الحلقة الرابعة
#شغفي_انت
وجهة نظر ايمن :-
ايمن ناض الصبح بنشاط و بداية يوم جديد حب يدرق على حزنه بإنشغاله في غيداء و قصتها بس خالته رح تقعد غصة في حياته مش رح ينساها مايندريش ايمن انه غصاته مع الوقت بتكبر .
ايمن مثأثر بالفرنسيس لدرجة صبحه ماشي بطريقة غريبة بالنسبة للناس يلي قاعدين معاه في الحوش و هو يشرب في قهوته في الجنان جوه صغار خوه وائل توأم أوس و أويس
اويس :- موني يا شي عيوني
ايمن :- أوس استاحشتكم يا مفاعيص
اويس :- هداكا أوس يا موني هدا غير تميز و تعرفنا
كان فرحته بصغار خوه غير لانه نسخة منه لما كان صغير لما يشوفلهم يتخايل في صغاره و كيف أنه ضروري ما يفكر يستقر
ايمن :- وين رتال اختكم مستاحشها
اويس :- قاعدة الداخل مع اميمة توا تطلع
بعد الرد هدا صغار خوه يحكو و هو مش معاهم يفكر في شن صاير في خيري صاحبه في فرنسا و انه صعب يكون في موقعين و يختار كل شي بروحه
ايمن طلع من الحوش يشوف في صحاب قدم و ناس ليه عليهم فترة بالذات صحاب الطفولة يلي نصهم لحقوه لفرنسا بس روحو و تزوجو و دارو عيلة و معاش عندهم وقت للصياعة
مشي لصاحبه وسام لانه ماعنداشي الروح معاه و كأنه خوه
ايمن :- ويسو يا حمار ليك وحشة للزب
وسام :- والله حتى انت يا بغل ، عظم الله اجركم سامحني امس صارتلي حالة وفاة و ماجيتش لكن الأيام يلي قبلها نجي
ايمن :- عارف اني قصقصت توا كان هدا نجي و نكلمك
و بدو يفتحو في مواضيع قدم وتعرفو الولاد لما يتلاقو دوشتهم اكثر من البنات و تلاقى مع باقي القروب .
وجهة نظر غيداء :-
نايضة من الساعة خمسة الفجر تهتم بنفسها مش من عوايدها تفاهتهم بنفسها بالطريقة هادي بس غيداء كانت ادير في هدا كله لأيمن و هي مش عارفة عليه شي في بالها يمكن يطلع حتى واحد مش كويس و يبي يضرها و مش خايف عليها
ماجي وقت مدرستها الا و هي واتية تقول عروسة طبعا من غير ميك لانها قررت تمشي عند احلام و تبدل و تطلع لانها معاش بتخاف من حد في الحوش هدا
تليفون غيداء يشرين
احلام :- اطلعني اني برا هي
غيداء طلعت احلام كانت مصدومة فيها الوجه ضاوي و العيون سعيدات و نفسيتها متغيرة فرحت و تضايقت احلام في نفس الوقت لانه في غيرة من ناحية غيداء
غيداء :- صباح الخير حلومة
احلام :- صباحو
احلام ماقدرتش تشد نفسها على موضوع ايمن
احلام :- احكيلي عليه أرجوك نبي نعرف من يلي خلاك تتغيري لهالدرجة
غيداء تضحك :- قاعدة مانعرف عليه شي لكن نبيه
احلام :- من أما ناحية يعني كيف
غيداء ؛- شهوة بس
في خاطرها توا اني نعرف شهوة تي ماركزتش فيه
احلام :- بتطلعي معاه اليوم دلعيه من فوق لفوق
غيداء :- ايه أكيد ماتوصيش
بينها و بين نفسها ايه ماهو كل يوم سادتها مع واحد كيف بندير
