الحلقة 19
#شغفي_انت
وجهة نظر غيداء :-
غيداء كانت تساير في الناس الموجودة و مخاطرها في حد الا تكلم ايمن ، قعدت تشوف لأختها بنظرات مش مفهومة مليانة كراهية و حقد و غيره و حزن و في نفس الوقت مش هاين عليها اختها مانعرف شي و لا تقدر تلوم ايمن لأنه مايعرف شيء و لانها هي يلي رفضاته بعد ما حاول معاها .
الاء :- شن رأيك عجبك ايمن ؟
غيداء كان خاطرها تقول عاجبني من اول يوم و اول لحظة و اول تانية شفته فيها اول مرة شفته فيها واساني و خاف عليا من اول يوم كان قلبه عليا من اول يوم كان ملكي عيونه و صوته و قلبه و كل شيء يخص ايمن ليها .
غيداء :- ايه ماشاءالله عليه .
الاء :- خيرك زعلانة انتي اليوم نحس فيك تعبانة
غيداء :- اووو امتا تعدلي عليا تعبانة و لا حالي كويس
الاء :- خيرك تدوي هكي مش حنعكر مزاجي بسببك
بعد ما تم البيان و كلهم روحو قعدت بسمة بنت عمها و باقي العيلة روحو غيداء كانت تعبانة معاش تشوف في شيء خلت امها و بسمة يديرو في الحوسة و هي خشت لدارها توتي في حوايجها بدوش .
اما الاء كانت فرحانة واقفة على المرايا و تتأمل لي نفسها و تشوف في الحاجات يلي جابهملها ايمن و هو العكس تماما ام ايمن جابتهم و اختارتهم بس الاء كانت حائرة خيره ايمن ما كلمهاش لتوا بس صبرت نفسها بحكم انهم كيف متعرفين على بعض بس هي حاسة انه ايمن مخاطراشي فيها .
ايمن لما رجعو اماليه الحوش دارو عليه دورة و يحكوله عليها قداش ما طالعة حلوة و أكيد لما شافها عجباته و ماسكتوش ايمن كان مضايق من كلامهم و من قداش ما يحكو على الاء بس يلي قالاته انه صدمه
سعاد :- اختها هادي الصغيرة اللي اسمها غيداء ما خشتليش راس حسيتها مش اجتماعية و مسمومة و مش مزبوطة حركاتها
ايناس :- لا يا ماما حرام عليك البنت على حالها انتي مش حابتيها من يوم ما مشينا نخطبو فيها
ايمن :- أنتم مالكم و مال اختها و خيركم عليها البنت مش حرام عليك يا ماما تدوي على بنات الناس هدا انتي علمتيني انه ما ندوي على حد .
ايمن ماتحملش كلامهم و لا كلام أمه على غيداء مايبي حد يوصل فيها يشوف فيها أحسن شيء في الدنيا بالدات كيف عطاته الثقة هادي كلها ، ايمن كان يستنى في الوقت المناسب باش يكلم غيداء بعتلها مسج
ايمن :- حبيبي غيداء نكلمك ؟
غيداء :- شوية بس كيف طالعة من الدوش .
ايمن من اول ما قالتلها كيف طالعة من الدوش ادكر يلي صار بيناتهم و تفاصيل جسمها و قداش ما هي مأثرة عليه و مخلياته زي المراهق غيداء عطاته أغلى ماعندها و هو مش ناوي يفرط فيها او في اَي شيء يخصها بس كان حاير كيف بيفوت الاء و بينهي موضوعها لانه مش ساهل .
