قانون جدي

بارت١٥

#قانون -جدي...
....................

-ضلت تسئل بس ما جاوبتها بس نطيتها علم بجيتي
للصبح ولنوم جافيني
سمعت صوت لباب نفتحت عرفته كعد
كمت شفته دخل لحمام رحت للغرفه طلعت لجنطه وكعدت اخلي ملابسي
دخل تفاجئ بيه بس ما حجه
كملت وهوه يتحرك على كيفه بدل واني لبست لعبايه وحجابي
اخذ لجنطه ونزل
نزلت وراه جانو كاعدين تريكون بلصاله
ترك لجنطه على اخر بايه وكعد وياهم صاحني اكل اشرتله ماريد
عافني
-رايحه لجدادج
-اي بيبي
-شكد تضلين
-ماعرف
-اخذتي دواج
-اي
-يله فرحه خلصت ...يمه هاذا مفتاح لمحل خلي شاهين يفتح على ما ارجع من بغداد ماشي
-طلعنه صعدت هوه سد لباب وصعد
لفضول كتلني شلون عرف بيه اريد اروح لبغداد ولمصيبه ما عارض وعادي اخذني متحملت ونداريت عليه .شعجب قبلت اروح
-لبارحه بليل خالتج راسلتني
-خاله رزان صدك
-اي
-شكالت
-رادت تفهم لسالفه شصاير وكالت صدك راح تجيب روان كتلها اي ..شلون تنطيهم علم بجيتج وانه ماعرف
-شعندي باقيه بعد
-شنو شعندج غير هاذا بيتج
-لا مو بيتي هاذا
-شلون يعني
-اريد ارجع لاهلي لخالتي ولجدي وبيبي هناك ارتاح اكثر
-واهلي لربوج
-ما انسه فضلهم عليه بس خلاص كبرت وعرفت واختاريت اعيش ويه خوالي
-بكيفج
-ماريد مو غصب ماريدكم
-شنو متردينه تره احنه اهلج مو همه احنه لربيناج وتعبننه وصرفنه وهسه من تالي تردين خوالج همه لو بيهم خير جان اخذوج من لبدايه ليش هسه تفطنو
-انتو ما خليتوهم
-احنه ما سوينه شي بس كلنالهم بنتنه وتضل يمنه وبس وهمه شرردو بساع
-لا ما شردو ضلو يحاولون بس خوالي ما عدهم لقوه لعدكم مايكدرون يتعاركون ويطالبون تعرف بيهم كلش فقره وما عدهم هيج سوالف
-شفتي يعني ميكدرون يحمونج اذا صار عليج شي
-شيصير مثلاً ...اني كلشي شفت منكم
-حنه ما سوينالج شي انتي تتحسسين زياده
-كل هاذا وتكول اتحسس.. من يوم ما وعيت على لدنيه واني خدامه الكم بلبيت لمدرسه وبطلتوني وطلعه وحرمتوني واركض من لصبح لليل الك ولخوتك وما عده جدي وحبوبه ركضتهم وصخرتهم
-تره عادي كل بنيه هيج تشتغل بيت اهلها
-قصدك عيالي
-عيالج اهلج كلهم سويه
-سكتت ودرت وجهي عنه شويه وسئل
-عكب باجر اجيج وره لكعده ماشي
-ما ارجع
-حجي يفيدج
-اريد اطلك
-ههههههه سالفه جديده
-لتضحك ماريدك مو غصب هيه بعد لصار وتريدني عادي اعيش وياك
-لصار هاذا قبل لنتزوج لو وره ما اخذتج جان الج حك تحجين وتزعلين هاذا شي ماظي وخلص ليش تفتحين دفاتر عتك
-ما جاوبت بعد مالي حيله
وصلنه الهم نزلت ونزل عبالي يطلع بس شكله يريد يكعد شويه دكيت لباب طلعت خالتي فتحته بساع حضنتها وبجيت
طفه لجكاره وصاح يا الله ودخل
سلم وهوه مدنك دخلته للستقبال اجه جدي وبيبي سلم عليهم وكعدو قدمت مي وطلعت
جانت لساعه ب١١هسه كاعدين يتريكون
كعدت على لميز صبتلي جاي ونطتني جبن وصمون وراحت توديله جاي
كعدت اكل ولسالفه بالي ومغثوثه
اجتي كعدت
-شبيج لبارحه خبلتيني ليل كله ما نمته
-شويه ارتاح واحجيلج
-وجهج اصفر شبيج
-حامل
-عزززه لعزاج
-شبيج
-ولج ليش حبلتي منه
-شنو ليش حبلت شبيج خاله
-ولج هيه امج وشكد توسلو بيها تنزلج منريد نرتبط وياهم بصله مشفتي شلون اخذوج ونحرمنه منج وهسه هم ياخذون ابنج وننحرم منه
-لا شتحجين فدوه
-امداج يلفاهيه عبالج جدج راح يعوف ابن فهد لحلكج والله ياخذه منج وتنحرمين منه
-سكتت ما حجيت وصدك كلامها جدي لحرم فهد من حبيبته لو حرمني من اجدادي وحرم فارس من حبيبته وهسه اكيد ياخذ ابني ويحرمني منه
وتالي يربي شنو هل حرمان لكاتبه عليه
اضل طول عمي مكطمه
شويه وصاح عليه فهد كمت بملل وكفت بالباب
-اني راجع رايده شي
-هزيت راسي لا
-تعالي هاذا مصرفج وبعد يومين اجيج
-ماريد فلوس عفته ودخلت جوه اسمع جدي يضحكه ويغطي عليه بس من نضرته حسيته ضاج كلش
شويه ودخلت بيبي بيدها لفلوس خلتهم كدامي وكعدت على لكرسي بيبيتي جانت بيها حيل مو كلش تعبانه تكوم وتشتغل حتى جدي صحتهم زينه
كعدت كدامي
-اي روان سولفي شبيج
-تعاركنه لبارحه
-اي على شنو تعاركتو
-سالفه طويله يمه بعدين اكلج عليها
-نداريت لخالتي ..شنو تدرين بالسالفه
-لا بس شكلج تعبان من ترتاحين احجيلها
-بيبي اني حامل ..بساع صاحت ولطمت على صدرها ً
-ولج يمعزايه سويتيها مثل امج
-شبيكم خبلتوني
-ولج احنه ناوين ناخذج منهم ومنطلكج مو تجينه انتي وبطنج ابنهم
-شنو سالفتكم ويه لطفل
-ولج من كل عقلج راح يعوفون ابنهم اسمعيني زين بنيتي ماريد تغلطين مثل امج نزلي لطفل واخلصي والله يعوضج بعشره غيره بس من رجال زين
-شتحجين بيبي
-ولج امج هم هيج عاندت ودكت رجل اله تجيبج وراحت وخلفتج ومن سمع جدج طلب من ابوج محمد يجيبج الهم وابوج ستسلم ورغم امج عارضت بس ابوج كتب لوصيه ودزها لجدج من اول ما عرف بامج حامل وطلب ياخذج يمهم اذا صار بيج شي يعني نفس لشي يسوي فهد بيج
انقذي روحج بعدج طفله ليش ادمرين حياتج وياهم من هسه كدامج لعمر تزوجي ليختاره كلبج وعيشي حياتج هنا احنه نختلف عنهم شوفي لدنيه وكملي دراستج