ليث :اي الهطل اللي بتقوليه دا
يهدين بعدت عن حضنه وقالت : دا مش هطل دي الحقيقه
_حقيقه اي بس مين اللي قالك الكلام الفارغ دا
_مش لازم تعرف المهم انك كذبت عليا وخلاص
_يهدين متخلنيش افقد اعصابي انا عمري ما كذبت عليكي واللي قالتلك كدا اكيد عرفت اني بحبك وعاوزه توقع بينا
_طب والبيبي اللي في بطنها وتحليل ال D. N. Eاللي وارتهولي واللي بيثبت انه ابنك انت
_مين اللي قالك الكلام دا
_مش لازم تعرف
_يهدين خرجي نفسك من الموضوع وقولي مين اللي قالك الكلام اللي زي زفت دا
يهدين باستسلام : ميرا هي اللي قالتلي دا قالتلي انكوا كنتوا مع بعض في دبي وانت طلبت تتجوزوا فالسر عشان مشكلتها مع باباها وسبتها اول ما عرفت انها حامل لأنك مش قد مسؤليه طفل وعيله دلوقتي وقالتلي كمان ان من اول يوم شوفتني وانت بعدت عنها عشان كدا اجت وقالتلي الحقيقه
ليث :ههههههههههه حقيقه ههههه
يهدين : انا مش عارفه انت بتضحك ع اي
ليث : ع سذاجتك
_انا ساذجه يا ليث
_ايوا صدقتيها من غير دليل
_والزفت التحليل دا مش دليل
_لا طبعا مش دليل
_امم واي الدليل بقا
_ان انا هجيبها لحد هنا وهسمعك الحقيقه بودنك
_اي
...................
في اوضه تانيه فالمستشفى
رحيم ماسك ايد زهره اللي لسه تحت تأثير البنج
متسبينيش يا زهرتي انا عارف اني معترفتلكيش بحبي ليكي ولا قولتلك كلمه حلوه قبل كدا وخليت اليوم اللي بتتمناه اي بنت وتعيش احلى ليله مع حبيبها خاليتها اوحش ليله ليكي بس قومي وانا اوعدك اني هحاول اسعدك بس اعذريني يا زهره انا مش قادر اثق في حد والدليل اني مع أول خناقه مع صاحب عمري سيبته لا انا كنت هقتله بس والله بحبك وهعترفلك بحبي بعد ما اتأكد اني مش بثق في حد غيرك بس قومي وارجعيلي تاني وحشني عيونك وصوتك وحشني شقوتك ودلعك وباسها من راسها وقال : بحبك
زهره كانت حاسه بيه وحاسه بلمست ايده وحاسه ب نفسه بس كانت بتقاوم عشان تفوق هي كمان رحيم كان وحشها اوووي بس مش قادره تفتح عينها
الباب خبط ودخل الدكتور:هاا المدام لسه مفقتش
رحيم : لا يا دكتور بقالها كتير نايمه
_متقلقش هي لسه تحت تأثير المخدر وبعدين خاليها نايمه جسمها محتاج للراحه واللي انا متأكد انها لو قامت مش هتلاقيها... عن اذنك
رحيم باصلها وقعد جنبها تاني وسند جبينه ع ايديها وراح فالنوم هو منمش من ساعه الحادثه ومحتاج يحس بقربها ع اقل
............
عند ساره ومريم ومحمد كانوا قاعدين بره وفجأه لاقوا مالك
ساره جرت عليه وتعلقت برقبته وعيطت
_اهدي يا سو انا جانبك
_زهره يا مالك زهره انا خايفه عليها اووي دي لسه مفاقتش
_متقلقيش يا حبيبتي ان شاء الله هتبقا بخير
خرجها من حضنه وباسها من جبينها وراح لمحمد ومريم وباس ايديهم وقال: ان شاء الله هتبقا كويسه متقلقوش
_يارب
..............
ليث : الو
ميرا بفرحه : الو ازيك يا ليث
_انا كويس الحمد لله، ميرا انا محتاجلك اووي
ميرا: اي يا ليث مالك فيك اي
ليث : انا لما سيبتك عملت حادثه وانا حاليا فالمستشفي
ميرا بخوف : اي مستشفى اي
ليث :انا في مستشفى ****
ميرا : طيب انا جيالك حالا
ليث : مستنيكي
ليث قفل مع ميرا وبص ليهدين :لو اثبتلك الحقيقه هتعملي اي
_هعمل اي حاجه هتطلبها مني
_وعد
_وعد
_هنشوف
عدا دقايق وميرا راحت جري ل ليث
ميرا فتحت باب ودخلت قاعده جنبه ومسكت ايده
ليث اي اللي حصلك
_متقلقيش انا عملت حادثه بسيطه كدا رجلي بس هي اللي اتأذت بس
_طب الحمد لله انها حاجه بسيطه
_ميرا كنت عاوز اخد رأيك في حاجه
_اي يا ليث
_اي رأيك في يهدين
ميرا بغضب : لي بتسأل عن رأي فيها يعني
ليث بخبث:قولي بس
ميرا بتنهيده : حلوه
ليث : هاا حلوه بس
ميرا : انت عاوز اي بالظبط
ليث : عاوز رأيك في يهدين
ميرا : وانا قولتلك حلوه
ليث بابتسامه : يعني أتقدم ليها
_ اي
قالتها ميرا وهي مش مصدقه انه ممكن يكون إعجابه ليها ممكن يخليه يتقدم لها هي متعرفش انه اتخطى مرحله الإعجاب دي من زمان وهو دلوقتي بيعشقها بس الانسان الاناني مش بيحب يسيب حاجه دخلت دماغه
ليث : هو اي اللي اي بقولك هتقدملها يعني هتجوزها
ميرا : بس يا ليث دي مش بتتكلم ولا بتسمع هتتجوزها ازاي بقا
ليث وهو قرر مش يقولها ع انها اتكلمت : ايوا بس انا بعشقها
"بعشقها"
كلمه كانت ميرا نفسها تسمعها منه هي فعلا سمعتها منه بس ع واحده تانيه واحده هو فعلا عشقها من اول ما عيونه جت في عيونها حبها قبل ما يعرف انها مش بتتكلم حبها ولو في كلمه اكتر من عشقها كان وصف بيها حاله حبها حب "من النظره الأولى" حب بيدخل القلب قبل ما يدرسه العقل.
