قانون جدي

بارت٤

#قانون-جدي

امنيتي اشوف ليحچي علوادم شريف 👌🏻❤️
..........................

هدى لوضع بس بداخلنه بركان يسعر
كامن نضفن لبيت وشالو لكزاز ولجام
طار لنوم من عيونه ولنفس نسدت لحجي ما هامه شي
طلع لصبح راح فارس للشغل
عكاب جاب ابو لجام يرمم لتفلش
وانه بدلت وطلعت للمحل لناس عيونها ما ترحم ولحجي ينسمع بس ما ينرد
ولد لحطاب يفترون بلسوك وهمه فرحانين وياشمتون بينه
لناس بطلت تشتري منه
ضجت ونفسي ضاك
صحت لصبي وكتله يروح يسوي لافته ويسوي تخفيض اسعار لحنطه ولشعير ولخصم لمده محدوده
سوه واجاني وعلك لافته
وصدك لتجار احاي اشترت ومشى لوضع وصار لود علينه
كمت ما الحك عليهم لتلفون يرن متعجبين على لعروض ولخصم
اخذت جكاره وكفت وره لجام اعاين ولد لحطاب يفورون ويتبدون وعيونهم فاضحه غلهم مني
والله ولزمن وياكم ولد لحطاب
هل عارات عبالهم لبارحه يكسرون روسنه بس ما يعرفون ولد مسعود شيسوون

خلصت لشغل للضهر وطلعت رحت لغاليه
دكيت لباب فتحتها خالتها دخلت وجها ثكيل سلمت ورحت لبيتي

فتحت لباب شافتني واجتي طايره بحضني
اوووف يعمرري شتاقيتلج
-موبكدي طك كلبي عليك وين جنت وشاصير وياكم
-ماكو شي سالفه قديمه وهسه اجه وكتها
-صدك يعني بيت لحطاب ضربوكم
-شعرفج بكل هاذا
-وصل حجي
-ولج لفجر ليوم صارت لسالفه وانتي شعرفج بيها اجاج لهدهد بلغج
-دتعال اكعد وهسه اكولك شصار
-كعدنه ..يلا احجي
-صديقه خالتي دكت عليها وكلتلها لصبح هيج صاير
-ها اني شكلت مو بعد ماكو صديقه خالتي وهل نسوان
-لتخاف ما اجتي للبيت خابرتها والله ...هسه طمني عنكم خما بيكم شي احد اتاذا
-لا لحمدالله ماكو شي بس لوضع شويه تعبان
-اريد اسئلك سؤال
-كولي
-شنو سالفتكم ويه بيت لحطاب
-سالفه قديمه شلج بيها
-يعني ذيج لمره انتو لظربتوهم مو
-اي نعم احنه
-زين ليش هيج تسوون ليش ارحون للمشاكل برجليكم
-ولج هاي شغله قديمه دعوفينه منها وخلينه بنفسنه وتالي بحضني مشتاقلج
-يوووه فهد لعبانه نفسي ومالي واهس
-شنو لعبانه نفسج شبيج ولج تعالي يمي مشاقلج
-خليها غير مره ماكدر مالي واهس
-اووو ولج شويه واروح دتعالي يا عمري
-كتلك بعدين
-شنو لبعدين غير مشتاقلج واريدج دتعالي يمي ....تقرب الهاوهيه رافضه ومزعوجه ذس بل اخر خضعت اليه بس مو برضاها حتى ملحيت عنها كمت بساع للحمام اخذت دوش وطلعت لبست لدشداشه وكمت اخذت لغراض اطلع
كامت من لفراش لافه نفسها بل جرجف وعيونها ناعسه وخمول عدها
-وين رايح
-ارجع للبيت
-ضل يمي شويه
-خليج مرتاحه شكلج تعبانه من ترتاحين اجي ..حجت بثكل وضايج
-اسفه حبيبي بس مالي روح وتعبانه
-اي ارتاحي يلا مع السلامه ...
طلعت للبيت وصلت لعصر وصلت وروحي طافره
كعدت بلباب شويه عيوني علبيت مرتبيت لشبابيك بس لطلق صايب لواجهيه ومخرب شكلها
سحكت لجكاره ودخلت
سلمت ودخلت بوجهي للغرفه بدلت ملابسي صحت فرحه
اجتي
-هلا فهودي صحتني
-اي فرحه هاي لملابس تشيليها وبعلاكه سوده وللزباله ماريد احد يشوفها ماشي
-ليش شبيهن مو لبارحه لبشتهن
-نكلب عليهن بانزين ماريدهن
-وشجاب لبانزين عليك
-من فولت لسياره وكع عليه ..ولج انتي شغليج بهل سوالف دولي ذبيهن وسدي حلكج
-نطيني فلوس واسكت ...رفعتله حواجبي
-ولج فرحه راح اجرم بيج
-لعد انت حير بيهن باي
-تعالي لج ...مشيت للمحفظه طلعت خمسه اشرت متريدها رجعتها وطلعت عشره واشترت متريدها طلعت خمسه وعشريت ضحكت ....هاج وسوي لكتلج عليه بساع
-صار حبيبي عيوني وكلبي فهودي شعندي غيرك اخويه انت ههههً
-رب لمصالح انتي دولي انتي وحبيبج
-نزلت اخذت علاكه ورجعت اخذت لملابس وطلغت اشمرهن بلحاويه صادفتني مامه
-وين رايحه فروحه
-اذب ملابس فهد
-يااا ليش تذبيهن
-مادري يكول واكع عليهن بانزين
-ها ديلا شمريهن وتعالي بساع ليشوفوج اخوتج طالعه بره
-مشيت بره ذبيتهن وطبيت صاحتني جده رحتلها
-وين جنتي فرحه
-ذبيت لزباله
-روحي صيحي فهيدان ينزل
-اي جده ...صعدت فوك هوه يريد ينزل ...فهد جده تريدك
-اي جاي ...فرحه خلي امي تصبلي غده ....ها جده يبعد الروح صحتيني
-وين جنت ولك
-بلشغل
-اخوانك كالو طلع لضهر
-ها اي مو رحت لصاحبي كملت شغلته
-وليش ما متغدي
-ما صار عندي مجال رايده شي مني
-اي
-يا الله خير ان شاء الله تحجي
-اسمع يول كبرت وخرفت واريدك تعرس
-اي اي الله كريم خليها بعدين تخلص سالفه لحطاب ونعرس
-لا عرس هسه
-شني هسه شمالج حبوبه
-شوف وحده من بنات عمك وانه اجيبها الك
-لا حجيه ماريدن هسه خلها بعدين اتغده وارجعلج ...طفرت منها لو اضل شويه تعرسلي وانه كاعد
تغديت وطلعت لفارس
كعدت يمه شويه ودك تلفوني نطيت روفض غاليه
رجع دك سويته صامت
رجع دك خالتها عكدت حواجبي خالتها شصاير وتخابر عليه
ول بس لا بيهم شي
كمت غاد وفتحت خط
الو
-فهد وينك
-طالع شصاير ام سجاد
-غاليه تعبانه حيل تعال بساع
-يلا جايكم ....سديته منها وطلعت بساع كلبي خرط عليها هاي روحي وعيوني وكلبي شلون هيج تتعب ورده عمري ذبلت
وصلت لبيتهم نزلت بساع دخلت دون استئذان
خالتها كاعده يمها على لجربايه وغاليه متمددته نايمه
كعدت يمها
غاليتي ياروح فهد شمالج
-حبيبي اجيت
-اي يبعد لروح كمي اخذج لطبيب
-لا مابيه شي
-شوفي حالج تعبانه حيل كومي اخذج
-لا مابيه شي هسه تجي لقابله وتشوف وضعي
-شويه وندك لباب كامت خالتها فتحته ودخلت مره سلمت وكعدت جار غاليه قاست حرارتها وعيونها وكالت طلعو شويه ...طلعت بره انتضرت نص ساعه واني اروح وارجع متوتر وبالي يمها هاي بنت كلبي وعمري وحياتي ماريد اعوفها وتروح من ايدي هيه لوحيده لدخلت كلبي حبيتها حيل ماريد اعوفنها
طلعت خالتها تضحك صاحتني دخلت وراها كعدت جار بنت كلبي بستها
هاا حجيه شبيها غاليه
-كل خير وليدي خليها ترتاح هل لشهر وانشالله خير
-حركت ايدها لخالت غاليه تريد فلوس ..طلعت لمحفضه ونطيتها اخذتهن وطلعت وراحت وراها ام سجاد ...ها غاليتي شكالت هل مريه
-حبيبي راح تصير اب
-شنوو ما فهمت
-اني حامل يعمري
-شنو حامل غاليه
-شبيك فهد شنو ما فرحت
-ولج شفرح شلون هيج
-فهد حسستني هاذا ابن زنه شبيك غير اني مرتك
-اي مرتي بس بلسر ومحد يعرف
-اي عادي كللهم وخلي نعلن زواجنه
-بطرانه انتي عبالج هيج سهله اكللهم هاي مرتي ولا وحامل هم باركولي ..اقل شي يطلعوني من لعشيره
-وهسه شنو تريد تعوفنه اني وابني
-عوفيني هسه راسي فتر اني رايح من تحتاجين شي خابريني مع السلامه ....طلعت افتر بلسلف وكفت كدام لشط اخذت نفس ...شهل امتحان يربي طفل شلون بيه
شلون اكول لهلي ولجدي اذا ابوي وامي يقبلون ويسكتون زين وجدي وحبوبه هذوله يمكن يذبحوني وجدي يفرض عليه عقاب ما اتحمله
...رجعت للبيت حيل تعبان وضايج كبل نمت ...وين حسيت على لوضع تلفوني يدك مسوي رجاج اخذتها شاهين يتصل
جاوبت الووو
-هلا بخوي هلا بلفهد وينك
-هلا شاهين بلغرفه
-راح نطلع للبراري تجي
-لا مالي واهس اطلع
-دتعال يبعد اخوك كلنه هناك لشباب مجتمعه دتعال
-يلا اشطف لشتي واجي ...فركت عيوني لساعه ب١٠وثلث بليل كمت دخنت جكاره ورسبحت وطلعت نزلت جوه حميت لجاي وطلعت خبزه
اكلت وطلعت فتحت لمسجل اغنيه بنفسج احبها كلش
ادندن وياها وصلت لبراري ناصبين خيم وشاعلين نار
سلام عليكم
ردو كلهم
كعدت صبولي كهوه
شربت وكعدنه نسولف على لشغل ونضحك
طبكت سيارات قريب علينه بمسافه وهزلو ولد منها وجهت لضوه عليهم نصدمت ولد لحطاب نصبو خيم وعلكو نار وكعدو تضايقت حيل وبلشو يغنون وطلعو بطاله لبيره وكعدو يشربون ويضحكون لعبت نفسي منهم عين على لنار كدامي ولكهوه بيدي شكد ما احاول ما اخلي بالي يمهم بس عقلي وفكري كله يمهم صعب من تنجمع انت وعدوك فرد مكان
وصلت سياره ونزلو ولد ثنين وياهم حرمه بعبايه
سكتو جماعتنه وعيونه كلها عليهم
نزعت لحرمه عبايتها وبانت ملابسها بدله رقص وكعدت تركص كدامهم وتفتر عليهم
نقرفت حيل منهم وبلش لعب وسوالف طايح حظها
ماكدرت الزم اعصابي واني اكوم العم بلتوثيه
كبو كلهم كدامي يدافعون على نفسهم سحبو سلاح وجهو علينه
طلع حفيد لحطاب اسمه قصي
وبطل لبيره بيده ويطوطح
صحت بي
لك عار ولك ما عندك شرف جايب وحده بايعه وتركص بنص لوادم
-اسمع اسمع منو يحجي على لشرف اوووو هاذا فهد لسعود
-انجب هي نغل شيل زبالتك واطلع منا لا ولرفع لسماء عن لارض ادفنك بمكانك بره يلا
-اووو كمت اخاف اخاف اسمع فهد انه ما غافل عنك وانت لنغل وماعندك ذره شرف خليني ساكت لو افضحك
-كبو شاهين وعكاب وتحضرو يتعاركون وخرتهم وكفت كدامه احجي يا عار
-بعيوني يحلو ...اسمعو زين يشباب هاذا ولد سعود ماخذ وحده كح****وملفيها بيت دعاره ويوميه يروح يمها هو هاذا لتتفاخرون بي كلكم نفس لزمره
-ولك عاار شلون تحجي على اخوي فهد اصبرلي
-نظربت براسي هاذا شلون عرف حتى ما لحكت احجي وهجم عليهم صارت عركه وكل واحد لزم لثاني ونزل بيه دك بوكسيات ركبو سياراتهم ومشوو بساع
عفت لولد ورجعت للبيت دخلت ولدمايه تكت من خشمي
شافتني سماح وصرحت
كعدت على لتخم نتجيت راسي على ايدي طلعت امي وابويه لتمت كلها فوكايه يسئلون شكو
شالني ابوي اغسل وجهي
مديت راسي جوه لبوري دخلو شاهين وعكاب وصرخت امي
حجه ابوي
-ولكم شمالكم مدمين شصاير
-صاح عكاب اسئل ابنك فهد
-ندار ابوي عليه
-شصاير فهد احجي ولك شبيكم منو ضاربكم
-تعاركنه احنه ولد لحطاب
-شنووو وين لكيتوهم
-كاعدين بل براري ونزلو بصفنه وجابو وحده وصخه وتعاركنه
-فهد احجي لصدك شصار شنو يكولون رايح لبيت دعاره
-شنو هل حجي فهيدان صدك لحجي لكاله اخوك
-سكتت طلع جدي صاح شكو
-كعدت شاهين وكله تعاركنه
-وي منو تمالختوً
-بيت لحطاب
-شجابكم يمهم
-والله حجي اسئل فهد وهوه يحجي
-احجي يفهد شصاير
-نزلو وحده سز وتتمركص كمت صحت بيهم وهم هجو عليه وحجو كلام مسقط مثلهم
-يابه جدي بيت لحطاب اتهمو فهد داخل بيت دعاره ومرافج وحده فاحشه وزاني وهاي ما ينسكت عنها وله شنو تكول حجي
-خلي خواتكم يجن ينضفن جروحكم وانت فهد تعال داري
-اخذت نفس ودخلت وراه ..كعد على الجربايه وكعدت على لميز بصفه رفع راسه وعاين بعيوني وكانو ياخذ لاسرار منها ما كدرت ابعد نضري عنه استسلمت اله
حجه
-اسمع فهد محد يجيب لحجي من جيبه اكيد شايفين شي لو سامعين حجي ولضاهر لجماعه متاكدين منه
-لمطلوب مني شنو حجي
-لحجوه صدك مو
-لا ماكو هيج شي شنو ماعندك ثقه بيه حجي
-اخذها منك كلمه ها واذا عرفت هل كلام صحيح مراح اسامحك وانزل عليك عقاب اكبر من ما تتخيل يولد ماريد واحد من ولد ابني ينزل راسنه بلوحل
-اي حجي اخذها مني ما واصل هيج بيوم ولعياذو بالله
استغفر الله انه ادخل هيج بيوت
-خوش يفهيدان راح ادز ناس عليهم واسويها كعده واشوف ياهو ليتجراء ويجيب طاريكم بلعاطل
-رفعت عيوني اله افكار تزاحمت براسي شلون احلها وهيه حامل وشوفه جدي وهوه يتحلف اليه بعقاب انه مو حمله
سترخصت منه وطلعت
صعدت فوك واعصابي تلفانه ولقهر باين بحيلي
ماكو بس هل كلمه دور براسي
شلووون شلووون شلووون عرفو بيه معقوله احد مراقب لوضع لو احد من بيت غاليه حاجي بيه
لازم اشوف صرفه للوضع بس ماكدر استغني عنها هيه روحي وكلبي وعمري

نمت لليل وانه فكري شارد
للصبح كعدت فتحت عيوني بخمول
صارت غاليه بوجهي
غمضت وفتحت بتسامتها لحلوه
طفرت من لفراش اتلفت منا منا ماكو احد شلون هسه جانت غاليه هنا
فركت وجهي استغفر الله
كمت تخايل وجودها يمي
بتسمت مشتاقلها كمت لبست ونزلت لوجوه كلها عليه
رحت للمطبخ
سماح كاعده وفرحه واكفه للطباخ
تقربت لسماح هلا بخيتي شهل صباح لعسل
شلونج يلعمر
-صباح الخير فهد اني تمام انت شلونك جروحك تعبانه لازم تتعقم
-عرفج مني جروح كلبي اكبر انت شحالج اعلومج
-اني بخير دامكم بخير
-فدوه لهل عقل مزيونه من الله ..درت على فرحه وصحت
فررررحه فزت
-يمه شبيك خرعتني
-جاي بساع
-لا بله لسماح تكعد تتغزل وتشاقه واني مثل لخدامه جاي واكل وذب ملابس بلزبل مووو
-ول ول ول لحكو يلعرب شهل لسان ولج ما كلت لموضوع سر
....دخلت امي ويمكنها سمعت لحجي مني
-هه فهيدان يا سر هاذا ولزم بيد فرحه كول لسلف كلها سمعت بيه لملابس لذبيتهن وصلت لحجره جدك يعيون امك
-شنهووو شوصلهن يلكعبه ولج فررررحه اليوم ذبحج على ايدي
-عوف فرحه وجدك بلغرفه يريدك روح طلع روحك من هل ورطه
-اصبري اشوف جدي واجيج شيخلصج مني حيوانه
...دكيت باب لغرفه صاح تعال فهد
بلعت ريكي فتحت لباب ودخلت
لدشداشه ولشماغ وملابسي لداخليه مفروشه على لجربايه وجدي وحبوبه واكفين كدامهن يتفحصون
هنا حسيت نهايتي قربت ...........يتبع

🍂🍂🍂🍂🍂🍂🍂🍂
لمفروض لبارت لبارحه ينزل
نت مكطوع عندي

مليان ترقب مليان