رحيم خرج طلقه من المسدس
ليث :
رحيم :
ياترى اي اللي حصل والرصاصه اجت في مين
*******************************
في اوضه مالك
زهره : مالك لو سمحت بسرعه خايفه يعمل في نفسه حاجه او في ليث صاحبكوا
مالك : متقلقيش ان شاء الله خير
وسابهم وراح لرحيم
ساره : متقلقيش بإذن الله مش هيأذيه
زهره: صحيح انا معرفش طبع رحيم ويمكن يكون فيه كل العبر بس إلا القتل و خصوصا لو صاحب عمره ولا اي
ساره : انا معرفش رحيم بس بس هو لو الكلام اللي ليث قاله طلع صح ممكن ميشوفش قدامه ويقتله
زهره: يارب يارب ونبي نور بصيرته انا حاسه انه عمره ما هيأذي
***********************
عند رحيم
ضرب الطلقه فالسقف
ليث مستغرب ومش عارف رحيم ليه مقتولوش
رحيم فاللحظه اللي كان هيضرب فيها النار ع ليث اجت قدامه زهره وحظرته من اللي هيعمله وعدا عليه شريط صداقته مع ليث ومتجرأش انه يشوفه ميت
رحيم : انت فالأول والآخر صاحبي
ليث ضحك ع طيبه رحيم اللي عمره ما هيقدر يداريها قدامه : كنت عارف انك عمرك ما هتخيب ظني يا صاحبي
وفجأه صوت طلقه اجت من ورا رحيم بس مالك سيطر ع الموقف انه يبعد المسدس لأي اتجاه غير رحيم
ليث : انتي مجنونه انتي ازاي تعملي كدا
ميرا : خفت ليحصلك حاجه وبعدين انت المفروض تشكرني
ليث : اشكرك ع اي يا مجنونه انتي، انتي كنتي عايزه تقتلي صاحب عمري و عايزانى اشكرك
_ صاحب عمرك، صاحب عمرك اللي بتقول عليه دا كان هيقتلك وبمنتهي السهوله
_لا رحيم كان مستحيل يعمل كدا وبعدين انتي اي اللي دخلك بينا اصلا
_ مقدرتش اشوفك في الموقف دا ومساعدكش
رحيم : اسمعني يا ليث اللي حصل بنا دا اعتبره محصلش واعتبر انك عمرك ما شوفتني في حياتك اصلا
ليث : يعني اي يا رحيم
_يعني انت من طريق وانا من طريق
مالك : رحيم اسمعني لا انت ولا ليث ليكوا دعوه بالموضوع اللي غلطوا اتعاقبوا ولسه عقابهم عند ربنا كبير
رحيم بقهر : طب واللي اتظلم فالدنيا دي واللي سبيتني وراحت واللي اخدت حياتي وروحي معاها
مالك : دا قدرها يا رحيم وربنا هو اللي كان عاوز كدا نقوله لا أحمد ربنا ع اي حاجه يا رحيم
ليث : رحيم انا، انا موافق ع كل كلام مالك خلينا ننسى الماضي هنسي ابويا اللي مات وانت انسى امك وخالينا نعيش يا صاحبي
رحيم في باله : انسى انسى امي وروحي ودنيتي انسى ان امك هي السبب فالحصل لأمي لا يا ليث زي ما دوست ع قلبي بعد موت امي هدوس ع قلبي اني ابعد عن صاحب عمري
رحيم : انت تقدر تنسى ابوك انساه لكن انا عمري ما هنسي ان امك هي السبب في الحصل لأمي سلام يا.... يا صاحبي
ليث جرا عليه : رحيم.. رحيم استنى بص انا هنسي كل حاجه حصلت ونبدأ من جديد
رحيم بوجع : مش هقدر مش هقدر اعاملك زي اي حد يا ليث مش هقدر، إنساني انا كمان وأبدأ حياه ع نضافه من غير مشاكل ولا خيانه ولا القرف دا كله
