Play For You (Gawong Story GxG) COMPLETED

Chapter 21: Changes

Jema POV

Sinubukan ko munang ayusin ang sarili at mag-aliw aliw bago tuluyang umuwi sa bahay nina Deanna. Pakiramdam ko kasi, hindi parin ako nakakahinga sa naging pag-uusap namin ni Celine kanina.

Aywan ko rin ba. Inaamin kong nasasaktan ako para kay kanya, she's my best friend and I don't want her to get hurt. Pero hindi ko naman yata inaasahan na isa ako sa mga taong makakasakit sa kanya at i-rereject ito. Can you blame me? Nagpapakatotoo lang ako sa kanya, sa paparaang alam ko lamang kami mas magtatagal. At sa paraang iyon lamang namin mas maaalagaan at mapoprotektahan ang feelings ng isa't isa.

I love her, but only as a best friend. Nothing more, nothing less. Hindi ko kayang ibigay sa kanya ang bagay na ibinigay ko na kay Deanna.  Dahil kung si Deanna ang aking masasaktan, hindi lamang ako madudurog kapag nagkataon. Buong buhay at pagkatao ko, kamumuhian ko.

Pagdating ko sa bahay ay patay na ang lahat ng mga ilaw. Ibig sabihin lamang noon ay tulog na si Aling Lucy. Lihim na umaasa naman ako sa aking sarili na sana ay tulog na rin si Deanna, dahil hindi pa ako handa sa ano mang katanungan nito para sa akin. I mean, sasabihin ko naman ang tungkol kay Celine pero mas maigi na ipagpabukas ko na upang makapag pahinga rin ito ng mas maaga.

Nang tuluyan na akong makapasok sa kuwarto ay hindi nga ako nagkamali. Mahimbing ng natutulog si Deanna sa ibabaw ng aming kama habang mayroon naman na mahihinang paghilik akong naririnig mula sa naka awang nitong labi. Hindi ko maipaliwang pero, dismayado yata ako noong sandaling makita ko ito.

"Hindi man lang talaga ako hinintay na maka-uwi." Parang nagtatampo pa na bulong ko sa aking sarili. Pero iyon naman ang gusto mong mangyari, diba? Paalala ni inner self.

Hindi na bale, bukas naman eh magkaka-usap na kami. Lumapit ako rito bago hinaplos ang makinis nitong pisnge. Hindi ko maiwasang hindi mapa ngiti habang nakatitig sa maganda nitong mukha, bago yumuko para bigyan ito ng isang halik sa kanyang labi. At pagkatapos ay dinampihan din ito ng halik sa kanyang noo.

"Good night, mahal ko." Wika ko kahit naman na hindi na ako nito naririnig. "I'll talk to you tomorrow, okay?"

Ilang sandali lamang ay bumaba akong muli para magtungo sa banyo upang makapaglinis ng aking katawan. Hindi iyon nagtagal, nang umakyat na rin akong muli at sumampa sa kama pagkatapos. Mahigpit na niyakap ko si Deanna ng aking mga bisig habang inaamoy ang mabango nitong damit. Hanggang sa hindi ko rin namalayan na unti-unti na akong nakatulog.

-----

Kinabukasan, nagising ako ng wala na si Deanna sa aking tabi. Kagat labi na kaagad akong napabangon sa kama, tiyak na nag-aasikaso na iyon ng agahan. O kung hindi naman, baka may kung anong pakulo na naman iyon na naiisip kagaya noong unang araw na maging kami.

Kulang na lang eh lumipad ako para lamang makababa kaagad at makita si Deanna. Hinihingal ako ng makarating sa kusina habang naaamoy ang mabangong agahan na niluluto nito. Halos mapunit na ang aking labi dahil sa lawak ng aking mga ngiti at excitement.

"Good morning maha--" Kaagad akong natigilan nang mapansin na hindi si Deanna ang nagluluto ngayon sa aking harapan kung hindi si Aling Lucy.

Kunot noo ako na napatingin sa buong paligid para hanapin ang babaeng inaasam kong makita sa umaga, ngunit wala at nabigo ako.

Napalingon sa aking direksyon si Aling Lucy. "Oh Jema, gising kana pala." Wika nito. "Halina at saluhan mo'ko sa pagkain ng agahan." Pag-aya pa nito.

Nahihiyang napakamot ako sa aking batok, bago lumapit rito at na upo na rin sa isang silya na bakante sa kanyang harapan. "S-si Deanna ho?" Biglang pagtanong ko rito habang naglalagay ng hotdog sa aking pinggan.