رحيم : زي ما سمعت يا مالك مش بحب أكرر كلامي
مالك: وهي هتوافق
رحيم بصله وقلع التيشيرت وفضل بالشورت بس
قاصدك اي
مالك : اقصد انها ممكن ترفض
رحيم وهو بيلعب ضغط : ممم وبعدين
مالك : اي اللي وبعدين ساعتها انت هتعمل اي
رحيم قام وقف وراح لمالك وقرب من ودنه : هكسر عضمها
مالك : نعم
رحيم وراح ع سريره عشان ينام : زي ما سمعت المهم انها لازم تكون عايشه عشان اتجوزها
مالك : طب افرض انها وافقت
رحيم بابتسامه : وهو دا اللي هيحصل لأنها لو رفضت يبقا اكيد في حد ف حياتها وهي الصراحه دخلت دماغي وهتبقا بتاعتي يعني بتاعتي فهمت
مالك : اه فهمت
رحيم : طب يلا بره عشان بكره هبقاا معاك من الصبح
مالك : طيب تصبح ع خير
رحيم بعد ما مالك خرج : اكيد خير طالما هشوف زهره
*************************************
عند سهيله
سهيله : يعني انا ابني اللي طلعت بيه من الدنيا يتجوز بنت لا راحت ولا جت ماشي يا رحيم اما وريتك مبقاش انا سهيله
أسر : سهيله اتهدي ونامي انا كدا كدا مظبطلوه مفاجأه هتطلع من ودانه
سهيله : بجد يا أسر اي هي
أسر : مستعجله ع اي هتشوفي بكره
سهيله : مممم مش برتاح لألعيبك دي
أسر : لا المره دي متظبطه بالمللي
سهيله :ربنا يستر
تاني يوم في قصر المنياوي
ناس رايحه وناس جايه وبيظبطوا لحفله خطوبه ساره ومالك
مالك : يا ام سيد انتي يا ام سيد
ام سيد بخوف : اوامرك يا مالك بيه
مالك : ظبطي الدنيا في المطبخ انا مش عاوز غلطه
_ متقلقش يابيه كله تمم
_ خلاص روحي اشرفي ع الطباخين وتاكدي من كل حاجه بيعملوها
_ حاضر يا بيه
رحيم وهو نازل من ع السلم
_ عمري في حياتي ما شوفت عريس هو اللي بيشرف ع حفله خطوبته روح يابني ظبط نفسك وشعرك عروستك في طريق
_ لسه يا سيدى بدري وبعدين مانا قمرر اهو
_ ممم قمر فعلا
مالك بص لرحيم من فوق لتحت : قمر اي بس اومال انت تبقا اي دا انت غلبت البنات
رحيم بكبرياء: طبعا يا بني
( رحيم كان لابس تيشرت ابيض نص كم وعليه بنطلون رياضي زيتي وكوتشي ابيض)
وهما واقفين كدا دخلوا عيله ساره كلهم
محمد : سلام عليكم
رحيم وهو بيسلم عليه : وعليكم السلام
مالك : اهلا اهلا البيت نور
مريم : دا بنورك يا حبيبي
مالك : تسلمي يا قمرر... ازيك يا ساره
ساره : كويسه وانت
مالك : بقيت كويس لما شوفتك
رحيم وهو بيدور ع زهره : اومال فين زهره
محمد بص وراه ملقهاش بس افتكر حاجه : دي اكيد بتجيب شنطهم من العربيه
رحيم : طب اتفضلوا اطلعوا ع اوضه اللي فوق دي ونا هروحلها
رحيم مدلهوش فرصه انه يرد وراح لقاها مش قادره ترفع الشنط
رحيم : انتي بتعملي اي كدا
زهره : اي يا اخي خضتني
رحيم بصلها وبص في عيونها وضحك وهي أول مره تشوفه بيضحك وتاهت في جمال ضحكته وهو قرب منها ومن وشها وفضلوا يبصوا ف عيون بعض
زهره : انت بتضحك ع اي
رحيم : اي اللي انتي لابساه دا
زهره بصت للبسها وتكلمت ببراءه : سلوبته
رحيم : مممم مش كبرتي عليها دي
زهره : لا وبعدين انت عارف انا عندي كام سنه
رحيم : اه
زهره يتعجب : عارف منين
رحيم: انا عارف عنك كل حاجه
_ يا سلام وياتري عارف عني اي بقاا
_ اسمعي يا ستي... الاسم زهره محمد الرفاعي،المهنه : دكتوره أمراض نسا، بتحبي اللون الأحمر، وبتحبي البيتزا مع البيبسي، وطبعا عندك ٢١ سنه
_ الله يخربيتك انت عارف حاجات انا معرفهاش
رحيم مسك خدودها : مش للدرجه دي انا معرفش غير الحاجات اللي قولتلك عليها بس
_ ممكن تنزل ايدك بابا جوه
_ وهو انا هخاف
_ مهو انا اللي هتهزق
_ محدش يقدر يقولك كلمه وحشه طول ماانا معاكي
_ يعني ممكن تتهزق عشان
_ ولي لا
وقرب منها اوووي ومكنش في بينهم غير سنتيمترات بسيطه وهي غمضت عنيها ومكنتش عايزه تبعده
_ رحيم بيه
قالها جاسر الدراع اليمين لرحيم
رحيم لفله : نعم
_ انا اسف بس جالك الظرف دا مع واحد ومشى بسرعه البرق
_ مقلكش من مين
_ لا يا رحيم بيه
_ طيب روح انت
_ تمم يا بيه
رحيم لف لقاه زهره بتجري ع الأوضه اللي قال عليها لمحمد فضحك وبص للظرف تاني وفتحه
"انت اللي جنيت ع نفسك يا بن المنياوي ومتزعلش لما تخسر حد بتحبه"
طبعا رحيم مهتمش للموضوع لانه مش بتلوي دراعه بس قلبه اتقبض فجأه بس مهتمش ودخل عشان يحضر نفسه للحفله
