قانون جدي

بارت١٧

#قانون-جدي
..................

طفرت من الفراش اركض دكيت باب ابوي طلع بلكوه مفاح عيونه صحت بيه يابه الحك حتركت لمحلات
نزل فارس ولشاهين وعكاب طلعو ويايه ركض للسوك
اسياره طارت بيدي وصلت نزلت اركض واتعثر
وكفت كدامهن محل فارس اول واحد مسافه عن باقي لمحلات
سره كامل كله محترك نار جهنم تلهب بي
كعدت على ركبي لولد يركضون يطفون لنار
حلالي فلوسي تعبي شكه السنين هاذا راح وصار رماد
وصل ابوي وعمي وجدي
تخبلت اروح وارجع اريد لنار تطفه ماكو وصلت لاطفاء خمد لحريق وجه لفجر ولشمس بانت ولدخانه غطت لديره كلها
اجاني لولد ليشتغل عندي
يبجي
-منو سوه هيج يول
-مادري عمي والله انه نايم بلمحل وختنكت من لريحه كعدت واشوف لمحلات واجه بلكوه كسرت لباب وطلعت جان هسه اني مفحم
-لحمدالله على سلامتك ...
قصي اي قصي هاذا هوه هاي سوالفه
رحت لبوي واكف ويا جدي
انه اعرف منهو دمر رزقي
-مهنو
-قصي
-لا تتهم لناس يبني اتاكد اول
-لا يبوي اعرفنه كلش زين  بس انتضر لفرصه واردها الك
-هس ارجع للبيت ارتاح ويصير خير
-هزيت راسي ومشيت للمحل اخذت كم شغله منه سجلات باقي شريه منهن ولباقيات صايرات رماد
رجعت للبيت دخلت للمطبخ جانت واكفه امي وجده
وكفت بلباب لمطبخ عيونهن عليه طلعت لجكارت وكعدت باب لمطبخ
-ها يمه
-ها ام فارس ...عيونج بيهن حجي يمه ..تردين تسئلين على حلالنه ..ابشرج كله راح وصاير رماد
-يبووو تصخمتي وتعزيتي راح حلال ولدج
-على صوتها دخلت فرحه ولبنات شافوني كلها وكفت على صفحه دخلت منهن ومشيت للدرج واسمع امي تبجي وتصيح وتدعي ...شيفيد بعد يمه راح حلالي وتعب سنيني شكد جنت اتعب واشكه وتالي يروح بلهوه
دخلت سبحت ورجعت نزلت صحت بفرحه اجت وجها مخطوف
-مشيت على صوته متردده اوكف كدامه شكله مابيشر بخير ..وكفت بلباب ..ها فهد
-ستكان جاي بساع ...رفعت لتلفون اتصلت بشاهين وعكاب يرجعون وانه اروح بمكانهم
رحت للمطبخ ماكو احد لجاي يفور على لنار
وين ولت هاي
فرررحه وينج وين رحتي
طلعت امي على صياحي
-ها يمه شصار بعد
-وين فرحه دزيتها على جاي لقوري نشف وهيه ماكو
-اسمهعم يحجون بيه طلعت من لحمام ندار عليه صفن هز ايده ومشه بره
-وين جنتي نمتي بلحمام هوه بي حيل تعب وقهر بعد يعني دزج على جاي شصار لو نطيتي تنقصين لو عاجبج هيج تحركين بكلبه فوك ما هوه محروك
-سكتت محجيت شي حتى ما بررت موقفي وفهمتها شبيه
رجعت للمطبخ اخذت لقوري جددت لجاي وكفت على لسنك اغسل لمواعين دخلت عمتي وبناتها وراها مرت عمي كاظم ولولد سلمت عليهم ودخلو للصاله رجع فهد وياه عكاب سلمو ورجع فهد عليه للمطبخ صاح على جاي للولد شاف لقوري
-ما اوصيج هم شوفيلج مكان وفلتي بي
-ندار يطلع صحت عليه رجع وكفت كدامه رفع راسه بمعنى ها ..تره ما متعمده
-مو مهم
-فهد
-خير
-دخلت لحمام لان
-شنو كملي
-احذت نفس ردت احجي بس وكفتني دموعي ونزلت عقد حواجبه واجه عليه
-شبيج
-مابيه شي روح هسه اجيب لجاي
-عوفي لسم لتكفريني فرحه شبيج تبجين احجي
-سكتت صاحه عكاب وراه بس عيونه تسئلني شبيه
مسحت وجهي وصبيت الهم
رحت بيدي لصينيه جان كاعد هوه عكاب ولولد عمي كاظم سلمت اجه عكاب اخذ لصينيه مني وراح رفعت راسي شفته صافن عليه وبعده يسئل شبيه دنكت وطلعت من رجعت للمطبخ جانت رشا واكفه تغسل لدجاج وفاطمه تنكع لتمن
دخلت لغرفه حبوبه دارت وجها مني طلعت للصاله وكفت كدام مامه كتلها نسوي شي بعد
-وخري مني فرحه
-شبيج مامه ويايه
-اسكتي وامشي فوك لتنزلين ابد فاهمه يله كدامي للدرج ما ناقصيج احنه
-مشيت من كدامها رجعت للمطبخ لتهيت ويه لبنات اشتغل ذبيت حركتي بلشغل حسيت بوجع خفيف بس وره شويه زاد يروح ويرجع بان على وجهي تعبت صاحن بيه اصعد ارتاح بس رفضت واصريت اشتغل وياهن شافني هيج تسحبت رشا شويه ورجعت وياها فهد صايج ومعصب
صاحني رحت عليه
-شبيج تره مناقصج اني لبيه كافيني
-صحت بي واني لوجع ذبحني ...مابيه شي فهد دعوفوني براحتي مشيت منه اتلوه واعصر بنفسي صعدت فوك تمددت بجربايه سماح ابجي لوجع شويه يقل من انام بس وجع كلبي شيسكته
تغطيت ودخلت بنومه عميقه ما حسيت اله وفهد ينده بيه
رفعت راسي اله
-ضلي نايمه لا تتحركين ...شبيج مصفره
-بطني توجعني
-ليش ما كلتي من سئلتج
-لان محد بيكم عايز يسمعني وحتى يشوفني
-بله حجي زايد وكومي اكلي هسه ادز امي تشوفج
-لتعب نفسك ماريد احد يشوفني ويعرف شبيه
-بطلي خبال تره اعصابي تلفانه ماريد ائذيج فرحه
-رجعت نمت وغطيت راسي اسمعه يزفر بعصبيه نزل شويه اجتي عمتي فهيمه كعدت حاجيتها وفهمتها شصار ما ججت شي نزلت وره شويه صعدت وبيدها صينيه اكل كالت تغدي دوديج للدكتوره هزيت راسي اكلت شويه وكمت للغرفه عزلتها وبدلت سمعتها تصيحني من لدرج نزلت كلهم كاعدين بلصاله ومحد يباوع عليه ولا كاني متوجعه وتعبانه حسيتهم صدك كرهوني وبعد ميردوني بعد ما جنت اني لمدلله بهل بيت
طلعت بس اعصابي منهاره اري بس الزم دموعي غورقت ووجهي احسه نطعن احمر واكفه بلطاره انتضرعمه ادور على شحاطتها
نفتحت لباب ودخل فهد اشرلي ليش واكفه
درت وجهي منه
طلعت عمتي وياها شاهين اخذنه ورحنه للدكتوره حتى ما كلف نفسه ويجي ويانه ولا اني مرته ولا يهمه امري وامر ابنه
لطريق كله دموعي تنزل وامسح بيها
وصلنه للدكتوره وسره كعدنه بل ساعه يله دخلت
سوت سونر كالت مابي شي لطفل ونبظه تمام بس انتي تعبانه ويرادلج راحه نطتني مثبت ومقويات ورجعنه
جان شاهين بسياره ينتضرنه
رجعنه وحتى عمه ما حاجتني يمكنها عرفت بسالفه روحتي بيت جدي
بهاذا لوقت شكد حتاجيت خالتي رزان واحجيلها وتنصحني
حتى تلفوني اخذو مني واني متاكده هسه بيبي وجدو خابرو عليه بس مثل قبل يرفضون مكالماتهم وبيعدوني عنهم
من دخلت جانو يسولفون بصوت عالي ويتفاهمون على حركه لمحلات عفتهم وصعدت فوك
غسلت وتمددت وحدي بلغرفه حتى سماح مو مثل قبل ويايه ولبنات مثلها اكيد همه بعدوهن عني
شبعانه نوم حرت وين اروح وشنو اسوي
اسمعهم جوه يسولفون وصوت لجهال تلعب واني محبوسه فوك بين اربع حياطين
طكت روحي واجيت انزل صار كدامي فهد صاعد عكد حواجبه
-وين رايحه
-انزل
-ارجعي للغرفه
-طكت روحي شنو بسجن كاعده
-ستري على روحج وانكلعي من كدامي لا صدك اسجنج
-رجعت للغرفه ابجي سمعت لاذان كمت توضيت وكعدت اصلي وابجي واعاتب ربي ليش ما اخذني ويه امي وابوي لو ميته وياهم احسن من هلمذله هاي ليش يابه هيج كسرتني بوصيتك هاذا لكلت عليه ابن عمي هوه ليحميني
هوه اول واحد يريد يخلص مني
دخلت سماح بدلت ملابسها ونزلت
تمددت اسولف ويه نفسي صار كدامي دفتر فيزياء مالتي اخذته شككت لاوراق لمكتوب بيها ورتبته سويته دفتر مذكراتي
كتبت من يوم لتزوجت لحد هاي لساعه ما حسيت على لوقت شكد مشه دخلت فاطمه بيدها صينيه اكل خلتها ونزلت
تعشيت وكمت اخذتها انزلها
ماكو احد بلصاله دخلت لمطبخ لبنات واكفات ينضفن ولباقين ماشين كلهم
لجو هدوء ستغربت هل هدوء
ولصبح متخبلين على لمحلات واعصابهم نار شعجب هسه ساكتين
سئلت فاطمه كالت
-راحو كلهم لولد يتفقون ويه خلفه يرمم لمحلات كلهن
-اممم صبيت جاي وكعدت بلصاله اتفرج تلفزيون ضجت دخلت غرفه حبوبه تمددت حتى حبوبه ماشيه ويه امي
غطيت بنومه ما حسيت على نفسي انشال من لجربايه
فتحت عيوني فهد كدامي وبحلكه عود اسنان شافني فتحت دار وجها ومشه بيه لدرج دخلني للغرفه واني متعجبه من تصرفه تمددت على لجربابه راح شويه ورجع سابح تمدد ونام غط