مزاچ الشيخ(ابن عمي)

البارت التاسع

حايرة بيك  وشاغل  بالي  🖤🧿🕊️
شحلاتك...
من تكض چفي وتگلي
أليوجعنك يوجعن گلبي🖤🧿🕊️
#كعدت على صوت تلفوني ينهز چوا المخده چريته رقم غريب وباوعت للساعه 5الفچر خفت مرديت اتصل الرقم اكثر من مرة فتحت خط بس محجيت
ضل الخط مفتوح بالربع ساعه بعدين سمعت صوته يلفظ اسمي انصدمت گعدت على حيلي
الووو لياان ؟!
صادق...
اوووف بويه شكد حلو اسمي من يلفظ بشفتچ ..استغربت هاذا صادق لا مستحيل
منين جبت رقمي وليش متصل بهذا الوقت !؟
ليش تسألين اهواي اسألة !؟..
لان انته متجاوب ..
شچاوب لياان شتردين اچاوب ؟!...
خنگتني العبرة ونزلت دمعتي اچيت اسد التلفون وگال
لياان بچيتي !؟
ليش دموعي اتاثر بيگ !؟
بقى ساگت بعدين گال روحي ارتاحي ..سديت التلفون منه وبقيت ابچي شسوي شسوي روحي تاگلني اگل ولا احد يحس بية ضليت باقيه للصبح عيني ماغفت تقريبا الساعه9ونص گمت دخلت للحمام سبحت وخلصت توضيت خليت السجادة مدعيت شي بس هوه يعرف شنو الاريده خلصت گمت امشط بشعري اباوع عيوني مغورات بشرتي شاحبه صدگ يعني هيچ صاير بية نزلت دمعت مسحتها بسرعه سمعت الباب يندگ گلت هاي امي لان على اساس اليوم نروح نشتري ملابس وشغلات ماريد افتح الباب ماريد اسمع طاريه ماريد اشوف احد حتى اهلي الي مافهموني الي ميهتمون لراحتي عبالهم ارتاح يم هذا بعد صفنه طويلة وطبعا اتفلش الباب رحت فتحته واچتي امي حظنتني استغربت يمه شگو؟!
صادق مراح يعقد ...
اني بهاي اللحظه بچيت من الفرحه المو طبيعيه .. يماا صدگ تحچين شلون من گال
_هوه حاچه ابوج اليوم الصبح گال عمي لياان ما لايحه هسه اريدها واحنا بمصاب
بست امي من خدها ومن راسها وحظنتها  .. يماا متعرفين الفرحه الي بداخلي هسه
.. اليوم خالتچ تچي ام عباس
صدگ .. فرحت
اي تچي لان فطوم راح تخطب بعد كم يوم وگالت ليان ماتچي ويانا اني هم قنعت ابوچ وقبل ترحين
صدگ فطوم ياا شكد فرحت الها لعد يماا شنو مترحين
يمه ليان وين اروح جدتچ منو يضل يمها  وعمچ زحمه اروحن وجدتچ هم
ماكدر اعوفنها صحيح نسوان اخوتچ اهنا بس مايعرفنها بگدي وهسه انتي شوفي غراضچ حظري نفسچ لان خابرناها قبل شويه گالت شويه وانشاء الله توصل
صدگ يماا لعد شلحگ ..
شني شتلحگين لمي اهديماتچ هااي وهااي وفضيها
لا يماا غير ملابس الحلوة اخذ هذا عرس فطيم شعدنا غيرها
خوش اني راح انزل وبساعچ بدلي حتى من تچي بسرعه اطلعين وياهم لا يشوفچ صادق ونبتلي انتي تعرفينه شلون مايرضه ترحين هنا وهنا ..طلعت سديت الباب وراها واني حاطه ايدي على گلبي يممه فرحانه يربي ديم هااي الفرحه علية بسرعه خليت ملابس الحلوات انواع خلصت من الملابس خليت مكياچ خفيف لبست صايه بس گلش حلوة سوده وبيها حزام جلد جوزي
وبيها تتطريز يعني تخبل من تنلبس خلصت شلت الجنطه خليت رچلي على الدرچ واتلفت منا ومنا خاف يطلعلي صادق رگضت رگض دخلت الاستقبال لگيت بيها خالتي ام عباس رحت بستها وهيه تحظن بية سلمت على عباس مينوصف شلابس النظرة وايده من يخليها على لحيته  وضحگته ويا امي ونظرته سلمت على ابوي واخوتي وبست امي وطلعت رگبنا السيارة عباس يم السايق واني وخالتي وراى
حسيت بعباس يباوعلي من المرايه واني ميته من الخچل صرت حمرة تقريبا 3ساعات واحنا بالطريق بعدين واخيرا وصلنا وگفت التگسي بيت خالتي گلش حلوو صار من زمان مشايفته باوعتلي خالتي وگالت
ولچ ليان صار سنين مشتاقگلچ هاذا البيت
ضحگت وگتلها واني هم نزلت خذيت جنطتي وبيتهم گلها ناس بس مااعرفهم خالتي گالت جيبي الجنطه ليونه البيت بيتچ وباعي هذيچ الغرفه غرفه فطوم هسه تتفاچاء بشوفتچ
تسلمين خالة اي رايحه اليوم اصدمها
دگيت الباب دخلت لگيت بنات سلمت عليهن وتعرفنا سألتهن على فاطمه گالن بالحمام تبدل بالفستان انفتح باب الحمام وهيا صرخت لياااااان اجتي ترگض حظنتني
_هلاوووو حياتي فطوم ولچ راح تنخطبين واني ماادري بشي
هلا بيچ يا بعد روحي لياان لا والله بسرعه الخطوبه صارت ومدا الحگ على شي شوفي الفستان هم مو حلو علية
هيه فطوم دبدوبه وتخبل وصاحبه خدود وحمر وبيضه ضربتها على خدها ولچ شنو مو حلو طالعه تفاحه تخبلين يجنن گلش حلوو
صدگ لياان يعني حلوو
اي والله كلش حلوو بستها بخدها وهيه حظنتني اجتي خالة ام عباس هاا ولجن صرتن سوا وهسه راح كلشي تعوفن ضحگنا شويه وگالت
لياان تعاي ويانا راح نشتري كم شغلة لفطوم تعاي ويانا للسوگ انتي هم اشتريلچ فستان للخطوبه
لا خالة فدوه لعيونچ ...ضربتني على جتفي فاطمه لا تجين وتشترين فستان
هم غير تتونسين يمنا
اممم ماشي شوگت نروح ..
هسه شويه ونروح حظرن نفسچن بس خالة ليان اكلي انتي ما ماكلة شي واشربي علاچ
لا خالة من نرچع هسه ما مشتهية شي
ولچ شني ما تشتهين هسه اكتلچ .. بضحگ
شويه ضحگنا اني رحت للحمام الي بغرفه فطوم سبحت وطلعت دخلت فطوم واني بلروب عطت
اطلعي فاطمه ..
انجبي شنو اطلع اني وياچ نفس الشي
هااا !؟اي بس اطلعي
لا مااطلع اني مكملة تبديل هسه انتي يلة بسرعه لان عباس ياخذنا وميحب التاخير ..ماادري بس حسيت بفرحه خلصت بسرعه لبست قميص طويلة ماروني وبنطرون اسود وحذاء ماروني وحچاب اسود بس حافاته بيها ورد ماروني گلش حلو خليت مكياج خفيف
عزااا لياان ..؟!
ها شبيچ فاطمه ..!؟
ولچ طالعه تخبلين شنو هااي واني
ههه گرصتها من خشمها عيونچ الحلوة وثاني شي شوفي نفسچ كيكه ضحگنا  وصاحت خالتي بسرعه نزلنا هم نفس الشي بيتهم ناس هواي عدهم المهم صعدنا بلسيارة رحنا للسوگ اشترت فطوم ملابس وكم شغلة للبنات
خالتي_خالة ليونه تعاي هسه اشتريلچ على حسابي فستان
لا خالة فدوه لگلبچ شنو القصه اني چايبة هم فستان للخطوبه
خالتي_لا ليان اني اريد اشتريلچ ومصرة هم هه ضحگنا
ماشي خالة لعد اني هم صدگ اريد فستان احلى من فستاني
خالتي_لعد متحچين باستني.. طلعنا من المحل طبعا عباس بقى بالسيارة منتظرنا مااچه ويانا فترينا محلات شكد اخر
شي دخلنا محل بس ابو المحل ماارتاحيتلة المهم اخذت فستان اسود بس گلش حلوو الصدر گله تطريز نمنم ومابيه چتف يعني ومن وراى فراشه من ينلبس يطلع الضهر على گل الفراشه يعني عچبني هواي
خالتي _ليان گلش حلو الفستان موو عچبچ
ابتسمت..اي خالة گلش حلوو
فاطمه_اي بعد شتردين شوفي امي شلون امدللتچ
خالتي_يمه فطيم شعندي غيرچ اني احبچ واحب ليونه واعزها مثلچ
ضحگت.. ديلة فطوم لا تبچين احنا بالسوگ
كرصتني اسكتي وضحگت ردنا نطلع من المحل خالتي وفطوم طلعن بس ابو المحل ردت اطلع وگال يا بويه امنيتي اشوفچ بهثوب شكد اتقززت منه گتلة احترم نفسگ وبسرعه طلعت من المحل رحنا للمگان الي عباس ينتظرنا بيه شفناه اشرنا النا ورحنا صعدنا بالسيارة
هاا الله يساعدچن شتريتن السوگ كلة
خالتي _يماا شمالگ غير بنات وگلشي يردن
ضحگ وكال اهم شي ليونه فرحتوها
وابتسم
فطوم_ايي قبل شويه امي وهسه انته ليان خذتگم مني .. وحطت ايدها على خدها كلنا ضحگنا عليها حتى هيه الغبية ضحگت .. شكد ونسه وضحگ وسوالف طبعا الازدحام يخنگ بطلاع الروح وصلنا الحمدالله  للبيت تقريبا 7المغرب واحنا طلعنا من ال3الضهر وصلنا للبيت نزلت خالتي وفطوم بقيت بالگوه اشيل بعلاليگ مال فطوم عزاا بعدوها عافتني وراحت اچه عباس فتح الباب واخذهن مني گال تعاي اساعدچن انتي مريضه چريتهن منه بلطافه لا تسلم عباس اني اشيلهن رچع جرهن مني لا ليونه اني عيون وروحي ادخلي چوه اچتي فطوم وچرتهن منه ومني گالت
لا انته ولا انتي تشيلوهن ترى سويتوها سالفه ضحكت عليها ودخلنا چوا بسرعه فاطمه گالت ليان بسرعه خلي نصعد هسه منخلص منهن عماتي يردن يشوفن الغراض بسرعه صعدنا اني خليت العلاليگ دخلت للحمام سبحت توضيت صليت صلاة المغرب شويه تمددت على الچربايه ماحسيت الا على فاطمه تهزني ولچ ليان گومي الساعه 6الصبح بسرعه‍ گمت
ياا شبسرعه !؟
شنو شبسرعه البارحه حتى كعدتچ على العشا تاكلين ماكليتي
اي ولچ تعبانه گلش .. بسرعه گمت رحت للحمام سبحت وطلعتي واخذت فستاني وگم شغلة بچنطه ولبست صايه مبدلت صعدنا بلسيارة بس مو عباس اخذنا للصالون اخذنا اخو خطيب فطوم
رحت اني وفطوم وصلنا للصالون گلش چبير وشكد عرايس بس كلش  يعني الشعور يمگن عروس وحده خلصت بعدين وراها فطوم بدت بالمگياج الها طولت تقريبا ب3ساعات لبست البدلة وطلعت تجنن عليها اچيت وحظنتها
ولچ فطوم تجنن عليچ البدلة
صدگ ليونه شگراا يلة هسه انتي تعالي مگيچي
.لا شنو السالفه اني اعرف اسوي
لا شنو تعرفين من نرچع للبيت الناس ومتكدرين.. چرتني وكعدتني على الكرسي واچتي بنيه فتحت شعري
البنيه_ماشاء الله شنو هااي شعرچ كلش حلوو
تسلمين حبيبتي عيونچ الحلوة
فطوم_اريدچ اطلعيها گمر
البنيه _شطلعها گمر هيه گيكه
خچلت گتلهن گافي خجلت ترى ضحگنا بدت بوچهي گالت راح ارتب حواچبچ  لان ثخان وحلوات خلت الخيط وشاغت روحي وفطوم بس تضحگ علية بطلاع الروح وگل شوي صارخه يلة خلصت حواچبي وسرحت شعري بعدين
سوت لي مگياچ كلش حلوو يعني مو كلش طوخ خفيف خلصت گمت رحت دخلت لغرفه التبديل لبست الفستان صدگ كلش حلوو والفتحه فضيحه الي بالضهر مخصر تخصر وصدري طالع خليت الشال طلعت من غرفه التبديل والبنيه الي سوت مگياچ تخبلت گالت والله انتي العروس مو فطوم الثولة طلعت تعرف فطوم صديقتها ضحگت اني وياها فطوم بس تباوع كالت
انتن زاعلتچن ودارت وچها رحت بستها وهيه البنيه هم باستها كالت
ولچ فطيم تزعلين وين نروح بخلافچ .. تقريبا صارت 2 الضهر لان طولت بشعري طويل المهم اتصل خطيب فطوم وتحچي وياه بخچل كللها راح يچي اخوه يوصلنا للبيت عباس ميكدر يچي اني لبست الصايه  لان مو اطلع هالشگل خليت البرگع على راس فطوم تقريبا ربع ساعه او اقل اچه اخو العريس وچايه اخته هماتين المهم طلعنا صعدنا بلسيارة
واخت خطيب فطوم بس فرحانه كل شوي تهلهل وصلنا للبيت وهلاهل ساعدتها شلت بدلت فطوم ودخلنا اخت العريس واخوه راحو شكد حبابه تچي ويا العريس بالخطبه دخلنا تلگته خالة گعدت العروس رحت اني بالغرفه مال فطوم نزلت الصايه وفتحت شعري عدلته حتى شويه متگسر لان جنت لابسه شال نزلت من الغرفه على الدرچ وشافتني خالة وضلت بس تهلهل اني خچلت منها
يممه شنو هااي ليونه عروسه الله يحرسچ من عين الحسد
ابتسمت بخچل تسلمين خالة رحنا دخلنا اچني بنات عمام فطوم ونسوان هواي وبس يباعن وكل شويه وحده تستفسر وياي انتي بنت منو وانتي منو  .. شغلن الديچي اني مرگصت لان عمي مااكدر بس هيه العروس فطوم ذبت لحم بقيت حلگي مفتوح هاي العاقلة الخجولة چنها تريد تخلص منهم  .. تقريبا ساعتين البنات يرگصن وذبن لحم اني هم ردت ارگص انهد بس مااكدر بقت حسرة بگلبي بقيت بس اصفگ .. صاحو اچو اچوو اني بسرعه رگضت خليت الشال علة راسي وغطيت چتفي يعني لان الشال چبير غطه جسمي دخل العريس والهلاهل وگل شويه يشمرون جگليت تفگست عيوني يچي براسي لو بعيني ههه لبسو الحلقات وعقدو ولبسها ذهب لان چايبه وياه هوه لبسها يعني الذهب تقريبا تخم لان تراچي وگلاده وحلقه ومحبس وبتوت اربعه گلش حلوو مديلهن ..وموتوني گل شويه واحد يهمس للثاني ضلت علة بنفسي وسألت فطوم وهم مكلتلي ههه راحو اهل العريس يمگن بقينا بس احنا يعني عائلتهم چان گامت فطوم شغلت الديچي وگومتني اني شفت محد موجود ذبيت الشال وذبيت لحم وفاطمه تچر بشعري وتفتر بيه لان طويل دخلت خالة گالت
هااي ليونه چا مارگصتي يم النسوان
خاله يعني مااعرفهن
يلة عادي .. وگامت ترگص ويانا ..رچلية صارن خيوط بعدين كلتلهت راح اروح ابدل لان تعبت
خوش خالة ليان روحي وهسه اخلي الچن العشا انتي وفطيم
طلعت من غرفه الاستقبال ونسيت شالي 
بسرعه صعدت للغرفه غرفه فطوم يم غرفه عباس وچان عباس طلع من الغرفه وبقى واگف بمگانه واني هم بقيت مصدومه بمگاني بعدين چريت شعري خليته على صدري باوعلي وگال
ادخلي ليان !؟
صفنت شويه ودخلت رگض احس نفسي صخنت ..دخلت لغرفه وخليت ايدي على گلبي گوه اچر نفس  رحت دخلت للحمام سبحت وطلعت بدلت لبس دشداشه سوده طويلة بس مخصرة شويه بس مابارزه جسمي اني من يچي احد اخلي الشال على راسي ردت انزل وسمعت تلفوني يدگ دورت عليه بعدين لگيته بالجنطه باوعت على الرقم بس ماكو اسم يعني مامحجوز بس هذا رقم صادق ليش دا يتصل يربي بس لا راح تصير مشگلة اتصل اگثر من مرة مرديت بعدين دز رسالة
لياان افتحي خط لا تتندمين
...بقيت ابلع بريگي رچع اتصل فتحت خط ودخل عباس درت وچهي على الباب گال
ليونه تعاي اتعشي عيوني وراچ علاچ..كتلة ماشي لحظه واچي طلع سديت الباب وراه رچعت خليت التليفون على اذني وگال
ليونه موو وعيوني موو ...بقى يچر نفس بس نفسه احسه يريد ينفچر من غضبه سد التلفون ابوچهي .. هذا شبيه اصلا صوچي رديت عليگ انته مو مال شي زين وياگ  .. عفت التلفون ونزلت رحت لغرفه الاستقبال شفت فطوم بعدها بالبدلة وتاخذ صور وتسوي حرگات تخربون ضحگ عليها عفتها رحت المطبخ شفت خالتي وحدها
هلا بليونه هسه اخلص العشه فطيم ادري بيها بعدها بالبدلة
ضحگت اي خالة بس خليني اساعدچ
لا شساعديني بعد خالتچ خلصت
لا خليني ..وياچ .. خلصنا العشا صبيت وياها خلينا السفرة
..خالة راح اشوف فطوم بدلت لو بعدها
ضحگت اي ولچ خالة ليان روحي انوب لا تنام بيها .هههه ايي يطلع منها
رحت بغرفه الاستقبال ملگيتها صعدت فوگ لكيتها الحمدالله مبدلة حتى اذا ماامبدلة اموتها
فطوم همزين بدلتي عبالنا تبتاتين بيها
يااا اي ليونه فرحانه شلونه خطيبي صدگ ماسألتچ
اممم صراحه ينطلع بيه
هيه شالت المخده وضربتني ..
شني ينطلع بيه غير يخبل
اي اصلا يموت دمشي خلي نتعشا والله جوعانه ههه طلعنا من الغرفه نزلنا گعدنا بس مااكدر اگل لا اغص گاعد گبالي عباس كليت شويه وگمت
يا خالة ليونه شمالچ ماكليتي
لا خالة والله هذا اگلي .. رحت للمطبخ غسلت وگعدت على الگرسي مال الميز اچه ابالي صادق هسه راح شيسوي من مشگلة جديده دخلت فطوم اچتي غسلت
الووو وين صافنه
فزيت علة صوتها .. لا ولچ مصافنه بس افگر بامي اشتاقيت الها .. حظنتني
ليش تشتاقيلها امي موجوده وابقي يمنا كم يوم اتونسي يمي .. ابتسمت الها اتصل خطيبها وهيه راحت رگض
ضحگتني گمت شلت المواعين ويا خالتي غسلتهن وياها ونضحگ ونسوالف احبها هاي خالتي گلش لان احسها مثل امي خلت الچاي وكالت روحي ليونه خالة تعبتچ وياي
..لا خالة شنو السالفه انتي مثل امي واساعدچ
فديتچ يا بعد خالاتچ
ضحگت كتلها لو خالة ام حسن هنا چان باوعت صفح
هههه اي والله بس انتي تدرين بيتنا بعيد ماكدرت تچي
اي صحيح وخاله ام حسن هم ماتكدر تعوف بيتها يله خالة راح اشوف فطوم وينها
.. روحي خالة ليونه روحي
رحت دا اصعد بالدرچ شفت عباس واگف باب الغرفه مالته كملت صعدتي وصلت يم غرفه فطوم اچيت ادخل وگال
ليونه.. درت وچهي عليه
نعم عباس ..
اني اعتذر ليونه
تعتذر على شنوو!؟
لان اليوم مو بقصد شفتچ بالفستان
استحيت منة ..
مقبول اسفگ بسرعه ودخلت للغرفه
شفت فطوم متمددة على الچربايه وتحچي بصوت ناصي   اجيت تمددت يمها وهيه تاشر بأيدها عود لا تحچين اني درت وچهي منها بقيت گاعده وراسي فگر تخلط بفگرة
المهم بالگوه نمت فزيت على صوت فاطمه تكعدني
لياان ولچ لياان
همم
گومي اهنا امچ اچتي هيه واخوتچ
اني كمزت من مگاني ... ليش شعدهم
والله ماادري بس اچو ياخذوچ امي حاجت امچ تبقين كم يوم بس امچ مقبلت گمت بسرعه سبحت ولبست الصايه ولميت ملابسي واخذت الجنطه ونزلت دخلت غرفه الاستقبال
لگيتهم يضحكون وخالتي ومضيفتهم دخلت سلمت عليهم كعدت يم امي  امي گالت يلة هم يلله نروح
خالتي _بس ماتضل اگثر
لا خيه ام عباس هم مشتاقيلها الها وحشه هيه ما مفارگتنه ابد .. اي تحبون لو تحبون ما چان تخلون بيد هذا المتحكم بيكم
گامت امي اني هم كمت اخوتي سلمو علة خالتي وطلعو امي باركت الفطوم اني سلمت عليهن وطلعت بطلعتي دخل عباس سلم على امي هم كللها تبقى بس امي هم انطته اعذار  وصلنا للكراج
خالتي حاجت امي وكللتلها فگر بالكتله الچ خيه امي كلتلها انشاء الله شكو بيها
ماحجيت ويا امي  صعدت بالسيارة وضليت افگر بعد الله الساتر هسه بس لا تصير مشكلة كلبي ما مرتاح اووف شسوي يربي الله اليعلم هسه شمنتظىني بالرجعه
يتبع ....