قانون جدي

بارت٢٣

#قانون-جدي

.....................................

-شكد ضليت اتصل بيها مترد نشغل بالي عليها
اتصلت بامي جاوبت بس مكالت بيها شي تكول فوك مابيها شي
تركتها تفكر ..
لليل نزلت وياهم
طبعاً سسمني بالكلام وكفت اسوي زلاطه فاتت فاطمه مكيجه ومرتبه روحها
تتمضحك هيه ورشا عفتهن وطلعت من لمطبخ
كعدت يم عمتي احاجيها على سوالفهن وهيه تقنع بيه اسكت واعدي
اجوي لولد طفرت من شفت فارس ابتسم واجه يمي
-هلا بهل ملكه لحلو ولج لو ادري هيج لعافيه عندج جان من زمان كتلت قصي لعار
-ههه حبيبي يلا غسل وتعال نتعشه مشتاقتلك حيل
-ول ول ليوم مشتاقتلج شعندج
-والله معندي شي نحضر فلم سويه شنو رئيك
-هااا...الله كريم تعالي نتعشه
-ليوم سويت زلاطه
-اخ يابه خما تعبتي بيها
-شنو تقلد انته
-لا يابه اجرب وانطيج رئيي ولو هيه اكيد طيبه منج
-كعدو ومدينه لسفره بلشنه ننقل اشو انتبهت اني ضليت وحدي انقل خلصت وبيدي اخر ماعون زلاطه لفارس نصدمت كاعده فاطمه بمكاني بصفه وبحضنها بتها يمه كاعد عكاب ورشا وبحضنها بنتها وعمي وعمتي وسماح وشاهين وفهد متروسه لسفره حتى ماكو مكان اكعد ضليت واكفه رفع راسه شافني حس بيه ضايجه
اني بلعتها للقهره بس سكتت خليت لماعون كدام فهد عناد بيه خطيه هاذا تفاجئ مني تشكرني وسكت
اشرلي فارس اكعد بس ولا باوعت عليه
درت وجهي وكتلهم لجاي على لنار
تصبحون على خير
وصعدت بس شنو بركان منهاره
اروح وارجع بالغرفه سمعت احد صعد كمت الهي روحي بالكنتور توقعي هوه اجاني بس ماكو سمعت باب نفتحت
فتحت بابي على لكيف واشوف فاطمه دخلت للغرفه مالتها