رحيم روح بيته لقى مالك
مالك : اي يا رحيم مالك
رحيم :مفيش.. عن اذنك
سابه وطلع اوضته ومالك راح وراه وشافه بيحط هدومه في شنطه كبيره
مالك :اي رايح فين وفين زهره
رحيم بصله : زهره
مالك :في اي يا رحيم انت سكران ولا إي
رحيم :تؤ مش سكران ولا حاجه
مالك بشك:رحيم فين مراتك
رحيم بوجع:معدتش مراتي
مالك ب عدم فهم :مش فاهم
رحيم مسك شنطه وبص ل مالك وقال
_طلقتها يا مالك طلقتها
مالك :نعم طل.. اي
_زي ما سمعت طلقتها
_لي
_هي اللي طلبت الطلاق
_اه وانت من امتى بتنفذ الأوامر يعني
_من النهارده عن اذنك بقا
_استنى هنا انت رايح فين وبعدين انتوا كنتوا رايحين المستشفى اي اللي حصل بقا
_كل اللي حصل اني شكيت فيها شكيت ف اللي سحبت روحي مني واخدتها شكيت فاللي دخلت قلبي وقفلت عليه كسرتها تاني
_اي الالغاز دي
رحيم ساب الشنطه وقعد ع السرير و بتوهان
_عملت تحليل D. N. Eللبيبي قبل ما يتولد حتى قبل ما اشوفه قبل ما المسه ونسيت انها دكتوره وفاهمه انا بعمل اي
انا مستهلهاش يامالك هي تستاهل حد احسن مني بكتير
_وابنك
_ماله
_هتسيبه للحد اللي احسن منك دا يربيه
رحيم :......
_ولا مراتك هتسيبها لحد تاني يلمسها
رحيم قام وقف وزعق :لاا
مالك :يبقا يلا روحلها
رحيم بيأس :لا هي محتاجه تهدي شويه من غيري
_طيب انت لميت شنطتك ليه
_هروح اقعد في فيلتي
_لي طب ماهيي..
رحيم قاطعه : معلش عاوز أقعد لوحدي الفتره دي
_خلاص براحتك
...................
عند زهره في بيت ابوها
محمد بيزعق: انا كنت عارف انكوا عمركوا ما هتنفعوا مع بعض والحمد الله انه طلقك
مريم :انت اي اللي بتقوله دا هاا فرحان ان حفيدك هيجي وابوه وأمه مطلقين
محمد : امه مش مطلقه امه ارمله
زهره اول ما سمعت الكلمه دي قامت وقفت
_اي اللي حضرتك بتقوله دا انا اه طلبت الطلاق بس عشان عاوزه البيبي يبقا كويس ومستقر في بطني إنما لو رحيم رجع وقالي انه عاوز يرديني فأنا ونا مغمضه هوافق
_لي كل دا
_عشان حبيته
_حبيتي واحد ما يستهلش
_لا ي بابا يستاهل رحيم اتغير جدا ايوا في بدايه جوازنا كان بيجي سكران بس مدير اعماله كان بيقولي انه ملمسش واحده من بعد ما اتجوزني ومره ف مره بقا بيجي البيت بدري وينام في حضني انا مش واحده تانيه هو بس كل مشكلته الشك ونا هقدر اهد السور دا ويبقا بينا ثقه
محمد وهو داخل اوضته
_ ربنا يسهل ويهديه يلا تصبحوا ع خير
............
مر شهر وشهرين ومفيش اي جديد زهره واخده بالها جدا من البيبي وحريصه عليه وطبعا يومها مش بيحلي الا لو كلمت البيبي شويه عن رحيم وحبها ليه
اما رحيم ف هو من يوم ما طلق زهره هو ليل نهار في الشغل وبيأمن مستقبله ومستقبل زهره ومستقبل البيبي اللي هيموت ويشوفه ويتكلم معاه عن حبه لمامته، حبه لزهرة حياته وبقا ملياردير ودا خلا يبقا في لي أعداء اكتر من الاول
اما ساره ومالك ف هما في انتظار بيبي وهي بقت في ٧ وكل فتره بتروح تطمن ع زهره وتقول أخبارها لرحيم وبردو يومها مش بيمر الا لو اتخنقت مع سهيله
نيجي بقا ل ليث ويهدين عصفورين الحب اللي أيامهم وردي وحب وسعاده وهنا ومشاكسه ليث ليهدين ومعاكسته ليها ليل نهار بس طبعا الحياه مش كلها ايام حلوه
