مر اسبوعين محصلش فيهم حاجه غير أن مالك كل ليله بعد شغله بيكلم ساره واتس وساره حبيته طبعا بس مش عايزه تتجوزه وخصوصا ان مالك ظروفه احسن بكتير من ظروفها دا ابن اغني اغنياء البلد بس مالك ع طول بيزن عليها وهي اتأكدت انه مش زي رحيم لانه بيزن عليها دايما انهم تتجوزه بس يا ترى ساره هتحن قلبها ولا
.............
اما ليث ف هو عايش لوحده في قصره لانه وضعه المادي عالي جدا ومفيش اي جديد في حياته هو ملتزم من البيت للشركه ومن الشركه للبيت وطبعا دا ميمنعش انه يسافر لانه عنده قصر في دبي بردو
.............
اما استاذ رحيم فهو مقضيها ع الاخر سهر و خمر وشركه ونجاح وبقاا أشهر واكبر رجل أعمال في البلد مع صغر سنه ودا اللي خلاه يبقا ليه أعداء كتير جدا
...............
في يوم في البيت عند استاذ محمد
مريم : ساره يا ساره تعالي يا بنتي ساعديني ما انتي النهارده اجازه تعاالي بقاا
ساره : انا جيت اهو يا ماما ها بقاا بتطبخي اي
مريم : محشي ورق عنب عشان زهره كانت عاوزاه
ساره : مممم وهي زهره بس هي اللي عاوزاه مهو بابا كمان عاوزه
مريم : بس بقا اديني طبخته وخلاص مش مهم مين عايزه
زهره وهي خارجه من اوضتها : اي الجمال دا يا مامتي ورق عنب وحركات هههه
ساره : ايوا النهارده اجازه وابوكي فالبيت هههه
مريم : تصدقوا ان أنا استاهل ضرب الجزمه عشان ناديت عليكم غوروا من وشي
زهره و ساره بخوف مصطنع : حاضر هنغور اهوو
راحوا وقعدوا فأوضه ساره واول ما دخلو كان مالك بيرن وزهره شافت الاسم
زهره : اي دا يا ساره
ساره : أأأ دا دا دا ماالك يا زهرره
زهره : تصدقي اني مقرآتش الاسم منا عارفه انه زي زفت قوليلي مين دا
ساره : حااضر بس ونبي متزعقيش ماما لو عرفت هتتعب وانتي عارفه انها تعبانه
زهره : لو كذبتي في اي كلمه مش هتردد اقولها
ساره: حاضر بصي يا ستي......
ساره حكت لزهره عن كل حاجه من اول ما شافت مالك لحد ما رن عليها دلوقتي
زهره : طيب لو رن تاني ردي
التليفون رن وهو في ايد زهره و اديته لساره وقالتلها :
ردي وافتحي الاسبيكر
ساره : حاضر... الو
مالك : اي يا ساره كل دا عشان تردي فكرت حصل للمامتك حاجه
ساره : لا لا ماما كويسه
_ طب الحمد لله وانتي بقاا عامله اي
_ انا انا كويسه يا مالك كويسه
_ مالك يا ساره فيكي اي
_ هاا لا مليش حاجه
زهره كتمت الصوت وقالتلها تقوله انه لو فعلا بيحبها يجي ويتجوزها ورجعوا الصوت تاني
مالك : الو ساره ساره انتي روحتي فين
_ انا معاك يا مالك بقولك اي يمالك مش انت قولتلي انك عاوز تتجوزيني
_ طبعا يا قلب مالك عاوز اتجوزك
_ يبقا تدخل البيت من بابه لاني معتش هكلمك وهعملك بلوك ع الواتس باي يا مالك
قفلت الخط و فعلا عملت بلوك ع الواتس ومعرفش يكلمها تاني وقعدت تعيط
زهره اخدتها في حضنها وقالت :
بصي يا ساره انا قولتلك كدا عشان يشوفك غاليه مش رخيصه ويدخل البيت من بابه زي ما قولتيله ولو هو فعلا بيحبك هيجي ويتقدملك
ساره وهي بتمسح دموعها : طب لو لو مش بيحبني
زهره : يبقا مش هيجي يا ساره وسبتها وخرجت من الأوضه بتاعت ساره
وساره قاعدت تدعي انه يجي ويتقدملها
..............
في قصر المنياوي
سهيله : وياتري مين سعيده الحظ اللي وافقت عليك
مالك : اممممم اسمها ساره
أسر : ايوا ماشي عيلتها اي ابوها بيشتغل اي كدا يعني
هنا دخل رحيم ودا كان أول مره يدخل البيت بدري
مالك : رحيم حبيبي حمد لله على السلامة
رحيم : ممم شكلك عامل مصيبه
مالك هز راسه ب لأ
رحيم : طيب
أسر : شوفت يا رحيم مالك قرر يتجوز
رحيم : مين هي
سهيله : قول بقا يامالك الله عايزه اعرفها
رحيم: قول اسمها بالكامل ونا اسألك عليها
مالك وهو مغمض : ساره ساره محمد الرفاعي
رحيم اول ما سمع الاسم بصله وبرق وسابه وطلع
أسر : طيب اهو الاسم بقا مع رحيم وهيبعت جاسر يسأل عنها
(جاسر دا البودي جارد بتاع رحيم ودراعه اليمين)
مالك طلع لرحيم
_ اي يا رحيم اول ما سمعت اسمها في كهربا دخلت جسمك اي في اي
_ يلا نروحلهم
_ نعم بصفاتنا اي
_ محمد ومحاسب عندي ونا صاحب الشركه اي مش كفايه
_ لا لا كفايه يلا نروح
في العربيه
_ طيب قول اي رأيك فيهاا
_ منا رايح هناك عشان أقولك اي رأي
.............
وصلوا البيت وطلعوا وخبطوا زهره هي اللي فتحت لسوء حظهاا
زهره لما فتحت انبهرت من شكلهم هما الاتنين حلوين جدا خصوصا بعيونهم دي بس هي اتشدت لرحيم اوووي بس مش عارفه السبب
زهره : حضرتكم عاوزين مين
رحيم باعجاب : انتي ساره
مالك : لا لا مش هي
رحيم : ع عموم انا عاوز استاذ محمد
زهره بخوف : بابا لي هو عمل اي
رحيم : طب مش هندخل طيب
زهره : اتفضلوا
بابا في نااس عاوزاك
محمد اول ما شاف رحيم اترعب: رحيم بيه اتفضل اتفضل يا مالك بيه اتفضلوا البيت نور والله
قاعدوا فالصالون واتعرفوا ع بعض ومريم و ساره و زهره قاعدين جنب ابوهم
رحيم بص لمالك : اتكلم
_ اقول اي الله يحرقك البت خايفه من منظرك
_ مين فيهم الاتنين خايفين
_ ساره ساره انا ماليش دعوه بالتانيه دي
رحيم في سره: مالها التانيه ماهي زي القمر اهي
احمم طبعا حضرتك مستغرب احنا هنا لي
محمد : لا البيت بيتكوا تنوروا في اي وقت
رحيم : انا جاي عشان اطلب ايد بنتك لمالك
محمد وهو بيبص لبناته محتار انهي واحده فيهم
مالك : ساره يا استاذ محمد
محمد : انا انا اتشرف بحضرتك بس هما فين والدك والدتك
مالك بص لرحيم ومعرفش يرد
رحيم : وهو انا مش مالي عينك ولا اي
زهره مقدرتش متردش : انت بتتكلم مع بابا لي كدا
محمد : هي قصدها تقول لحضرتك
رحيم قاطعه : مش عايز اعرف قصدها وبصلها خلاها تخاف منه وسكتت
محمد : رحيم بيه حضرتك طبعا مالي عين بس يعني بردو مينفعش كان يجي من غير والده والدته ولا اي
رحيم : عارف انا بس كنت عايز ردكم وعشان لو موافقين نيجي المره الجايه بالعيله كلها
محمد بص لساره : انا مليش كلمه الكلمه كلمه ساره
ساره: اللي تشوفه يا بابا
محمد : ع خيرت الله
رحيم : يبقا نقرأ الفاتحه وقريب اوووي الخطوبه
مالك : بجد
رحيم : انت عارف اني مش برجع في كلمتي
مالك : ربنا يخليك ليا يا رحيم يا رب
رحيم : طب يلا نقرأ الفاتحه ولا انت مش حافظها
مالك : انا بردو اللي مش حافظهاا
وقرأوا الفاتحه وساره كانت في قمه سعادتها لانه اثبتلها انه بيحبها ومريم وزهره كانوا فرحنين عشانها ومحمد كان خايف بس اللي مطمنه انها هتبقا مع مالك مش رحيم
اما مالك فهو كان في سابع سماا ومش عايز ينزل منها
ورحيم لحد دلوقتي هو مش عارف عمل كدا ازاي بس اللي يعرفه انه مينفعش يرجع في كلامه والا ميبقاش رحيم المنياوي
| آية العراقي |
