مزاچ الشيخ(ابن عمي)

البارت الثاني عشر

نويت انساك ونويت الگاك
وتراكمن نيه اعله نيه وشيبت🖤🧿🕊️
طلعت من الغرفه وچهي احمر صارت بوچهي مروة گالت
مروة_هاا وين چنتي ..
هاا لا چنت يم جده
مروة_هاا خوما محتاچه شي
لا فدوه للحنينه ما محتاچه سلامتچ
مروه_خوش اني اروح اشوف هشام ايشوف الزلم يمگن يردون چاي
مروه حبيبتي انتي تعبانه اني اسوي
مروه_لا شنو تعبانه بس اذا انتي تردين اييي گفيني فدوه
ياا تدللين مروه
راحت مروه گعدت تتعشى يم لندا وامي بالغرفه مال امي واني رحت اسوي بالچاي صادق طلع من جده وراح بغرفه الاستقبال يم الزلم بس احس عيوني ادور عليه اريد بس اللمحه صبيت صينيه للزلم اچه هشام اخذها وشويه وچابو المواعين خطيه انقهرت على مروه لان ترگض منا ومنا ولندا متشتغل عود حبلة خرب حظي .. غسلت المواعين ونظفت المطبخ تقريبا صارت 9ونص راحو الزلم بس صادق بعد ولا شفته سألت امي خاف رايده شي
يمه راح اصعد
امي_يمه اليوم يوم القيامه
هاا خير ليش
امي_ لا اليوم ترگضين منا ومنا شني سالفتچ
هاي انتو اليسوي زين لازم عبالگم مصلحچي
امي_خايبه ياهو چايب المصلحه بالنص بس صايرة معدلة گلش
همزين كتليلي بعد مااشتغل
امي_ شمالچ يمه ليان
طلعت ورحت الغرفه جده على أمل اشوفه بس دخلت الغرفه ظلمه اشوف بالظلمه جده تصيحني فتحت الگلوب
جده_ لياان جده وينچ
اچيتچ جده عيون لياان .. كعدت يمها على طرف الچربايه وباوعتلي بتمعني وعيونها تتسأل
جده _ چده صادق عندچ مشاعر الة .. اني جفلت وسگتت شچاوبها شكد عيب
كتلها
لا جده وهيه چرتني من اذاني
جده_شوفي هاي حرگاتچ مو علية ليان
ليش هيچ تسوين بنفسچ .. بسرعه نزلت دموعي وحظنتني
جده_ولچ لا تبچين مو ادري بعد هذا حبچ الة راح تدمرين ترى صادق راح يزوچ وتالي اليطيح بيها انتي واني اخاف عليچ لان بعدچ ماتعرفين شنو طبع صادق وتالي هالحب يبچيچ دم مااريدچ تزعلين او تضوچين مني بس حب صادق هلاگ اليريده يسويه ومن يحب يريد گلشي الة جده اني اعرفچ لياان امچ اول ما چابتچ حطوچ بأيدي واعرفچ رچيچه وبسرعه تنگسرين اني مااريد احرظچ لا دخيل الحسين بس اني اخاف عليچ من صادق واني خاف على صدوقي منچ انتو قدرگم ماينحچي بيه

اباوع على جده واتصفن على كل گلمه تطلع منها وافتهمتها اني وياه قدرنا ميجمعنا
گمت من الچربايه ومحچيت شي
كتلها
چده فهمتچ شتردين اتوصلين الي والي تردينه أمر من هسه.. محچت شي بقت ساگته اني هم شويه وطلعت من الغرفه

صعدت بغرفتي دخلت للحمام سبحت وطلعت امشط بشعري وافگر گل فگرة تضرب بالفگرة الثانيه
اوووف يصادق شورطني بيگ 

بقيت شعري مفتوح طلعت الگتب بس بالي مو اهنا بالي يمه هوه مااحس الا على دمعتي على خدي وانفچرت من البچي
واشهگ تقريبا ساعه اني بس ابچي خدر راسي احسه من البچي خليت راسي على المخده وعيني ماضاگت النومه خلصت اليل اتگلب منا ومنا صارت تقريبا 6ونص الصبح گمت غسلت وصليت ورحت للمدرسه تقريبا اسبوعين اني بس بالغرفه هم استغليت الفرصه امتحانات بدت وهم مااريد اشوف احد على طول هاي الاسبوعين اروح من المدرسه للبيت وهذا يومي بس زهراء المخبلة شويه تضحگني صح اضحگ بس بالي بغير عالم هيه هم انتبهتلة بس محچيت شي الها اشوف اهلي بس من ارچع من المدرسه واگل چده ولا شفتها من لمن حاچتني على صادق اني بعد شريد احچي وياها اذا صدگ اني عرفت ابنفسي ادمرت
يوم من الايام چان احد صدماتي ...
رجعت من المدرسه ولا حجيت ويا احد بوچهي صعدت لغرفتي سبحت ونمت گعدت تقريبا5العصر غسلت وچهي ونزلت لغرفه امي لگيت اخوتي گاعدين وامي وابوي  ومروه تنظف ولندا تفتر بالگراچ
دخلت سلمت عليهم
هشام_ صايرة مختفيه ماگاعد انشوفچ
شمالچ تتختلين
..
گعدت بصف امي بينها وبين بابا
گتلة
لا والله غير امتحانات وتعبانه
هشام_انتي دومچ تعبانه تنبل مال نوم