الفصل الثامن
فارس بصدمة :- مكة تبقي بنت هارون الدجوي
مازن وحسام بدهشة :- مش معقول اكيد في حاجة غلط
فارس وقد تذكر المكالمة
فلاش باك
كان فارس يجلس في غرفتة وكان شارد في مكة ولكن قطع شرودة رنين هاتفة لينظر الي الشاشة ويجد رقم غريب فيضغط علي زر الرد
فارس :- الو
المتصل :- معاية الضابط فارس المهدي
فارس :- ايوة انا فارس المهدي مين حضرتك
المتصل :- مش لازم تعرف مين اللي لازم تعرفة ان انت مغفل لانك بتساعد بنت الرجل اللي قتل ابوك وامك
فارس بغضب :- اية مغفل دي احترم نفسك وبعدين انا مش فاهم انت بتتكلم عن مين
المتصل :- قصدي ان مكة تبقي بنت هارون الدجوي لان والدة مكة كانت علي علاقة غير شرعية مع هارون الدجوي ومكة تبقي بنتة
فارس بحدة :- انت كداب مكة بنت هشام الحكيم
المتصل :- طيب مفكرتش لية هارون الدجوي مقتلهاش لما شافته فكر كدة وانت هتفهم كل حاجة سلام يا حضرة الضابط
اغلق فارس الهاتف وكان قد اقتنع قليلا بكلام ذلك المجهول ولكن كان يجب ان يري دليل ليتأكد
فتوعد فارس في نفسة اذا كان هذا الكلام صحيح فلن يرحم مكة ابدا هو يعرف انها ليس لها ذنب ولكن هي في نظرة ابنة قاتل والديه لهذا يجب الانتقام من عائلة هارون ليذيقه نفس العذاب الذي مر به
باك
حسام بزهول وقد اخذ الورقة وبدأ بالقراءه بصوت عالي :-
- انا عارفه يا مكة ان وانتي بتقرأي الجواب ده هكون مش معاكي بس حقيقة مهمة لازم تعرفيها ان انتي مش بنت هشام الحكيم انتي بنت هارون الدجوي انا عارفه انك هتكرهيني بس لازم تعرفي ان انا كنت علي علاقة بهارون لاني كنت بحبة بس اهلي للاسف كانوا عاوزين هشام الحكيم يبقي جوزي
وعلي فكرة يا مكة هارون يعرف ان انتي بنتة بس كان مستني الوقت المناسب عشان يقولك
انا اسفة يا مكة سامحيني
مازن بدهشة :- مستحيل هو في كدة ايه الشياطين دول انا مش مصدق ان في كدة
حسام :- ده ولا الافلام الهندي
مازن لفارس :- هنعمل ايه دلوقتي با فارس
فارس بشرود :- محدش هيعمل حاجة انا بس اللي هعمل
…………………………………………………
في فيلة الدكتور ناجي في غرفة مكة تحديدا
كانت تجلس علي السرير وهي تبكي بشدة لانها الان تعتبر وحيدة حتي اذا كانت همس وخالها معاها ولكنها كانت تريد عائلتها والدتها ووالدها وجدتها ولكن الان ظلت وحيدة بمعني الكلمة
قطع شرودها رنين هاتفها لتنظر الي الشاشة فوجدت اسم مهرة علي الفون فضغطت علي زر الرد بسرعه
مكة ببكاء :- مهرة انا محتجاكي اوي ارجوكي تعالي
مهرة بخوف :- انتي فين يا مكة وانا هجيلك عشان انا روحت الشقة بس لقات شرطه كتير واقفة والشقة متشمعه وانا مش فاهمة حاجة خالص
مكة :- تعالي وانا هحكيلك كل حاجة
مهرة :- ماشي يا حبيبتي اديني العنوان وانا هاجي حالا
مكة /العنوان .............
مهرة /حاضر يا قلبي مسافة السكة وهكون عندك
…………………………………………………
في بيت مهرة
مهرة :- ماما انا هروح لمكة اطمن عليها عشان حاسة ان في حاجة حصلت وانا مش موجودة
سمية :- ماشي يا حببتي بس متتأخريش يا مهرة
مهرة :- حاضر يا ماما
قبلت مهرة والدتها وذهبت لمكة
…………………………………………………
في فيلة ناجي في الصالون
كانت تجلس همس وناجي
همس :- بابا مكة من ساعه ما نقلنا هنا وهي مش بتخرج من اوضتها خالص ولا بتكلم حد
ناجي :- سبيها يا حببتي ترتاح شوية وانا هروح اتكلم معاها
همس :- اوك يا بابا ثم اكملت بابا انا لازم اروح الجامعه بكرة لان جالي انذار اني مش بحضر
ناجي وقد فهم ما تطلبة همس :- حاضر يا همس هروح معاكي بكرة انتي ومكة
همس :- شكرا يا بابا
وفي هذا الوقت تأتي مهرة وتضرب الجرس
همس :- انا هروح افتح يا بابا
ناجي :- ماشي يا حببتي
ذهبت همس وفتحت الباب ووجدت مهرة
همس وهي تحتضن مهرة تقول :- عاملة اية يا مهرة وحشتيني اوي
مهرة :- انتي اكتر والله يا همس
ابتعدت همس عن مهرة وقالت :- انتي جيتي في وقتك مكة محتاجة حد تتكلم معاه وانا حاولت كتير بس مفيش فايدة
مهرة وهي تنظر لملابس همس السوداء بستغراب :- هو اية اللي حصل
همس بحزن :- اطلعي بس لمكة وهي هتبقي تحكيلك اللي حصل
مهرة :- حاضر
ذهبت مهرة لغرفة مكة وطرقت الباب عدة طرقات ليأتيها صوت مكة الباكي وهي تقول :-
- قولت مية مرة مش عاوزة اشوفة حد
مهرة :- حتي انا يا مكة
عندما تأكدت مكة من الصوت ذهبت وفتحت الباب بسرعه لترتمي في احضان مهرة .وتبكي بشدة وكأن مهرة طوق النجاة لتخرج مكة ما في قلبها
…………………………………………………
في فيلة فارس المهدي
حسام :- انت رايح فين يا فارس
فارس :- عند الدكتور ناجي
مازن :- لية هو في مشكلة ولا اية
فارس ببرود :- ولا مشكلة ولا حاجة رايح عشان اطلب ايد مكة واتجوزها هي دي كانت واصية جدتها قبل ما تموت
حسام :- وانت عاوز تقنعني ان انت عاوز تنفذ الوصية بس و لا في حاجة في دماغك عاوز تعملها
مازن وهو يعلم ما يدور في عقل فارس فيقول :- علي فكرة يا فارس مش معني ان مكة بنت هارون الدجوي يبقي تتاخد بذنب ابوها البنت ملهاش ذنب يعني بريئة يا فارس
فارس ببرود :- حتي لو بريئة انا هخليها تندم ان هي بنت هارون الدجوي
حسام :- حرام عليك يا فارس البنت ملهاش ذنب
قارس بغضب :- لا لها ذنب ان امها خاينة ولها ذنب كمان ان هي بنت الرجل اللي قتل ابوية وامي
مازن :- يا فارس اللي بتعمله ده غلط وعلي فكرة ممكن يكون فخ وبعدين انت مفكرتش هو قتل جدتها لية لما هي بنتة وبيحبها كسرها لية بموت جدتها
فارس بقوة :- عشان تعيش معاه اكيد وبعدين هو كان لازم يموت جدتها عشان مكة تعرف الحقيقة ويخلي بنتة تعيش معاه بس هو ميعرفشي ان هو دخلها الجحيم بأيدة ههههههههه
حسام :- انت مش شراني كدة يا فارس اية اللي حصلك يا ابن عمي
فارس بقوة :- انا بس عاوز اخد حق ابوية وامي اللي اتحرمت منهم ودة هيكون من مكة عشان احرق قلب هارون عليها واخليها هي تتمني الموت
مازن :- انت مفيش منك فايدة بس عشان تبقي عارف يا فارس البنت دي لو حصلها حاجة انا اللي هقف في وشك انت فاهم
…………………………………………………
في قصر هارون الدجوي
هارون :- مالك يا نداء متغيرة اوي اليومان دول
نداء :- عادي يا حبيبي بس اتفاجأت بالخطة اللي عملتها وكنت بفكر هي خطرت علي بالك ازاي
هارون بضحك :- ههههههه اصل انت متعرفيش فارس نفسة يكسرني اوي فكان لازم اكسرة انا الاول
نداء :- مش فاهمة ازاي يعني
هارون :- يعني لما مكة تموت وانا اقولة ان هي مش بنتي هيحس بالذنب وهيتكسر عارفة لية عشان هو بيحبها بس بيكابر لان الانتقام اعمي علي الحب وهو اللي هيقتلها بأيدة وانا متأكد من كدة
نداء بحزن :- بس حرام يا هارون البنت ملهاش ذنب
هارون بغضب :- من امتا وهارون عندة حاجة حرام يا نداء انتي نسيتي نفسك ولا اية
نداء بخوف :- مش قصدي والله بس انت مفكرتش فارس هيفكر ازاي وهيقول طالما مكه بنتك ليه قتلت جدتها وكسرتها
هارون :- هيقول اية غير اني كنت عاوز بنتي تعرف الحقيقة وجدتها كانت واقفة قصادي وعشان كدة قتلتها
نداء في عقلها :- ده انت تقول للشيطان قوم وانا اقعد مكانك
…………………………………………………
في فيلة الدكتور ناجي في غرفة مكة
مهرة :- خلاص بقة يا مكة ادعلها يا حببتي
مكة :- مش قادرة يا مهرة وحشتني اوي
مهرة :- انتي كدة بتعذبيها يا مكة
مكة وقد مسحت دموعها :- انا هنتقم من اللي عمل كدة وحارمني من اغلي حاجة في حياتي هكسرة زي ما كسرني انا لازم ابقي قوية يا مهرة عشان اعرف اخد حق تاتا
مهرة :- بلاش يا مكة الناس دي خطيرة وانتي مش قدهم
مكة ببتسامة :- بس انا فارس هيبقي معاية يا مهرة وهيحميني انا متأكدة من كدة وعشان ابقي في امان واعرف اخد حق تاتا انا هوافق اتجوز فارس
مهرة :- انتي متأكدة يا مكة
مكة بخوف :- انا صحيح مش مطمنة وقلبي مقبوض بس لازم اخد حق تاتا
مهرة :- ربنا معاكي يا حببتي
…………………………………………………
بعد حوالي نصف ساعة دق جرس فيلة الدكتور ناجي فذهبت همس وفتحت الباب ووجدت فارس وحسام ومازن
فارس :- ازيك يا همس
همس :- الحمد الله
فارس :- ممكن ادخل عشان اتكلم مع الدكتور ناجي ولا هتسبيني واقف هنا كتير
همس بإحراج :- انا اسفة اتفضلوا
ناجي من الداخل :- مين يا همس
فارس وقد دخل الصالون الذي يجلس فية الدكتور ناجي وقال :- انا يا دكتور ناجي
نهض ناجي ورحب بفارس وحسام ومازن بينما ذهبت همس تعد لهم العصير
ناجي :- خير يا فارس
فارس :- كل خير بس انا جاي لحضرتك عشان انفذ وصية المرحومة تاتا جميلة
ناجي بستغراب :- واصية اية دي يا ابني
فارس :- تاتا جميلة قبل ما تموت بساعه طلبت مني اقابلها ونتكلم وانا وافقت وطلبت مني ان انا لازم اتجوز مكة عشان احميها من هارون الدجوي وانا جاي عشان انفذ الواصية بتاعتها
ناجي بستغراب :- هي مكة تعرف بالوصية دي
فارس :- لا متعرفشي
ناجي :- يبقي اكيد مش هتوافق مكة دماغها ناشفة ومش ممكن توافق ابدا
فارس :- هو انا ممكن اعرف رأي حضرتك انت الاول وبعدين انا هتكلم مع مكة
ناجي :- انا موافق طبعا يا ابني انت هتحافظ علي مكة وتحميها من هارون وامثالة
مال مازن علي حسام وقال :- ميعرفشي ان هارون الدجوي ارحم من فارس المهدي
كتم حسام ضحكتة وقال :- بس يا مازن عشان محدش يلاحظ
ليكمل ناجي :- بس انا يا ابني هيبقي رأيي من رأي مكة
ليأتي صوت من خلفهم
وانا موافقة
يتبع
أنت تقرأ
رواية البريئة والقاسي
Romanceالمقدمة هو قاسي ومتملك لايعرف الرحمة هي بريئه رأت جريمة بعينيها كانت السبب في ان تقع هي في شباكة كفريسة لحمايتها ولكن قسوتة تبقي الشئ الوحيد الذي لا يمكن حمايتها منة فهل قسوتة عندما تتحد ببرأتها ستفوز ام ستقع هي في براثن هذا القاسي الذي لا يعرف شئ...
