رحيم : زهررررررررررررررره
زهره قطعت النفس ومش بترد ع حد وكل الشارع اتلم حتى عيله زهره كلهم ونقلوها ع المستشفى
رحيم داخل المستشفى وشايل زهره وبيزعق : حد يشوفلي دكتور
موظف الاستقبال : حضرتك دي محتاجه عمليه أملي الاستماره دي وطلعها
رحيم بزعيق : استماره اي وزفت اي المهم حياتها وبعدين انا مش ههرب منك انا رحيم المنياوي
الموظف اول ما سمع الاسم نقلها ع طول للعمليات
زهره دخلت اوضه العمليات ورحيم بره بيدعي انه ميخسرهاش من قلبه هو بجد حبها حتى لو مقلهاش بس كانت كل تصرفاته فضحاه قدامها كلامه معاها ورقته اللي مش بتظهر غير وهو معاها هي وبس
الدكتور خرج بعد ساعات طويله
رحيم جرا عليه وقال : خير يا دكتور
الدكتور بأسف : للأسف هي دلوقتي في العنايه المركزه احنا حاولنا نداوي جروحها بقدر الإمكان بس الحادثه كانت صعبه دراعها ورجليها اتكسروا وكان عندها نزيف واحنا الحمد لله قدرنا نسيطر ع الموقف بس هي قلبها وقف اكتر من مره ورجعنا بالكهربا فهي لو عدت ٢٤ ساعه الجايين ع خير نقدر نقول ساعتها انها عدت مرحله الخطر..... عن اذنكوا
رحيم وعيلتها راحوا وقفوا قدام اوضتها
والد زهره : يارب يارب اشفيها يارب احنا ملناش غيرها
مريم : يارب ان شاء الله هتبقا كويسه عندي امل في ربنا كبير
رحيم :ونعمه بالله
ساره فونها رن برقم مالك فردت
ساره بدموع : الو... مالك
_مال صوتك يا ساره فيكي اي
_زهره يا مالك زهره
_مالها زهره فيها اي
_عملت حادثه وحالتها وحشه اوووي يا مالك
_ياخبر ومش تقولولي كدا يا ساره
_مالك هي لسه خارجه من العمليات دلوقتي اقولك امتى بس
_طيب طيب اهدي انا كدا كدا خلصت الشغل هنا ف اسكندريه ونازل حالا
_ياريت يا مالك انا محتاجلك اووي
_متقلقيش يا روحي انا نازل مصر اهو
_مع السلامه
_باي
رحيم مكنش طايق جو المستشفى كان عاوز لايخرج منها او يدخل لزهره ومستحيل يدخلها وهي ف الحاله دي ف راح يقعد ع البحر
قعد قدام البحر وسرحان هو غلط كتير اووي في حياته عرف ستات بشعر راسه بس زهره عوضته عن كل الستات دي كان بيشرب ويسكر كل ليله بس من نظره واحده من زهره ليه بتعوضه عن ألف كاس حبها لأ عشقها بس كبرياءه منعه من انه يقولها ودلوقتي هو بيدفع التمن تمن السنين اللي غلطها في حق نفسه بيتعاقب عليها فيوم واحد بس يوم ولا الف سنه عنده وفجأه لقاه ايد ع كتفه وشخص بيقعد جنبه بصله ملقاش غيره هو صاحب عمره ليث
رحيم : ليث
ليث : ايوا ليث يا رحيم
رحيم : تعرف اني محتاجلك دلوقتي اوووي
ليث :مش اكتر مني يا صاحبي
رحيم : كنت جايلك يا ليث كنت عارف انك هتبقا هنا بعد اللي حصل ليهدين بس زهره عملت حادثه ونقلناها المستشفي
ليث : ياخبر لي
_كنت نازلك بأقصى سرعه عندي ونسيت فوني فوق وهي جرت ورايا عشان تديهولي ومأخدتش بالها من العربيه اللي كانت جنبها والعربيه دي للاسف خبطتها وجرت حتى اني معرفتش اخد رقمها
ليث :مانتاش ملاحظ حاجه
رحيم :اي هي
ليث : ان انا وانت مكتوب علينا ندوق المر سوا يوم ما حبيبتي يحصلها حاجه وانجرح علشانها حبيبتك انت كمان يحصلها حاجه وتزعل عليها وهو هو نفس اليوم اللي عدا من ٤ سنين فاكره يا صاحبي
رحيم بصله وقال : لا يا ليث مش فاكر ومش عايز افتكر
ليث : قصدك اي
رحيم حط ايده ع كتف ليث : قصدي اني مش عاوزه حاجه غير صاحب عمري انت يا ليث
_يعني هتنسي الماضي وتبدأ من جديد
_اه يا ليث هنسى الماضي وأبدأ من جديد مع كل الناس حتى زهره
_ ايوا كدا هو دا رحيم صاحبي اللي واحشني
واخدوا بعض بالحضن ورجعوا تاني المستشفى وليث دخل ليهدين لقاها قاعده لوحدها وبتعيط
ليث دخل وحط ايده ع وشها : ارجوكي متبعدنيش واحكيلي اي اللي غيرك مني كدا ارجوكي
يهدين بصتله وساكته مش بتتحرك
ليث : عشان خاطري احكيلي متسبينيش كدا
انا بحبك والله العظيم بحبك و احلفلك بأيه تاني
يهدين بتحاول تتكلم ومش قادره بس نطقت ايوه نطقت واول كلمه تنطق بيها هي : وانا كمان بحبك
ليث بصلها ومش مصدق انها اتكلمت
_ يهدين انتي بتتكلمي
يهدين ذات نفسها مش مصدقه انها نطقت ولا اتكلمت
_ايوا يا ليث انا بتكلم هههههه بتكلم يا ليث بتكلم زي اي حد يعني معتش عاجزه ااااااااه يا رب يارب الف حمد وشكر لك يارب
وراحت مسكت ايد ليث : ليث انت سامعني هههههه اقصد اني اتكلمت هههه اتكلمت يا ليث
ليث اخدها في حضنه : ايوا يا قلب وروح ليث بتتكلمي
يهدين بدموع : مبسوطه ان اول كلمه انطقها هي اني
بحبك بحبك اوووي
ليث بص في عيونها وقال : اومال اي اللي خالاكي تعملي في نفسك كدا
يهدين بصتله وقالت :يعني مش عارف
ليث : لا والله مش عارف
يهدين بدموع : انت ازاي تخبي عليا انك متجوز لا ومراتك حامل كمان
ياترى رد ليث هيبقا اي و هو فعلا متجوز ولا لأ ولو متجوز مين دي اللي اتجوزها
رأيكوا
| آية العراقي |
