قانون جدي

بارت١٠

#قانون-جدي

............................

دخلت وراه للغرفه
اشرلي اكعد جاره كعدت بيدي لعبايه ولحجاب على متوني
شويه ودخل فهد لتلفون باذنه يحجي

خلص لمكالمه وكعد بلكاع مقابيلنه

حجه جدي
-اسمعو زين ما بيقى شى للخميس هن يومين وتعرسون
ادري بيكم ما هاوين بعض بس شاءت لضروف ونجبرتو على لعرس
فرحه بنيتي انه ما اكرهنج واغصبج عليه
ولا انت فهد
بس انتو تعرفون ليغلط بهل بيت شنو عقابه
مو صحيح فهد
-اي حجي
-وانتي فروحه بنيتي وروحي من لدنيه ابوج الله يرحمه وصاني عليج و من ظمن وصيته كاتب فرحه لفهد
وانه ماريدن اكسر بيه وهوه بترابه مو صحيح فرحه
-اي
-ولتنسين انتي تمرضتي ومالنه حيل عمليه وسوالف بطرانه واني ماكدر اشوفنج تتعذبين كدام عيوني واسكت
عجلت بلزواج لخاطرج ولخاطر سمعه لعائله مو فهيدان

-اي حجي اهمشي لسمعه
-اريدكم بلعرس تفرحون وتبينون للناس انتو حابين بعض ورايدين هل زواجه ماشي
-اي حجي امرك ...انه صاعد عندي اسبح عندي طلعه

-وين تريد
-لشباب عازميني على طلعه
-لا تبطي
-صار
-كومي بنيتي صعدي فوك كملي شغلج
-اي جدو ...صارت طلعتنه سويه ندارعليه
-فرحه دشداشه لسوده اكويها
-باوعت عليه ومشيت صعدت واشحط بروحي مالي نفس اكل واشرب وحتى لنوم هجرني دخلت للغرفه بوست سماح
وكفت كدام لكنتور طلعت دشداشه وخاولي مشيت للحمام
صاحت
-شبيج مكلتي شلونه لذهب
-من ننزل تشوفه حبوبه الج
-عجبج انتي
-لا محلو
-ياا ليش لعد شنعدج رايحه غير تاخذين على ذوقج
-اشو كلها تريد ذوقها كله همه اختاروه
-تعالي شوفي هاذا لبس حلو
-اي كلش حلو هاذا للحنه لو للعرس
-لا لعرس البس كلبيه احسن ما ارتاح بلبنطرون وقميص
-وفاطمه شجابت
-صدريه وبدي وكلابيه مثلي للعرس لان راح تصير ركضه منلحك نكشخ
-اي هم صحيح خلي اسبح واجيج
تمشيت للحمام صوت احد يصعد نداريت خطف اشوف
فهد صاعد
فتحت باب لحمام صاح عليه
-وين لدشداشه
-شدراني
-مو كتلج اكويها
-فهد وخر عني رحمه لمحمد
-لج بابه شبيج تخبلتي
-عفته ودخلت اسبح مدري شسولف ورايه وراح
طلعت لافه لخاولي على راسي دخلت لغرفه جان كاعد على جربايه سماح وهيه تكوي دشداشته من دخلت سكتو
كعدت امشط شعري
اندارت سماح عليه
-اكول فرحه شوكت تصبغين شعرج
-مادري ماريد اصبغه
-لا يولي غير عروسه وتصبغين
-خاف يخربونه هيج حلو
-لا لتصبغي خلي هيج
-ندريت اني وسماح نباوع عليه ضحك علينه صاح
-شبيجن صافنات يله كملي سموحه
-عفته ونزلت اسوي عشه ويه فاطمه
كعدت تسولف على جهازها وشنو تشتري ولغراض لمفروض نجيبها اني ساكته ما علقت
-يولي مو احاجيج شبيج
-فاطمه والله مالي روح بكلشي
-ولج فرحه متكليلي شبيج حتى وجهج ذبل
-اتمنى شغله وحده الله ياخذ روحي واخلص من هيج عيشه
-كولي يا الله يمعوده ميساهل هيج تسوين بروحج
-فاطمه والله ما اصدك ين يبعد يومين ونتزوج والله عقلي راح يوكف ماريده ولا اطيقه حتى قبل جنت احبه واحترمه لان اخويه وهسه كرهته كره مصاير
-لتحجين هيج الله يزرع حبه بكلوبكم انتي بس انطي فرصه اله وهوه راح يحبج
-كافي يمعوده يا حب راح ازوع مصاريني
-طاحضج ولج اني مثلج جنت ما اطيقه لفارس و موبس هيج اصلاً جنت اخاف منه وارجف من اشوفه
-هههه وهسه
-هسه وبعد اخاف منه متشوفيني اكضي كل لوقت بلبيت اخاف اصعد فوك يمه وانجمع وياه ما ينجرع والله
-والله ضحكتيني ..دين ليش تزوجتي اذا متردينه
-اوووف يا فرحه جدي هم غصبنه مثل ما غصبكم
-شو ما دري بهاي لسالفه
-قابل ترديهم ياخذور رئيج ....انه هم مثلج كعدت لصبح وكلولي لعصر يعقد عليج فارس وكعدت ادك والطم لحد لعصر واني كلشي ما اكلت وصدك اجتي حبوبه استلمتني رزايل وغصب عني بدلت وعقدلي وراح
وره سبوعين كالو لجمعه لعرس حتى بدون حنه
اجتي امج وحبوبه خلن حنه بيدي ومشن
وثاني يوم اجتي خالتي وسوتلي كلشي وجهزتني لبست لبدله واجه اخذني ابوج وامج وحبوبه وجدي واجيتكمً
وره لعشه صعدت فوك وتكربست لسالفه براسي وصار كلشي بعد
-زين ليش جبركم تتزوجون
-فارس جان يحب وحده جانت تدرس هنا بلجامعه بلمدينه اقسام داخليه وهيه من غير محافظه وجدي سمع بلسالفه وزوجنه
-بس هسه يحبج وعدكم بنوته يعني عايشين حياتكم طبيعي
-لعد تردينه يشوف هاذا جمالي ويعوفني
-هههههه واثقه من نفسها لزركه ...دنضحك ودخلت علينه امي ستلمتنه رزايل تاخرنه على لعشه صبينه وكعدنه ناكل
كعدو لولد وره لعشه يحضرون للعرس
اتفقو لصبح يرحون يسوكون ويعزمون
جدي دخلت ينام