مزاچ الشيخ(ابن عمي)

البارت الثامن

سنة سنتين
يلتم كل جرح و يروح
بس چرحگ زرف ترچية.✨💛🔐
انتِ خليتِ السوالف نابعه بروحي قصايد.🖤🧿🕊️
ابوي وعمامي ماحچو شي شويه ابوي گطع السگوت وگال
شيخنا صادق انعل الشيطان مايصير هيچ تسوي
_عمي على راسي بس اليوم ما انعل شيطاني من وراها ... يباوعلي ويخزر يريد ياگلني بنظراته اني بس دموعي تچري ومااعرف شحچي
امي_ ترچف وتحچي عمه انته على راسي بس ليان ماتقصدي شي وماتعرف شي رادت تگمل وقاطعها
_عمتي ام هشام انتي تعرفين اعزچ مثل امي بس ليان تعرف شتحچي وگلشي تفهم وشصار بنت عمي واريدها بالحلال لو تردون انهي عليها واعوفها واخلي كلشي بنفسها دار وچها وابتسم ورفع حاچبه محد حچه بس ام وسام گالت
شيخنا عمه انته صدگ تحچي تريدها وخر عيونه مني ودار على ام وسام وعدل غترته ولف السبحه بأيده وتنهد _اي عمه ام وسام اريدها
_بس عمه چاا شني تاخذ هاي الچاهلة گلشي ماتفهم
_لا شني چاهلة واذا ماتفهم شي اني اعلمها ردت احچي امي چرتني
_تعاي يمه ليان ردنا نصعد على الدرچ واسمع صوته يكول عمتي ام هشام ديري بالچ على ليان الاسبوع اليچي نعقد واني احس طلعت روحي امي چرتني من زندي ودخلتني للغرفه وضربتني راجدي وكعتني بالگاع تفاچاءة امي هااي اول مرة تضربني ورچعت چرتني ودموعها بعيونها
_شحچيت وياچ ولج يمه لياان
_يماا.. احجي واشهگ يمه عليچ الله شني الصار چوا شيقصد صادق يمه سوي شي حاچي بابا
_شحچي ولچ ابوچ چنه القابل شويه ودخل ابوي للغرفه اچه وكعد على الچرباية وچرني كعدنا على الچرباية گال لامي روحي انزل چوا احچي ويا ليان بس اني وياها امي مگالت لا نزلت
_ليان بوية شتگولين !!
باوعتلة ودمعتي على خدي ..شأگول بابا ؟
_بويه صادق يريدچ وابن عمچ والة حق عليچ وشاريچ بالحلال
_گمت من الچرباية ونزلت يم رچليه بابا شتحچي وابچي واشهگ مااريده وما امخليته ابالي واني مو تدري بية اريد اگمل حياتي ودراستي
_بويه ليان غير ابن عمچ ورايدچ ودراسه شني الدراسه اني مو كتلچ بس تخلصين سادس وبس وهاي هيه باچر لا ترحين خلصت انتي امتحانات بعد شني
انصدمت واخذتني الصفنه هاي صدگ ابوي هذا اليحچي مااصدگ كلهم خايفين منه لو شنو راح يمشون الي رايده هوه اذا اهلي مو وياي منو الي وياي قاطع حبل افكاري ابوي چرني وباس راسي بويه انتي راح تصيرين بأيادي امنه طلع من الغرفه رحت قفلت الباب اجتني نورة ادگ بلباب مافتحته مااريد احد گارهة الدنيا گلها خليت راسي على المخده بس ابچي واشهگ معقول حياتي راح تنتهي ياربي شسوي راسي يريد ينفچر وعيوني ورمن من البچي حتى مااكدر افتحهن حسيت بنفسي كمت اغفه دعيت بگلبي يارب مااكعد واخذ امانتگ فزيت على دگ الباب امي
_يمه لياان افتحي الباب
گوه گلت هاا راسي يريد ينفچر .. يمه روحي عوفيني فدوه مااريد شي منگم
_ولچ شمالچ يمه لياان كومي اكليلچ لگمه وراچ علاچ انتي من البارحه ما ماگلة
_يماا روحي فدوه مااررريد شي بصياح
ضلت تحچي اني رچعت نمت شويه وفزيت باوعت للدنيا عصر تريد تغرب گمت بالگوه اشيل بچسم احسه مگسر تگسر دخلت للحمام سبحت ومشطت شعري خليته مفتوح ماضفرته ولا لميته راسي يوچعني كلشي توضيت صليت صلاة الضهر والعصر ما مصليه لان چنت نايمه سچدت لربي سچده طويلة ودموعي ما وگفت ربي تدري شبي گلبي وتعرف طلبي الگ لا تردني خايبة گمت شلت السجادة لميتها شفت گتبي على الميز نزلت دمعتي ياالله احلامي گمت احسها تتلاشى شويه وحسيت نفسي چوعانه شسوي
فتحت الكنتور لگيت حلويات گعدت اكرط لحد ما مليت خليت راسي على المخده خذيت الفون باوعت شويه ردت احاچي زهراء بس گلت شحاجيها شمرت التليفون بقيت اتگلب منا ومنا واحچي ويا نفسي غصبت نفسي انام وغفيت حسيت صوت الباب اتفلش خفت اريد اگوم احس رچلية ماتني فتحت الباب واحس انرگع ودخل صادق بس احسه ملگ الموت شعندا چاي هذا چرني من زندي وقربني الصدره وگال صوت هز حيطان الغرفه
_شبيچ لياان ناويه تموتيني؟؟!..
شبية؟ نزلت دمعتي على خدي وخر ايدگ توچعني
خفف ايده وگال شسوين بنفسچ بس اريد اعرف ؟
باوعتلة گتلة ليش تريد ادمرني وعيون دمعها ما وگف وشهگت ليش هيچ تسوي بية بس غلطه وحده مني هيچ تريد تهلگني دفعته ورجعت ليورى وكعدت بالگاع وخليت ايدي على عيوني حسيته نزل وخر اديه من وچهي رفع راسي باصبعه باوعتلة يتمعن بوچهي
اني ادمرچ اني اهلگج اني ليان معقولة ؟؟
ايي انته بشهگات دمرتني هلگتني خليت گلشي بية يتلاشى ليششش!!
چرني من ايدي وحظني حسيت عظامي اچتي اطگ واني ادفع بيه ..
گافي ليان رحمه لله گافي دموعچ ادمرني ادمر ..
وخر دفعته وخر لا تلمسني ابد مااحب حتى اشوف وچهگ وخررر بصياح گام عدل غترته وطلع
رحت سديت الباب وگعدت ابچي على حظي ياربي شسوي
سمعت الباب يندگ رحت فتحت الباب دخلت امي وياها صينيه
_يمممه ليان شمالچ شوفي شصار بحالچ ولچ يمه
_يممااا شتردين ايصير لعد بية چرتني
كعدنا بالگاع يلة يمه اگلي باچر انروح للصالون
وگعت حتى اللگمه من ايدي _يمه شنووو شتحچين مو گال الاسبوع الچاي
_يمه ماادري اگلي واني احچي ويا ابوچ
_يمه عليچ الله فدوه .. كليت گم لگمه وگمت
_يمه تعاي وين رايحه ؟؟
يمه اريد احچي ويا بابا ..
طلعت من الغرفه نزلت لگيت اخوتي
علاوي حظني وباسني براسي وگال مبرووك يا ليونه شفتهم فرحانين شلون فرحانين واني راح انهلگ
وهشام _هم حظني الف مبرووك لياان همزين نخلص منچ يشاقه
دمعت عيوني بسرعه حظني ..ولچ لا تبچين اشاقه باسني براسي وكال روحي جدة تريدچ
_ماشي رحت لغرفه جدتي دگيت الباب فتحته لگيته موجود اچيت اطلع ما احب اشوفه ولا اسمع صوته دخلت
شافتني جدتي رحت حظنتها وبچيت
_شمالچ جدة ليان
ماكدرت اگللها مخنوگه وكاعد اموت گل لحظه
مابية جدة بس تعبانه ..
اسم الله عليچ جدة هذا شيخنا صدوقي مايخلي بيچ التعب بعد
هوه ضحگ واچه كعد على الچرباية يمها
كتلها جده انتي تضحگين علية
شني اضحگ عليچ ولچ لياان حظنتني
جده ليان اريد اگلج شي..
شنو چده كولي ؟؟!
انتي تدرين ماراح نسوي عرس
باوعتلها بصدمه گلتلها شنوو مفهمت؟
جده ليان صدوقي مستعچل يريد تعقدون هذا الاسبوع وضحگت
... يعني هااي اول مرة ازوچ ومراح البس البدله مثل البنات حسيت نفسي فصلية
شمالچ جده ليان شو ماتحچين ؟؟
احچي جدة شتردين احچي وباوعت لصادق !!
گام عدلل دشداشته وگال استريحن وليان جهزي كلشي تحتاچينه واذا محتاچ شي اني موجود وباس راسي گزبر چسمي منة طلع وسد الباب حسته سد باب عمري وياه نزلت دموعي رفعت ايدي چدتي ومسحت دمعتي من خدي
لياان جدة ترى صدوقي مو هيچ ينگره شمالچ وياه ..
اناشگ .. جدة والله مااحبه ومااريده اريد اشوف حياتي
جده لياان والله انتي دروحي اتگربي يم گلبه تلگيه ترف لا تصير هيچ وياه ترى من زمان احسه يريدچ ..
باوعتلها بس هوه يحب مريم
خايبة يا مريم راح زمانها هااي صدوقي ما تلگين مثلة ..
حچيها ما احسه يدخل لعقلي شسوي يعني مو بيدي
گتلها جدة بس اگرها ترى مو گوا
هيه غمتني ولچ انتي ما عندچ عقل صار شكد احچي گومي ميلي منا حظري روحچ روح لامچ انطاها للنيشان واخذي البنات وياچ
گومتني من الچرباية بستها براسها وغطيتها فتحت الباب ردت اطلع وگالت
جدة ليان افهمي صدوقي زين.هزيت راسي
طلعت وسديت الباب شلون افهمهم ماتقبلة مااريده محد يفهمني رحت للمطبخ ولگيت المكروده نرچس وچرتني من ايدي دفعتها وگتلها
هااي شبيچ !!....
ولچ انتي تاخذين اخوي هذا الشيخ الف بنيه تتمناه شنو انتي حتى يريدچ ولچ تعاي وشوفي شسوي بيچ ارويچ نجوم الظهر .. ردت اتگبر كتلها
حياتي نرجوسه جمال واخلاق ورادني الف بنيه بس اختارني اني
انچبي لچ لا تتعچبين بنفسچ ..
طلعت من المطبخ ورحت للغرفه امي عماتي ماگو يمگن رايحات بس امي ونور وفرح باقيات نرچس شويه واچه اخوها سجاد واخذها وراحت
نور اچتي حظنتني سوالفنا حاولن يضحگني بس عقل بغير عالم شلون تخلص ماادري صارت تقريبا 11بليل عفتهن چوا صعدت راسي يريد ينفچر يوچعني تمددت مليون فگرة براسي يربي شراح يصير بية من ازوچ صادق من الباب ينسد علينا لا لا لا يمه شسوي يوميه اشوف المگروده والله اليعلم شظام الي بعد
يتبع ....