اچيت بگل صلافه وچايب اعذار تريدني ارچع واگلگ اني حبيتگ💔✨
انهارت اعصابي من الرساله ليش يحاول يحاچيني واني اريد انساه ترى ذبيتگ بمزبلة الخيانه انته بگل عين صلفه بعتني واني بطيبه گلب وبعفه چازيتگ
بسرعه محيته وغلقت التلفون خليت راسي ع المخده گافي تعبت كل مسامه بيه من التفگير بيه اني شالعه گلبي والوب گل يوم ياريت يحس بية تالي گاتبلي عذر اقبح من الدنيا گلها مااريد گلبي يحن گافي ادمرت والله ادمرت
فزيت باوعت الساعه ب9 گمت چريت التلفون وشغلته بقيته على الچربايه كمت على المرايه الم بشعري واسمع ونه مال رساله رحت چريت رساله من عباس
كاتب
عباس_صباح الخير يلخير اليچيني بشوفه عيونچ
غميت گصتي يلة شكد استحي هسه شرد عليه هذا الرومانسي گتبت اله منين چبت رقمي!؟
دقايق ورد
عباس_ليش انتي گل ماتصبحين بوچهه واحد تكليلة منين چبت رقمي
اني ضحگت اجيت اكتب الة رد وبسرعه اتصل شويه ورديت
الوو
عباس_الوو تدرين تشبه رچعه الروح الجسمي
اني چفلت شحچي كمت امتتم حتى معرفت شحچي
هوه ضحگ كال
عباس_تتعودين على حچيي شلونچ
الحمدالله وانته
عباس_ بخير اذا سمعت ضحگتچ
اني ضحگت كتلة شلونه خالة وفاطمه (طبعا ابو عباس متوفي من سنين)
عباس_الحمدالله زينات
انشاء الله بخير
عباس_ اتريكتي عيوني
لاوالله بعدني هسه گعدت وانته
عباس_لا الحمدالله گعدنا من 7الصبح شعچب هالوكت تگعدين ليش تسهرين
بلعافيه اي مرات ادرس واتعب
عباس_شوكت تخلصين وبعد مااخليچ اتعبين.. حچها وضحگ
احس نار اشتعلت ابوچهي ماادري احس ماارتاح من احجي وياه رغم هوه حلالي
الگلب مو بلغصب انخليه يحب ولا نچبره
عباس_الوو وين رحتي
لا موجوده
عباس_اضاهر الاريل گام يعطل روحي تريگي حبيبتي
يا اريل
طگها بضحگه
عباس_بعدچ زغيرونه روحي اگلي وديري بالچ على روحچ ترى روحي وياچ
كتلة بهدوء انشاء الله الله وياگ
سديته وذبيت التلفون ودخلت سبحت وتوضيت وطلعت امشط بشعري وصافنه
اتذگر حچي عباس يمگن راح يعوضني على كل دمعه مني ليش ادمر نفسي وروحي على شخص مامهتم گل شهكه ودمعه وقهره عليه ما انطاني وچه لبسني وبهذل احوالي وراح خلصت شعري لميته وصليت وبسجدتي دمعتي تنزل وربي يعلم شنو بگلبي خلصت ولميت السجادة باوعت على ايدي بفيت افر بلحلقه نزعتها واشوف بلحافه مگتوب عباس شنو هاي موديل لو شنو رچعت لبستها ونزلت البيت هدوء رحت الغرفه امي اتصلي وابوي طالعه واخواني هم يمكن بس مروه ولندا بالمطبخ دخلت
لندا_هلاهل هلاهل اليوم يوم القيامه شعچب نازله من الصبح
ها يعني ترديني اولي
مروه_ لا حبيبتي شعچب منچ من الشيطان مو من عوايدچ
لندا_يااا فهمت وراچ بيت وعيال ورچال تردين تتعلمين
مروه_اي حقها بعد كم يوم تصير مره معتبرة
ترى لامرة ولا حلقوم ترى نزلت لان چوعانه اكل وارجع انام .. لندا رفعت ايدها وغمتني
لندا_مابيچ خير عباس ابتلى بيچ بلوة
أنت تقرأ
مزاچ الشيخ(ابن عمي)
Romansaآميزك لو چنت گطره ويه زخه بـ ليل .. و اليكسسـر خاطرههـا أكسسـر رگبتـهہ.. بقلم# قصه حقيقه... اماني العيساوي
