الحلقة 17
#شغفي_انت
غيداء مشت تجري لدارها و الحوش كله حايس و كل واحد لاهي مازال اصلا ماتعشوش بس ايمن جي بكري و روح بكري غيداء خشت دارها تبكي و تخبط و متهسترة و تعيط و تقول " علاش يا ربي بس " و هي منهارة
اما ايمن ركب سيارته و شد فونه و كلم غيداء و هو ناااار داخله بيهبل مش عارف شن صاير حس انه انضحك على يعني اماليها مش متوفيين يعني كل شيء كدب يعني مافيش حاجة صح كانت معاها يعني كانت تتسلى بيه
شرين فون غيداء و هي تبكي كانت متوقعة اتصاله زادت تبكي مجرد ما انه عرف بكدبتها كلمها بيهزبها
ايمن :- اطلعيلي دبري توا نبيك قدامي اني بنهبل بنخشط في يحط شن صاير قوليلي كيف ؟ انتي مني اني مانعرفكش اني اصلا ماعرفتكش ، غيداء بالله عليك قوليلي انها مش اختك ، حبيبتي تكلمي قوليلي انه لا خلاص اني معاش فاهم اني مدمر .
غيداء تبكي و تشهق و ساكتة و ايمن كان يصيح
ايمن :- اطلعيلي نجيك اني ديريلي نبي نفهم شن صاير ارجوك بنفهم نبيك تفهمي زك أمي
غيداء :- اهدا ايمن بالله عليك اهدا توا نفهمك بس صعب نطلع ولا تخشلي
ايمن :- اني مش مروح لين نفهم شن صاير
غيداء :- تمام بس اهدا توا نصارحك بكل شيء .
ايمن كان يفكر في طريقة كيف يخش قدام الحوش مافي حد كلهم الداخل .
أما غيداء لفتهم لاهيين يهدرزو و يتعشو طلعت فم بابا الحوش مافي حد لقت سيارة ايمن كلماته في الفون
غيداء :- خش قبل ما يشوفنا حد
و خششاته من باب الحوش يلي مِن التالي يلي يطل على دروج و يرفع للدور الثاني ايمن ساكت ولا كلمة لين ركبو دارها سكرت عليهم بالمفتاح و شبحتله
غيداء :- ولا كلمة خليني اني بس نتكلم
غيداء :- بابا و ماما توفو في حادث كان عمري ثلاثة سنين عيلة ماما و بابا كانو على قد حالهم فقررو يحطونا في دار أيتام فرطو فيا على خاطر مش قادرين يصرفو عليا نسو انه اني منهم و فيهم و لحهم و دمهم بعد شهور ماما فاطمة تبنتني لانها تحب الصغار و ربي ماسخرلهاش الا بآلاء و احمد ، بس الاء كانت ماتحبنيش و قاعدة ماتحبنيش و بابا واعر و شاد عليا و حرمني من القراية من جرة الاء اني المفروض جامعة بس من كلامها عليا بابا حرمني و مافي حد في العيلة عنده عليا ، كيف تبيني نقولك هدا كله كيف كيف تبيني نصارحك بحاجات يمكن تقتلني لو قلتها لحد ، ايمن اني نحبك تمام نحبك انت أحسن حاجة صارتلي بعد 16 سنة انت موني شيء عيوني يلي نشوف بيهم ، حنيتك عليا قتلتني يا ايمن خلتني نحب نفسي و الحياة من اول و جديد انت احلى حاجة صارتلي و أحسن حاجة و اكثر حاجة نحبها في الدنيا هادي ايمن افهمني نحبك ، عارفة انت مصدوم بس هادي الحقيقة هادي الحياة
