الفصل العاشر
مكة بدهشة :- فرح مين
ناجي :- فرحك يا بنتي
مكة :- بس فارس قال ان الفرح بعد اسبوع
ناجي :- فارس اتصل وبيقول ان الفرح بكرة عشان في مهمة ضرورية ولازم يسافر وبعدين هو جهز كل حاجة والترتيبات كلها جاهزة فاجهزي انتي كمان
مكة بقلق :- حاضر يا بابا ربنا يستر
ناجي :- تصبحي علي خير
مكة :- وانت من اهله
ذهب ناجي و اخذت مكة تفكر لماذا تشعر بلقلق حيال هذا الامر ثم قالت في نفسها :-
- متخافيش يا مكة فارس اكيد كويس وهيحميني من هارون بس انا قلبي مش مطمن حاسة ان هيحصل حاجة مش كويسة
ظلت هكذا فترة ثم ذهبت في نوم عميق
__________......................
في صباح يوم جديد وهو اليوم المنتظر يوم ملئ بالمفاجاءت
في غرفة مكة
همس :- مكة اصحي بقي
مكة بنوم :- سبيني انام شوية
همس :- انهاردة فرحك يا مكة وانتي عايزة تنامي
قفزت مكة من علي السرير وقالت :- تصدقي انا نسيت خالص
همس بضحك :- ههههههه في حد ينسي يوم فرحة
مكة بحزن :- مش مطمنة يا همس حاسة ان في حاجة هتحصل
همس بدعابة :- يارتني انا اللي اتجوز دا انا شكلي هعنس يا بت
مكة :- هههههههه ربنا يررقك بابن الحلال
همس :- يا رب يالا قومي بقة عشان تجهزي
مكة :- اوك
..............................
في فيلا فارس المهدي
مازن :- الف مبروك يا عريس
حسام :- عقبالنا يا رب
فارس :- انتو محسسني اني هتجوز بجد
حسام :- حرام يا فارس اللي بتعمله دة
مازن :- انت مكنتش قاسي كدة اية اللي حصلك
فارس بغضب :- اللي حصلي ان عاوز انتقم لابويا وامي وياريت محدش يتكلم في الموضوع دة تاني
حسام :- انا مش هتكلم معاك في الموضوع دة تاني بس انت مش هتفوق من اللي بتعملة غير لما مكة تروح منك
مازن :- صدقني هتندم يا فارس بس هيكون بعد فوات الاوان
فارس بحدة :- انتو في اية قولت مية مرة مش عاوز كلام في الموضوع دة ماشي
..............................
في منزل مهرة
مهرة :- ماما مش هتيجي بردو
سمية :- معلشي يا بنتي انتي عارفة اني مش بقدر امشي كتير وبعدين باركي لمكة بدالي
مهرة :- خلاص يا ماما براحتك بس انا لازم امشي دلوقتي عشان ابقي مع مكة
سمية :- ماشي يا حبيبتي خدي بالك من نفسك
قبلت مهرة سمية واعطاتها الدواء وذهبت
…………………………………………………
بعد مده طويله
في مركز تجميل كانت تقف مكة وتنظر الي نفسها في المرآه فهي ملكة بحق
همس :- قمر يا مكة ربنا يحميكي
دخلت في هذا الوقت مهرة
مهرة :- لو كنت بعرف ازغرط كنت اكيد زغرط
همس :- هههههههه كويس انك مبتعرفيش
ذهبت مهرة واحتضنت مكة وظلت مكة تبكي في احضان مهرة
مهرة بضحك :- في اية يا مكتي
مكة ببكاء :- هتوحشيني انتي وهمس اوي همي بضحك :- مين قالك اني هسيبك يا حبيبتي انا هاجي ابات معاكي كام يوم كدة اصل في حاجة تخصني في الفيلة بتاعه فارس
ابتعدت مهرة عن مكة وقالت :- اية هي الحاجة دي يا بت
مكة بخبث :- اية دة انتي متعرفيش يا همس ان حسام عايش في الفيلة يعني مش هينفع تباتي معاية خالص
همس بغل :- والله انت بايخة يا مكة
مهرة :- ههههههه خلاص يا هموستي وبعدين يا ستي مش انتي لوحدك اللي واقعه اصل انا كمان وقعت
همس :- مين ها مين
مكة :- اكيد مازن صح
مهرة :- هيييح مازن وحلاوة وجمال مازن
همس بضحك :- اتقلي يا بت
في هذا الوقت دخلت عاملة وقالت :- اجهزي يا مكة هانم عشان حضره الضابط فارس مستني تحت
همس :- اوك خمس دقايق وتبقي مكة جاهزة وخلي فارس يطلع
العاملة :- حاضر يا هانم
مكة :- انا قلقانة اوي يا بنات
همس :- في اية يا مكتي متخليكي رلاكس كدة
مهرة :- ولا انتي بتحبي النكد
دخل فارس في هذا الوقت وقد فتن بجمال مكة الباهر فكانت جميلة بحق
فارس :- احم احم مكة انتي جاهزة
مكة بتوتر :- هه اه جاهزة
همس :- يالا يا مكة انا هسبقك انا ومهرة
مكة بتوتر :- اوك
ذهب فارس ناحية مكة وهو مغيب عن الوعي تمام واخذ يقترب منها ببطئ وهي تفرك في يدها بتوتر امسك فارس يد مكة وطبع قبلة حانية علي يديها فقشعر جسدها اثر لمستة فارس :- مش يالا بقي
مكة بتوتر :ا.اوك يالا
وضعت مكة يدها في يده فارس وذهب بها للخارج ليسمعوا سفير من حولهم واصوات الالعاب النارية
اقترب ناجي من مكة وقبل جبينها وقال :-
- الف الف مبروك يا حبيبتي
مكة بحب :- الله يبارك فيك يا بابا وعقبال همس ونفرح بيها
ناجي :- يا رب يا حبيبتي
حسام :- مش يالا يا جماعه ولا اية
ناجي :- يالا يا ولاد
ذهب فارس ومكة الي السيارة للذهاب لقاعه الافراح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
في قاعه الافراح
كانت عبارة عن قسمين والفاصل بينهم شريط من اللون الاحمر الصارخ ذات لمعان علي شكل فيونكة في الوسط وكانت الانوار مضيئة في كل مكان و في هذا الوقت اتي فارس بمكة وتلقي الترحيب والمباركة من الجميع وبعد ذلك ذهب بمكة لمكانهم المخصص
فارس بهمس لحسام :- انا زهقت علي فكرة وعايز اروح
حسام بضيق :- انت لحقت يا فارس انت مكملتش ربع ساعه
فارس بتهكم :- الناس كلها بتتفرج علينا كأننا شاشة عرض
مازن بمزاح :- وانت قولت حاجة غلط انت فعلا شاشة عرض
فارس بضيق :- مازن .......
مازن مقاطعا له :- خلاص يا عم هو انا ناقص
ثم تركة وذهب
ليعلن في هذا الوقت عن رقصة العروسين
فقام فارس هو مكة ليرقصوا علي اغنية اوعديني
كانت مكة تنظر في عين فارس بشرود تحاول الاستفسار عن ما بداخلة اما فارس كان ينظر لها بضيق ويحاول اخفاء شعورة بالحب ناحيتها ليقنع نفسة انها لا تعنية ابدا في هذا الوقت شدد علي خصرها بقوة لتتأوة بألم من قبضتة
مكة بألم :- اه برحة يا فارس انت بتوجعني كدة
فارس بجمود :- مش قصدي
بعد انتهاء الرقصة ترك فارس مكة وذهب ليأخذ الميك ليعلن عن انتهاء الزفاف
فارس بشكر :- شكرا يا جماعه علي قبول دعوتي لحفل زفافي وانا اعلن الان عن انتهاء حفل الزفاف
ترك فارس الميك وذهب ليأخذ مكة ويذهب
ناجي بحدة :- اية اللي عملتة دة يا فارس
فارس يتصنع التعب :- معلشي يا عمي بس بجد تعبان وعايز استريح
ناجي بقتضاب :- خلاص مش مشكلة
…………………………………………………
عند همس ومهرة
همس بضيق :- فارس دة واحد فصلان ربنا يكون في عون مكة
مهرة بقلق :- مش عارفة لية قلقانة ومش مطمنة
- وانا كمان والله قلقان سبحان الله نفس الاحساس
لتلتفت همس ومهرة للصوت
مهرة :- انت
مازن مشير لنفسة :- ايوة انا
همس بغلاسه :- المطلوب
حسام من بعيد :- المطلوب عزومة
همس باستغراب:- عزومة
مازن :- ايوة
حسام :- يا ريت تقبلي يا همس انتي ومهرة دعوتي انا ومازن بكرة للعشاء
مهرة بسرعه :- انا موافقة
مازن بفرحة :- ايوة بقة
لكزتها همس في خصرها وقالت بعند :- اممممممممم ممكن نفكر بس معتقدشي نوافق
حسام بتحدي :- انتي بذات هتوافقي
ثم اخذ هاتفها من يدها وسجل رقمه ورن علي هاتفه ثم اعطاها الهاتف وقال :-
- الرقم علي موبيلك ابقي استني مني مكالمة مع السلامة
ذهب حسام وترك همس في صدمتها
مازن بضحك :- اقفلي بقك بقة مش ناقصين الدبان يتلم
مهرة بضيق - اتلم يا مازن
مازن بهيام :- قولتي يا اية
مهرة بتوتر :- قولت اتلم
مازن :- لا اللي بعد كدة
مهرة بكسوف :- يا مازن
مازن بحب :- احلي مازن سمعتها والله
همس بضيق :- خدها يا بابا بعيد وحب فيها برحتك
مازن بضيق :- ده انتي عيله فصلانة قطعتي جو الرومانسية اللي بنا
نظرت لة همس بتشفي ثم امسكت يد مهرة وذهبت بها الي مكة لكي تودعها
مازن بضيق :- ربنا يكون في عونك يا حسام
…………………………………………………
عند مكة ودعت الجميع وظلت تبكي مع مكة وهمس
فارس بضيق :- يالا يا مكة
مكة بدموع :- اوك يلا
ذهب فارس هو ومكة الي السيارة ثم انطلقا للفيلا
………………………………………...........
عند مازن وحسام
مازن :- يلا يا عم مع السلامة
حسام :- استني هنا انا جاي معاك
مازن برفعه حاجب :- هتيجي معايا فين
حسام :- احم هروح معاك البيت ماهو مش معقول هروح الفيلا يوم فرح فارس
مازن بخبث :- يا عم كنت قول كدة دا انا مش هسيبك تروح فيلة فارس ابدا
حسام بقلق :- مش عارف لية مش مستريحلك
…………………………………………………
في فيلا فارس المهدي
دخل فارس الفيلا ببرد وترك مكة عند الباب
فارس ببرود :- ما تدخلي ولا عاوزة عزومة
دخلت مكة بتوتر وهي مندهشة من طريقتة الفظة ولكنها لم تعقب وذهبت اتجاهه ببطئ
مكة بتوتر :- احم ا.انا عايزة اغير هدومي فين الغرفة
فارس بضحك :- هههههههههههههه
تغيري هدومك والغرفة فين صح ثم قال بحقد :- انتي صدقتي نفسك يا بت ولا اية
مكة بستغراب :- انت بتقول اية انا مش فاهمة حاجة
جلس علي كرسي امامة منضدة ففرد رجلية عليهاوقال ببرود :- اصلك هنا عشان تتعذبي وكمان هتبقي خدامة
مكة بصوت عالي :- انت مجنون انت بتقول اية
وقف فارس بغضب ومسك شعرها بغل وقال بغضب :- انتي هنا لعذابك فاهمة ولا لأ
مكة بألم :- اه طيب انا عملت اية
ازاحها فارس بقوة فوقعت علي الارض بقوة واصتدمت راسها في الدرج فتركت جرح بسيط في جبهتها
رق قلب فارس للحظة ولكنة ترك شعوره بالخوف ونزل علي ركبتية وقال :- انتي من هنا ورايح خدامه وكمان لو حد عرف باللي بيحصل صدقيني مش هيحصل كويس ثم اكمل وهو يشير الي غرفتة في الاعلي
- انتي تطلعي علي اوضتي دلوقتي اللي في اول الطرقة وطبعا هتنامي علي الارض انا كان ممكن انا ممكن اخليكي تنامي في اوضة الخدم بس للاسف دادة فاطمة عايشة معانا ومش عايزها تحس بحاجة فاهمة
مكة بخوف :- فاهمة
فارس :- غوري اطلعي فوق
ذهبت مكة للغرفة وجلست علي الارض تبكي لوقوعها في يدين هذا القاسي
ظلت تبكي طول الليل الي ان ارهقها التعب فنامت بينما فارس كان يجلس في غرفة مكتبة يدخن بشراهه وهو يشعر بنشوة الانتصار
..................................................
في قصر الدكتور ناجي في غرفة همس تحديدا كانت نائمة وقطع نومها رنين هاتفها لتستيقظ في ضيق ثم تضغط علي زر الرد بدون النظر الي اسم المتصل
همس بنوم :- الو
........ :- انتي نايمة ولا اية يا هموستي
همس بضيق :- انت مين
.......... :- اية دة انتي مشوفتيش الاسم وانتي بتردي ولا اية
ابعدت همس الهاتف لتري من المتصل فوجدت اسم زوجك المستقبلي علي الهاتف لتندهش و...........
يتبع
أنت تقرأ
رواية البريئة والقاسي
Romanceالمقدمة هو قاسي ومتملك لايعرف الرحمة هي بريئه رأت جريمة بعينيها كانت السبب في ان تقع هي في شباكة كفريسة لحمايتها ولكن قسوتة تبقي الشئ الوحيد الذي لا يمكن حمايتها منة فهل قسوتة عندما تتحد ببرأتها ستفوز ام ستقع هي في براثن هذا القاسي الذي لا يعرف شئ...
