مزاچ الشيخ(ابن عمي)

البارت الواحد والعشرون

بضحگتگ ضيعت الهوا
              وصحتلگ اريد انفاسي 🖤

شگد احاول انساگ بس حتى نسيانگ غريب ليش رچعت بعد هالغيبه هاي متدري شگم مره عين بچيتگ عليگ وشگم ليله ماارتاحيت بيها  شگد ما احاول انساگ اعرف روحي بقت
ونسيتها يمگ گل تفگيري انشغل بيه والف فگره وسؤال اچه ابالي بعدين استغفرت وگلت ليان گافي ميستاهلچ وماراجع لخاطرچ هم تلگينه لعب على مريم وطلگها .. قاطعت حبل افگاري
فطوم_وين صافن الحلوو
هاا لا حياتي ماكو شي بس نعست واريد انام
فطوم_اووي سودة علية اليوم الحظن ماكو نامي يمي
باوعت صفح وكتلها شبيچ شوكت تتزوجين واخلص
فطوم_ابقى على گليبچ ... وتهز چتف

والله الچ خلگ اني انام احس اتمددت على چربايتها وهيه اجتي بصفي درت وجهي من الچهه الثانيه
فطوم_مو تزعلين كليبي والله عباس يرجع واشبعي من الحظن ادري الشوگ گاتلچ
اهوو تلصمين لو اگوم اخنگچ ..عفتها مدري شتحچي وغمضت عيوني وساعه اشوف صادق يربي واستغفر واتعوذ من الشيطان
تقريبا شهر ونص وسوده علية عباس بلواچب بس من يخابر على فطوم ميسأل علية ويكللها شلونها او خلي احچي وياها هواي غثاني بسوايته  وانقهرت منة ومرت هاي الايام ما اتصلت بأهلي ابد لان اعرف بنفسي من راح اسمع باخباره راح اضعف وهذا الشي غلط ومثل كل يوم انضف واخلص لو اسولف ويا خالتي وفطوم و انام يم خالتي لو فطوم لان مااكدر انام بالغرفه هم خالتي متقبل وهم مااعرف تعودت على وجود عباس لو اباوع تلفزيون  لان الاخبار چانت خرابه واشبع قهر على جيشنا والوطن ولا فديوم ارتاح
ويوم 2010/12/5
طلعت بلكراج تقريبا الضهر ب12ونص ارش الزرع قليل طالع بلحديقه والچو شوي بارد حسيت الباب انفتح واني دايره ضهري درت وجهي اباوع بطوله واگف وشايل چنطه الچيش بس شافني ذباها واني ذبيت الصونده وبسرعه حظنته بلاوعي لان صدگ اشتاگيت الة وهوه بادلني وتقرب يم رگبتي وچر نفسي
عباس_اشتاگيت لهذا العطر والگعبه وخرني منه وخر خصلات شعري لان چانت على وجهي وباسني من راسي

گتلة اشتاقت الگ
عباس_اني اگثر واريد اكلج شي قبل لاندخل ما سألت عليچ ولا ردت اسمع صوتچ لان ما اتحمل والله لا تضوچين مني
وعيونك مااضوچ تعال ندخل الچو بارد وخالتي هم راح اطير من الفرح بشوفتگ
اول مدخلنا خالة شبعت بچي واني دموعي موگفن لان حيل خفت عليه چانت الاوضاع خطره وموزينه 
ام عباس_يمه الف يا علي بلساني كل يوم حتى ترچع سالم .. تحچي وتبچي

يمه اني سبع وعلي ناصرنا انشاء الله وهالدموع ماريدهن اريد ضحكه منچ

ام عباس_ اطيگ كل ضحكه بيه لخاطر اشوفنگ وشوف شحالنا داخلين بأزمه وخوف ورعب حتى بعرسگ ما متهني غير تاخذ اچازة
عباس_لا اخذت هسه لمده شهر لان رأس السنه قريبا وانشاء الله سنه خير وستر وعافيه فطيم وينها
فطوم_اچيت .. وتبچي ورگضت حظنته والله ميتن رعب عليگ خويه الف الحمدالله على رچعتگ
باسها براسها عباس_عود هاي انتي السباعيه هيچ تبچين بسرعه شبيچن كلجن امهات ادميعه
ضحگنا شويه وكتلة عباس غسل وارتاح واصب الغده ناكل سوا
ام عباس_اي يمه روح غسل وتعال اگل لان شمالگ وجهگ مصفر
عباس_.. باس ايدها يمه وداعتچ شوفتچ رچعتلي العافيه والله
ام عباس_يا بعد بيتي انته يمه
صعد واخذ الچنطه رحت وراها دخل للحمام حظرت الة ملابس بيت ورتبت الچنطه طلعت الملابس اغسلهن وكم شغلة منهن وخليتهن على الميز ردت اطلع واخذت الملابس وانفتح باب الحمام درت وچهي  ينشف بشعره بالمنشفه  شگد يچذبني الوشم مالته وباوعلي ذب المنشفه واجه يم باب الغرفه وچرني من خصري وكعت الملابس من ايدي وتقرب خله اصبع على شفتي ويتلامس واتقرب اكثر واخذ شفتي
عباس_ هاي تحيه خاصه الچ واشتاقيت الها هم
ابتسمت عباس عوفني اروح اصب الغده اتاخرت
عباس_لا مااعوفچ شتردين سوي ترى اني قاسي ورفع حاچبه
لا والله دعوفني هسه وبعدين صير قاسي
عباس_انتي تتحملين الملامه
ضحگت خليني هسه اروح فدوه
عباس_ابتسم وتقرب خلة خشمه يم خشمي وگال روحي خلي الغده ترى حيل جوعان انوب ابتلي بيچ
لميت الملابس وطلعت من الغرفه بقيت افگر بيه الف الحمدالله رچع هسه كلشي يصير طبيعي وقربه يمي يخليني احبه واحترمه اگثر
صبيت الغده واجتي خالتي وفطوم وعباس شويه اتاخر بعدين اجه
ام عباس_يمه شمالك تعبت ليان وبرد الاكل وين جنت
عباس_بقى ساكت .. اتعجبت محچه شي كلينا وخلصنا بگل هدوء ولا واحد حچه لميت المواعين وغسلتهن فطوم خطيه رادت اتساعدني بس كتلها ارتاحي ونضفت المطبخ خلصت صعدت فوگ لگيته نايم يمكن تعبان دخلت للحمام سبحت وطلعت لبست دشداشه مارونيه قصيره گعدت امشط بشعري واچه كعد وراي فزيت خله اديه على خصري
عباس_هاي اني حبيبتي
فززتني .. وخليت ايدي على گلبي عبالي نايم لان تعبان
عباس_اي حيل تعبان بس بشوفتچ گلشي راح والله .. اخذ المشط من ايدي وبده يمشط بشعري خصله خصله