل وسد لباب قفله دك كلبي بدكات سريعه حس عليه متوتره هاي اول مره يطلب مني هيج ما منعت لان وضعه صعب كفيت دشداشتي كعد على لطبله بلشت اذب مي على جسمه اخذت ليفه مالته خليت بيها صابون شلت ايده اغسل بيها بس راسه ما وصلت اله مي غسل وجها هوه كام نشف جنت ناكعه دشداشتي
لبس وطلع شطفت رجلي ومشيت للغرفه كعد كدام لمرايه صافن على وجها
تقربت منه ...بيك شي
-لا مابيه اريد انام ولتكعديني لصبح ماشي
-كام فتح لغطه ونام بدلت ملابسي وتمددت كدامه جان مكتف ايده ونايم اتجاهي صرت كدامه وعيوني تدمع حس عليه فتح
-شبيج تبجين
-خفت عليك
-مابيه شي والله
-مو بيدي
-تعالي يمي ...حضنتها ..بداخلي اكول اي هاي مرتي وام بيتي ما يحتاج ارجع للماضي وارجع ادورها بعد راحت ونسيتها
وره شويه اكول لا هاي بنت كلبي وهاذا ما دك بس الها وهاي لبحضني شنو ذنبها
هاي ذنبها بركبه جدك يفهد انت مالك دخل بيهم انت هم مجبور مثلها
بس هيه ما مقصره ويايه
حتى لو غاليه ما فد يوم قصرت وياك بشي وتالي اخذها جدك منك ونحرمت منها ومن ابنك
نمت واني بين صراع كلبي وعقلي
كعدت متاخر حيل رفعت راسي ماكو احد بلغرفه وضلمه ولبردات نازله كمت بهدوء دخلت للحمام ونزلت
لساعه ب١١لصبح دخلت للمطبخ جانت امي وفرحه يطبخن وسماح كاعده بلكاع تلكط خضره شافتني وصاحت
-يمه فهد كعد
-شبيج خرعتيني
-هله بهل صباح يبعد امك شلون صرت
-زين مابيه شي شو ماكو احد شدسوون انتو
-ابوك وجدك بلديوانيه يمهم خطار عليك واحنه نحضر لغده لان عازمين عمك وعماتك ثواب لوجه الله ولخاطر كومتك بلسلامه
-هزيت راسي ومشيت للصاله
-طلعت وره جان كاعد على لتخم وصافن كعدت يمه
تريد ريوك
-رفعت عيني عليها هزيت راسي لا
-ودواك شلون متاخذه
-سوي جاي
-بس
-فرحه عوفيني
-كمت ولقهر واكف بلعومي مشيت للمطبخ حميت لجاي ونطيته شرب وطلع بره
ما دخل الها من لتمت كلها وصحناهم على لغده
كعد اكل شويه وكام بره بلحديقه كاعد وصافن اخذتله لجاي بره
مديت ايدي اخذه بدون ميحجي
شبيك صافن
كتلج مابيه شي ولطلعين بره لولد موجودين فوتي بساع
-عفته ودخلت شجاه هل رجال شو متغير يربي
وكفت على لمواعين ويه فاطمه لحد ما طك ضهرنه صعدت فوك لكيته متمدد وعيونه على لتلفون اخذت ملابس ورحت سبحت ورجعت نمت ما حسيت اله عليه يندهني
كمت عليه
-كومي خطار جوه
-كمت من لجربايه ختل توازني ما كدرت اسيطر رجعت كعدت انتبه عليه واجه
-شبيج
-شدراني اطوطح عيوني تفتر
-شنو ما تغديتي
-لا تغديت زين
-امشي نزلي اكليلج شي يسندج
-نزلت وياه مكاودني خاف اوكع شافتنه امي وصاحت ادري منو لمريض انتي لو فهد شو هوه كايدج
مادري شبيه مامه راسي ذبحني
-يا شجاج اخذي براسيتول
-اي هسه اخذ كعد شويه ويه عمتي وحبوبه ورجع طلع بره كمت سويت لفه اكلتها ومالي روح اسوي شي تمددت بلمطبخ
غفيت حسيت عليه يصيحني اجه عليه بساع
ضرب على خذي
فزيت
-شبيج واكعه دختي
-لا نمت
-طايحه الحض اكو احد ينام هنا عبالي واكعه شبيج صايره تنبل نوم ها
-مادري
-دكومي يمهم جوه يلا
-مشيت لمامه صحتها اجتي
-مامه شسوي عشه
-لتسوين شي خلي فاطمه تسوي مابيج حيلانتي وجهج يطرد لنعمه صايره صفره شبيج
-والله روحي طالعه مدري شبيه مطفيه
-يولي خاف حبله
-منو
-انتي شبيج غايبتلج
-مادري لا مو حامل
-والله شكلج حبله
-لا يمه شسالفه سويتيني حامل بساع دكولي يا الله
اني صاعده فوك اصيح فاطمه
صحتها نزلت واني تمددت بلغرفه كمت عزلتها ورجعت تمددت دخل فهد ورايه
-ها سالمين حلالج لفراش شو كل شويه ونايمه
-مابيه حيل روحي مسحوله
-كومي وياهن ما يلحكن على لعشه يمنه خطار
-مامه دزتني ارتاح مابيه انزل
-فرحه اكلج خطار بعدين ارتاحي
-والله مابيه حيل شبيك
-شسوتي وحتى مابيج حيل شو نايمه من لضهر لي هس دكومي يلا بساع وياهم عاونيهن
-فهد عوفني رجعت انام جر لغطه وصاح بيه بساع كمت اخذت لحجاب ونزلت لدرج ولمشكله جانو كلها كاعده بلصاله نسوان كرايبنه جايين على فهد ولزلم بره شكد ستحيت منهم احسهم سمعو صياحه نزل ورايه سلم وطلع وكفت وياهن
-شبيه فهد صوته وصل لهنا
-مابي شي تردن اعاونجن
-لا خلصنه
-معدت يمهم جانن يصبن اكل خلصن وفرشن لسفره كعدنه ناكل اكلت شويه وكمت اغزل بلمطبخ خلصنه شغل ورجعت صعدت بغرفه سماح صعدت وراسه تفاجئت بيه
-ليوم لحلوه يمي
-اي يمج ليوم
-هله بيج شتاقيتلج تعالي بحضني
-حصنتها ونمنه سويه غافيه واحس احد ينده بكتفي فزيت فهد واكف ولباب مفتوح نداريت سماح بعدها نايمه
كمت عليه ..ها
-ليش هنا نايمه تعالي ورايه
-عافني وطلع مشيت وراه سديت لباب ورحت للغرفه دخلت جان واكف عرف بيه ضايجه سكت ما حجه شي
..ليش جبتني مو جنت نايمه
-باجر طالع للمحل منو يكعدني
-اها على هاي جبتني
-لا مو بس هيج ...تقربت عليها حضنت خصرها ..ما شتاقيتلي
-لا ماشتاقيتلك عوفني انام ...عفته ونمت هوه هم نضرب بوري ونام لفجر خيط لضوه توه طالع حسيت احد بوس بضهري وتلمس بيه نداريت عليه فهد شبيك وخر نعسانه ماكو ما حس عليه تحرك وصار فوكايه يبوس ويعض وحار شنو يسوي كنو موو بوعيه ما حاس على روحه
عادي تقبلت لموضوع وعفته براحته بس حسيت عليه يهمس ما فهمت شنو يكول بس من رفع راسه وخله عينه بعيني ويهمس غاليه غاليتي رجعتيلي يروح فهد ويبوس بيه
دفعته حيل وكمت من فراشي صحت بي فهد شبيك فرك عيونه حيل وصفن عليه
-شبيج تصيحين
-منو هاي غاليه
-يا غاليه شبيج فرحه
-صارلك ساعه تهمس باسم غاليه منو هاي
-ماكو هيج حجي متوهمه انتي
-شنو تنكر سمعتك باذني تبوس بيه وتكول مشتاقلج غاليه منو هاي احجي
-متوهمه انتي حلمانه يمكنج نامي نايمي طيرتي نومتي خرب بيومج
-شبيك شنو انام دشوف حالي هاي وحده متوهمه هسه جنت تبوس بيه وتريدني
-اي صحيح جنت يمج بس دفعتيني وانتي نايمه جنتي حلمانه صدكيني
-صفنت معقوله اني حلمانه  ...يووه اخر فتره مدري شبيه رجعت للجربايه اريد انام ما اكدر لا شنو احلم اني كاعده
-لا اني صدك اروح بيها اذا عرفت بغاليه وتالي ويايه اهمس بسمها هيج لازم اوعه على روحي من انام وياها
خلي ارجعلها بلكي تنسه لسالفه
تقربت حضنتها ندارت بوستها وتقربت الها بس لحتى اشغل بالها بيه كمت سبحت ونزلت طلعت للمحل بدون اكل
فتحت اجوي اصدقائي بلمحلات سلمو عليه وتحمدو بسلامتي وراحو اشرت للصبي يهتم بلشغل شو ارجع
شغلت لسياره وطلعت
وصلت عرب لحطاب وكفت بعيد فات ولد شاب صغير صحتله
يولد تعرف قصي لحطاب
-اي اعرفه ابشر عمي
-شوكت عرس
-والله معرس على وحده دخليه عدهم
-اها كلت دخليه وشوكت عرس
-والله كبل شهر ونص هيج
-من وين دخليه هل بينيه
-والله يعمي ما اعرف بعد سوالف حريم هاي
-تحجي يول اريدن اباركلهم وما اعرف منو ماخذ زحمه شلون ما احضر لعرس
-والله يعمي يكولون هاي جانت مهزومه من بيت سعود يمكن واحد من ولدهم متعرضلها وجايه دخليه عد عمي الحطاب ودخلوها عدهم وعرس عليها قصي
-اها هيج رحمه الله والديك هاي بشاره خير مني
رجعت للمحل واني افور من كلام لولد يعني شغله عناد بيه راحت لبيت لحطاب وما تزوجت غير هاذا لعار
اخ يربي ليش هيج
ولج ما توقعتج بيوم تتزوجين لو تهوين رجال غيري ولج انتي مبك فهد وبس
شلون اخذها هسه وهيه مو اليه
دك تلفوني امي
-ها يمه
-يمه انه طالعه اخذ فرحه وياي
-اخذيها اخذيها ...سديته بساع ورحت لمحل فارس جانو ناس يمه طلعو وكعدت يميه ...اسمع فارس غاليه عرس عليها قصي
-انته بعدك تفكر بيها
-اكللك موجوده وروح عمي ومتزوجه من ول لحطاب
-لا ماكو هيج شي متوهم
-اكله هسه رحت وسئلت وعرفت هيه دخيله عدهم من عهد جدي طردها من دارنه وراحت ليهم دخليه وناخذها قصي
-شبيك بابه هاذا قصي حفيد الحطاب مستحيل ياخذ وحده دخليه شجاك متكلي
-هنا مربط لسالفه اخذها عناد بيه عدهم غايه ويايه وروحه لعمي متقصد يسوي هيج بيه
-وهيه شعدها رايحه لبيت لحطاب
-اهنا انه ما اعرف لسالفه ليش
-بس جدي كال طلعت من لديره كلها
-اكيد همه اخذوها لان لولد يكول جانت مرافجه واحد من ولد سعود
-يا ولد هاذا
-ولد شفته قريب سلف لحطاب وحجيت وياه بس ما عرفني ولد سعود وحجه كلشي اليه
-وانته شلون تثق بي منو يكول ميعرفك وتعمد يهيج يحجي حتى يبلغهم
-لا ما ضنتي عرفني اصلا ما شايفه بسلفنه هل ولد
-اسمعني زين فهد وهاي لمره لالف لكلك انساها تفهم شنو يعني تنساها شيلها من دماغك يخوي
-شلون وانه جنت جسد بلايه روح بدونها وهسه من عرفت بيها موجوده تريدني اعرفها وليش ها ليش هم تريدني اضعف واخضع الكم
-هسه من جانت مرتك ما كدرت وهسه من صارت جنه لحطاب تدري لو وصلت ودنيت الهم راح تعلك وياك وانته هسه بديت حياتك تره ما ارضاها عليك تاذي فرحه
-طز بفرحه وبيكم كليكم اكله كلبي نار عليها اريدها هاي حب حياتي شلون اعرفها بيد عدوي هيه مالتي وبس
نحجي واشوف سياره قصي تمشي كدامي نزل لمناضر وبتسم بمكر طبك كدام لكهوه ونزل لاف لغتره ولستره ولدشداشه لزبده وهوه احمراني كعد وطلع لتلفون من جيبه ويفر بسبحته حطوله لجاي ويحجي ويتمضحك
نداريت على فارس ...ها شفت شفت شلون اجه وبكل عين وكحه
خلص جايه واجه علينه
قصي:تعرف فهد اني مقهور عليك حيل
-شتحجي قصي
-كمت وكفت كدامه جان فارس يحاجي
قصي:اي والله يا فارس انه كلش انقهر على فهد خطيه يتوسل بلجهال علمود يحصل خبر على حبيبه لكلب مو صح فهد
-كورت ايد ولشراره تطاير من عيوني
-قصي امشي منا
قصي:احب ابشركم تره غاليتك حامل من ابني
-هنا سودت لدنيه بعيني ما احس اله وضارب قصي بعينه
كام وردلي لضربه لتمت لناس وفارس سحبني كام وهوه يهدد
ويصيح
قصي:شوفو يناس هاذا لتتفاخرون بي شوفو شلون يتغزل بحرمتي ويدز ناس عليها ترضوها  يا اهل لغيرها
-جذاب واكبر جذاب انته اطلع ساقط اطلع من سلف بيت سعود اطلع
-فارس جان كدامي يصيح اخذوه لناس مشوه لسيارته شغلها وطلع لناس اجتي تسئل حاجاهم فارس وسكتها ندار عليه وشكله كله غضب
-لك وتالي وياك هيج تضربه وتفضحنه ها
-ما سمعته شيكول
-اي هوه انته حليت واحد يرد عليه شبيك هيج تره لناس مو دوشك كتل فاهم امشي للبيت هاذا مراح يعديها على خير
مشينه للبيت دخلنه للديوان جان ولد يودي طارش لجدي على لاخبار ولعركات لتصير يعني صار عنده على بلموضوع
ما حجه شي ويايه اكتفه بنضره حاده
دز ناس عليهم وره يومين نروح عليهم
دخلت للغرفه متوتر صعدت فرحه
-شبيك صدك متعارك بلسوك
-وخري عني فرحه
-تعالي حبيبي عندي حجي وياك
-امشي طلعي مني كله من وراج خسرتها وخسرت ابني وحياتي انتي رب لماشكل ولاذيه لخاطر حياتج اذيتيني واذيتيها راحت وهيه تدعي عليه وهسه هيه مرت عدوي تعرفين انتي وحده انانيه ومتستاهلين كلشي جنت معتبرج احتي مددله لبيت بس بيوم خربتي كل حياتي جنت مرتاح وياها امشي بره اطلعي كلبه اطلعي الله ياخذج ولج ليش ما متي ويه اهلج ليش الله خلاج حتى ابتلي بيج ماريدج اطلعي من دنيتي ولج موتي موووتي
-صافنه عليه نهار عليه ودموعي شلال مكدرت انطق بحرف دفعني وسد لباب حيل جانو كلها واكفه بلصاله تلكتني رشا وعگاب وسماح اشرتلهم ادخلو شوفو عصب حيل
دخلت غرفه سماح وخلوله عگاب وعمتي اسمعهم يتعاركون
دخلت سماح عليه
-شصار وهيج تخبل عليج
-مادري دخلت عليه كتله شبيك مكال شي كتله متعارك كلي اطلعي كتله تعالي اكعد اريد احاجيك عبالي افرحنه بس فجئه كب وكام يصيح بس اري افهم غاليه منو والله راح اتخبل
-والله مادري شكلج فرحه تجي امي وافهمج
-هاذا لاسم سمعته قبل فتره والله بس جذبت نفسي وكلي انتي حلمانه وهسه يصيح باسم غاليه ويكول كتلت ابني ابن منو فهموني
دخلت امي وكعدت كدامي
-اسمعي فرحه جدج يصيحج جوه امشي وهوه يحاجيج محد اله ذبنب وهوه بركبته كلشي هدم هل بيتت على راسي الله واعلم بعد منو راح يهجم وياذي ولدي اطشرو من وراه
امشي يمه امشي لاتبجين مو زين عليج خربو فرحتج عساها بحضهم وبختهم