هضيّمه شما تطشرني
يلمني الليل مو چفك .🖤🧿🕊️
حِبني قشمرني بهلا ومشتاگلك !🖤🧿🕊️
دخلت للبيت صارت بوجهي مروه تلگتني
مروة_اسم الله ليونه شبيچ
احچي وگوه اچر النفس كتلها اچه شعندا چاي
مروة_ياا ليان اسم الله حبيبتي جري نفس وشوي شوي گولي شنو السالفه ..
سمعنه فتحته الباب اني مدرت وچهي لان ادري بيه هوه وبس اشوف يرچع الگلب يحن واذا هوه عتابي يغثه بعد شسوي اله حتى يحن قاطع حبل افگاري
وكال السلام عليكم
مروة_وعليكم السلام هلا بيك الله يساعدگ
صادق_الهلا بيچ ويساعدج الله .... اني مرديت بسرعه عفتهم ودخلت لغرفه امي
باوعت من الشباگ مال الغرفه مدري شحچه ويا مروة وطلع دخلت مروة للغرفه جريتها
تعاي احجيلي ليش اچه شعندا
مروة_ انتي شبيچ ليان لا تضلين تتختلين منه لا واچهيه خلي هوه يعرف خسرچ خسر هالگنز
فدوه مروة شخسرني هوه عمره محبني وامتلگني وهسه عوفيني بحالي وكولي ليش اچه
مروة_اووف منچ اچه على ابوچ لان باچر الاربعين واچه يحجي بموضوع الثواب وتعرفين
تنهدت وذبيت حسره باچر الاربعين تذگرته من يچي عمي ويضحگنا صدك لو كالوا الزين الله ياخذه
مروه_حبيبتي لياان كلنا على هذا الطريق قدر مكتوب علينا ويارب حسن الخاتمه
ايي صحيح كلامچ بس نريد حسن الخاتمه
مروة_ايي اليوم شطالع صادق بالدشداشه النيلية
.. باوعت الها صفح
ترى لا تحرگين بدمي والله من العصبيه ودمي محروگ لو تخلين اگل ينطبخ
مروه_اي فدوه التمن خلي يتهدر
اهووو مروه
مروه_اشاقه يعمري اصلا دعوفينا من هذا المكرود
انتي كل شوي منطيته اسم
مروه_ايي والله مااعرف شاوصفه وانتي لياان بلة اوصفيه
شتردين اوصف طوله الهيبه لو عطره من يدخل بيتنا يخنگني بيه لو مشيته وعيونه التسحر وضحگته وساعته وسبحته من يفرها على ايده
مروه_ هيووو وين سرحتي يمعوده
ياا خذتني الصفنه والله بس لو اوصفه لطول العمر متعبر عن اوصافه
مروه_دعوفي اوصافه وروحي سوي ليمون لندا مشتهيته واني رايحه اشر الملابس
بلة اريد اشوف ابن اخوي المكرود هذا المعنفص شلون يطلع عليمن .. اذا عليها ارچعه للمستشفى اكللهم مغشوش
مروه_..طكتها بضحكه ..دعوفي الحچي وروحي لا خاله تستلمنا بلرزايل
...رحت سويت عصير ليمون وديته لندا وكل شوي تتشرط اريد هذا لا مااريد هذا
بطلاع الروح نامت غطيتها وطلعت
باوعت ع الساعه 5العصر گلت خلي اروح انام احسن نعست وتعبت وبس انام مااكعد الثاني يوم
صعدت للغرفه واتصلت على الخبلة زهراء
الوو هلا زهراء
زهراء_يمه هلا بلگلبي هلا بلچلاوي
صرت جلاوي
زهراء_ولچ انتي معده وبنكرياس والاعضاء كلهن
يمه حبيبتي فدوه لگلبچ شلونچ
زهراء_ الحمدالله من خابرتي علية والله اي باچر احمم
انتبهت الها شنوو احمم
زهراء_ثول باچر الاربعين اچيچ باجر من الصبح قنعت ابوي اچي وهم اريد اشوف سوسايتي
اهووو زهراء اولا هلا بيچ ثاني شي شنو سوسايه مدري ساسوگي المهم تجين تگعدين يمي مو منا ومنا عوفي السوس شويه
زهراء_اعوف روحي ومااعوف سوسايتي
امداچ وامداه يلعوبه اني راح اروح والف هلا بيچ باچر زوزو
زهراء_فديتچ الهلا بيج الله وياچ نلتقي باچر
.. سديته منها واني افگر باچر شيخلصه اليوم اشوفه وهم تچي مريم لا هاي هيه اگتملت .. ضليت اتگلب منا ومنا حسيت بنفسي غفيت ماگعدت الا على صوت الباب يندگ باوعت الدنيا نهار باوعت على الساعه 10 گمت بسرعه وفتحته
أنت تقرأ
مزاچ الشيخ(ابن عمي)
Roman d'amourآميزك لو چنت گطره ويه زخه بـ ليل .. و اليكسسـر خاطرههـا أكسسـر رگبتـهہ.. بقلم# قصه حقيقه... اماني العيساوي
