قانون جدي

بارت٢١

#قانون -جدي
.......................

-مو انه لينكال هيج جدامي حيوانه  كدامي يله نهضي
-روح من خلقتي شكد اناني حقير
-لسانج ولج لحد هس كاضم غيضي عنج وعلي كلمه ثانيه لا انهيج جدامي تحركي
-كعد على لجربايه ندكت لباب كام فتحها واني على حطيتي بلكاع ابجي وخشمي كله دم
دخلت امه بيدها لصينيه
-يمه يا ستار شصاير بلبنيه عين لما صلت على لنبي شبيه مريتك
-مابيها شي
-ولك احجي شمسوي بيها ليش هل دمايه يمه شو كومي لشوف شبيج بنيتي شسوالج
-كولي شنو ما سواه ابنج مكيف بروحه ويضربني ما عاش ولا صار لي يمد ايده عليه فاهم
-مره لالف اكلج لسانج لضاهر ابوج منطيج مجال تتخبلين بس يمي لا اذا متجرين عدل بنعال حسابج
-مو تايهتلك اني
-منو يفزعلج هنا ها امج ماكو والوج ماكو منو الج بس اني جري عدل ويايه واشيلج بعيوني
-يمه بهداي عليها لا تخبلها من ليلتها اصبر عليها هسه هيه تهداء وتمشي بمايك انته بس اصبر شوي لخاطري يمه على كيفك وياها لا تغضب الله بيها
-هاي لخاطر امي راح اعديها الج ليله بس وروح حبوبه لا اندمج اذا عدتها بعد
-مجاوبته اخذت ملابس وكلتلها خاله وين لحمام
-يمه ما يصير اطلعين هيج لنسوان كلها بره هسه ليشوفج شيكول خشمج يجري وكحلتج سايله هدي ومنا لبعد شوي انه اسويلج درب
-وشلون اضل هيج اريد اغسل
-حسج لا تعلي على امي حيوانه
-مدا اعلي ودا اكلها ماكدر اضل هيج
-ولكم بهداي تخبلتو هسه اشوفلج طريق للحمام اصبري
-طلعت واني نتجيت على لحايط انتضرها صفنت هاي مو غرفه روان
....اكول هاي مو غرفه فهد
-اي
-وليش ماخذها منه
-وين اكعدج بلهول مثلاً
-ما مجبور تتزوج مووعندك مره
-اي عندي وتخبل احسن منج
-لو احسن مني جان ما تزوجتني
-احبج مووبيدي
-جذاب
-ها شكلنه تردين تنكتلين بعد
-درت وجهي اجتي امه اخذتني للحمام ماكو احد بره
دخلت يوووه ما جايبه لا لشامبو ولا لبلسم غسلت وطلعت صادفتني بنيه شايله طفله ...درت وجهي امشي كالت
..نوب علينه بنات بغداد
نداريت عليها ..عفواً تحجين ويايه
-لا
-تركتها ودخلت شبيها هاي ...فتحت لجنطه جان متمدد على لجربايه اخذت لغراض واجيت اطلع صاح عليه
-وين
-اسبح
-بسم الله بعدنه ما كلنه احي وتردين تسبحين
-احي شنو
-تعالي واكلج شنو
-شكراً طلعت شفت مجموعه بنات اجتي منهن بنيه تعرج عرفتها سماح باركتلي وراحت دخلت سبحت اريد اسيطر على نفسي ماكدر ايدي ترجف حيل وتوتر احس روحي مخنوكه حيل ادمرت منه شلون هيج قبلت شلون تسرعت شلون وشلون يربي وتالي ويايه اضل هيج حضي زباله