مزاچ الشيخ(ابن عمي)

• الوُرد ياخـذ مِہטּ ﺄوصافـك ‌جـمّال

امي_ صعدت لغرفه ليان حتى اگعدها تروح لمدرستها فتحت الباب اووف منچ ليان شمسوي بالغرفه‍ متتغير لبنيه يربي اگعدي ليان واني اهزز بجتفها ليااااان
_ليان.همممممم عوفيني اشويه
_امي تگومي يلة الوكت اتاخر عوفي الشويه
_همممم ايي هسه شويه
_امي جريت البطانيه منها وكعدت من البلكاع
_اخخخ يماا
_امي ديلة كومي
_اففف اي اي كايمه
#
طبيت سبحت طلعت لبست ملابسي مال مدرسه واخذت الجنطه والگتب بكل مكان يربي دايخه متت من السادس والله اففف
..دا انزل ع الدرج واسمع عمامي موجودين وعماتي يا ستار من الصبح شجابهم نزلت سلمت عليهم رحت لامي گتلها يمااا شسالفه شگو من الصبح شصاير
_ ليان عمچ تعبان مديح وخطيه بالمستشفى
_ يمااااا صدگ شلون شوگت شبيه دمعت عيوني .. عمي حيل احبه من دون عمامي گلهم
_امي اووف يا يمه روحي هسه يجي ابو الخط مالتچ وصدگي انشاء الله عمچ مابيه شي
_ليان يماا شتحجين نص حيلي انهد من گلتي هيچ عمي صاير بيه
_يمه ليان لا تخلين بالچ انشاء الله مابيه شي شالقصه
_أي يماا انشاء الله افف .. دا احجي وسمعت ابو الخط بالباب
_ يلة يمه رايحه وبس اجي اروح وياگم للمستشفى فدوه اشوفه
_ياا يمه ليان شتحجين هسه روحي وبعدين نتفاهم
.. طلعت من الباب صارو والولد عمامي كلهم بالباب خفت اني حسيت صدگ عمي مو زين
صعدت بالخط وكلبي يرجف وخايفه حتى الامتحان نسيته واني بكالوريا اووف
وصلت للمدرسه واول ما شفت بوجهي صديقتي زهراء الخبلة
_زهراء هلوووو شلونچ
_هلا بيچ كلبي الحمدالله بشوفه خبالاتچ
_زهراء ههههه صدگ فدوه لكلبج شبيج حياتي ليونه شو احسچ ضايجه خيرج
_لا حياتي زهورة بس شويه عمي مريض
وخايفه والله اني احبه عمي لان حباب ويانا اني واهلي ويحبنا ودائما يذگرنا
_زهراء يا عمري لا تخافين يارب مابيه شي حياتو هسه انسي شويه وخلي نروح للاعدام ينتظرونا
_ ههه اي ولچ امشي نرووح نمتحن نسيت والله
دخلت للمتحان والحمدالله شويه الاسئلة سهلة طلعت من القاعه الامتحانيه شفت زهراء صافنه رگضت الها عبالي بيها شي كتلة زهورة حياتي شبيچ
_زهراء ولچ ليان ....الاسئلة سهل راح انجح
_واني كرصتها كرصه من خدها خليتها تصرخ .. ولچ عابتلچ واني عبالي بيچ شي
_زهراء هههه يمه فدوه‍ للتخاف ديلة ولچ اليوم فرحانه وجاوبت ممصدگه برياضيات
_ يعني صارت معجزه تعتقدين هههه
_زهراء ولچ يا معجزه ولچ مااكدر اعبر ههه
#
رحت اشوف ابو الخط اشو ما اجا رحت سالت وحده وياي هماتين بالخط كتلها شنو ميجي كالت لاخابرته ميجي لان سيارته عطلانه ويكولن روحن انتن
_عزا العزا انشاء الله مابيه حيى ارجع افف بس شسوي ارجع مشي
# دا امشي وكلبي قابض اووف يارب ماصاير شي وصلت للدربونه مال البيت شنو القصه شو نسوان وصريخ وزلم بالشارع يمه بس لا عمي... واحس رجلية ماتن مايمشن حتى يوصلن للبيت وصلت لباب ودخلت وعماتي يخرطن بوجهن اريد بس افهم شصاير يربي وشفت امي واريد اعرف وهيه تخربط ابوجها ..
_يمااا احجي شصاير ... يمااا
_ولچ عمج راح ولچ راح عمچ
_ مادري شصار بيه بذيج اللحظه عرفت بس افرح اشويه لازم انگسر وراها وعيوني الدمع ما وكفن والصريخ
###
راح عمي واني ماشفته وهوه مريض اووف يگلبي راحو كلهم للنجف امي وابوي وعمامي وعماتي بس اني ردت اروح امي مرضت كالت بنيه لا ادوسين المگبرة ... راسي صار شكبرة من البجي والقهر انقهرت ع ابنه عمري 3سنوات ميفارگ عمي ابد ومرته خطيه الي انكسرت (عمي عمره 33وتزوج يعني قبل كم سنه لان جان بالعشائر وملتهي فا ماتزوج وهوه شاب يعني گبر بعدين اتزوچ ومرته خطيه هماتين اهواي يلة صار عندها طفل وعمي من راح هسه عمر ابنه 3سنوات صغير بعده ويحب عمي ومتعلق بيه) شلون هسه بلياه
طبعا عمي بيته بعيد فا الفاتحه صارت ابيتنا ابوي ما احمد بيه ميگول لا وهماتين يحب عمي جان وعماتي من يحجن شي ابوي ميكول لا يستحي منهن
#البيت انترس زلم ونسوان وبجي وصريخ (ربي ميشوف الحزن لاي احد )
رجعو من النجف وگلهم تتعبانين وامي خطيه كوه ترد روحها بجينا من اجو وشوفتهم زيدتنا قهر وضيم
#
اني رگض ويا البنات صح الفاتح الزلم شايليها بس النسوان هماتين خطيه ما خلن شي واني وياهن يا شيل يا خلي
يا سوي خذا الشي يا سوي هيچ..
. تعبت تعب كل اشوي اتذگر عمي ودمعتي تسبق حجايتي بسرعه امسحها وارجع اكمل ويا البنات ...
صعدت بالغرفتي اشويه اغفه لان راسي موتني ... ما اسمع الا عمتي تصيح تعالي ولچ وين اموليه
_ عمه مارايحه بس اشويه اخلي راسي تعبانه واجي
_ياا سوده علية تعبانه وتستهزء
_شنو القصه عمه شو ما عاجبتچ
_ايي ديلة روحي هسه شمستفادين منچ وعود الوادم واكفه عليچ
_قهرتني بحجيها عفتها ورحت دخلت للغرفه اووف خليت راسي ع المخده ما حست بسرعه غفيت من التعب ... كعدت باوعت للساعه 6مغرب يااا حييل شكد نمت شعجب محد كعدني كمت باوعت بالمرايه عيوني رايحات رحت سبحت ولبست دشداشه عندي بيها فتحه هيه من الرجل اشوي طويلة الفتحه خليتلها دنبوس لان عيب فاتحه واني رجلية مطلعتهن ... نزلت واستقبلتني عمتي
_ايي مساء الخير يا المسعده شو ولا چنه عمچ ميت نايمه وما اخذه راحتج
_لحظه عمه شتحجين اني شنو ميهمي عمي الله يرحمه ترى احبه واعزه حتى اكثر منچ بس تعبت ونمت واني شنو متشوفيني ويا البنات بس ارگض وياهن
_ع گيفج كليتني وشربتيني دروحي شوفي بت عمچ نرجوسه ترگض مثل الغزاله منا ومنا ونادرة
_اي والله خليها غزالة حصان شعلية اني
رايده شي اروح منا اني احسن
_ شرايده منچ روحي ميلي منااا
_..راحت وعافتني هااي شبيها ولا جنه اخوها كلشي يمهمها نرجوسه (نرجس بنت عمي الثاني وصلوات يحبنها عماتي ويعزنها الا اني ابزز صح هيه بنت عني حلوة بيضه وصاحبت عيون كبار يعني حلوة ملا محها)
_شفت امي كاعده يم باب المطبخ وتعانه مبين عليها التعب رحت يمها
_يماا حبيبتي شبيچ
_هاا ليان لا مابيه بس تعبانه شويه
_يمااا انتي جوعانه ما اكلة شي اسويلج شي
_ لا ليان يمه روحي ويا البنات خطيه
_ايي يماا رايحه خو ما محتاجه شي
_لا يمه روحي
..رحت وكلهن يباعن عبالك مدري شنو السالفه وكلهن يحجين كتلهن هاا شبيجن كالت الست نرجس
_ليان انتي جايه استعراض علينا وعلى العالم لو جايه تساعدينه شنو هااي الفتحخ الي بدشداشه وضيكه حييل عليج
_شوفي نرجس اول شي ما عندي اسود باجر اروح للسوگ واشتري وثااني شي لا تكولين استعراض شوف انتي شلابسه نص ردان دشداشت وبيها لمع
_ نرجس وانتي شعليچ شنو تحاسبيني
_ هااا شوفي متقبلين احجي وانتي تحجين بكيفج
_ نرجس لا ما احجي بكيفي بس شوفي الولد بس يباوعون عليچ عيب وهمه ولد عمامچ
_درت ليوراه هااي شنو والولد عمامي كل شوي واحد يباوع يا الله عزاا والله عيب ... عفتهاوما حاجيتها ... حتى ابن عمي الي جان ابالي هم يباوع بس لقطات
#
صاحتني امي كالت- يمه روحي ودي مي للنسوان
_ايي يمااا رحت اني مكلت لا .. اوزع مي وصلت يم مرة كالت خالة انتي بت مني شكد حيلوة
_ابتسمت .. فدوه لكلبج خالة اني بت افلان
_ياا فدوه صدقه لله هيچ گبرانه .. ابتسمت الها ورحت
_ واسمع عمتي تكللها لا هااي صغيرة روحي على بت افلانه اسمها نرجوسه يمه صدقه لله تخبل حوريه والله .. عفتهن اني بعد ورحت طلعت من الغرفه
جان شايلة الصينه وما احس الا انظربت بيه هسه ما انظربت اني بلگلة الا هوه ليش بقيت صافنه بوجه
_صادق ياا اسف والله مو قصدي اتأذيتي
_لا عادي مصار شي.. بس المي وكع على ملابسي وصارن خيفيفات على جسمي
_ رحت للمطبخ ذبيت الصينينه وامي كالت ياا شبيهن هدومچ
_هذا صادق وكع المي علية الله ياخذه
_ياا يمه اسكتي ما بينا حييل وانجبي ابن عمچ خطيه.. وشصار هسه يبسن
هدومچ
_اووف سمعت حوراء بنت عمي تصيح
_لياااان وينج تعالي
_ايي اجيت هااحوراء
_خايبه روحي جيب ابني طلع ماادري وين راح
_ صافنه عليها يا شبيچ حوارء صدك تحجين روحي يمعوده شلون اطلع والزلم
_ولج انتي صغيرونه دروحي جيبه شوفيه وين وصخم راح ابني
_ اووف حوراء شنيه
_ديلة فدوه لكلبج ... رحت دورات بكل الغرف ما لكيت ابنها هسه هذا وين راح استغفرالله دخلت للغرفه جدتي ولكيت صادق
_ عدل كعدته جان متدمدد كال هاا ليان هلا بيچ
_ اهلا بيك انته كاعد اهنا وابن اختگ ماادري وين رايح ( صادق اخو حوراء ونرجس )
_صادق لا اصلا هسه شفته يم امه
_ شنو يعني تجذبني
_ كام وتقرب يمي كال لا والله ليش ما اصدگج
_ كلبي نبضاته رتفعت ورفرف من زمان اني احس با نجذاب اله بس مو يعني حب (صادق صاحب عيون شهل ابيض عنده لحيه بس حلوة على گصت وجهه وطويل يعني يدخلالروح غصبأ ع الگلب).. بس ما مهتمه يعني مسويه نفسي حتى هوه يعني ما عنده شي
_ ارتبكت وكلت لا بس روح شوف اختگ
وثاني شي انته ليش اهنا روح يم الزلم
_ صادق جدتي رادتني وكعدت اشوي يمها
_ بكلبي گلت اي صلوات تحبها الحمدالله
_ جدتي صاحتني تعاي ليان جده ...
_ هاا عيوني ..كعدت يم رجليها
_ اكلچ جده شنو هذا ثوبچ خفيف والفتتحه لخصرچ ..
_هاا؟؟صفنت ابوجها يااا لا جده بس هذا حفيدچ وگع المي علية
_هاا والفتحه هوه كضچ وشگ الثوب
_ صادق ضحگ هههه
_ خجلت كتلها جا هسه انتي الا كدامه تحجين عفتها وكمت ردت اطلع كتلها ايي انتي بس حب هذا وذاك وعايفتني عبالك جايبيني من الميتيم
_ هههه يا ولچ جده ليان تعالي
_ صادق هههه عوفيها يلة جده اني اروح يم الزلم زحمه هنا كاعد
_روح الله وياگ وطفي الكلوب وراك ولا تجي خلوني حيل تعبانه
_ ياا صدگ ما تردين اجي
_ههه دروح جده روح
...طلعت من الغرفه حتى جده هيچ وياي خرب حظي انوب كدامه تحجي استغفرالله هسه غير تنشف الدشداشه
...يتبع
• الوُرد ياخـذ مِہטּ ﺄوصافـك ‌جـمّال 📑

فدوه‍ لكلبگم هااي اول قصه‍ الي حبايب گلبي اذا عجبتكم انزل البارت الثاني اعشقگم 😘⁦❤️⁩