_طلقني
قالتها زهره بتحدي وعنيها في عيونه وجواها صراع كبير صراع ضخم مابين قلبها اللي بيقولها مستحيل تعيشي من غيره وعقلها اللي بيقولها طظ في اي حد هيشك فيا ولو لحظه
رحيم بصدمه :اي
_بقولك طلقني
_لي
زهره ضحكت بوجع:يعني مش عارف
رحيم راح مسك ايدها : لا مش عارف قوليلي انتي
زهره بصت لايده وبصت في عيونه و بوجع
_ عشان انت مفيش فايده فيك ابدا مهما عملت معاك هتفضل رحيم القاسي واللي مبيرحمش
_لي بتقولي كدا
_عشان انا الوحيده اللي دقت من عذابك دا
_عذابي! بقا حبي ليكي عذاب
_حب
_ايوا حب انا مش بس بحبك انا بعشقك
_و جاي تقولها بعد اي ما خلاص
_يمكن الوقت متأخر بس اهو قولتهالك وعرفتي اني بحبك
زهره بصتله وبعدت ايديها اللي كان ماسكها
_معتش ينفع نبقا مع بعض تاني
_لي بس اي الجديد اللي حصل
_انك عمرك ما وثقت فيا
_اي اللي انتي بتقوليه دا
_اي هتنكر
_انكر اي
زهره ب صراخ: انك اخدت الدكتوره بعيد عني عشان تعرف تعمل تحليل D. N. E من غير ما اسمعك وطبعا عشانك صاحب المستشفى طلع في نص ساعه بس مش اكتر
زهره سقفت بأديها وقالت وهي بتعيط
_بس اللي انت نسيته اني دكتوره وفاهمه انت بتعمل اي كويس
رحيم كان لسه هيحط ايده ع وشها هي صرخت في وقالت
_ابعد عني مش عاوزاك تلمسني تاني انت فاهم انت دايما بتكسرني ونا ساكته يوم الفرح كسرت ب خاطري وخاليت الليله اللي بتتمناها كل بنت اتعس ليله في حياتي، بعد ما كانت عينيك بتقولي بحبك تيجي ليلتها وتقولي اني مجرد تسليه مش اكتر كان ممكن تقضيها مع أي عاهره من اللي تعرفهم بس انت عارف كويس اني مش زيهم كان نفسك تجرب حاجه جديد
كان نفسك تقرب من واحده لسه عذراء وتكون اول راجل لمسها، وبرافوا عليك حققت حلمك
رحيم : لي مش راضيه تسمعي مني وتسمعي ظروفي اللي اجبرتني ع اني أأ..
زهره قاطعته ب:
اجبرتك ع اي ها اجبرتك ع انك تكسر ب خاطري يوم فرحنا ونت عارف اني عشقتك اجبرتك انك ترفعني لسابع سما وتنزلي لسابع ارض بعدها ب ثواني اجبرتك انك كل ليله تجيلي سكران ومع واحده شكل اجبرتك تشك فيا وتوصلك انك تعمل ل ابنك تحليل تعرف منه ابنك ولا لأ
رحيم : زهره انا الظروف علمتني اني ماديش ثقتي كلها لحد
ممكن في يوم من الايام يكسرني
زهره بهدوء ما قبل العاصفه
_وانا مطلبتش ثقتك انا طلبت حبك وشويه هيبقا عشق وشويه وهيبقا صدق لحد ما يبقا ثقه
_طب ما انا معاكي اهو واحده واحده انا بجد عشقتك ومن النهارده هك...
_من النهارده معتش في حاجه اسمها زهره ورحيم لأنهم خلاص هيطلقوا
رحيم بعند : وانا مش هطلق
زهره بعند اكتر : يبقا هرفع قضيه خلع
رحيم بصلهاجامد وقال : لي عاوزه تبعدي بعد ما قربتي
_انت اللي بتبعد مش انا
_وانا قررت خلاص هقرب
_بعد اي
_يعني اي
زهره بتعب ومسكت بطنها من كتر الوجع اللي حساه
_يعني انا عاوزه اطلق
_ماشي ي زهره هطلقك
زهره بصتله ودمعت وقعدت ع السرير ووشها في الأرض
رحيم
_انتي طالق ي زهره.... طالق.... طالق
وسابها وخرج خرج من المستشفى وحياتها كلها خرج واحتمال كبير معتش يرجع، زهره عيطت من جواها ايوا كانت عاوزه تطلق بس مش كدا مش بسرعه كدا هي فكرته هيتمسك بيها اكتر من كدا بس هي كمان غلطانه هي اتخلت وهو شك
والاتنين لو اكتملوا الحياه بتخرب ومستحيل تكمل
مسكت بطنها وكلمت ابنها
_بابي مش وحش بس هو خلاص سابني خلاص مشي ومعتش راجع
اااااااااااااه يا رحيم لو تعرف قد اي بحبك وقد اي مكسوره منك اه لو تعرف قد اي عشقتك وقد اي كرهتك اه لو تعرف ان بعد كل اللي عملته دا لسه بحبك
................................
_انت بتقول اي
_زي ما سمعت يا بيه طلقها
_اممم طب وهو راح فين دلوقت
_سافر
_وهي
_اكيد هتروح عند باباها
ضحك بشر وقال : تؤ هتيجي عندي انا هههههههه
استوووووووووووب
دي تصبيره كدا عشان منزلتش بارت امبارح بس استنوا البارت الجديد هنتعرف ع ناس جديده أحداث كتير ومفاجأت اكتر
| آية العراقي |
