الحلقة 10
#شغفي_انت
وجهة نظر غيداء :-
غيداء كانت طول اليوم هادية و طيبت الغدي بمأنه انها في العيادة و عندها حالات بس بوها شوية و بيروح و هي عقلها مع ايمن و كيف تقنع بوها انه تمشي تقرا مع احلام
فتحي :- وين امك و آلاء
غيداء :- ماما في العيادة و آلاء في دارها
فتحي :- امتحاناتك قريب عاد
و هو ياكل و يستنى فيها شن بتقوله
غيداء :- ايه مازال أسبوع
غيداء قعدت اضم في الكوجينة و بوها على الطاولة ياكل خايفة تفتح موضوع القراية مع احلام بس فكرت في ايمن و ابتسامته و عيونه و صوته و جسمه و كلامه مات الخوف
غيداء :- بابا نبي نمشي غدوا لأحلام بنقرا اني وياها
فتحي :- و علاش ماتجيش هي تقرا عندك ؟
غيداء :- لانه كل ديمة هي تجيني و اني مانمشيلهاش هلبا
فتحي :- تعرفيني جو حياش الصاحبات مانحباشي اني
غيداء في خاطرها تي انت شن تحب و من تحب اصلا
غيداء :- والله مستاحشتها و نبيها تفهمني هلبا حاجات .
فتحي :- باهي ساعتين و بنجي نروح بيك اني فهمتي ، و نشم عليك حاجة تشوفي أهو قلتلك
غيداء :- حاضر
غيداء كانت بطير من الفرحة انها بتشوف ايمن يلي اسمه لما تقوله بينها و بين نفسها الدنيا كلها توقف قررت اول شي أديره تكلم ايمن و تقوله انه صاير غدوا بس ماتقدرش تطلع معاه و بيجيها في حوش احلام بعد الحاح منها باش يوافق على حوش احلام
غيداء اول شيء خطر في بالها كيف بتشوف ايمن و شن بتلبس و اكثر شيء الاندروير كيف حيكون هي ماعندهاش حاجات مغرية بس احلام تشري في الحاجات هادي بكثرة تتوقع تلقا عندها حاجة تمشي معاها .
قررت ترقد بكري باش تنوض بكري و اضم حاجتها و تطلع قبل ماتروح الحربة آلاء
وجهة نظر ايمن :-
استاحشتها مكالمة اليوم ريحتني بس خلتني على نار في نفس الوقت قدرت تحكيلي حاجات خاصة عليها ماتوقعتهاش تجاوب على اسئلتي
ايمن مسكين يحسابه غيداء حتحكيله حاجة بس العكس كذبها حيزيد ايمن خش لداره و هو تعبان يوم شاق بس غيداء خلاته ينسى كل شيء بالرغم من هدا كله قاعد يخدم من ليبيا بالابتوب متاعه لانه شريكه خيري شبه تعب بروحه
يوم جديد لغيداء و ايمن الاثنين في قمة السعادة انهم بيشوفو بعض
غيداء من سعادتها مش معدلة على حد في الحوش و كل تفكيرها كان ايمن
ايمن نايض بكري و تفكيره كله غيداء و لقاءهم اليوم مايبي حد يكلمه لدرجة سكر فونه لين يقرب موعده هو و غيداء .
اما غيداء وصلت لحوش احلام و هي حايسة تبي توتي روحها بسرعة لانه قريب تكلم ايمن و يجي
