في النادي
ليث قاعد مستني يهدين بس هي لسه مأجتش ودي كانت أول مره تتأخر عليه
كلم ابوها فون يطمن عليها
ليث :الو
_الو أذيك يا ليث بيه
_مش قولنا اسمي ليث ومش بيه ولا حاجه
_ماشي يا ليث كدا تمم
_تمم جدا اممم الا هي يهدين فين
_يهدين نايمه ومش راضيه تتكلم مع حد
_لي بس مالها
_والله يا ابني مانا عارف هي كدا من ساعه ما كلمتك بليل هو انت قولتلها حاجه تزعلها
_لا ابدا والله مش عارف فيها أي
طب ممكن اجي ازورها
_اه طبعا يا ابني البيت بيتك
_شكرا اووي انا مسافه الطريق واكون عندك
_تنور يا حبيبي
ليث ساق العربيه بأقصى سرعته عاوز يعرف أي اللي مزعلها واي مخاليها مش عاوزه تشوف حد
الباب بيخبط
مروان فتح وقال : اهلا اتفضل يا ابني ادخل
_أذي حضرتك عامل اي
_انا كويس بس عاوز اعرف يهدين مالها واي اللي مزعلها انت عارف حالتها مش بتتكلم بس هي معاك بتحاول ع قد ما تقدر تفهمك هي عاوزه تقول اي
_ متقلقش ان شاء الله مش هيبقا في حاجه ينفع ادخلها
_اه طبعا اتفضل
ليث خبط ع الباب ومحدش فتح خبط وخبط بدل المره الف لحد ما قرر انه يدخل ع طول واول ما دخل لقاها مغماه عليها وايديها بتنزف وجنبها حتت ازازه من المرايا المتكسره اللي فالاوضه اول ما شفها كدا راح ناحيتها وبيخبط ع خدودها و ضهرها وهي مش بتستجيب له فقرر يوديها المستشفي
بره اوضه العمليات
ليث قاعد وسرحان في سقف المستشفى هو مش عارف اي اللي يوصلها لكدا واي اللي يخاليها تعمل كدا في يوم وليله كدا بس قلبه مجروح لما حس انه ممكن يخسرها هو معتش عنده حاجه يخسرها ابوه وأمه وصاحب عمره كل دول اتخلوا عنه معتش عنده حاجه اهم من يهدين
اما ابوها فهو من ساعه اللي حصل وهو مش مصدق ازاي بنته اللي مربيها وعارفه دينها وملتزمه بيه تحاول انها تنتحر واتأكد ان ورا الموضوع دا موضوع اكبر
وبعد نص ساعه ناس خارجه وناس داخله وبتجري من اوضه العمليات وصوت جهاز بيزيد وبيعلن ع ان خط حياتها ممكن يوقف في اي لحظه
ليث وقف ممرضه من اللي خرجت وسألتها
_ممكن تقولي هي عامله اي دلوقتي
_ هي نزفت دم كتير جدا وفصيله دمها مش موجوده حاليًا فالمستشفى ولو ملحقنهاش لقدر الله هيحصلها حاجه
ليث بخوف عليها : طب هي اي فصيله دمها
_ o سالب
ليث : انا فصيله دمى o سالب
_طب تقدر تتبرع بجزء كبير هي نزفت كتير جدا
_اه اه اقدر بس يلا بسرعه عشان نلحقها
_اتفضل معانا
الممرضه عقمت ليث ودخلته لاوضه العمليات هو كمان وقعد ع السرير اللي جنب يهدين و دمه بيتنقل لجسمها بس هو مش حاسس بأي حاجه غير وجع في قلبه وبس ولما خالصوا نقل الدم خرج من الأوضه تاني
وبعد شويه خرج الدكتور
ليث وابو يهدين : هاا يا دكتور
_متقلقوش يا جماعه هي بقت كويسه جدا والبركه في ليث بيه لولا الدم اللي اتبرع بيه كان زمان حالتها وحشه بس الحمد لله ازمه وعدت وياريت تعرفوا اي السبب في اللي حصل دا
ليث :تمم يا دكتور بس ينفع نشوفها
_اه طبعا هي اتنقلت اوضه عاديه تقدروا تشوفوها
مروان :شكرا جدا يادكتور تعبناك معانا
_انا معملتش غير واجبي عن اذنكو
ليث لمروان : طب اتفضل انت ادخلها وانا هعمل حاجه وجاي
_ماشي يا بني معلش تعبناك معانا انت كمان
_تعب اي بس اهم حاجه سلامتها
مروان دخل ليهدين واللي هي طبعا لسه مفاقتش وليث نزل يدفع حساب المستشفى ووصي عليها الممرضات عشان حالتها تتحسن اسرع وراحلهم تاني
وكل واحد فيهم مستانيها تفوق
مروان : هي كل دا ومفاقتش
ليث :دا طبيعي اللي كانت فيه مش شويه
مروان : ربنا يستر وتبقا بخير
ليث باصلها وقال : يارب تقوميلي بالسلامه يا يهدين
الممرضه دخلت وقالت لهم ان مفيش داعي انهم يفضلوا معاها وانها كدا كدا مش هتفوق النهارده
ولكن محدش منهم روح وفضلوا معاها
